Բարի դինոզավրը
Բարի դինոզավր, ամերիկյան «Pixar» ստուդիայի համակարգչա-անիմացիոն ֆիլմը։ Պրեմիերան կայացել է 2015 թվականի նոյեմբերի 25-ին։ Ռեժիսորը Փիթեր Սոնն է, ով նախկինում աշխատել է «Փոփոխական ամպամածություն» մուլտֆիլմի վրա[12]։
Սյուժե խմբագրել
Այլընտրանքային պատմության մեջ աստերոիդի ընկնելը Երկրի վրա այդպես էլ չի իրականանում, ինչը պահպանում է դինոզավրներին մահից։ Հետագա էվոլյուցիայի արդյունքում նրանք սովորում են խոսել և գյուղատնտեսության հիմքերը։ Հենրի և Իդա դինոզավրների ընտանիքում լույս աշխարհ են գալիս ժառանգներ՝ Լիբբին, Բակը և Արլոն։ Ի տարբերություն իր քրոջ և եղբոր, որոնք արդեն գտել են իրենց կոչումն ու իրավունք են ձեռք բերել թողնել իրենց թաթի հետքը սիլոսի աշտարակի վրա, որտեղ պահպանվում է ամբողջ ուտելիքը, վերջինս դժվարությամբ է հարմարվում շրջակա աշխարհին, որից բավական վախենում է։
Որպեսզի օգնի իր որդուն, Հենրին նրան հանձնարարություն է տալիս՝ բռնել վնասատուներին, ովքեր գողանում են աշտարակի ուտելիքի պահուստները։ Շուտով թակարդն է ընկնում փոքրիկ քարանձավաբնակ մարդ, ում Արլոն չի ցանկանում սպանել և բաց է թողնում։ Հենրին գոհ չէ այդ որոշումից։ Որդու հետ նա սկսում է հետևել գողին։ Այդ հետապնդման պատճառով Արլոն վնասում է ոտքը, իսկ հետդարձի ճանապարհին նրանք հայտնվում են փոթորկի մեջ, որին հաջորդում է ջրհեղեղը։ Հենրին փրկում է որդուն, սակայն զոհվում է ինքը։
Արլոն մինչև առաջին ձյունը փորձում է օգնել իր մորը սերմերի հավաքման հարցում։ Շուտով կերաբեռնվածքի մեջ նա նորից գտնում է քարանձավաբնակ մարդուն և ցանկանալով վրեժխնդիր լինել հոր մահվան համար՝ սկսում է հետապնդել նրան մինչև գետը, որտեղ գլխով հարվածում է քարին և կորցնում գիտակցությունը։ Արթնանալով, նա նկատում է, որ գետի հոսքը տնից շատ է հեռացրել։ Շրջակա աշխարհը բացարձակ ընկերասեր չէ, և, միայն քարանձավաբնակ մարդու շնորհիվ է նա կարողանում ողջ մնալ։ Շուտով նրանք հանդիպում են ստիրակոզավրի, ով տպավորված է մարդու ուժով և ցանկանում է նրա վերցնել իր սեփական կենդանիների խմբի մեջ, ովքեր ակտիվորեն օգնում են իրեն։
Արլոյի հետ միասին նրանք փորձում են անուն որոշել մարդուկի համար, սակայն նա արձագանքում է միայն «Ընկեր» անվանը, որը նրա համար մտածել էր ավելի երիտասարդ դինոզավր։ Հետագա ճանապարհորդության ժամանակ Արլոն նշանների միջոցով Ընկերոջը պատմում է իր սեփական կորցրած ընտանիքի մասին, որից հետո պարզվում է, որ նրա ճակատագիրն էլ է այդպիսին։ Հաջորդ օրը հսկա փոթորիկը ամայացնում է երկիրը, իսկ Արլոն, հիշելով հոր մահը, վախից փախչում է։ Հաջորդ առավոտյան նա փնտրում և գտնում է Ընկերոջը, որից հետո նրանք հանդիպում են թռչող պտերանոդոնների, ում խնդրում են ցույց տալ Երեք Ճանկերի լեռան մոտ տանող ճանապարհը (որտեղ ապրում էր Արլոյի ընտանիքը)։
Խմբի գլխավորը՝ նիկտոզավր Կայծակակտուցին, համաձայնում է ուղեկցել Արլոյին, սակայն հետագայում պարզվում է սարսափելի ճշմարտությունը․ այդ դինոզավրերը հանդիսանում են գիշատիչներ, ովքեր սնվում են փոթորկից վնասված կենդանիներով։ Ավելի ուշ Կայածակակտուցը հայտնաբերում է Ընկերոջը, որի պատճառով Արլոն և նա փախչում են անտառից։ Նրանց օգնում են երկու տիրանոզավրեր՝ Նեշը և Ռամզին, ովքեր նրանց տանում իրենց հայր՝ Բուրի մոտ։ Վերջինս թողնում է նրանց միանալ իրենց խմբին, միայն մեկ պայմանով․ գտնել կորած խմբին։
