Արտաշես Մինասյան
Արտաշես Նավասարդի Մինասյան (ծնված 1967, հունվարի 21, Երևան), հայ շախմատիստ, գրոսմայստեր (1992), Հայաստանի վեցակի չեմպիոն (1990, 1992, 1993, 1995, 2004 և 2006)[3], ԽՍՀՄ վերջին չեմպիոն (1991), Հայաստանի հավաքականի կազմում շախմատի համաշխարհային օլիմպիադաների կրկնակի (2006 և 2008), Եվրոպայի թիմային առաջնության (1999) հաղթող։
| Արտաշես Մինասյան | |
|---|---|
 Արտաշես Մինասյանը 2016 թ. | |
| Պետություն(ներ) |  Հայաստան  ԽՍՀՄ |
| Ծննդյան ամսաթիվ | հունվարի 21, 1967 (56 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Կոչում | գրոսմայստեր[1], միջազգային վարպետ և ԽՍՀՄ շախմատի սպորտի վարպետ |
| Առավելագույն վարկանիշ | 2620 (հուլիս 1998) |
| Ներկայիս վարկանիշ | 2488 (փետրվար 2015) |
| ՖԻԴԵ համար | 13300040 |
| 365chess | Artashes_Minasian |
| Chesstempo համար | 138403 |
| ICCF համար | 138403 |
| Մասնակցել է | Շախմատային օլիմպիադա 1992[2], Շախմատային օլիմպիադա 1994[2], Շախմատային օլիմպիադա 1996[2], Շախմատային օլիմպիադա 1998[2], Շախմատային օլիմպիադա 2000[2], Շախմատային օլիմպիադա 2002[2], Շախմատային օլիմպիադա 2004[2], Շախմատային օլիմպիադա 2006[2] և Շախմատային օլիմպիադա 2008[2] |
| Պարգևներ և մրցանակներ |  և  |
 Artashes Minasian Վիքիպահեստում | |
ԿենսագրությունԽմբագրել
ԽՍՀՄ երիտասարդ վարպետների առաջնության հաղթող (1990)։
1991 թվականին, լինելով միջազգային վարպետ, բազմաթիվ գրոսմայստերների հետ պայքարում, Արտաշեսը հասավ իր կարիերայի մեծագույն նվաճմանը՝ դառնալով Խորհրդային Միության չեմպիոն[4]։ Այդ հաղթանակից հետո նրան շնորհվեց գրոսմայստերի կոչում։
ԽՍՀՄ-ի փլուզումից հետո կայացած անկախ Հայաստանի առաջին առաջնության (1992) հաղթողներից մեկն է (Աշոտ Անաստասյանի հետ)։ Բացի այդ, նա Հայաստանի չեմպիոնի կոչման է արժանացել ևս հինգ անգամ՝ 1990, 1993, 1995, 2004 և 2006 թվականներին։
«Երևան» թիմի կազմում Եվրոպայի ակումբային գավաթի խաղարկության հաղթող (1995)։
2000 թվականին հանդես է եկել Դելիում կայացած նոկաուտ համակարգով աշխարհի առաջնությանը, որտեղ հասել է մինչև երկրորդ փուլ՝ այնտեղ պարտվելով Միխայիլ Գուրևիչին[5], իսկ 2005 թվականին Խանտի Մանսիյսկում կայացած Աշխարհի գավաթի խաղարկության առաջին ռաունդում զիջել է Լյուկ վան Վելիին[6]։
Մինասյանը Հայաստանի հավաքականի կազմում ինը անգամ մասնակցել է շախմատային օլիմպիադաներին[7]։ 2006 թվականի հունիսին Լևոն Արոնյանի, Վլադիմիր Հակոբյանի, Կարեն Ասրյանի, Գաբրիել Սարգսյանի և Սմբատ Լպուտյանի հետ դարձավ Թուրինի 37-րդ համաշխարհային օլիմպիադայի հաղթող։ Այդ հաղթանակի համար նա և թիմակիցները պարգևատրվեցին Մովսես Խորենացու մեդալով[8]։ Իսկ երկու տարի անց՝ 2008 թվականին Դրեզդենում կայացած 38-րդ օլիմպիադայում տարած հաղթանակի համար պարգևատրվել է «Հայրենիքին մատուցած ծառայությունների համար» առաջին աստիճանի մեդալով[9]։
Կարիերայի ամենաբարձր վարկանիշին հասել է 1998 թվականի հուլիսի 1-ին՝ 2620։ Այդ արդյունքով նա ՖԻԴԵ-ի վարկանիշային աղյուսակում բաժանում էր 52-54-րդ տեղերը[10]։ Հայաստանի շախմատիստների մեջ դա 3-րդ արդյունքն էր (Վլադիմիր Հակոբյանից և Ռաֆայել Վահանյանից հետո)։
Միջազգային մրցաշարերԽմբագրել
Լավագույն արդյունքները միջազգային մրցաշարերում.
- Լենինգրադ (1989 - 2-րդ, 1990 - 3-րդ)
- Գրոնինգեն (1990 թ., 2-3-րդ)
- Կանն (1992, 2-6-րդ)
- Պարտենայ (1992, 3-8-րդ)
- Կանդաս (1992, 1-ին)
- Վալտորենս (1992, 1-5-րդ)
- Լոնգ Բիչ (1994, 1-3-րդ)
- Ֆիլադելֆիա (1994, 1-ին)
- Նյու Յորք օփեն (1998, 1-ին)
- Կապել լա Գրանդ (1998, 2-8-րդ)
- Լինարես օփեն (1999, 1-2-րդ)
- Ուբեդա (2000, 1-ին)
- Չիկագո (2000, 1-ին)
- Դուբայ օփեն (2001, 1-8-րդ)
- Բաթում (2003, 2-7-րդ)
- Կանն (2004, 3-րդ)
- Դուբայ օփեն (2004, 2-13-րդ)
Վարկանիշի փոփոխության գրաֆիկԽմբագրել
ՊարգևներԽմբագրել
ԾանոթագրություններԽմբագրել
- ↑ ratings.fide.com
- ↑ 2,0 2,1 2,2 2,3 2,4 2,5 2,6 2,7 2,8 OlimpBase
- ↑ All Champions of Armenia Archived 2012-01-20 at the Wayback Machine. (անգլ.)
- ↑ «ШСХМ 58-րդ առաջնություն»։ Արխիվացված է օրիգինալից 2007 թ․ նոյեմբերի 12-ին։ Վերցված է 2007 թ․ նոյեմբերի 12
- ↑ World Chess Championship 2000 FIDE Knockout Matches
- ↑ World Chess Championship 2005 World Cup
- ↑ OlimpBase Men’s Chess Olympiads Artashes Minasian Archived 2021-10-11 at the Wayback Machine. (անգլ.)
- ↑ ՇԱԽՄԱՏԻՍՏՆԵՐԸ ՊԱԳՐԵՒԱՏՐՎԵՑԻՆ «ՄՈՎՍԵՍ ԽՈՐԵՆԱՑՈՒ» ՄԵԴԱԼՈՎ
- ↑ Армянские шахматисты получат медаль За заслуги перед Отечеством Газета. Ru Новости (ռուս.)
- ↑ FIDE rating history: Minasian, Artashes
- ↑ Էլոյի վարկանիշը ՖԻԴԵ ցանկերից։ Աղբյուրներ՝ fide.com, benoni.de, olimpbase.org
- ↑ "Հայրենիքին մատուցած ծառայությունների համար" 1-ին աստիճանի մեդալով պարգևատրելու մասին