Վասիլ Կոլարով
Վասիլ Պետրով Կոլարով (բուլղար․՝ Васил Петров Коларов, հուլիսի 16, 1877[1][2][3][4], Շումեն, Բուլղարիա - հունվարի 23, 1950[1][2][3][4], Սոֆիա, Բուլղարիա), բուլղարացի կոմունիստական գործիչ, ԲԺՀ քաղաքական և պետական գործիչ։ Տնտեսագիտական գիտությունների դոկտոր (1935 թ.), Բուլղարիայի ԳԱ ակադեմիկոս (1946 թ.)։ 1897 թվականից բուլղարական կոմունիստական կուսակցության (ԲԿԿ) անդամ։
| Վասիլ Կոլարով բուլղար․՝ Васил Коларов | |
|---|---|
 | |
| Ծնվել է | հուլիսի 16, 1877[1][2][3][4] |
| Ծննդավայր | Շումեն, Բուլղարիա |
| Մահացել է | հունվարի 23, 1950[1][2][3][4] (72 տարեկանում) |
| Մահվան վայր | Սոֆիա, Բուլղարիա |
| Քաղաքացիություն | Բուլղարիա |
| Կրթություն | Ժնևի համալսարան |
| Մասնագիտություն | քաղաքական գործիչ |
| Զբաղեցրած պաշտոններ | Բուլղարիայի արտաքին գործերի նախարար, Բուլղարիայի Ազգային ժողովի անդամ, Բուլղարիայի նախագահ և Chairman of the Council of Ministers of the People's Republic of Bulgaria? |
| Քաղաքական կուսակցություն | Բուլղարիայի կոմունիստական կուսակցություն |
| Անդամություն | Բուլղարիայի գիտությունների ակադեմիա |
| Vasil Kolarov Վիքիպահեստում | |
ԿենսագրությունԽմբագրել
1897-1900 թվականներին սովորել է Ժնևի համալսարանի իրավաբանական ֆակուլտետում։ 1902-1904 թվականներին եղել է Շումենի սոցիալ-դեմոկրատական կազմակերպության քարտուղար, 1904-1919 թվականներին՝ ԲԲՍԴԿ կազմակերպության ղեկավար, 1919-1923 թվականներին՝ Բուլղարիայի կոմունիստական կուսակցության քարտուղար։ Մասնակցել է II Ինտերնացիոնալի Շտուտգարտի (1907 թ.), Կոպենհագենի (1910 թ.) կոնգրեսներին, Ցիմերվալդի միջազգային խորհրդային կոնֆերանսին (1915 թ.)։ 1921 թվականից՝ ԿԻԳԿ, 1922 թվականից՝ ԿԻԳԿ նախագահության անդամ, 1922-1924 թվականներին՝ ԿԻԳԿ գլխավոր քարտուղար։ Գ. Դիմիտրովի հետ ղեկավարել է 1923 թվականի սեպտեմբերի հակաֆաշիստական ապստամբությունը։ 1923 թվականի հոկտեմբերից ապրել է ԽՍՀՄ-ում։ 1923-1944 թվականներին եղել է Բուլղարիայի կոմկուսի ԿԿ արտասահմանյան բյուրոյի անդամ, 1926-1929 թվականներին՝ ԲԿԿ օրգան «Կոմունիստիչեսկո զնամե» ամսագրի գլխավոր խմբագիր։ Երկրորդ համաշխարհային պատերազմի (1939-1945 թթ.) ժամանակ եղել է ֆաշիզմի դեմ Բուլղարիայի դիմադրության կազմակերպիչներից։ 1946-1950 թվականներին եղել է ժողովրդական մեծ ժողովի նախագահ, 1949-1950 թվականներին՝ ԲԺՀ Մինիստրների խորհրդի նախագահ։
ԾանոթագրություններԽմբագրել
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Վասիլ Կոլարով կատեգորիայում։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 509)։ 
|