Իր հոտառությամբ Ընկերը կարողանում է գտնել խմբին, որը Բուբբիի գլխավորությամբ վելոցիրապտորների խմբի կողմից աքսորվել էր։ Բուրի հանձնարարականով Արլոն վելոցիրապտորներին թակարդն է գցում, որի արդյունքում հաջողվում է նրանց արտաքսել։ Դրանից հետո նա օգնում է քշել անասուններին և հեռանում է տիրանոզավրների մոտից, իսկ հետո Ընկերոջ հետ գնում է իր տան ուղղությամբ։ Ճանապարհին նրանք նկատում են քարանձավային մարդու, սակայն արհամարհում են նրան ու նոր փոթորիկ է սկսվում։
Ընկերների վրա հարձակվում է Կայծակակտուցի խումբը, որոնց հաջողվում է առևանգել Ընկերոջը։ Արլոն խճճվում է որթատունկերի մեջ, որտեղ տեսնում է իր հոր հոգուն, ով կանչում է վերադառնալ տուն։ Սակայն ընկերական զգացմունքները մարդու նկատմամբ ստիպում են նրան գնալ նրան օգնության, ինչը Հենրիի մոտ հպարտություն է առաջացնում։ Գետի մոտ հայտնաբերելով նիկտոզավրներին, Արլոյին և Ընկերոջը հաջողվում է նրանց գցել ջուրը, որտեղ նրանք (այսինքն նիկտոզավրները) չեն կարողանում ոչինչ անել։ Այնուհետև սկսվում է սողանք, և նրանց գետի հոսքը տանում է, որի ժամանակ դինոզավրն օգնում է մարդուն ողջ մնալ։
Տուն վերադառնալով՝ Արլոն և Ընկերը լսում են քարանձավաբնակ ընտանիքի կանչը, որը հետո հայտնվում է բլրի վրա։ Դինոզավրն իր կամքին հակառակ թողնում է նրան միանալ այդ ընտանիքին։ Ֆիլմն ավարտվում է Արլոյի տուն հասնելով և նրանով, թե ինչպես է Արլոն իրավունք ստանում իր հետքը թողնել սննդային աշտարակի վրա՝ հոր և մոր հետքերի կողքին։
Ստեղծում խմբագրել
Սաունդթրեք խմբագրել
Ֆիլմի համար երաժշտությունը գրվել է Մայքլ և Ջեֆ Դաննաների կողմից, և դարձել է նրանց ու «Pixar»-ի առաջին համագործակցությունը։ «Walt Disney Records»-ը սաունդթրեքը թողարկել է 2015 թվականի նոյեմբերի 20-ին[13]։
- Ստեղծագործությունների ցանկ
Բոլոր երգերը գրվել են Ջեֆ և Մայքլ Դաննաների կողմից։
# | Անվանում | Տևողություն | |||||||
---|---|---|---|---|---|---|---|---|---|
1. | «Homestead» | 2:11 | |||||||
2. | «Hello Arlo» | 2:49 | |||||||
3. | «Chores» | 0:55 | |||||||
4. | «Make Your Mark» | 2:07 | |||||||
5. | «Fireflies» | 2:16 | |||||||
6. | «Critter Problem» | 1:04 | |||||||
7. | «You're Me and More» | 3:05 | |||||||
8. | «Family Struggle» | 1:23 | |||||||
9. | «Swept Away» | 1:33 | |||||||
10. | «Mountain Top» | 0:51 | |||||||
11. | «Lost in the World» | 3:35 | |||||||
12. | «Offerings» | 1:32 | |||||||
13. | «Unexpected Friend» | 2:56 | |||||||
14. | «Pet Collector» | 2:24 | |||||||
15. | «Swimming Lessons» | 2:29 | |||||||
16. | «Orphans» | 4:39 | |||||||
17. | «The Storm» | 1:17 | |||||||
18. | «I'm Never Getting Home» | 0:44 | |||||||
19. | «Storm Chasers» | 1:22 | |||||||
20. | «Bloodhound» | 1:37 | |||||||
21. | «Fight Them Rustlers» | 1:46 | |||||||
22. | «Run With the Herd» | 3:51 | |||||||
23. | «Returned Call» | 1:25 | |||||||
24. | «Sky Sharks» | 1:46 | |||||||
25. | «Arlo's Vision» | 1:35 | |||||||
26. | «Rescue» | 2:31 | |||||||
27. | «Over the Falls» | 2:41 | |||||||
28. | «Goodbye Spot» | 4:12 | |||||||
29. | «Homecoming» | 1:24 | |||||||
30. | «Arlo Makes His Mark» | 1:22 | |||||||
63:22 |
Ընդունում խմբագրել
Գումարային շահույթ խմբագրել
2016 թվականի ապրիլի դրությամբ մուլտֆիլմը վաստակել է 123 087 120 դոլար Հյուսիսային Ամերիկայում և 208 839 027 դոլար այլ երկրներում՝ այսքանով վաստակելով ընդհանուր 331 926 147 դոլար[14] 200 միլիոն դոլար բյուջեով։
