Սոկչո
Սոկչո (կոր. 속초시, 束草市, Sokcho-si), քաղաք հարավային Կորեայի Գանգվոն նահանգում։ Գտնվում է երկրի հյուսիս-արևելյան մասում` Արևելյան ծովի ափին։
| Բնակավայր | ||
|---|---|---|
| Սոկչո | ||
 | ||
| Երկիր |  Հարավային Կորեա | |
| Մակերես | 105,25 կմ² | |
| ԲԾՄ | 2 մետր | |
| Բնակչություն | 79 846 մարդ (2015) | |
| Ժամային գոտի | UTC+9 | |
| Պաշտոնական կայք | sokcho.gangwon.kr/foreign/eng/html/main.html | |
| ||
Պատմություն խմբագրել
Քաղաքի ներսում մարդկանց ամենավաղ բնակավայրերը թվագրվում են բրոնզի դարից։ Հնում ժամանակակից Սոկչոյի տարածքը պատկանել է վաղ կորեական Գոգուրեո նահանգին, իսկ VI դարում անցել է Սիլլա նահանգի վերահսկողության տակ։ 757 թվականի վարչական բարեփոխումից հետո այստեղ ձևավորվել է Իննյոնգյուն (Ինյոնգ շրջան) վարչական միավորը։ 1221 թվականին (Գորյոյի դինաստիա) տարածքը մտավ Յանջուի կազմի մեջ։
Սոկչոյի ամենահին հիշատակումը թվագրվում է 1760 թվականին. քաղաքը քարտեզագրվել է Չոսոն նահանգին։
1945 թվականի օգոստոսի 24-ից մինչև 1951 թվականի հունվարի 8-ը Սոկչոն ղեկավարվում էր հյուսիսային կոմունիստական կառավարության կողմից, որից հետո այն վերագրավվեց հարավկորեական զորքերի կողմից։
1963 թվականին Սոկչոյին տրվել է քաղաքի կարգավիճակ[1]։
Աշխարհագրություն խմբագրել
Սոկչոն տեղակայված է Ճապոնական ծովի ափին` Ապառազմականացված գոտուց 62 կմ դեպի հարավ և համարվում է Սորաքսան ազգային պարկի դարպասը։ Սոկչոն Պրիմորիեի երկրամասի հետ կապող լաստանավային անցում կա։
Սոկչոյի կլիման փոքր-ինչ տարբերվում է Կորեայի մայրցամաքային մասի կլիմայից։ Քաղաքը արևմուտքից շրջապատված է լեռներով և գտնվում է ծովի ափին, այդ իսկ պատճառով դրա կլիման գտնվում է օվկիանոսի ազդեցության տակ։ Տարվա միջին ջերմաստիճանը 11.8 °C է, տարվա միջին տեղումների քանակը` 1300 մմ, քամու միջին արագությունը 3.1 մ/վ[2]։
Բնակչություն խմբագրել
Բնակչության դինամիկան ըստ տարիների.
| 1970 | 1975 | 1980 | 1985 | 1990 | 1995 | 2000 | 2005 | 2010 |
|---|---|---|---|---|---|---|---|---|
| 73 024 | 71 351 | 65 759 | 69 430 | 73 758 | 81 979 | 87 880 | 84 706 | 80 505 |
Վարչական բաժանում խմբագրել
Սոկչոն վարչականորեն բաժանվում է 8 տոնի (դոնի)[3]։
| Անվանում | Հանգըլ | Տարածք, կմ² | Բնակչություն, մարդ |
|---|---|---|---|
| Իյոնանդոն | 영랑동 | 7,60 | 6217 |
| Կյոդոն | 교동 | 0,75 | 13 066 |
| Կիմհոդոն | 금호동 | 1,43 | 7976 |
| Նահակդոն | 노학동 | 22,29 | 23 412 |
| Տոնմյոնդոն | 동명동 | 0,78 | 4360 |
| Տեպհոդոն | 대포동 | 65,89 | 3933 |
| Չոյանդոն | 조양동 | 5,62 | 20 915 |
| Չոնհոդոն | 청호동 | 0,94 | 4720 |
Տնտեսություն խմբագրել
Տնտեսության բյուջետային ոլորտը զբոսաշրջությունն է։ Լողափերի շերտը և հայտնի Սորաքսան լեռների շրջակայքը քաղաք են կանչում բազմաթիվ այցելուների ինչպես Հարավային Կորեայից, այնպես էլ արտերկրից։
Քաղաքի բյուջեն 2003 թվականին կազմում էր 160.700 մլրդ վոն (մոտավորապես 150 մլն դոլար)[4]։
Զբոսաշրջություն և տեսարժան վայրեր խմբագրել
Պատմական.
