Ազատության ասպետ մրցանակ

Ազատության ասպետ մրցանակ ;
Տեսակ	պարգև
Երկիր	Լեհաստան
Հիմնադրվել է	2005
Պարգևադրող	The Casimir Pulaski Foundation?
Շնորհվում է	Ամենամյա
Առաջին շնորհում	2005 թվական

Ազատության ասպետ մրցանակ (լեհ.՝ Rycerz Wolności), լեհական միջազգային ամենամյա մրցանակ, որը շնորհվում է «հանրաճանաչ անձանց, որոնք նպաստել են գեներալ Կազիմիր Պուլավսկու դավանած արժեքներին՝ ազատությանը, արդարությանն ու Ժողովրդավարությանը»։ Ստեղծվել է 2005 թվականին «Կազիմիր Պուլավսկու անվան հիմնադրամի» կողմից, որը արտաքին քաղաքականության և միջազգային անվտանգության հարցերում մասնագիտացած շահույթ չհետապնդող վերլուծական կենտրոն է։ Մրցանակաբաշխ հանձնաժողովը հիմնադրամի նախագահ Զբիգնիյու Պիսարսկու^[1] գլխավորությամբ պարգևատրում է դափնեկիրներին գեներալ Պուլավսկու սրի (լեհ.՝ karabela) ձեռագործ կրկնօրինակներով։ Պարգևատրման արարողությունը տեղի է ունենում ամեն տարի Վարշավայի անվտանգության ֆորումի շրջանակներում, իսկ մրցանակը հանդիսանում է լեհական արտաքին քաղաքականության և մարդու իրավունքների ամենակարևոր մրցանակներից մեկը^[2]^[3]։

Դափնեկիրներ խմբագրել

Տարի	Դափնեկիր	Քաղաքացիություն	Ծանոթություն	Աղբյուր
2019	Դալյա Գրիբաուսկայտե	Լիտվա	Լիտվայի, Բալթյան երկրների ու Լեհաստանի անվտանգության ու պաշտպանության համար մղված պայքարում ունեցած իր նշանակալի ներդրումների, ինչպես նաև Ուկրաինա ռուսական ռազմական ներխուժման դեմ իր կոշտ դիրքորոշման համար	^[4]
2018	Անդերս Ֆոգ Ռասմուսսեն	Դանիա	Եվրոպական ինտեգրման և եվրոպական արժեքների խթանմանն ուղղված իր գործունեության համար	^[5]
2017	Մերի Ռոբինսոն	Իռլանդիա	Մարդու իրավունքների և համընդհանուր արժեքների համար անզիջում պայքարի համար	^[6]
2016	Թումաս Իլվես	Էստոնիա	Երկրում և ամբողջ աշխարհում ժողովրդավարական և եվրոպամետ արժեքների տարածմանն ուղղված իր գործունեության համար	^[7]^[8]
2016	Միխայիլ Խոդորկովսկի	Ռուսաստան	Օրենքի գերակայության, քաղաքացիական հասարակության կայացման և ռուս հասարակության մեջ եվրոպական արժեքների ներմուծման գործում անզիջում ջանքերի համար	^[9]^[10]
2015	Կառլ Բիլդտ	Շվեդիա	ԵՄ «Արևելյան գործընկերություն» նախաձեռնության մեջ ունեցած ներդրման համար, որի նպատակը գործընկեր երկրներում եվրոպամետ արժեքներ ներմուծելն ու բարեփոխումների իրականացմանն օժանդակելն է	^[11]
2015	Ռադոսլավ Սիկորսկի	Լեհաստան	ԵՄ Եվրոպական հարևանության քաղաքականության շրջանակներում Արևելյան գործընկերության հայեցակարգի ստեղծման գործընթացը նախաձեռնելու համար, որի նպատակը գործընկեր պետություններում եվրոպամետ արժեքներ սերմանելն ու բարեփոխումներ իրականացնեուն նպաստելն ու աջակցելն է	^[11]
2014	Միխեիլ Սաակաշվիլի	Վրաստան	Վրաստանում քաղաքացիական հասարակության զարգացման համար, օրենքի գերակայության և ժողովրդավարության ուժեղացման համար	^[12]
2013	Վայրա Վիկե-Ֆրեյբերգա	Լատվիա	Ամբողջ աշխարհում ժողովրդավարական արժեքների խթանման, կանանց հավասարության համար պայքարելու, ինչպես նաև սոցիալական արդարությանն ուղղված ջանքեր գործադրելու համար	^[13]
2012	Ռիչարդ Լուգար	ԱՄՆ	ՆԱՏՕ-ի կառույցներին Լեհաստանի անդամակցության գործընթացին աջակցելու համար	^[14]
2011	Բերնար Քուշներ	Ֆրանսիա	«Բժիշկներ առանց սահմանի» կազմակերպության միջոցով մարդասիրական արժեքների խթանման գործում ունեցած ներդրման և ամբողջ աշխարհում ազատության, արդարության և ժողովրդավարության խթանման գործում ներդրման համար	^[15]
2010	Խավյեր Սոլանա	Իսպանիա	2004 թվականի Ուկրաինայի նախագահական ընտրություններին առնչվող քաղաքական հակամարտության խաղաղ լուծմանը նվիրվածության համար	^[16]
2009	Վալդաս Ադամկուս	Լիտվա	Ուկրաինայում վերընտրություններ անցկացնելու գործում ունեցած ներդրման, ինչպես նաև «Նարնջագույն հեղափոխությանը» մասնակցության համար	^[17]
2009	Ալեքսանդր Կվասնևսկի	Լեհաստան	Նարնջագույն հեղափոխության խաղաղ ավարտին նպաստող իր վաստակի համար	^[18]^[19]
2008	Լեխ Վալենսա	Լեհաստան	Լեհաստանի ժողովրդավարական անցման գործում ունեցած ներդրման համար	^[20]
2007	Ալեքսանդր Միլինկևիչ	Բելառուս	Բելառուսում կայացած ժողովրդավարական ընտրություններում իր աշխատանքի և նվիրվածության, ինչպես նաև ամբողջ աշխարհում ազատության, արդարության և ժողովրդավարության առաջխաղացման գործում ունեցած ներդրման համար	^[21]
2006	Վլադիսլավ Բարտոշևսկի	Լեհաստան	Ընդդիմության գործունեության, մասնավորապես՝ «Համերաշխություն» շարժման մեջ ներգրավվելու համար, ինչպես նաև լեհ-գերմանական հարաբերությունների բարելավման գործում ունեցած ներդրման համար	^[22]
2005	Նորման Դեյվիս	Միացյալ Թագավորություն	Ամբողջ աշխարհում հայտնի ու ճանաչված իր գրքերի միջոցով Լեհաստանը խթանելու հարցում իր ներգրավվածության համար	^[23]