Հյուսիսային Ամերիկայում նոյեմբերի 25-ին այս մուլտֆիլմից բացի թողարկվել են նաև «Կրիդ։ Ռոքիի ժառանգություն» և «Վիկտոր Ֆրանկենշտեյն» ֆիլմերը, իսկ լայմասշտաբ վարձույթի են հանվել «Բրուքլին», «Ուշադրության կենտրոնում» և «Տրամբո» ֆիլմերը։ Ենթադրվող շահույթը պետք է լիներ 60-65 միլիոն դոլլար առաջին հինգ օրերում 3749 թատրոններում դիտումներից, ներառյալ 45 միլիոն դոլլար հանգստյան օրերի պրեմիերաները[15]։ Երեքշաբթի օրվա գիշերային դիտումներից և չորեքշաբթի օրվա վարձույթից ստացել են 1,3 և 9,8 միլիոն դոլլար շահույթ։ Առաջին հինգ օրերից ստացել է 55 455 687 դոլար, ներառյալ 39 155 217 դոլլար հանգստյան օրերից, որի շնորհիվ ստացել է երկրորդ հորիզոնականը ըստ գումարային շահույթի (զիջելով միայն «Քաղցած խաղեր։ Ճայ-Ծաղրասարյակ - Մաս 2» ֆիլմին[16])։ Հաջորդ շաբաթների ընթացքում մուլտֆիլմն այդպես էլ չի կարողանում հասնել առաջին հորիզոնականին, ինչը առաջին անգամ է պատահում «Pixar»-ի թողարկումների հետ[17]։
Հյուսիսային Ամերիկայի սահմաններից դուրս այն վաստակել է 28,7 միլիոն դոլար 39 տարածքներից, ներառյալ 8 կարևոր շուկաներ։ Ի տարբերություն ամերիկյան վարձույթի, որտեղ ֆիլմը հաջողություն է ունեցել Երախտագիտության օրվա գալստյան հետ կապված, համաշխարհային վարձույթւոմ այդպիսի իրադրություն չի եղել[18]։ Մեծ Բրիտանիայի (4 300 000 դոլլար), Մեքսիկայի (63 600 000 դոլլար և առաջին տեղը վարձույթում), Ֆրանսիայի (3 200 000 դոլլար), Արգենտինայի (2 200 000 դոլլար և առաջին հորիզոնական) և Ռուսաստանի (2 100 000 դոլլար և առաջին հորիզոնական) ցուցանիշները եղել են լավագույնները[19]։ Ըստ ընդհանուր շահույթի առաջին երեք հորիզոնականները ունեցել են հետևյալ տեսքը․ Մեծ Բրիտանիա (10 100 000 դոլլար), Մեքսիկա (8 700 000 դոլլար) և Ֆրանսիա (8 100 000 դոլլար)[20]։
Անվնասաբերության հասնելու համար, ըստ վերլուծողների, հաշվի առնելով ստեղծման և մարքեթինգի վրա ծախսված 200 000 000 և 150 000 000 դոլլար գումարները, շահույթը պետք է կազմի 500 միլիոն դոլլար։ Բայց հաշվի առնելով ներկայիս ցուցանիշները՝ ֆիլմը հնարավոր է չհավաքի և 400 միլիոն դոլար, ինչն էլ նրան կդարձնի Pixar-ի առաջին տնտեսական ձախողումը[21]։
Քննադատություն խմբագրել
Գրախոսություների ագրեգատոր Rotten Tomatoes-ը ֆիլմին տվել է 76 % վիճակագրություն՝ օգտագործելով 154 գրախոսականներ, որոնց միջին գնահատանը 6,5/10 էր[22]։ Metacritic-ը գնահատել է 66 միավոր 100-ից ըստ 37 գրախոսականների[23]։ «CinemaScore»-ի դիտորդները հարցման ժամանակ ֆիլմին տվել են միջին՝ «A», գնահատական[16]։
Ծանոթագրություններ խմբագրել
- ↑ 1,0 1,1 1,2 1,3 1,4 1,5 1,6 1,7 1,8 film-dienst (գերմ.) — 1947. — ISSN 0720-0781
- ↑ 2,0 2,1 2,2 http://www.filmaffinity.com/en/film937789.html
- ↑ 3,0 3,1 3,2 http://www.imdb.com/title/tt1979388/?ref_=nv_sr_1
- ↑ 4,0 4,1 4,2 4,3 http://www.nytimes.com/2015/11/25/movies/review-the-good-dinosaur-pixar-human-and-apatosaurus.html
- ↑ 5,0 5,1 http://www.metacritic.com/movie/the-good-dinosaur
- ↑ 6,0 6,1 http://www.bcdb.com/bcdb/cartoon.cgi?film=136933
- ↑ http://nmhh.hu/dokumentum/169802/premierfilmek_forgalmi_adatai_2015.xlsx
- ↑ Keegan R. 'The Good Dinosaur' moved to 2015, leaving Pixar with no 2014 film // Los Angeles Times — LA: 2013. — ISSN 0458-3035; 2165-1736
- ↑ 9,0 9,1 http://www.boxofficemojo.com/movies/?id=pixar2013.htm
- ↑ http://variety.com/2015/film/box-office/good-dinosaur-box-office-1201655546/
- ↑ Box Office Mojo — 1999.
