Սեր, մահ և ռոբոտներ
«Սեր, մահ և ռոբոտներ» (անգլ.՝ Love, Death & Robots, ոճավորված է որպես LOVE DEATH + ROBOTS, էմոջին՝ ❤️❌🤖), ամերիկյան անիմացիոն սերիալ-անթոլոգիա։ Թողարկվել է Netflix հոսքային մուլտիմեդիայում։ Սերիալը բաղկացած է տարբեր տևողությամբ կարճամետրաժ անիմացիոն ֆիլմերից, որոնք ստեղծվել են չափահաս հանդիսատեսի համար[2][3][4]։ Առաջին եթերաշրջանը թողարկվել է 2019 թվականի մարտի 15-ին և բաղկացած է 18 դրվագից[3]։
Սեր, մահ և ռոբոտներ Love, Death and Robots | |
|---|---|
 | |
| Ժանր | անթոլոգիա սերիալ, գիտական ֆանտաստիկա հեռուստատեսությունում, ֆենթզի հեռուստասերիալ, սարսափ հեռուստասերիալ, թրիլլեր հեռուստասերիալ, սև հումոր և կատակերգական հեռուստասերիալ |
| Ստեղծող | Թիմ Միլլեր |
| Երկիր |  ԱՄՆ[1] |
| Հիմք | Heavy Metal? |
| Լեզու | անգլերեն |
| Գործադիր պրոդյուսեր | Joshua Donen? և Դևիդ Ֆինչեր |
| Եթերաշրջանների քանակ | 3 |
| Սերիաների քանակ | 26 |
| Էկրաններին է | մարտի 15, 2019[1]-ից |
| Հեռուստաալիք | Նեթֆլիքս |
| Ընկերություն | Blur Studio? և Նեթֆլիքս |
| Դիստրիբյուտոր | Նեթֆլիքս |
| Պատկերի ձևաչափ | 2:1 |
| Պաշտոնական կայքէջ | |
Սերիալի գործադիր պրոդյուսերներն են Դևիդ Ֆինչերը, Թիմ Միլլերը, Ջոշուա Դոնենը և Ջենիֆեր Միլլերը[5]։ Գրեթե յուրաքանչյուր դրվագ ստեղծել են աշխարհի տարբեր թիմեր և ստուդիաներ, նրանց մեծ մասը օգտագործում է անիմացիա սեփական տիպեր[6]։ Բացի «Սառցային դարաշրջան» դրվագից, որտեղ նկարահանվել են իրական դերասաններ՝ Մերի Էլիզաբեթ Ուինսթեդը և Թոֆեր Գրեյսը։ Սերիալը Դևիդ Ֆինչերի և Թիմ Միլլերի վերաիմաստավորումն է, որոնք ավելի քան 10 տարի գտնվել ն «Heavy Metal» ամսագրից ոգեշնչված անթոլոգիական անիմացիոն ֆիլմի մշակման մեջ[7]։
Ստեղծման պատմություն խմբագրել
Նախապատմություն խմբագրել
_3.jpg)
2008 թվականի մարտին հայտարարվել է, որ Դևիդ Ֆինչերը ծրագրում է համագործակցել Թիմ Միլլերի և Քևին Իսթմենի հետ՝ "Heavy Metal" ամսագրից ոգեշնչված ութ կամ ինը կարճամետրաժ անիմացիոն ֆիլմերի պրոդյուսավորման համար[8][9]։ Heavy Metal ամսագիրը, որ հիմնված է ֆրանսիական կոմիքսների Métal Hurlant ամսագրի վրա, թողարկվում է չափահաս լսարանի համար նախատեսված կոմիքսներ և պատմություններ գիտական ֆանտաստիկա և ֆենթեզի ժանրերում։ Նախկինում ամսագրի հիման վրա նկարահանվել են երկու լիամետրաժ անիմացիոն ֆիլմեր՝ «Ծանր մետաղ» 1981 թվականին և «Ծանր մետաղ 2000» 2000 թվականին։ Նպատակը եղել է այն, որ կարճամետրաժ ֆիլմերից յուրաքանչյուրը տրվի տարբեր ռեժիսորների՝ միասին կինոալմանախ ստեղծելու համար[8]։ Paramount Pictures ստուդիան սկզբից մասնակցում էր նախագծին, սակայն հրաժարվել է դրանից 2008 թվականի հուլիսին[10][11]։ Դրանից հետո նախագիծը ներկայացվել է ուրիշ ստուդիանների։
