Տիգրան Պետրոսյանի հուշարձան (Երևան, Դավթաշեն)

Անվան այլ կիրառումների համար տե՛ս՝ Տիգրան Պետրոսյանի հուշարձան (այլ կիրառումներ)

Տիգրան Պետրոսյանի հուշարձան, գտնվում է Երևանի Դավթաշեն թաղամասում՝ Տիգրան Պետրոսյան փողոցի սկզբնամասում, տեղադրվել է 2006 թվականին։

Տիգրան Պետրոսյանի հուշարձան
Տիգրան Պետրոսյանի հուշարձանը
Ընդհանուր տեղեկություններ
Համայնք	Դավթաշեն
Գտնվում է	Տիգրան Պետրոսյան փողոց
Բարձրություն	5 մ
Քանդակագործ(ներ)	Նորայր Կարգանյան
Հիմնադրում	2006
Նյութ	բրոնզ, գրանիտ, բազալտ
Շինարարության սկիզբ	2006
Շինարարության ավարտ	2006
Ներկա վիճակ	կանգուն

Հեղինակներ

• Քանդակագործ՝ Նորայր Կարգանյան

Տվյալներ

Հուշարձանը կառուցված է բրոնզից, գրանիտից և բազալտից, ընդհանուր բարձրությունը 5 մետր է։

Պատմություն

Շախմատի աշխարհի 9-րդ չեմպիոն Տիգրան Պետրոսյանի երկրորդ արձանի բացումը տեղի է ունեցել 2006 թվականի հունիսի 7-ին, Երևանի Դավթաշեն թաղամասում, Տիգրան Պետրոսյանի անվան փողոցում, չեմպիոնի ծննդյան 75-ամյակի առթիվ։

Հուշարձանի բացումը կատարել են շախմատի Հայաստանի հավաքականի անդամներ, գրոսմայստերներ Վլադիմիր Հակոբյանը, Գաբրիել Սարգսյանը, Կարեն Ասրյանը, Արտաշես Մինասյանը և Սմբատ Լպուտյանը, որոնք դրանից երեք օր առաջ դարձել էին համաշխարհային օլիմպիադայի հաղթողներ, ինչպես նաև ՀՀ կանանց հավաքականի անդամներ, գրոսմայստերներ Էլինա Դանիելյանը, Լիլիթ Մկրտչյանը, Նելլի Աղինյանը և միջազգային վարպետ Սիրանուշ Անդրեասյանը։ Արարարղությունը բացել է Դավթաշեն վարչական շրջանի ղեկավար Սուրիկ Ղուկասյանը։ Ելույթ են ունեցել Երևանի քաղաքապետ Երվանդ Զախարյանը, Հայաստանի շախմատի ֆեդերացիայի նախագահ, այն ժամանակ ՀՀ պաշտպանության նախարար Սերժ Սարգսյանը։

ՀՀ պաշտպանության նախարարության պատվերով կառուցված արձանի հեղինակը և ճարտարապետը քանդակագործ Նորայր Կարգանյանն է։ Աշխատանքը տևել է 6 ամիս։

Սա Տիգրան Պետրոսյանի երկրորդ արձանն է Երևանում. առաջինը 1989 թվականին տեղադրվել է Օղակաձև զբոսայգում, Տիգրան Պետրոսյանի անվան շախմատիստի կենտրոնական տան մոտ։ ՏԻգրան Պետրոսյանին նվիրված արձան կա նաև Ապարանում։

Պատկերասրահ

• 
  Տիգրան Պետրոսյանի հուշարձանը խոշոր պլանով
• 
  Տիգրան Պետրոսյանի հուշարձանի պատվանդանը

Տես նաև

• Տիգրան Պետրոսյանի հուշարձան (Երևան, Օղակաձև զբոսայգի)
• Տիգրան Պետրոսյանի հուշարձան (Ապարան)
• Տիգրան Պետրոսյանի կիսանդրի (Երևան, Շախմատի տուն)

Ծանոթագրություններ

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Տիգրան Պետրոսյանի հուշարձան (Երևան, Դավթաշեն) կատեգորիայում։