- ↑ «D23 Expo: New Art From the Upcoming Disney, Pixar and Disneytoon Movies». ComingSoon.net. 2013 թ․ օգոստոսի 9. Արխիվացված է օրիգինալից 2013 թ․ օգոստոսի 13-ին. Վերցված է 2013 թ․ օգոստոսի 15-ին.
- ↑ «Walt Disney Records Releases "The Good Dinosaur" Original Motion Picture Soundtrack Score Composed By Mychael And Jeff Danna» (Press release). PR Newsire. Burbank, California. 2015 թ․ նոյեմբերի 20. Վերցված է 2015 թ․ դեկտեմբերի 7-ին.
- ↑ «The Good Dinosaur (2015)». Box Office Mojo. Վերցված է 2015 թ․ դեկտեմբերի 18-ին.
- ↑ «Katniss To Sling Arrows Into 'Creed' & 'Victor Frankenstein', As 'Good Dinosaur' Stalks Families: Thanksgiving B.O. Preview». deadline.com.
- ↑ 16,0 16,1 Anthony D'Alessandro. «Katniss Rules Wednesday On Track For $78M-80M 5-Day; 'Good Dinosaur' Eyes $58M-$62M; 'Creed' Punching $39M-$42M». Deadline.com. Վերցված է 2015 թ․ նոյեմբերի 26-ին.
- ↑ Devan Coggan (2015 թ․ դեկտեմբերի 10). «Box office preview: In the Heart of the Sea faces rough waters». Entertainment Weekly. Վերցված է 2015 թ․ դեկտեմբերի 19-ին. «As a result, The Good Dinosaur looks to be the first-ever Pixar film not to hit No. 1.»
- ↑ Nancy Tartaglione (2015 թ․ նոյեմբերի 29). «'Mockingjay' Rules Roost; 'Good Dinosaur' Hatches With $29M; 'The Martian' Lands $50M In China – Intl Box Office». Deadline.com. Վերցված է 2015 թ․ նոյեմբերի 30-ին.
- ↑ Nancy Tartaglione (2015 թ․ դեկտեմբերի 6). «'In The Heart Of The Sea', 'Point Break' Surf Into Top 5 With Offshore Debuts – International Box Office Update». Deadline.com. Վերցված է 2015 թ․ դեկտեմբերի 7-ին.
- ↑ Nancy Tartaglione (2015 թ․ դեկտեմբերի 13). «China Makes 'Surprise' Entrance At No. 1; Katniss, Arlo & 007 Top Calm Studio Frame – Intl Box Office Update». Deadline.com. Վերցված է 2015 թ․ դեկտեմբերի 14-ին.
- ↑ Brent Lang (2015 թ․ դեկտեմբերի 7). «'The Good Dinosaur': Pixar May Suffer First Loss at Box Office». Variety. Վերցված է 2015 թ․ դեկտեմբերի 8-ին.
- ↑ «The Good Dinosaur reviews». Rotten Tomatoes. Վերցված է 2015 թ․ դեկտեմբերի 3-ին.
- ↑ «The Good Dinosaur reviews». Metacritic. Վերցված է 2015 թ․ նոյեմբերի 28-ին.
Աղբյուրներ խմբագրել
- Պաշտոնական կայք
- Big Cartoon DataBase կայքում
- Բարի դինոզավրը Metacritic-ում
Վիքիպահեստն ունի նյութեր, որոնք վերաբերում են «Բարի դինոզավրը» հոդվածին։ |