2008 թվականի սեպտեմբերին հայտնի է դարձել, որ Զաք Սնայդերը, Գիլյերմո դել Տորոն և Գոր Վերբինսկին ցանկություն են հայտնել մասնակցել ծրագրին որպես ռեժիսոր[12]։ 2009 թվականի մայիսին լուրեր են տարածվել Ռոբ Զոմբիի և Մարկ Օսբորնի՝ նախագծին միանալու մասին[10]։ 2010 թվականին Ֆինչերը փորձել է նոր շունչ տալ ծրագրին. նույն թվականի մարտին հայտնի է դարձել, որ Ջեյմս Քեմերոնը նույնպես հետաքրքրված է նախագծին մասնակցությամբ[10][13][14]։
Շուտով Դևիդ Ֆինչերի՝ էկրանավորման իրավունքների ժամկետը ավարտվել է, և 2011 թվականի հուլիսին Սան Դիրեգոյում Ռոբերտ Ռոդրիգեզը հայտնել է, որ ինքն ստացել է Heavy Metal-ի իրավունքները[15]։ Մի քանի տարվա լռությունից հետո՝ 2014 թվականին, Ռոդրիգեզը հայտնել է, որ ցանկանում է կոմիքսների ամսագիրը վերածել հեռուստասերիալի[16]։ Հետագայում Ռոդրիգեսի կողմից նախագծի մասին ոչ մի լուր չի հայտնվել։
Արտադրություն խմբագրել
Քանի որ ոչ մի ավանդական կինոստուդիա չի համաձայնել ստեղծել անիմացիոն անթոլոգիական ֆիլմը, Ֆիտչերն ու Միլլերը իրենց մտահղացման հարցով դիմել են Netflix-ին[17]։ ՄԻնչև այդ Ֆինչերը այդ հոսքային սերվիսի համար աշխատել է «Mindhunter» և «House of Cards» սերիալների վրա։
«Սեր, մահ և ռոբոտներ» անթոլոգիական սերիալը կարճամետրաժ անիմացիոն ֆիլմերի հավաքածու է։ Դրանք հիմնականում գիտական ֆանտաստիկայի, ֆենթեզիի, սև հումորի, սարսափ և կիբերփանք ժանրերի համադրույթներ են, սակայն միևնույն ժամանակ թեմաները կենտրոնանում են մեծահասակ լսարանին վերաբերող թեմաների վրա, ինչպիսիք են ռասիզմը, պատերազմները, մարդու էությունն ու բնույթը, կամքի ազատությունը և այլն[2][4]։ Սերիալի արտադրությունը կարելի է համարել Heavy Metal ծրագրի մի ճյուղը, որը Դևիդ Ֆինչերը և Թիմ Միլլերը փորձել են թողարկել 2000-ականների սկզբին[18][19]։ Ըստ Միլլերի՝ կարճ պատմությունները ոգեշնչվել են հին սարսափ ֆիլմերից, կոմիքսներից, գրքերից և ֆանտաստիկ ամսագրերից, որոնք իր երիտասարդ եղած ժամանակ համարվում էին ներդերի (ուսումնատենչ մարդկանց) մշակույթի մի մասը[4][20]։ Սերիաները ստեղծվել են տարբեր անիմացիոն ստուդիանների կողմից՝ ներառյալ Միլլերի Blur Studio պրոդյուսերական անիմացիոն ստուդիան[21]։
Ընդհանուր առմամբ ստեղծվել է 18 կարճամետրաժ ֆիլմ, որոնց մեծամասնությունում օգտագործվել է անիմացիայի սեփական տեսակը՝ ինչպես դասական 2D անիմացիան, այնպես էլ CGI գրաֆիկայով գերիրական եռաչափ համակարգչային անիմացիա։ Գրեթե բոլոր դրվագները ստեղծվել են աշխարհի տարբեր խմբերի և ստուդիանների կողմից[4][20]։
Եթերաշրջաններ խմբագրել
2019 թվականի հունվարի 7-ին Netflix-ն առաջին անգամ հայտարարել է «Սեր, մահ և ռոբոտներ» նոր սերիալ-անթոլոգիայի մասին[2]։ Առաջին թրեյլերը թողարկվել է 2019 թվականի փետրվարի 14-ին[22]։ Առաջին եթերաշրջանի թողարկումը կայացել է 2019 թվականի մարտի 15-ին Netflix-ում[4]
