Անդրեյ Գրոմիկո
Գրոմիկո Անդրեյ Անդրեևիչ (հուլիսի 5 (18), 1909, Ստարիե Գրոմիկի, Գոմելի գավառ, Մոգիլյովյան նահանգ, Ռուսական կայսրություն[2] - հուլիսի 2, 1989[1], Մոսկվա, ԽՍՀՄ[3]), խորհրդային պետական և կուսակցական գործիչ։ Դիվանագետ։ ԽՍՀՄ արտաքին գործերի նախարար (1957-1985)։ ԽՍՀՄ Գերագույն խորհրդի նախագահության նախագահ (1985-1988)։ ԽՄԿԿ Կենտկոմի քաղբյուրոյի անդամ (1973-1988)։ Սոցիալիստական աշխատանքի կրկնակի հերոս (1969, 1979)։ Տնտեսական գիտությունների դոկտոր (1956)։
| Անդրեյ Գրոմիկո Андрэ́й Андрэ́евіч Грамы́ка | |
| |
| Կուսակցություն՝ | ԽՄԿԿ |
|---|---|
| Կրթություն՝ | Բելառուսի պետական տնտեսագիտական համալսարան |
| Գիտական աստիճան՝ | տնտեսագիտության դոկտոր |
| Մասնագիտություն՝ | քաղաքական գործիչ, դիվանագետ, տնտեսագետ և հիշատակագիր |
| Դավանանք | աթեիզմ |
| Ծննդյան օր | Հուլիսի 18, 1909 |
| Ծննդավայր | Ստարիյա Գրամիկի |
| Վախճանի օր | Հուլիսի 2, 1989 |
| Վախճանի վայր | Մոսկվա |
| Թաղված | Նովոդեվիչյան գերեզմանոց |
| Քաղաքացիություն |  ԽՍՀՄ
|
| Ամուսին | Lydia Gromyko? |
| Զավակներ | Անատոլի Գրոմիկո և Emilia Andreevna Gromyko? |
| Պարգևներ |
 , , ,  , , , , , , ,  ,  ,  ,  ,  ,  ,  ,  ,  ,  ,  ,  ,  , ,  ,  , ,  ,  ,  , ,  , և  |
ԽՍՀՄ Նախարարների խորհրդի նախագահի առաջին տեղակալ (1983-1985), ԽՍՀՄ ներկայացուցիչ ՄԱԿ-ում (1946-1948), ԽՍՀՄ դեսպան ԱՄՆ-ում (1943-1946 )։ 1944 թվականին, որպես ԱՄՆ-ում ԽՍՀՄ դեսպան, գլխավորել է խորհրդային պատվիրակությունը Դումբարթոն Օուքսում (ԱՄՆ, ԱՄՆ, Վաշինգտոն) ՄԱԿ-ի ստեղծման վերաբերյալ միջազգային կոնֆերանսում։ Մասնակցել է Թեհրանի կոնֆերանսի (1943), Յալթայի (1945) և Պոտսդամի կոնֆերանսի (1945) նախապատրաստմանը և անցկացմանը։
Որպես արտաքին գործերի նախարար՝ հանդես է եկել երեք միջավայրում միջուկային զենքի փորձարկումներն արգելող պայմանագրի կնքման նախաձեռնությամբ (1963)։ 1966 թվականի հունվարին Ալեքսեյ Կոսիգինի հետ միասին բանակցություններ է վարել, որոնք կանխել են Հնդկաստանի և Պակիստանի միջև պատերազմը։ Նրա մասնակցությամբ՝ Միջուկային զենքի չտարածման մասին պայմանագիրը (1968), Մոսկվայի պայմանագիրը ԽՍՀՄ-ի և Գերմանիայի միջև (1970), Հրթիռային պաշտպանության համակարգերի սահմանափակման մասին պայմանագիրը (1972), «Հարաբերությունների սկզբունքների մասին» պայմանագիրը, պատրաստվել ու ստորագրվել են ԽՍՀՄ-ի և ԱՄՆ-ի միջև (1972)։
Ա. Ա. Գրոմիկոյի բոլոր դիվանագիտական գործունեության կարգախոսն է․ «Ավելի լավ է 10 տարի բանակցություններ, քան մեկ օր պատերազմ»։
ԽՄԿԿ անդամ է 1931 թվականից։ 1932 թվականին ավարտել է տնտեսագիտական ինստիտուտը։ 1936-1939 թվականներին աշխատել է ԽՍՀՄ Գիտությունների ակադեմիայի տնտեսագիտական ինստիտուտում, 1939 թվականից Արտաքին գործերի ժողովրդական կոմիսարիատի ամերիկյան երկրների բաժնի վարիչ, ԱՄՆ-ում ԽՍՀՄ դեսպանության խորհրդատու, 1943 թվականից՝ դեսպան (միաժամանակ Կուբայի Հանրապետության դեսպանորդը)։
1946 թվականից եղել է ՄԱԿ-ի Անվտանգության խորհրդի ԽՍՀՄ մշտական ներկայացուցիչ, միաժամանակ ԽՍՀՄ արտաքին գործերի նախարարի տեղակալ, 1949-1952 թվականներին՝ առաջին տեղակալ։
Ծանոթագրություններ խմբագրել
- ↑ 1,0 1,1 filmportal.de — 2005.
- ↑ 2,0 2,1 Громыко Андрей Андреевич // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
- ↑ 3,0 3,1 Deutsche Nationalbibliothek Record #118857886 // Gemeinsame Normdatei (գերմ.) — 2012—2016.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 234)։ 
|