Տիգրանուհի Տեր-Մարկոսյան

հայ դերասան

Տիգրանուհի Տեր-Մարկոսյան (մարտի 10, 1950(1950-03-10), Երևան, Հայկական ԽՍՀ, ԽՍՀՄ), հայ դերասանուհի։

Տիգրանուհի Տեր-Մարկոսյան
Ծնվել էմարտի 10, 1950(1950-03-10) (71 տարեկան)
ԾննդավայրԵրևան, Հայկական ԽՍՀ, ԽՍՀՄ
ԿրթությունՍայաթ-Նովայի անվան երաժշտական դպրոց, Վ․Բրյուսովի անվան պետական համալսարան և Երևանի պետական գեղարվեստա-թատերական ինստիտուտ
ՔաղաքացիությունFlag of the Soviet Union.svg ԽՍՀՄ և Flag of Armenia.svg Հայաստան
Ազգությունհայ
Մասնագիտությունդերասանուհի, ռեժիսոր և թարգմանիչ
Ակտիվ շրջան1980-ից մինչ օրս
Երեխա(ներ)Շաքե Ջինգյոզյան

ԿենսագրությունԽմբագրել

Սովորել է Սայաթ-Նովայի անվան երաժշտական դպրոցի դաշնամուրի բաժնում, 1967-1971 թվականներին՝ Երևանի Վալերի Բրյուսովի անվան լեզվաբանական համալսարանի անգլիական ֆակուլտետում։ Անգլերեն է դասավանդել Երևանի Չարենցի անվան և Գյումրու թիվ 35 միջնակարգ դպրոցներում։ 1973 թվականին ամուսնությունից հետո տեղափոխվել է Գյումրի, որտեղ Ուսուցչի տանը եղել է դասատու, դերասանուհի և ռեժիսոր։ Խաղացել է Անույշ, Սողոմե, Շողակաթ՝ Հակոբ Պարոնյանի «Պաղտասար աղբար», «Մեծապատիվ մուրացկաններ», Քլեյա՝ Ֆիգեյրեդոյի «Եզովպոս», Ֆիլումենա Մարտուրանո՝ Ֆիլիպպոյի «Ֆիլումենա Մարտուրանո», Անկա՝ Բարանգայի «Խելքի եկ, Քրիստափոր», Եվփիմե՝ Օտյանի «Խնդրանք` անցնինք» և այլ դերեր։ Բեմադրել է Մոլիերի «Սկապենի խաբեությունները», Ֆիլիպպոյի «Դոն Ռաֆայելեն` տրոմբոնահար», «Ուրվականները», Տեր-Գրիգորյանի «Զգուշացե'ք, նա դեռ կա» ներկայացումները։ 1979-1984 թվականներին սովորել է Երևանի թատրոնի և կինոյի պետական ինստիտուտի ռեժիսորական բաժնում։ 1984 թվականից աշխատել է Գյումրու Աճեմյանի անվան պետական դրամատիկական, 1998 թվականից՝ Երևանի Պարոնյանի անվան երաժշտական կոմեդիայի պետական թատրոններում։ Նկարահանվել է սերիալներում, սիթքոմներում, ֆիլմերում և գովազդներում[1]։ Դասավանդել է Երևանի թատրոնի և կինոյի պետական ինստիտուտում, կատարել է թարգմանություններ[2]։

