Անատոլի Ավետյան
- Վիքիպեդիայում կան հոդվածներ Ավետյան ազգանունով այլ մարդկանց մասին։
Անատոլի Ղևոնդի Ավետյան (սեպտեմբերի 5, 1952, Պրոկոպևսկի շրջան, Կեմերովոյի մարզ, ՌԽՖՍՀ, ԽՍՀՄ), հայ նկարիչ, քանդակագործ։ Հայաստանի վաստակավոր նկարիչ (2009), Հայաստանի Հանրապետության ժողովրդական նկարիչ (2017)։ Հայաստանի նկարիչների միության (1988), ՅՈՒՆԵՍԿՕ-ի նկարիչների միջազգային ասոցիացիայի (1997), Հայաստանի նկարիչների միության վարչության անդամ (2008)[1]։
Անատոլի Ավետյան | |
|---|---|
 | |
| Ծնվել է | սեպտեմբերի 5, 1952 (72 տարեկան) |
| Ծննդավայր | Պրոկոպևսկի շրջան, Կեմերովոյի մարզ, ՌԽՖՍՀ, ԽՍՀՄ |
| Քաղաքացիություն | .svg){kind=small} Հայկական ԽՍՀ և  Հայաստան |
| Կրթություն | Փանոս Թերլեմեզյանի անվան գեղարվեստի պետական քոլեջ և Թբիլիսիի գեղարվեստի ակադեմիա |
| Մասնագիտություն | նկարիչ և քանդակագործ |
| Պարգևներ | |
| Անդամակցություն | Հայաստանի նկարիչների միություն |
| Անատոլի Ավետյան Վիքիքաղվածքում | |
 Anatoli Avetyan Վիքիպահեստում | |
Կենսագրություն
խմբագրելԱնատոլի Ավետյանը ծնվել է 1952 թվականին Կեմերովոյի մարզի Պրոկոպևսկի շրջանում (Սիբիր)՝ բռնագաղթվածների ընտանիքում։ 1967 թվականին տեղափոխվել է ՀԽՍՀ, հաստատվել Կիրովականում։ 1969 թվականին ընդունվել է Երևանի Փանոս Թերլեմեզյանի անվան գեղարվեստի ուսումնարան, 1972 թվականին՝ Թբիլիսիի գեղարվեստի ակադեմիա։ 1976 թվականին մասնակցել է Իսլանդիայում կազմակերպված «Հայաստանի Արվեստ» ցուցահանդեսին։ 1977 թվականին ավարտել է Երևանի գեղարվեստաթատերական ինստիտուտը։ 1983 թվականին հանրապետության պատվիրակության կազմում մասնակցել է Հոլանդիայում կազմակերպված մշակույթի օրերին, 1984 թվականին՝ Մոսկվայում և Սանկտ-Պետերբուրգում կազմակերպված «Հայաստանի կերպարվեստը» ցուցահանդեսին։ 2006 թվականին ապրել և ստեղծագործել է Նյու Յորքում[1]։
Անատոլի Ավետյանի ստեղծագործությունները գտնվում են Հայաստանի ազգային պատկերասրահում, Հայաստանի ազգագրության թանգարանում, Երևանի ժամանակակից արվեստի թանգարանում, Հայաստանի մշակույթի նախարարության ֆոնդում, Հայաստանի գեղարվեստի ֆոնդում, Ամերիկայի հայկական թանգարանում, Սերգեյ Փարաջանովի թանգարանում, Հայաստանի նախագահի և Սուրբ Էջմիածնի Ամենայն Հայոց կաթողիկոսի նստավայրերում, Փարիզի քաղաքապետարանում, Հռոմի Պապի հավաքածուում (Վատիկան), Մոսկվայի Արևելքի թանգարանում[1]։
Ցուցահանդեսներ
խմբագրել1989 թվականին մասնակցել է Շվեյցարիայում կազմակերպված «Հայաստանի դեկորատիվ-կիրառական արվեստը» ցուցահանդեսին։ Անհատական ցուցահանդեսներ է ունեցել Երևանում[2], Փարիզում, Չիկագոյում, Բոստոնում, Հալեպում, Վաշինգտոնում, Լոս Անջելեսում, Ատլանտայում, Բելգիայում, Վանաձորում, Գորիսում։
Պարգևներ
խմբագրել- Հայաստանի Լոռու մարզի ոսկե հուշամեդալ
- Հայաստանի մշակույթի նախարարության պատվոգիր
- Հայաստանի Լոռու մարզպետի ոսկե հուշամեդալ 2012
- Հայաստանի վաստակավոր նկարիչ, 2009
- Վանաձորի պատվավոր քաղաքացի[3]
- Հայաստանի ժողովրդական նկարիչ, 2017[4]
Ծանոթագրություններ
խմբագրել- ↑ 1,0 1,1 1,2 «Zarkfoundation - Անատոլի Ավետյան». zarkfoundation.com.
- ↑ Mediamax. «Անատոլի Ավետյան». bravo.am. Վերցված է 2017 թ․ սեպտեմբերի 14-ին.
- ↑ Պատվավոր քաղաքացիներ - Վանաձորի Համայնքապետարան
- ↑ «ՀՀ Նախագահի հրամանագրերը - Փաստաթղթեր - Հայաստանի Նախագահ». president.am. Վերցված է 2017 թ․ սեպտեմբերի 22-ին.
Արտաքին հղումներ
խմբագրել- Պաշտոնական կայքէջ
- Անատոլի Ավետյանի անհատական ցուցահանդեսը՝ նվիրված կանանց միջազգային օրվան
- “I dream of creating…” with Anatoli Avetyan
- Արմեն Առուստամյան. «Գունեղ, նյութեղեն, ժամանակակից» (հրապարակվել է արվեստագետի ծննդյան տարեդարձի առթիվ) , 05.09 2018