Բժիշկներ առանց սահմանների

կազմակերպություն

Բժիշկներ առանց սահմանների (ֆրանսերեն՝ Médecins Sans Frontières (MSF) կամ անգլերեն՝ Doctors Without Borders), միջազգային մարդասիրական օգնության հասարակական կազմակերպություն և Խաղաղության Նոբելյան մրցանակի դափնեկիր, որն առավել հայտնի է պատերազմական տարածաշրջաններում և համաճարակի օջախ հանդիսացող երկրներում իրականացվող ծրագրերով։ Ստեղծվել է 1971 թվականին՝ Ֆրանսիայի բժիշկների նախաձեռնությամբ՝ բժիշկների, առողջապահության բնագավառի աշխատողների և իր առաքելությանը նպաստող այլ մասնագետների միավորմամբ[1]։ Ունի 18 գրասենյակ, որոնցից ԲԱՍ-Ֆրանսիան, ԲԱՍ-Բելգիան, ԲԱՍ-Շվեյցարիան, ԲԱՍ-Հոլանդիան և ԲԱՍ-Իսպանիան գործող և ծրագրեր իրականացնողներ են (2003)։ ԲԱՍ մասնաճյուղեր գործում են 80 երկրներում, որտեղ աշխատում է շուրջ 2500 կամավոր (2003)։ ԲԱՍ-ի գլխավոր նպատակն է բնական աղետների (երկրաշարժ, ջրհեղեղ և այլն) և պատերազմների ժամանակ բժշկական համընդհանուր էթիկային և մարդասիրական սկզբունքներին համապատասխան, առանց ռասայական, կրոնական, աշխարհայացքային և այլ խտրականությունների բազմակողմանի բժշկական աջակցություն ցույց տալ տուժած մարդկանց։

Բժիշկներ առանց սահմանների
Изображение логотипа
Տեսակկազմակերպություն, հասարակական կազմակերպություն, բարեգործական կազմակերպություն, Միջազգային կազմակերպություն և voluntary health agencies?
Երկիր Շվեյցարիա
Հապավումֆր.՝ MSF
հայերեն՝ ԲԱՍ
ՀիմնադրվածԴեկտեմբերի 20, 1971 (1971-12-20)
Գլխադասային գրասենյակԺնև, Շվեյցարիա
Տարածաշրջանամբողջ աշխարհ
ՆախագահՋոան Լյու
Անձնակազմ36 482
ՀիմնադիրBernard Kouchner?, Jacques Bérès?, Philippe Bernier?, Raymond Borel?, Marcel Delcourt?, Xavier Emmanuelli? և Vladan Radoman?
Պարգևներ
Խաղաղության Նոբելյան մրցանակ,

Ինդիրա Գանդիի մրցանակ (1996)

,

Աստուրիայի թագուհու համաձայնության մրցանակ (1991)

,

Մարդու իրավունքների եվրոպական մրցանակ

,

Չորս Ազատությունների մրցանակ (1996)

,

Չաթամ Հաուսի մրցանակ (2015)

,

Նանսենի մրցանակ (1993)

,

Աստուրիայի թագուհու համաձայնության մրցանակ

,

ԼենոնՕնոյի՝ խաղաղության համար դրամաշնորհ (2006)

,

Ֆուլբրայթի մրցանակ (2012)

,

Պարդեսի մարդասիրական մրցանակ մտավոր առողջության ոլորտում (2017)

,

Լասկեր-Բլումբերգի հանրային ծառայությունների մրցանակ (2015)

,

նվիրաբերման կնիք DZI

,

Պատճառի բյուրեղ (2017)

,

Josep Trueta Plaque? (2019)

,

Էրիխա Կեստներա (2002)

և

Լիվինգսթոնի մեդալ

Կայքmsf.org

ԲԱՍ-ն իր առաջին առաքելությունը Հայաստանում իրականացրել է 1988 թվականի Սպիտակի երկրաշարժի ժամանակ, բուժօգնություն է կազմակերպել աղետյալներին, աջակցել առողջապահական ենթակառույցներին, հիմնել հոգեբանական խնամքի կենտրոն են։ 2002 թվականին ԲԱՍ-ը Հայաստանում իրականացրել է սեռական ճանապարհով փոխանցվող հիվանդությունների և ՁԻԱՀ-ի դեմ պայքարի ու Սևանա լճի շրջանում հոգեկան առողջության ապահովման (ԲԱՍ-Բելգիա), դժվար իրավիճակում գտնվող երեխաների խնամակալության (ԲԱՍ-Ֆրանսիա) ծրագրերը։ Ղարաբաղյան պատերազմի ժամանակ ԲԱՍ-ի ֆրանսիական, բելգիական և հոլանդական մասնաճյուղերը բժշկական օգնություն են ցույց տվել հակամարտող կողմերի վիրավորներին, գերիներին, պատանդներին, բռնագադթածներին, ինչպես նաև աջակցել դրանց առողջապահական կառույցներին։ Արցախում ներդրվել է հիվանդանոցային սանհիգիենային (բժշկական թափոնի վառարանի կառուցում և հիվանդանոցների սանիտարական վիճակի վերահսկում), ներարկումների անվտանգության, ընտանիքի պլանավորման, հոգեկան հիվանդների և պատերազմի ժամանակ վնասված երեխաների առողջացման, տոտերկուլոզի դեմ պայքարի ծրագրեր։

Ծանոթագրություններ խմբագրել

  1. About MSF." Médecins Sans Frontières. Retrieved on 31 August 2011. "MEDECINS SANS FRONTIERES - Rue de Lausanne 78 - CP 116 - 1211 - Geneva 21"
Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայաստան հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։