Մուլտֆիլմ

Մուլտիպլիկացիոն ֆիլմ, մուլտֆիլմ (կազմված լատ.՝ multiplicatio` «բազմապատկում» և անգլ.՝ film՝ «ժապավեն» բառերից; խոսակցական՝ մուլտիկ կամ մուլտ)՝ ֆիլմի տեսակ է, որը ստեղծված է կադրերի հաջորդական մատուցման միջոցներով (այդ թվում 3D-մոդելավորումը), նախատեսված է կինոթատրոններում, հեռուստատեսությամբ և համակարգչի ու այլ էլեկտրոնային միջոցների էկրաններին ցուցադրելու համար։

Կարճամետրաժ անիմացիայի օրինակ

Մուլտիպլիկացիայի օրինակ

Անիմացիայի պատմությունը սկսվում է 1877 թվականի հուլիսի 20-ից, երբ Ֆրանսիայում Էմիլ Ռենոն ստեղծեց և ներկայացրեց բոլորին առաջին մուլտֆիլմը։ 1892 թվականի հոկտեմբերի 28-ին, Էմիլ Ռենոն ցույց է տվել առաջին անիմացիաին մուլտֆիլմը։ Առաջին անիմացիոն մուլտֆիլմը եղել է նկարի տեսակով։ Հետագայում մուլտֆիլմերը դարձան ավելի հետաքրքիր, և նա շարունակեց ստեղծել նոր անիմացիայի տարբեր ժանրեր։ Այժմ մուլտֆիլմերի արտադրությունը կազմում է աշխարհի կինոարտադրության շուրջ 40%-ը։

Մուլտֆիլմների տեսակները

Ըստ ստեղծման եղանակի

• Պլաստիլինային անիմացիա․ ստեղծվում է պլաստիլինե օբյեկտների ստոպ-կադր անիմացիայի միջոցով
• Տիկնիկային մուլտիպլիկացիա․ ստեղծվում է տիկնիկների և արձանիկների ստոպ-կադր անիմացիայի միջոցով
• Ավազային անիմացիա․ ստեղծվում է ավազից ստեղծված պատկերների կադրերի հաջորդական մատուցման
• Նկարված մուլտիպլիկացիա․ հիմնված է իրարից քիչ տարբերվող երկչափ պատկերների կադրային նկարահանումների վրա
• Համակարգչային գրաֆիկա․ ստեղծվում են համակարգչային գրաֆիկական, այդ թվում՝ հատուկ միջոցների օգնությամբ

Ըստ տևողության և թողարկման եղանակի

• Լիամետրաժ մուլֆիլմեր․ սովորաբար ունեն ավելի քան 70 րոպե տևողություն
• Կարճամետրաժ մուլֆիլմեր․ սովորաբար տևում են 25-30 րոպե
• Մուլտսերիալներ․ բաղկացած են սյուժեով իրար հետ այս կամ այն չափով կապված կարճամետրաժ մուլտֆիլմներից

Ըստ տարիքային ցենզի

• մանկահասակ երեխաների համար․ տարբերվում են ստորին տարիքային շեմի սահմանմամբ (սկսած 1 տարեկանից)
• պատանիների համար
• չափահասների համար

Երկրորդ և երրորդ կատեգորիաների համար են նախատեսված ճապոնական անիմեների մեծ մասը։

Ըստ ցուցադրման եղանակի

• Մեծ էկրանի մուտֆիմեր․ հիմնականում լիամետրաժ մուլտֆիլմեր են, որոնք ցուցադրվում են սկզբում կինոթատրոններում, դրանից հետո նոր՝ հեռուստատեսությամբ և վիդեոկրիչներով
• Direct-to-video․ լիամետրաժ մուլտֆիլմեր են, որոնք ինչ-որ պատճառով չեն ցուցադրվել կինոթատրոնում
• Հեռուստատեսային մուլտֆիլմեր․ հեռուստատեսությամբ ցուցադրվող կարճամետրաժ մուլտֆիլմեր և մուլտսերիալներ են, որոնք նաև տարածվում են վիդեոկրիչներով

Տես նաև

Մուլտիպլիկացիա

Աղբյուրներ

• http://www.anifest.cz
• http://www.pifpaf.cz
• http://awn.com
• http://www.annecy.org
• http://www.anidb.net
• http://www.spawec.profitux.cz Archived 2015-12-25 at the Wayback Machine.
• http://www.kinopoisk.ru/film/745542/
• http://www.kinopoisk.ru/film/736216/
• http://www.kinopoisk.ru/film/411817/
• https://thekendrickacademy.com/