2019 թվականի հունիսի 11-ին հայտնի է դարձել, որ սերիալը երկարաձգվել է մինչև երկրորդ եթերաշրջան[23]։
| Անվանում | Սյուժե | Ռեժիսոր-անիմատոր | Ադապտացիա | Պատմվածքի հիման վրա | Անիմացիայի ստուդիա | Տևողություն | |
|---|---|---|---|---|---|---|---|
| 1 | «Սոնիի առավելությունը»
«Sonnie's Edge» |
[Ն 1] | Դեյվ Ուիլսոն | Ֆիլիպ Ջելատ | Պիտեր Համիլտոն | Blur Studio
|
16 րոպե |
| 2 | «Երեք ռոբոտներ»
«Three Robots» |
[Ն 2] | Վիկտոր Մալդոնադո և Ալֆրեդո Տորես | Ֆիլիպ Ջելատ | Ջոն Սկալցի |  Blow Studio
|
11 րոպե |
| 3 | «Վկան»
«The Witness» |
[Ն 3] | Ալբերտո Միելգո | Ալբերտո Միելգո | բնօրինակ | Pinkman.tv
|
11 րոպե |
| 4 | «Հանդերձանքներ»
«Suits» |
[Ն 4] | Ֆրանկ Բալսոն | Ֆիլիպ Ջելատ | Սթիվեն Լյուվիս | Blur Studio
|
17 րոպե |
| 5 | «Հոգինոր ուտող»
«Sucker of Souls» |
[Ն 5] | Օուեն Սալիվան | Ֆիլիպ Ջելատ | Կիրսեն Կրոսս |  Studio La Cachette
|
12 րոպե |
| 6 | «Երբ Յոգուրտը տիրեցց աշխարհը»
«When The Yogurt Took Over» |
[Ն 6] | Վիկտոր Մալդոնադո և Ալֆրեդո Տորես | Ջենի Ռոբերտսոն | Ջոն Սկալցի | Blow Studio
|
6 րոպե |
| 7 | «Արծվի բացվածքից այն կող»
«За Разломом Орла» «Beyond the Aquila Rift» |
[Ն 7] | Լեոն Բերել, Դոմինիկ Բոյդեն, Ռեմի Կոզիրա, Մաքսիմ Լուեր | Ֆիլիպ Ջելատ | Ալաստեր Ռեյնոլդս | Unit Image
|
16 րոպե |
| 8 | «Բարի որս»
«Good Hunting» |
[Ն 8] | Օլիվեր Թոմաս | Ֆիլիպ Ջելատ | Կեն Լիու |  Red Dog Culture House
|
16 րոպե |
| 9 | «Աղբանոցը»
«The Dump» |
[Ն 9] | Ժավյեր Ռեցիո Գարսիա | Ֆիլիպ Ջելատ | Ջո Լանսդեյլ | Able & Baker
|
10 րոպե |
| 10 | «Մարդագայլեր»
«Shape-Shifters» |
[Ն 10] | Գաբրիել Պենակչիոլի | Ֆիլիպ Ջելատ | Մարկո Կլուս | Blur Studio
|
15 րոպե |
| 11 | «Օգնության ձեռք»
«Helping Hand» |
[Ն 11] | Ջոն Յեո | Ֆիլիպ Ջելատ | Կլոդին Գրիգս |  Axis Studios
|
9 րոպե |
| 12 | «Ձկան գիշեր»
«Fish Night» |
[Ն 12] | Դեմիեն Նենով | Ֆիլիպ Ջելատ | Ջո Ռ. Լանդսեյլ |  Platige Image
|
9 րրոպե |
| 13 | «Հաջողակ 13»
«Lucky 13» |
[Ն 13] | Ջերոմ Չեն | Ֆիլիպ Ջելատ | Մարկո Կլուս | Sony Pictures Imageworks
|
14 րոպե |
| 14 | «Զիմա Բլյու» կամ «Ձմեռային կապույտ»
«Zima Blue» |
[Ն 14] | Ռոբերտ Վալլի | Ֆիլիպ Ջելատ | Ալաստեր Ռեյնոլդս |  Passion Animation Studios
|
10 րոպե |
| 15 | «Կույր բիծ»
«Blindspot» |
[Ն 15] | Վիտալի Շուշկո | Վիտալի Շուշկո | բնօրինակ պատմություն |  Independent Studio / Elena Volk
|
8 րոպե |
| 16 | «Սառցապատման շրջան»
«Ice Age» |
Թիմ Միլլեր | Ֆիլիպ Ջելատ | Մայքլ Սվանվիկ |  Digic Pictures Atomic Fiction
|
10 րոպե | |
| 17 | «Պատմության այլընտրանքներ»
«Alternate Histories» |
Վիկտոր Մալդոնադո և Ալֆրեդո Տորես | Ֆիլիպ Ջելատ | Ջոն Սկալզի |  Sun Creature Studio
|
