Ջեֆրի Ռայթ

Ջեֆրի Չարլզ Ռայթ (անգլ.՝ Jeffrey Charles Wright, դեկտեմբերի 7, 1965(1965-12-07), Վաշինգտոն, Կոլումբիայի շրջան, ԱՄՆ), ամերիկացի դերասան, «Թոնի», «Էմմի» և «Ոսկե գլոբուս» մրցանակների դափնեկիր։

Ջեֆրի Ռայթ անգլ.՝ Jeffrey Wright
Ծնվել է	դեկտեմբերի 7, 1965(1965-12-07) (57 տարեկան)
Ծննդավայր	Վաշինգտոն, Կոլումբիայի շրջան, ԱՄՆ
Կրթություն	Ամհերստի քոլեջ, Նյու Յորքի համալսարան և St. Albans School?
Քաղաքացիություն	ԱՄՆ
Ազգություն	աֆրոամերիկացի
Մասնագիտություն	թատրոնի դերասան, կինոդերասան, հեռուստատեսային դերասան և կինոպրոդյուսեր
Ամուսին(ներ)	Կարմեն Էջոգո
Պարգևներ և մրցանակներ	«Թոնի» մրցանակ պիեսում երկրորդ պլանի լավագույն տղամարդու դերի համար Drama Desk Award for Outstanding Featured Actor in a Play? Black Reel Award for Best Supporting Actor? Black Reel Award for Best Ensemble? honorary doctor of the University of Pennsylvania? և «Էմմի» մրցանակ մինի սերիալում կամ ֆիլմում երկրորդ պլանի տղամարդու լավագույն դերակատարման համար

Վաղ տարիներ

Ռայթը ծնվել է Կոլումբիայի շրջանի Վաշինգտոն քաղաքում։ Նրա մայրն աշխատել է որպես մաքսային փաստաբան, իսկ հայրը մահացել է, երբ Ռայթը մեկ տարեկան էր։ Նա ավարտել է Սենտ Օլբանսի մասնավոր դպրոցը, որից հետո ընդունվել է Ամհերսթի քոլեջ, որտեղ 1987 թվականին ստացել է քաղաքագիտության բակալավրի աստիճան։ Ռայթը ծրագրել էր կրթությունը շարունակել իրավունքի դպրոցում, սակայն արդյունքում ընտրել է դերասանությունը։ Նյու Յորքի համալսարանի Թիշի արվեստի դպրոցում ուսման համար ստացել է կրթաթոշակ, բայց երկու ամիս անց հեռացել է այդտեղից, քանի որ հասկացել է, որ ուսուցչի կարիք չունի։

Կարիերա

Ռայթը կարիերան սկսել է Նյու Յորքի և Վաշինգտոնի oֆֆբրոդվեյական թատրոնների բեմերում հայտնվելով և 1990 թվականին կատարել է իր առաջին մեծ դերը՝ Հարիսոն Ֆորդի հետ խաղալով «Անմեղության կանխավարկած» ֆիլմում։ 1991 թվականին միացել է Դերասանական կամպանիային, որից հետո հայտնվել է «Միջամառային գիշերվա երազ» և Ատոլ Ֆուգարդի «Արյունակցական կապեր» բեմադրություններում։ 1993 և 1994 թվականներին Ռայթը Թոնի Կուշների «Հրեշտակներն Ամերիկայում» պիեսում կատարել է դրեգ-կվին Բելիզի դերը, որի համար ստացել է «Թոնի» մրցանակ (պիեսում երկրորդ պլանի լավագույն տղամարդկային դերի համար)։

Նրա հաջորդ նախագծերը այնքան առաջնային էին, որքան «Բասկիա» (1996) (խաղացել է նկարիչ Ժան Միշել Բասկիայի դերը), «Հռչակավորություն» (1998), «Հետապնդում սատանայի հետ» (1999) և «Շաֆթ» (2000) ֆիլմերում խաղացած երկրորդ պլանի դերերը։ 2003 թվականին Ռայթը վերադարձել է HBO-ի «Հրեշտակներն Ամերիկայում» մինի սերիալի Բելիզի դերին, որի համար արժանացել է «Ոսկե գլոբուս» և «Էմմի» մրցանակների։ 2004 թվականին նկարահանվել է Ջոնաթան Դեմիի «Մունջուրական թեկնածու» ֆիլմում։

2019 թվականի հոկտեմբերի 31-ին հայտնի է դարձել, որ Ջեֆրի Ռայթը Բեթմենի մասին նոր կինոկոմիքսում, որի նկարահանումներով զբաղվում է Մեթ Ռիվզը, խաղալու է կոմիսար Ջեյմս Գորդոնի դերը։

Անձնական կյանք

2001 թվականի հոկտեմբերի 18-ին Ռայթն ամուսնացել է դերասանուհի Կարմեն Էջոգոյի հետ։ Նրանք ունեն երկու երեխա՝ որդի (Էլայջա) և դուստր (Ջունո)։ 2014 թվականին հետևել է ապահարզանը։