- Սինհինսա բուդդայական վանքը` կառուցված 1750 թվականին։ Համարվում է երկրի ամենամեծ բուդդայական տաճարներից մեկը։
- Հյանսոնսաջիի եռահարկ նստավայրը (VIII դար)` Սիլլայի թագավորության օրոք
Բնական.
- Սորաքսան ազգային պարկը։ Ազգային պարկի մոտակայքում, Սորաքսան լեռան վրա կան բազմաթիվ տուրիստական ուղիներ և հնագույն հուշարձաններ։
- Բիրյոն և Տովանսոն ջրվեժներ։
- Չոկսան տաք ջրեր։ Հիմա այդ տաք ջրերի տեղում տեղակայված է մեծ բուժիչ հանգստավայր։
- Յոնգարանհո լիճ, որի մակերեսը կազմում է 1140 կմ²։ Ափամերձ մասում կան բազմաթիվ հյուրանոցներ ու ռեստորաններ[5]։
Փառատոններ.
- Կորեական ազգային մշակույթի փառատոն։ Անցկացվում է ամեն տարի 3 օրվա ընթացքում` սեպտեմբերի վերջին կամ նոյեմբերի սկզբին։
- Ձյան փաթիլների փառատոն Սորաքսան լեռան վրա.
- Արևածագը դիմավորելու ամանորյա փառատոն (Սոկչոյում ածխարհագրական դիրքի պատճառով արևը ավելի շուտ է դուրս գալիս, քան Կորեայի այլ շրջաններում)[6]։
Խորհրդանիշներ խմբագրել
Ինչպես երկրի մյուս քաղաքներն ու շրջանները, Սոկչոն ևս ունի մի շարք խորհրդանիշներ[7].
Քույր քաղաքներ խմբագրել
Պատկերասրահ խմբագրել
-
Սորակսանի լեռներ -
Սոկչոյի կենտրոնը -
Չեոնգչոհո լճի կամուրջ
Տես նաև խմբագրել
Ծանոթագրություններ խմբագրել
- ↑ «История Сокчхо» (անգլերեն). Արխիվացված է օրիգինալից 2009 թ․ դեկտեմբերի 24-ին. Վերցված է 2009 թ․ դեկտեմբերի 18-ին.
- ↑ «География Сокчхо» (անգլերեն). Արխիվացված է օրիգինալից 2009 թ․ դեկտեմբերի 25-ին. Վերցված է 2009 թ․ դեկտեմբերի 18-ին.
- ↑ «Административное деление Сокчхо» (կորեերեն). Արխիվացված օրիգինալից 2012 թ․ հունիսի 1-ին. Վերցված է 2009 թ․ դեկտեմբերի 18-ին.
- ↑ «Экономика Сокчхо» (անգլերեն). Արխիվացված է օրիգինալից 2009 թ․ դեկտեմբերի 25-ին. Վերցված է 2009 թ․ դեկտեմբերի 18-ին.
- ↑ «Достопримечательности Сокчхо» (անգլերեն). Արխիվացված է օրիգինալից 2009 թ․ ապրիլի 20-ին. Վերցված է 2009 թ․ դեկտեմբերի 18-ին.
- ↑ «Туризм в Сокчхо» (անգլերեն). Արխիվացված օրիգինալից 2012 թ․ հունիսի 1-ին. Վերցված է 2009 թ․ դեկտեմբերի 18-ին.
- ↑ «Символы Сокчхо». Արխիվացված է օրիգինալից 2009 թ․ դեկտեմբերի 25-ին. Վերցված է 2009 թ․ դեկտեմբերի 18-ին.
- ↑ https://www.taitung.gov.tw/en//cp.aspx?n=13305
- ↑ http://www.jeongeup.go.kr/eng/index.jeongeup?menuCd=DOM_000000302004000000