7 րոպե | |
| 18 | «Գաղտնի պատերազմ»
«Secret War» |
Իշտվան Զորկոզի | Ֆիլիպ Ջելատ | Դևիդ Վ. Ամենդոլա | Digic Pictures
|
15 րոպե |
| Սերիալ | Անվանում | Ռեժիսոր-անիմատոր | Ադապտացիայի սցենարիստ | Պատմվածքի հիման վրա | Անիմացիոն Ստուդիա և երկիր | Տևողություն |
|---|---|---|---|---|---|---|
| 1 | «Ավտոմատացված հաճախորդների սպասարկում»
«Automated Customer Service» |
Միթ Դեփթ (Քևին վան Դեր Մերիեն, Դեյվիդ Նիկոլաս, Լաուրենտ Նիկոլաս) | Ջոն Սկալզի & Միթ Դեփթ | Ջոն Սկալզի | Atoll Studio
|
13 րոպե |
| 2 | «Սառույց»
«Ice» |
Ռոբերտ Վալլի | Ֆիլիպ Ջելատ | Ռիչ Լարսոն | Passion Animation Studios
|
13 րոպե |
| 3 | «Փոփ խումբ»
«Pop Squad» |
Ջենիֆեր Յու Նելսոն | Ֆիլիպ Ջելատ | Պաոլո Բաչիգալուպի | Blur Studio
|
18 րոպե |
| 4 | «Ձյունն անապատում»
«Snow in the Desert» |
Լեոն Բերելլե, Դոմենիկ Բոիդին,
Ռեմի Կոզիրա, Մաքսիմ Լուերե |
Ֆիլիպ Ջելատ | ՄիլԱսհեր | Unit Image
|
18 րոպե |
| 5 | «Բարձր խոտը»
«The Tall Grass» |
Օտտո Սայմոն | Ֆիլիպ Ջելատ | Յո Լանսդեյլ | Axis Studios
|
11 րոպե |
| 6 | «Ամեն ինչ տան միջով»
«All Through the House» |
Էլիոտ Դիար | Ֆիլիպ Ջելատ | Յոախիմ Հեիյնդերմանս | Blink Industries
|
7 րոպե |
| 7 | «Կյանքի խրճիթ»
«Life Hutch» |
Ալեքս Բիթի | Ֆիլիպ Ջելատ | Հարլան Էլիսոն | Blur Studio
|
14 րոպե |
| 8 | «Խեղդված հսկան»
«The Drowned Giant» |
Թիմ Միլլեր | Թիմ Միլլեր | Ժ. Գ. Բալլարդ | Blur Studio
|
14 րոպե |
| Սերիալ | Վերնագիր | Ռեժիսոր-անիմատոր | Ադապտատոր | Հիմնված է պատմվածքի վրա | Անիմացիոն ստուդիա և երկիր | Տևողություն |
|---|---|---|---|---|---|---|
| 1 | «Երեք ռոբոտներ. ելքի ռազմավարություններ»
«Three Robots: Exit Strategies» |
Պատրիկ Օսբորն | Ջոն Սկալզի | Ջոն Սկալզի | Blow Studio
|
11 րոպե |
| 2 | «Վատ ճանապարհորդություն»
«Bad Travelling» |
Դևիդ Ֆինչեր | Էնդրյու Քևին Ուոքեր | Նիլ Աշեր | Blur Studio
|
21 րոպե |
| 3 | «Մեքենայի հենց զարկերակը»
«The Very Pulse of the Machine» |
Էմիլի Դին | Ֆիլիպ Ջելատ | Մայքլ Սվանվիչ |  Polygon Pictures
|
17 րոպե |
| 4 | «Մինի մահացածների գիշեր»
«Night of the Mini Dead» |
Ռոբերտ Բիզի և Էնդի Լիոնն | Ռոբերտ Բիզի և Էնդի Լիոնն | Ջեֆ Ֆովլեր և Թիմ Միլլեր | BUCK
|
7 րոպե |
| 5 | «Սպանել թիմակից սպանողին»
«Kill Team Kill» |
Ջենիֆեր ՅուՆելսոն | Ֆիլիպ Ջելատ | Ջասթին Կոատս | Titmouse
|
13 րոպե |
| 6 | «Սվամ»
«Swarm» |
Թիմ Միլլեր | Թիմ Միլլեր & Ֆիլիպ Ջելատ | Բրյուս Ստերլինգ | Blur Studio
|
17 րոպե |
| 7 | «Մեյսոնի առնետները»
«Mason's Rats» |
Կարլոս Ստիվենս | Ջո Աբերկրոմբի | Նիլ Աշեր | Axis Studios
|
10 րոպե |
| 8 | «Թաղածածկ սրահներում՝ դամբարաններ»
«In Vaulted Halls Entombed» |
Ջերոմ Չեն | Ֆիլիպ Ջելատ | Ալան Բաքստեր | Sony Pictures Imageworks