2004 թվականի մայիսի 23-ին Ռայթն իր ալմա մատերից՝ Ամհերսթի քոլեջից, ստացել է պատվավոր աստիճան։

Հասարակական գործունեություն

1980-ական թվականներին Ռայթը Հարավաֆրիկյան Հանրապետությունում զբաղվել է ապարտհեյդի ակտիվ գործունեությամբ։

Երկար ժամանակ եղել է ռեսուրսների հետ կապված կոնֆլիկտների դադարեցման ակտիվիստ և 2011 թվականին հիմնադրել է Taia Lion Resources ընկերությունը, որը մասնագիտացված է Սիերա Լեոնեի օգտակար հանածոների արդյունահանման ոլորտում։

Ընտրված Ֆիլմագրություն

Տարի		Անվանում	Բնօրինակ անվանում	Դեր
1990	ֆ	Անմեղության կանխավարկած	Presumed Innocent	մեղադրող
1991	հֆ	Բաժանում, բայց հավասար	Separate But Equal	Ուիլյամ Քոուլման
1993	ս	Երիտասարդ Ինդիանա Ջոնսի քրոնիկները	The Young Indiana Jones Chronicles	Սիդնեյ Բեշե (2 էպիզոդ)
1996	ֆ	Հավատարմություն	Faithful	պատանի
1996	ֆ	Բասկիա	Basquiat	Ժան Միշել Բասկիա
1997	ֆ	Ինտենսիվ թերապիա	Critical Care	Բեդ Թու
1997	ս	Մահացու բաժին	Homicide: Life on the Street	Հել Ուիլսոն (3 էպիզոդ)
1998	ֆ	Հռչակավորություն	Celebrity	Գրեգ՝ թատերական ռեժիսոր
1999	ֆ	Հետապնդում սատանայի հետ	Ride with the Devil	Դենիել Հոլթ
2000	ֆ	Ցեմենտ	Cement	Նինի
	ֆ	Համլետ	Hamlet	գերեզմանափոր
	ֆ	Հանցագործություն և պատիժ ամերիկյան ձևով	Crime and Punishment in Suburbia	Քրիս
	ֆ	Շաֆթ	Shaft	Փիլզ Էռնանդես
2001	ֆ	Ալի	Ali	Գովարդ Բինգեմ
2002	ֆ	Դետոքսիկացիա	D-Tox	Յավորսկի
2003	ս	Հրեշտակներն Ամերիկայում	Angels in America	Բելիզ
2004	ֆ	Մունջուրական թեկնածու	The Manchurian Candidate	Էլ Մելվին
2005	ֆ	Կոտրված ծաղիկներ	Broken Flowers	Ունիսթոն
2005	ֆ	Սիրիանա	Syriana	Բենեթ Հոլիդեյ
2006	ֆ	Լեդին ջրում	Lady in the Water	պարոն Դյուրի
2006	ֆ	Կազինո Ռոյալ	Casino Royale	Ֆելիքս Լեյթեր
2007	ֆ	Ներխուժում	The Invasion	բժիշկ Սթիվեն Գալեանո
2008	ֆ	Գթասրտության քվանտ	Quantum of Solace	Ֆելիքս Լեյթեր
2008	ֆ	Կադիլակ ռեքորդս	Cadillac Records	Մադի Ուոթերս
2011	ֆ	Սկզբնական կոդ	Source Code	բժիշկ Ռաթլեջ
2011	ֆ	Չափազանց ուժգին և անհավատալիորեն մոտ	Extremely Loud and Incredibly Close	Ջեյմս
2013	ֆ	Քաղցած խաղեր։ Եվ բռնկվում է կրակը	The Hunger Games: Catching Fire	Բիթի
2013	ֆ	Ողջ կմնան միայն սիրեկանները	Only Lovers Left Alive	բժիշկ Ուոթսոն
2013-2014	ս	Գաղտնի կայսրություն	Boardwalk Empire	բժիշկ Վալենտին Նարցիս
2014	ֆ	Քաղցած խաղեր։ Ճայ-Ծաղրասարյակ - Մաս 1	The Hunger Games: Mockingjay - Part 1	Բիթի
2015	ֆ	Քաղցած խաղեր։ Ճայ-Ծաղրասարյակ - Մաս 2	The Hunger Games: Mockingjay - Part 2	Բիթի
2016	հֆ	Ունկնդրում	Confirmation	Չարլզ Օգլտրի
2016-այժմ	ս	Վայրի արևմուտքի աշխարհը	Westworld	Բերնարդ Լոու / Արնոլդ Ուեբեր
2018	ֆ	Գիշերային խաղեր	Game Night	ՀԴԲ լրտես Ռոն Հենդերսոն (տիտրերում նշված չէ)
2019	ֆ	Կարմրակատար	The Goldfinch	Հոբի
2019	ֆ	Լվացքատուն	The Laundromat
2020	ֆ	Մահանալու ժամանակը չէ	No Time to Die	Ֆելիքս Լեյթեր
2020	ֆ	Ֆրանսիական դիսպետչերը	The French Dispatch	Ռոբաք Ռայթ
2021	ֆ	Բեթմեն	The Batman	Ջեյմս Գորդոն