Լավագույն դերակատարումներըԽմբագրել

 
Հատված «Հարուստի աղջիկը տգեղ չի լինում» ներկայացումից, հեղինակ` Ալեքսանդր Օստրովսկի, թարգմանությունը` Դ. Մուրադյանի, կատակերգություն 1 գործողությամբ, բեմադրությունը` ՀՀ ժողովրդական արտիստ Երվանդ Ղազանչյանի, լուսանկարում՝ Պավլա Պետրովնա Բալզամինովա` Տիգրանուհի Տեր-Մարկոսյան, Միխայլո Բալզամինով` Վարուժան Մանուկյան, Ակուլինա Գավրիլովնա Կրասավինա` Նարինե Ալեքսանյան
Դերեր Գյումրիի Վարդան Աճեմյանի անվան պետական դրամատիկական թատրոնում
  • Անժելա՝ «Գնա մեռի, արի սիրեմ»
  • Սիրարփի՝ «Քո վերջին հանգրվանը»
  • Նազիկ՝ «Թիկունք»
  • Ժակինետտա՝ «Սիրո ապարդյուն ճիգերը»
  • Անահիտ՝ «Իրական պատմություն»
Դերեր Երևանի Հակոբ Պարոնյանի անվան երաժշտական կոմեդիայի պետական թատրոնում
  • Կին՝ «Լիսիստրատե»
  • Քաբատո՝ «Խանումի արարքները»
  • Սոֆիկ՝ «Գնա մեռի, արի սիրեմ»
  • Թերեզա՝ «Շողոքորթն»
  • Միսս Պեդդի՝ «Տարօրինակ միսիս Սևիջը»
  • Քեթևան՝ «Խաթաբալա»
  • Ֆլիպոտ` «Շրջազգեստով գեներալները»
  • Անարդա՝ «Պարտիզպանի շունը»
  • Կլավդիա Վասիլևնա՝ «Երջանկություն որոնելիս»
  • Ռոզալիա՝ «Ֆիլումենա Մարտուրանո»
  • Բալզամինովա՝ «Հարուստի աղջիկը տգեղ չի լինում»
  • Օրիորդ Վարսենիկ՝ «Ֆայտոն Ալեքը»
  • Ամազոն՝ «Չարենցի ուղղիչ տունը»
  • Տարեց կին` «Տե՛ր, մի թող մեզ անտեր»
  • Արմենի բարեկամ` Տիգրան Չուխաջյան «Կարինե»
  • Մարթա՝ «Ատամնաբույժն արևելյան»
  • Տարեց բուժքույր՝ «Պարոն Բաբիկը և ուրիշները»
  • Սավկա՝ «Տիկին մինիստրուհին»
  • Տիկին`«Մորգանի խնամին»
  • Մարթա՝ «Ուշ լինի,նուշ լինի»
  • Անուշ՝ «Վաղը ուշ կլինի»
  • Տիկին՝ «Սիրելիներից մի բաժանվեք»
  • Թալանված տիկին, դրախտի քարտուղարուհի «Գողը դրախտում»
  • Արուս Գրիգորևնա` «Չինացին էլ կարող է հայ լինել...»

ՄրցանակներԽմբագրել

  • Երևանի քաղաքապետի ոսկե մեդալ, 2019։

Տիգրանուհի Տեր-Մարկոսյանի մասինԽմբագրել

  Գյումրու թատրոնից է եկել բեմական հետաքրքիր կենսագրություն ունեցող, շատ շնորհալի դերասանուհի Տիգրանուհի Տեր-Մարկոսյանը։ Նա թատրոնի առաջատարներից ու ամենազբաղվածներից է։ Արագ ձեռք բերած հաջողությունը գալիս է նախկին թատրոնում ունեցած 15 տարիների բեմական հարուստ փորձից և անշուշտ թատերական ինստիտուտից, ուր նա ավանդում է դերասանի վարպետություն առարկան։ Բազմաժանր և ընդգրկուն է շնորհալի դերասանուհու դերացանկը երաժշտական կոմեդիայի պետական թատրոնում։Բնական է, որ այս ամենի հիմքում կերպարանափոխման արվեստին տիրապետելն է, արտիստական ու առօրյա կերպարանքի խիստ զանազանությունը, յուրաքանչյուր կերպարի համար` դերասանուհու գտած համապատասխան խաղակերպը։
- Սերգեյ Առաքելյան, 2000թ.
 


ԾանոթագրություններԽմբագրել