Զբոսաշրջությունը Վրաստանում

(Վերահղված է Տուրիզմը Վրաստանումից)
Ժամանակակից Վրաստանի գլխավոր տուրիստական կենտրոն՝ Բաթում քաղաքը

Զբոսաշրջությունը Վրաստանում, Կովկասի հնագույն երկրներից մեկում, ակտիվորեն խրախուսվում է կառավարության կողմից։ Այդ ոլորտի ղեկավարումը իրականացնում է Վրաստանի զբոսաշրջության Ազգային Վարչությունը: Վրացական զբոսաշրջության պաշտոնական կայքը, որը ներկայացնում է երկրի տուրիստական արտադրանքը՝ Georgia and Travel կայքն է։

Էկո-զբոսաշրջությունԽմբագրել

Էկո-զբոսաշրջությունը Վրաստանի զբոսաշրջության ամենաեկամտաբեր ուղղություններից մեկն է, և միևնույն ժամանակ երկիրն այդ առումով ունի զգալի ներուժ։ Վրաստանում այդ ոլորտը ունի մեծ հնարավորություններ՝ հաշվի առնելով երկրի զբաղեցրած 12–րդ տեղն ըստ կենսաբազմազանության: Վրաստանի հողատարածքի համարյա կես միլիոն հեկտարը պաշտպանված տարածքներ են, դա մոտավորապես երկրի տարածքի 7 %-ն է։ Բոլոր արգելոցների 75%-ը անտառապատ են։ Վրաստանում կան 14 ազգային արգելոցներ, 9 ազգային պարկեր, 14 բնական հուշարձաններ և 2 բնական լանդշաֆտներ [3]:

Հանրահայտ քաղաքներԽմբագրել

 
Գելաթի վանք

Զբոսաշրջության տեսակներԽմբագրել

Վրաստանը առաջարկում է զբոսաշրջության հետևյալ տեսակները՝

  • արկածային
  • մշակութային
  • գինու
  • խաղային
  • հնագիտական
  • լեռնային
  • խոհանոցային
  • ազգագրական
  • կրթական
  • քարանձավային
  • էկո-զբոսաշրջություն
  • թռչունների դիտարկում։

Պաշտոնական վիճակագրության համաձայն, 2015 թվականին.

  • զբոսաշրջիկների 38%-ը այցելում են Վրաստանը հանգստի և ժամանցի նպատակով
  • 20%-ը գալիս են այցելելու իրենց բարեկամներին կամ ընկերներին
  • տրանզիտով երկիրն այցելել են զբոսաշրջիկների 19%-ը
  • 9%-ը հատուկ գնումներ կատարելու համար
  • 5%-ը այցը կատարել են գործնական նպատակներով։

ՀանգստավայրերԽմբագրել

Հանրապետությունում կան մոտ 300 լեռնային, մերձծովյա կլիմայական, հանքաջրաբուժական և ցեխային հանգստավայրեր։ Ձմեռային հանգստավայրերը ակտիվ են դեկտեմբերի վերջերից մինչև ապրիլի վերջը, իսկ ամառայինները՝ մայիսի վերջից մինչև հոկտեմբերի կեսերը։

Լեռնային զբոսաշրջություն, լեռնագնացություն, ժայռամագլցումԽմբագրել

Կովկասյան լեռների վրացական հատվածում հինգ գագաթներ իրենց բարձրությամբ գերազանցում են Մոնբլանը: Ուշբա լեռը (4710 մ)՝ Սվանեթի լեռնային շրջանի գագաթներից մեկը, համարվում է Կովկասի ամենադժվարանցելի լեռներից մեկը։ Խևսուրեթին, Խևին, Պշավին, Տուշեթին, Ռաչան և Սվանեթին համարվում են քիչ անցանելի, և այդ պատճառով էլ գրավիչ են արկածային զբոսաշրջության սիրահարների համար։

Հետաքրքիր փաստերԽմբագրել

«New York Times» հրատարակչությունը Վրաստանը ներառել է այն 52 երկրների ցանկի մեջ, որոնք պարտադիր պետք է այցելել [2]:

Տես նաևԽմբագրել

ՅՈՒՆԵՍԿՕ-ի Համաշխարհային ժառանգության օբյեկտները Վրաստանում

Գամարջոբա. հայերեն կայք Վրաստան այցելող զբոսաշրջիկների համար

ԾանոթագրություններԽմբագրել