Վան Եղյան

Վիքիպեդիայում կան հոդվածներ Եղյան ազգանունով այլ մարդկանց մասին։

Վան Եղյան (մայիսի 17, 1940(1940-05-17), Գետամեջ, Հայաստան - հունիսի 28, 2011(2011-06-28), Դագոմիս, Սոչի, Կրասնոդարի երկրամաս, Ռուսաստան), հայ նկարիչ, քանդակագործ, բանաստեղծ։

Վան Եղյան
Ծնվել է	մայիսի 17, 1940(1940-05-17)
Ծննդավայր	Գետամեջ, Հայաստան
Վախճանվել է	հունիսի 28, 2011(2011-06-28) (71 տարեկան)
Մահվան վայր	Դագոմիս, Սոչի, Կրասնոդարի երկրամաս, Ռուսաստան
Կրթություն	Փանոս Թերլեմեզյանի անվան գեղարվեստական ուսումնարան (1965)
Մասնագիտություն	նկարիչ և քանդակագործ
Ուշագրավ աշխատանքներ	Հուշարձան Երկրորդ աշխարհամարտում զոհվածներին
Անդամակցություն	Հայաստանի նկարիչների միություն
Van Egyan Վիքիպահեստում

Կենսագրություն

1961-1965 թվականներին սովորել է Երևանի Փանոս Թերլեմեզյանի անվան գեղարվեստի ուսումնարանում։ 1990 թվականից եղել է ԽՍՀՄ, այնուհետև Հայաստանի նկարիչների միության անդամ։

1971-1975 թվականներին պարբերաբար մեկնել է արտագնա աշխատանքի՝ նկարչական պատվերներ իրականացրել Ռուսաստանի Դաշնության և ԽՍՀՄ այլ հանրապետությունների տարբեր քաղաքներում ու երկրամասերում (Մոսկվա, Լենինգրադ, Սիբիր, Ուզբեկստան, Ղազախստան և այլն)։

1974-1975 թվականներին դասավանդել է Եղեգնաձորի գեղարվեստի դպրոցում։

1993 թվականից տեղափոխվել է Ռուսաստան սոցիալ-տնտեսական պատճառներով և փողոցային դիմանկարչությամբ վաստակել իր ընտանիքի ապրուստը, Սև ծովի ափամերձ քաղաքներում (Սոչի, Ադլեր, Դագոմիս)։

Ցուցահանդեսներ

Հանրապետական և արտասահմանյան ցուցահանդեսներ

• 1969 թվականին Կոմիտասը հայկական կերպարվեստում, Հայաստանի նկարիչների միության ցուցասրահ, Երևան
• 1988 թվականին Դիմանկարի հանրապետական ցուցահանդես, Հայաստանի նկարիչների միության ցուցասրահ, Երևան
• 1989 թվականին «Պատմության քառուղիներով», ցուցահանդես, Հայաստանի նկարիչների միության ցուցասրահ, Երևան
• 1990 թվականին Արտասահմանյան երկրների կերպարվեստի տոնավաճառ-ցուցահանդես, "EXPORT SALON", Մոսկվա, Ռուսաստան
• 1991 թվականին Հայաստանի առաջին (1918-1920) հանրապետության անկախությանը նվիրված ցուցահանդես, Հայաստանի նկարիչների միության ցուցասրահ, Երևան

Խմբային ցուցահանդեսներ

• 1983 թվականին Եղեգնաձորի գեղանկարիչները», Հայաստանի ազգային պատկերասրահի Եղեգնաձորի մասնաճյուղ, Եղեգնաձոր
• 1984 թվականին Ցուցահանդես նվիրված Գլաձորի համալսարանի 700-ամյակին, Հայաստանի ազգային պատկերասրահի Եղեգնաձորի մասնաճյուղ, Եղեգնաձոր
• 1986 թվականին «Եղեգնաձորի գեղանկարիչները», Հայաստանի ազգային պատկերասրահի Եղեգնաձորի մասնաճյուղ, Եղեգնաձոր
• 1987 թվականին «Վայոց ձորի գեղանկարիչները», Հայաստանի ազգային պատկերասրահի Եղեգնաձորի մասնաճյուղ, Եղեգնաձոր
• 2005 թվականին «Վայոց ձորի և Սյունիքի գեղանկարիչները», Գորիս
• 2006 թվականին «Սյունիքի և Վայոց ձորի գեղանկարիչները», ԵԵԹ, Եղեգնաձոր
• 2010 թվականին «Վայոց ձորի գեղանկարիչները», ԵԵԹ, Եղեգնաձոր

Անհատական ցուցահանդեսներ

• 1982 թվականին Հայաստանի ազգային պատկերասրահի Եղեգնաձորի մասնաճյուղ, Եղեգնաձոր
• 2012 թվականին Հետմահու ցուցահանդես, Եղեգնաձորի երկրագիտական թանգարանի ցուցասրահ, Եղեգնաձոր

Ստեղծագործություններ

Դիմաքանդակներ

• Արշավիր Մելիքյան (գյուղ Զառիթափ, 1968)
• Կոմիտաս ( Եղեգնաձոր, 1969)
• Մովսես Խորենացի (1969)

Հուշարձաններ` նվիրված 1941-1945 թվականների պատերազմի զոհերի հիշատակին

• գյուղ Վերնաշեն (1971-1972)
• գյուղ Եղեգիս (1976-1977)
• գյուղ Արտաբույնք (1978)
• գյուղ Զանգակատուն (Չանախչի, 1982)
• գյուղ Գլաձոր (1985)

Ընտանիք

1968 թվականին ամուսնացել է Վերա Դեմիրճյանի հետ։ Համատեղ ունեցել են վեց երեխա՝ (Իդա՝ 1969 թվական, Սարինե՝ 1970 թվական, Նարեկ՝ 1971 թվական, Սարիկ՝ 1976 թվական, Թենի՝ 1977 թվական, Նաղաշ՝ 1983 թվական)։

Գրականություն

• Կատալոգ հետմահու անհատական ցուցահանդեսի, 2012, ք. Երևան

Պատկերասրահ

• 
  Հուշարձան Երկրորդ աշխարհամարտում զոհվածներին, Գլաձոր
• 
  Հուշարձան Երկրորդ աշխարհամարտում զոհվածներին, Վերնաշեն