Վարուժան Մանուկյան
հայ դերասան
Վարուժան Արծրունի Մանուկյան (նոյեմբերի 28, 1968, Երևան, Հայկական ԽՍՀ, ԽՍՀՄ), հայ դերասան, Հայաստանի վաստակավոր արտիստ (2016)[1]։
 | |
|---|---|
| Ծնվել է | նոյեմբերի 28, 1968 (55 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Կրթություն | Երևանի Գայի անվան թիվ 129 դպրոց և Երևանի պետական գեղարվեստա-թատերական ինստիտուտ |
| Քաղաքացիություն |  Հայաստան |
| Մասնագիտություն | դերասան |
| Ծնողներ | հայր՝ Արծրուն Մանուկյան |
| Ամուսին(ներ) | Նարինե Ալեքսանյան |
| Պարգևներ և մրցանակներ |  |
Դերասան Արծրուն Մանուկյանի որդին է, դերասանուհի Նարինե Ալեքսանյանի ամուսինը։
Կենսագրություն
խմբագրելՎարուժան Մանուկյանը ծնվել է Երևանում դերասան Արծրուն Մանուկյանի ընտանիքում։ 1986 թվականին ավարտել է Երևանի Գայի անվան միջնակարգ դպրոցը, 1992 թվականին՝ Երևանի պետական գեղարվեստա-թատերական ինստիտուտի դերասանական ֆակուլտետը։ 1992-1994 թվականներին աշխատել է «Մետրո» թատրոնում։ Աշխատել է «ԱՐ», Հայաստանի հանրային, Հայկական երկրորդ հեռուստաընկերություններում։ 2001 թվականից աշխատում է Երևանի Հակոբ Պարոնյանի անվան երաժշտական կոմեդիայի պետական թատրոնում` որպես դերասան[2][3]։
Ներկայացումներ
խմբագրել
- Ոստիկան՝ Ժիրայր Անանյանի «Մեր տան տերերը»
- Վարոս՝ «Տե'ր, մի թող մեզ անտեր»
- Ջոն ՝ Գ. Խանջյանի «Ինձնից պրծում չկա»
- Երաժիշտ՝ «Էսպես մինչև երբ»
- Բալզումինով՝ Ալեքսանդր Օստրովսկու «Հարուստի աղջիկը տգեղ չի լինում»
- Իվան Վասիլևիչ՝ Անտոն Չեխովի «Արջ, առաջարկություն»
- Թոթոլ՝ Ժորա Հարությունյանի «Պարոն Բաբիկը և ուրիշները»
- Ռոբերտ՝ Մ. Կոմուլետի «Սիրային իրարանցում»
- Փայլակ՝ Հակոբ Պարոնյանի «Պաղտասար ախպար»
- Լևոն՝ «Ատամնաբույժն արևելյան»
- Գելի Գեյ՝ Բերտոլդ Բրեխտի «Ինչ այն զինվորը, ինչ այս»
- Իմաստուն՝ Մոլիերի «Չամուսնանաք պարոնայք... եթե կարող եք»
- Դատապաշտպան՝ Ժան Անույի «Շրջազգեստով գեներալները»
- Վահրամ Փափազյան`Մարո Մադոյան Ալաջաջյանի «Վաղը ուշ կլինի»
- Ալեքսի հայրը`Թամար Հովհաննիսյանի «Վերջին կանգառ»
- Գող` Դարիո Ֆոի «Իմ կինը, Ձեր ամուսինը և քաղաքապետի օգնականը»
- Մատուցող՝ Ժ. Ֆեյդոյի «Կասկածը կնոջ սրտում»
- Ռասիդաս՝ Դ. Պսաֆասի «Պահանջվում է ստախոս»
- Զոլոտնիկով՝ Ֆ. Սոլոգուբի «Քնքուշ սրտից պատուհաս»
- Միկլե՝ Է. դե Ֆիլիպպոյի «Ֆիլումենա Մարտուրանո»
- Քրիստ Մանարյանի «Ոսկեջրած ձկնիկը»
- «Եվ երկնքից երեք աթոռ ընկավ»
- «Տերն ու ծառան»
- Ջեկ` Մարո Մադոյան֊Ալաջաջյան «Չինացին էլ կարող է հայ լինել»
Ֆիլմեր
խմբագրել- «Մեծ պատմություն փոքր քաղաքում», 2006
- «Կորցված և գտնված Հայաստանում», 2010
- «Հրաձիգ 4», 2015
- «Ճամբարում», 2016
Հեռուստասերիալ
խմբագրել- «Իմ տունը քո տունը չէ», 2011
- «Ժիրայր Գլենց», 2019
- «Փափուկ խաղալիք», 2020
Հումորային ծրագրեր
խմբագրել- «Մի կաթիլ մեղր»
- «Իրական պատմություններ»
Պարգևներ, մրցանակներ
խմբագրել- ՀԹԳՄ «Արտավազդ» մրցանակ «Տարվա լավագույն դերասան» անվանակարգում, 2008
- Հայաստանի վաստակավոր արտիստ, 2016
Ծանոթագրություններ
խմբագրել- ↑ «ՀՀ Նախագահի հրամանագրերը - Փաստաթղթեր - Հայաստանի Հանրապետության Նախագահ». նախագահ.հայ. Վերցված է 2016 թ․ նոյեմբերի 20-ին.
- ↑ «ԵՐԱԺՇՏԱԿԱՆ ԿՈՄԵԴԻԱՅԻ ՊԵՏԱԿԱՆ ԹԱՏՐՈՆ». www.comedytheater.am. Արխիվացված է օրիգինալից 2016 թ․ հոկտեմբերի 31-ին. Վերցված է 2016 թ․ նոյեմբերի 20-ին.
- ↑ «Zarkfoundation - Վարուժան Մանուկյան». zarkfoundation.com.