Օսե Քլևելան
Օսե Մարիա Քլևելան (նորվ.՝ Åse Kleveland, մարտի 18, 1949[1][2], Ստոկհոլմ, Շվեդիա), նորվեգացի երգչուհի, կիթառահար, քաղաքական գործիչ և ակտիվիստ։ Հայտնի ժողովրդական երգիչ և կիթառահար, նշանակվել է Նորվեգիայի մշակույթի նախարար 1990 թվականին և աշխատել է այդ պաշտոնում 1996 թվականին՝ ներկայացնելով Գրու Հարլեմ Բրունթլանի ղեկավարած Աշխատանքային կուսակցությունը։ 1999-2006 թվականներին նաև եղել է Շվեդական կինոինստիտուտի տնօրենը[6]։ 2007 թվականի հունիսին դարձել է Նորվեգական մարդասիրական ասոցիացիայի խորհրդի նախագահ և այս պաշտոնում աշխատել է մինչև 2013 թվականը։
| Օսե Քլևելան | |
|---|---|
.jpg) | |
| Բնօրինակ անուն | նորվ.՝ Åse Maria Kleveland |
| Ի ծնե անուն | շվեդ.՝ Åse Maria Kleveland |
| Ծնվել է | մարտի 18, 1949[1][2] (75 տարեկան) Ստոկհոլմ, Շվեդիա |
| Երկիր |  Նորվեգիա և  Շվեդիա |
| Ժանրեր | vispop? և փոփ երաժշտություն |
| Մասնագիտություն | երգչուհի, քաղաքական գործիչ, երգերի հեղինակ, կիթառահար և հեռուստահաղորդավարուհի |
| Երգչաձայն | կոնտրալտո |
| Գործիքներ | կիթառ և վոկալ |
| Կրթություն | Օսլոյի համալսարան |
| Անդամակցություն | Ballade!? և Norwegian Humanist Association? |
| Ամուսին | Svenolov Ehrén?[3] |
| Պարգևներ | |
 Åse Kleveland Վիքիպահեստում | |
Անձնական կյանք
խմբագրելՔլևելանը ծնվել է Ստոկհոլմում, Շվեդիայում, գրքերի շվեդ կոլեկցիոներ Եվա Հանսոնի և նորվեգացի քաղաղացիական ինժեներ Օլաֆ Քլևելանի ընտանիքում։ Նրա հայրը 1943 թվականին Շվեդիա էր տեղափոխվել ֆաշիստական օկուպացիայի պատճառով` ապաստան գտնելով իր հարազատների մոտ։ 1957 թվականին Քլևելանն ու իր ընտանիքը տեղափոխվել են Ռումերիկե, Օսլոյի հյուսիս-արևելք[6], որտեղ նրա ընտանիքն աշխատանքի է անցել Ատոմային էներգիայի ինստիտուտում[7]։ 1977 թվականին հարցազրույցի ժամանակ նա նշել է, որ իրենց ընտանիքում հայրն ու մայրը հավասար պարտավորություններ ունեին և որ իր ամուսին Սվենոլով Էհրենն ու ինքը նույն կերպ են ապրում[8]։ Այժմ նա ամուսնացած է ռեժիսոր և կինեմատոգրաֆիստ Օդվար Բալ Թուհուսի հետ։ Քլևելանը տիրապետում է նորվեգերենին, շվեդերենին, դանիերենին, անգլերենին, ֆրանսերենին և ճապոներենին։ Նա իրավաբանություն է սովորել Օսլոյի համալսարանում[6][9]։
Երաժշտական կարիերա
խմբագրելՈրպես երգչուհի նա հայտնի է իր խորը, հոգեպարար ձայնով։ Նաև կիթառ է նվագում։ Դասական կիթառ նվագել սկսել է ութ տարեկանից։ 10 տարեկանում առաջին անգամ ելույթ է ունեցել ռադիո ներկայացման մեջ[6]։ Որպես վիսփոփ երգիչ առաջին անգամ ելույթ է ունեցել 13 տարեկանում, իսկ առաջին ալբոմը թողարկել է 1965 թվականին[6]։ 1966 թվականին թողարկված երկրորդ ալբոմը նոր «վիսփոփ» ժանրի օրինակ էր, ժողովրդական և փոփ երաժշտության խառնուրդ։ Սրանից հետո նա մի քանի ելույթներ է ունեցել Փարիզում։ 17 տարեկանում մեծ շրջագայություն է կատարել դեպի Ճապոնիա, որի մեջ ներառված էին մի քանի հեռուստահաղորդումներ և ճապոներենով չորս սինգլների թողարկում[6][8]։ Երգերի վերջնական հավաքածուն ալբոմի տեսքով թողարկել է 1973 թվականին[6], ինչպես նաև` թողարկել է 13 սինգլ սկադինավյան և գերմանական շուկաների համար[6]։ 1996 թվականին նա ներկայացրել է Նորվեգիան Եվրատեսիլ երգի մրցույթում իր Intet er nytt under solen («Արևի տակ որևէ նոր բան չկա») երգով` գրավելով երրորդ տեղը։ Նա կոտրել է իր ժամանակի պատկերացումները կանացի հագուստի մասին` ելույթ ունենալով ոչ թե զգեստով, այլ` վարտիքով[10]։ Քլևելանը երկարատև համագործակցություն է ունեցել Նորվեգիայի երաժիշտների ասոցիացիայի հետ` նախ, 1979-1983 թվականներին աշխատելով որպես աշխատակազմի ղեկավար[6], այնուհետև` աշխատելով որպես ասոցիացիայի ղեկավար 1983-1987 թվականներին[6]։ 1983-1986 թվականներին եղել է նաև Երաժիշտների միության նախագահ, 1986-1987 թվականներին` նույն միության փոխնախագահ[6]։
Տես նաև
խմբագրելԾանոթագրություններ
խմբագրել- ↑ 1,0 1,1 Internet Movie Database — 1990.
- ↑ 2,0 2,1 Discogs — 2000.
- ↑ Norsk biografisk leksikon(նորվ.) — Kunnskapsforlaget. — ISSN 2464-1502
- ↑ https://filmfestivalen.no/content/uploads/2020/06/Mottakere-av-Haugesund-Bys-hederspris-Den-spillende-Faun.pdf
- ↑ Ingmar Bergman-priset / 2005 / Åse Kleveland
- ↑ 6,00 6,01 6,02 6,03 6,04 6,05 6,06 6,07 6,08 6,09 6,10 «Åse Kleveland Curriculum Vitae». Արխիվացված է օրիգինալից 2005 թ․ մարտի 18-ին. Վերցված է 2005 թ․ մարտի 18-ին.
- ↑ Dagbladet: Interview med Åse Kleveland
- ↑ 8,0 8,1 Efjestad, Einar (1977). «KJ spør, trubaduren Åse Kleveland svarer...!». Kriminal Journalen (Norwegian). Oslo. 1977 (3): 10–11, 45.
{{cite journal}}: CS1 սպաս․ չճանաչված լեզու (link) - ↑ she was finishing the second part (2. avd.) of the Norwegian Law degree program in 1976/77
- ↑ 1966 Eurovision contest notes Արխիվացված Մայիս 21, 2008 Wayback Machine
 | Վիքիպահեստն ունի նյութեր, որոնք վերաբերում են «Օսե Քլևելան» հոդվածին։ |