Վիկտոր Կրովոպուսկով
Վիկտոր Ալեքսեևիչ Կրովոպուսկով (ռուս.՝ Виктор Алексеевич Кровопусков, սեպտեմբերի 29, 1948, Մոսկվա, ԽՍՀՄ), խորհրդային ռուս սուսերամարտիկ, ԽՍՀՄ սպորտի վաստակավոր վարպետ (1976)։
| Վիկտոր Կրովոպուսկով | |
|---|---|
| Անձնական տեղեկություն | |
| Սեռ՝ | արական |
| Բնօրինակ անուն՝ | Виктор Алексеевич Кровопусков |
| Ազգություն՝ | ռուս |
| Մասնագիտացում՝ | սուսերամարտիկ |
| Երկիր՝ |  ԽՍՀՄ |
| Ծննդյան ամսաթիվ՝ | սեպտեմբերի 29, 1948 (76 տարեկան) |
| Ծննդավայր՝ | Մոսկվա, ՌՍՖՍՀ, ԽՍՀՄ |
| Ակումբ՝ | Լոկոմոտիվ ԲԿՄԱ |
| Մարզիչ(ներ)՝ | Լև Կորեշկով Դավիթ Տիշլեր Մարկ Ռակիտա |
| Հասակ՝ | 179 սմ |
| Քաշ՝ | 76 կգ |
Կենսագրություն
խմբագրելՎիկտոր Կրովոպուսկովը ծնվել է 1948 թվականի սեպտեմբերի 29-ին։ Սուսերամարտով զբաղվել սկսել է 1963 թվականին «Լոկոմոտիվ» ակումբում։ Տասնվեց տարեկանից սկսել է մարզվել Լև Կորեշկովի մոտ, այնուհետև տեղափոխվել է ԲԿՄԱ ակումբ, որտեղ նրա մարզիչն է դարձել Դավիթ Տիշլերը[1]։
1968 թվականին Վիկտոր Կրովոպուսկովը հաղթել է պատանիների աշխարհի առաջնությունում[1]։
Վիկտոր Կրովոպուսկովը 1976 և 1980 թվականներին դարձել է օլիմպիական չեմպիոն թիմային և անհատական առաջնություններում։ ԽՍՀՄ հավաքականի կազմում նա մարզվել է Մարկ Ռակիտայի ղեկավարությամբ։ 1974, 1975, 1979, 1983 և 1985 թվականներին Վիկտոր Կրովոպուսկովբ աշխարհի չեմպիոն է դարձել թիմային առաջնություններում, 1978 և 1982 թվականներին՝ անհատական առաջնություններում, իսկ 1976 թվականին դարձել է ԽՍՀՄ չեմպիոն անհատական և թիմային առաջնություններում։ 1973, 1978, 1981 թվականներին դարձել է աշխարհի թիմային առաջնության արծաթե, իսկ 1982 թվականին՝ բրոնզե մեդալակիր[1]։ 1979 թվականին Սուսերամարտի միջազգային ֆեդերացիայի կողմից ճանաչվել է աշխարհի լավագույն սուսերամարտիկ։
Վիկտոր Կրովոպուսկովն աչքի է ընկել արագ ռեակցիայով, ինչպես նաև մենամարտի վճռական պահերին սառնասրտությունը պահպանելու հատկությամբ[1]։ Ավարտել է Ռուսաստանի ֆիզկուլտուրայի ինստիտուտը (ներկայում՝ Ավարտել է Ռուսաստանի ֆիզկուլտուրայի, սպորտի, երիտասարդության ու զբոսաշրջության համալսարան)։
Մարզական կարիերան ավարտելուց հետո որպես մարզիչ աշխատել է ԽՍՀՄ-ում, Ռուսաստանում, Ճապոնիայում, Իրանում։ Հետագայում որպես մարզիչ-ուսուցիչ աշխատանքի է անցել Մոսկվայի «Չերտանովո» օլիմպիական ռեզերվների մանկական-պատանեկան մարզական դպրոցում[1]։
2006 թվականին Վիկտոր Կրովոպուսկովն ընդգրկվել է Ռուսաստանի սուսերամարտի փառքի սրահում։
Մրցանակներ
խմբագրելԾանոթագրություններ
խմբագրել- ↑ 1,0 1,1 1,2 1,3 1,4 Кровопусков Виктор Алексеевич // Большая российская энциклопедия. — М.: Большая Российская энциклопедия, 2010. — Т. 16. — С. 85. — 60 000 экз. — ISBN 978-5-85270-347-7
- ↑ Б. Н. Хавин. Всё об олимпийских играх. — 2-е изд. — М.: «Физкультура и спорт», 1979.
- ↑ Վիկտոր Կրովոպուսկովի էջը Ռուսաստանի սուսերամարտի ֆեդերացիայի կայքում (ռուս.)
Գրականություն
խմբագրել- ФЕХТОВАНИЕ: Энциклопедия / Авторы-составители М. С. Ракита, В. Л. Штейнбах. — М.: Человек, 2011. — ISBN 978-5-904885-46-5. — С. 203—204.