Օտտո Վիլհելմ Մազինգ
Օտտո Վիլհելմ Մազինգ (էստ․՝ Otto Wilhelm Masing, նոյեմբերի 8, 1763[1], Լոհուսուու, Իդա-Վիրումաա, Էստոնական ԽՍՀ - մարտի 15, 1832[2][1], Էկսի, Էստոնիա), գերմանական ծագումով էստոնագետ՝ առաջիններից մեկը, պաստոր, մանկավարժ, լեզվաբան, քրիստոնեական կրոնի ջատագով և պաշտպան հատկապես կրթության ոլորտում։
Օտտո Վիլհելմ Մազինգ Otto Wilhelm Masing | |
|---|---|
 | |
| Ծնվել է | նոյեմբերի 8, 1763[1] Լոհուսուու, Իդա-Վիրումաա, Էստոնական ԽՍՀ |
| Մահացել է | մարտի 15, 1832[2][1] (68 տարեկան) Էկսի, Էստոնիա |
| Գերեզման | Ռաադիի գերեզմանատուն |
| Քաղաքացիություն |  Ռուսական կայսրություն |
| Դավանանք | լյութերական |
| Մասնագիտություն | լեզվաբան, Lutheran pastor, գրող և national revival activist |
| Ալմա մատեր | Գալլե-Վիտենբերգ համալսարան |
| Տիրապետում է լեզուներին | էստոներեն, լատիներեն, հին հունարեն, ռուսերեն, իտալերեն, ֆրանսերեն և գերմաներեն[2] |
| Պարգևներ |  |
 Otto Wilhelm Masing Վիքիպահեստում | |
Կենսագրություն խմբագրել
Ծնվել է եկեղեցական զգեստապետի ընտանիքում. հայրը՝ Քրիստիան Մազիկը (Christian Masick) էստոնացի էր, իսկ մայրը՝ Աննա Լյուդովիկա Հիլդեբրանդտը (Anna Ludovica Hildebrandt) գերմանուհի։ Կրթությունն ստացել է Էստլանդիայում (Էստոնիայի հյուսիսային մասի պատմական անվանումը) Նառվայի քաղաքային դպրոցում և Գերմանիայում, որտեղ նա սովորել է Տորգաու քաղաքի ուսումնարանում, ապա Գալլե-Վիտենբերգ համալսարանի աստվածաբանության ֆակուլտետում։ Դրանից հետո վերադարձել է Էստոնիա։ 1788 թ. սկսած Օտտո Մազինգը ծառայել է որպես բողոքական քահանա (պաստոր)։
Աշխատություններ խմբագրել
Օտտո Վիլհելմ Մազինգ հեղինակ է կրոնական և կրթական մի շարք նյութերի, այբբենարանների։ 1795 թ . կազմել և հրատարակել է երեխաների ընթերցարան՝ «ABD» (C տառը էստոնական բառերում երբևէ չի լինում, այդ իսկ պատճառով էստոնական այբուբենի անդամ չի համարվում։ Այսինքն գրքի անվանումը կարելի է հավասարազոր համարել «ABC»-ի)։ Նաև եղել է էստոնական գյուղացիների համար նախատեսված պարբերականի խմբագիր։ 1821-1823 թթ. հրատարակել է «Marahva Näddala-Leht» շաբաթաթերթը («Էստոնական գյուղացիական շաբաթաթերթ»)՝ առաջիններից մեկը վաղ շրջանում էստոն լեզվով հրատարակություններից։ Զբաղվել է էստոներենի ուսուցմամբ։
Այլ լեզվաբանական ներդրումների հետ միասին՝ Մազինգը հայտնի է նրանով, որ էստոնական այբուբենին է ավելացրել Õ տառը՝ նշելով էստոնական հնչույթը, որի համապատասխանը չկար այլ ցեղակից լեզուներում։
Ծանոթագրություններ խմբագրել
- ↑ 1,0 1,1 1,2 1,3 1,4 Eesti biograafiline andmebaas ISIK (эст.)
- ↑ 2,0 2,1 2,2 2,3 Bibliothèque nationale de France data.bnf.fr (ֆր.): տվյալների բաց շտեմարան — 2011.
Արտաքին հղումներ խմբագրել
- http://www.eugen.ru/las-flores/estonia/history/estonia-great-people-mazing.html(չաշխատող հղում)
- Աշխատությունների թվայնացված տեքստերը EEVA էլեկտրոնային գրադարանում(չաշխատող հղում)
 | Վիքիպահեստն ունի նյութեր, որոնք վերաբերում են «Օտտո Վիլհելմ Մազինգ» հոդվածին։ |