Հայաստանի ազգագրության թանգարան

Հայաստանի ազգագրության և ազգային-ազատագրական պայքարի պետական թանգարան; (ՀԱԱՊՊԹ)
Տեսակ	Պետական թանգարան
Երկիր	Հայաստան
Տեղագրություն	Արմավիր քաղաքից 10 կմ հարավ-արևմուտք
Վայր	Սարդարապատի հերոսամարտի հուշահամալիր
Ժանր	գիտամշակութային և կրթադաստիարակչական
Հիմնադրվել է	1968

Հայաստանի ազգագրության և ազգային-ազատագրական պայքարի պետական թանգարան (ՀԱԱՊՊԹ), պետական թանգարան Հայաստանի Սարդարապատի հուշահամալիրում՝ Հայաստանի Արմավիր քաղաքից 10 կմ հարավ-արևմուտք։

Իր առաջին այցելուներին թանգարանը ընդունել է 1978 թվականին^[2]։

ԽՍՀՄ ժողովրդական ճարտարապետ Ռաֆայել Իսրայելյանի նախագծով է կառուցվել այդ միջնադարյան ամրոցի տեսքով թանգարանի շենքը։

Նկարագրություն

Թանգարանի շենքն առանց լուսամուտների ամրոցի տպավորություն է թողնում։ Հարավային (հետևի) ճակատի երկու ութանիստ աշտարակներում հեղինակը մեկը՝ Արագածին, մյուսը՝ Արարատին ուղղված երկու բացվածք-լուսամուտ է նախատեսել։ Ներքին հարդարումը հստակ է, պատերը սրբատաշ են՝ տուֆից կերտված, կամարները՝ երիզված խորհրդանշական բարձրաքանդակներով։

Հավաքածուներ

Հայաստանի ազգագրության և ազգային-ազատագրական պայքարի պետական թանգարանը պարունակում է 70 հազարից հավաքածուներ^[3]։

Թանգարանում ընդգրկված նյութերը պատմում են Հայկական լեռնաշխարհի բնակիչների կենցաղի ու մշակույթի մասին՝ քարի դարից մինչև մեր օրեր։ Այն պարունակում է.

Որսորդական և աշխատանքային պարզունակ գործիքներ,
խեցեգործության, քարագործության, մետաղագործության եզակի նմուշներ,
ժայռապատկերներ,
կենցաղային և ծիսական անոթներ,
զենքեր,
զարդեր և զանազան այլ առարկաներ են ներկայացված մարդկային հասարակության վաղ ժամանակաշրջանին նվիրված բաժիններում։

Այստեղի հավաքածուները ընդգրկում է մ. թ. ա. 3-1-ին հազարամյակներից մեզ հասած կավե, քարե ու մետաղե կառքեր, արձանիկներ ու պաշտպանմունքային առարկաներ։

Պատկերասրահ

Տես նաև

Սարդարապատի հերոսամարտի հուշահամալիր

Ծանոթագրություններ

↑ https://avproduction.am/?ln=am&page=culture&id=81
↑ Ալբերտ Բաբոյան (1979 թ.). «Դարերը կամարների տակ». Սովետական Հայաստան. Թիվ 4: էջ 10, 11.
↑ «Հավաքածուների մասին». Արխիվացված է օրիգինալից 2014 թ․ մարտի 1-ին. Վերցված է 2016 թ․ հունվարի 26-ին.

Աղբյուրներ

Ինչ է ո՞վ է, հանրագիտարան, հատոր 3-րդ էջ 25։

Արտաքին հղումներ

Հայաստանի ազգագրության պետական թանգարան

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Հայաստանի ազգագրության թանգարան կատեգորիայում։

[_f9b05964686b38c3-1] ttps://avproduction.am/?ln=am&page=culture&id=81

[2] Ալբերտ Բաբոյան (1979 թ.). «Դարերը կամարների տակ». Սովետական Հայաստան. Թիվ 4: էջ 10, 11.

[3] «Հավաքածուների մասին». Արխիվացված է օրիգինալից 2014 թ․ մարտի 1-ին. Վերցված է 2016 թ․ հունվարի 26-ին.

[1]

[2]

[3]