|
15 րոպե |
| 9 | «Ժիբարո»
«Jibaro» |
Ալբերո Միելգո | Ալբերո Միելգո | բնօրինակ | Pinkman.TV
|
17 րոպե |
Նշումներ խմբագրել
- ↑ 2070 թվական։ Դիստոպիկ Լոնդոնում Սոնի անունով մի երիտասարդ կին մասնակցում է ընդհատակյա «Beastie» մարտերին՝ հեռակառավարվող բիոինժեներական գլադիատորական գազանի՝ Խանիվորեի հետ։ Ռինգի ղեկավար Դիկոն փորձում է կաշառել Սոնիին, որպեսզի նա պարտվի, բայց Սոնին հրաժարվում է։ Նրա թիմակիցներ Ուեսը և Իվրինան բացատրում են, որ Սոնին նախկինում ենթարկվել է սեռական ոտնձգությունների և անդամահատման. վրեժխնդրության նրա ցանկությունն ի վերջո դառնում է նրա «առավելությունը»։ Սոնին ասպարեզ է մտնում՝ ղեկավարելով իր գազան Խանիվորին, որպեսզի կռվի հակառակորդի՝ Տուրբորապտորի հետ։ Դաժան հանդիպումից հետո Խանիվորեն հաղթում է։ Ավելի ուշ Դիկոյի սիրուհին այցելում է Սոնիին և գայթակղում նրան, միայն թե Սոնին թաքցրած զենքով ցցահարում է նրա գլուխը։ Այնուհետև հայտնվում է Դիկոն և ծաղրանքով հարցնում Սոնիին՝ «Հիմա վախեցա՞ծ ես»։ Այնուհետև սիրուհին հարվածում է Սոնիի գլխին՝ ջախջախելով այն։ Այնուամենայնիվ, լսվում է Սոնիի ծիծաղը, որը ցույց է տալիս, որ նրա մարդկային մարմինը միայն «ողնաշարին միացված բիոծրագրային պրոցեսոր է», և որ նրա գիտակցությունը միշտ Խանիվորեի ներսում էր, իսկ մարտերում մահվան վախը նրա իրական «առավելությունն» էր։ Սոնին Խանիվորի մարմնից դուրս է գալիս և սպանում սիրուհուն, ապա պատրաստվում է սպանել Դիկոյին։ Էկրանը դառնում է սև, երբ նա հարցնում է Դիկոյին. «Հիմա վախեցա՞ծ ես»՝ կրկնելով Դիկոյի՝ նախկինում իրեն տված հարցը։
- ↑ Մարդկության անկումից երկար ժամանակ անց երեք ռոբոտներ (K-VRC, XBOT 4000 և 11-45-G) թափառում են հետապոկալիպսյան քաղաքում՝ փորձելով հասկանալ, թե ինչպես են մարդիկ ապրել՝ ունենալով սահմանափակ գիտելիքներ իրենք իրենց մասին և այն մասին ինչ նրանք թողել են իրենցից հետո։ Նրանք ուսումնասիրում են մարդու սպորտային հետաքրքրությունները, պահանջմունքները և, ի վերջո, ընտանի կենդանիներին, երբ հանդիպում են կենդանի կատվի, որը հետևում էր նրանց։ Երեք ռոբոտներն իմանում են իրենց ծագման մասին և ավելի ուշ գտնում են ստորգետնյա միջուկային հրթիռային հոր։ 11-45-G-ն բացատրում է, որ մարդիկ մահացել են բնապահպանական աղետներից, որոնք առաջացել են իրենց իսկ գործողությունների արդյունքում։ K-VRC-ն նշում է, որ մարդիկ գենետիկորեն մոդիֆիկացրել են իրենց կատուներին՝ տալով նրանց ինտելեկտ։ Այնուհետև կատուն ապացուցում է դա՝ ցույց տալով, որ խոսել գիտի՝ պահանջելով, որ իրեն շոյեն. Իսկ այդ ընթացքում բազայի շատ այլ կատուներ հալածելով ուժասպառ են անում երեք ռոբոտների։
- ↑ Տղամարդը սպանում է կնոջը Հոնկոնգի բնակարաններից մեկում. Հետո նա հասկանում է, որ դիմացի հյուրանոցում գտնվող մի կին, որը նույնական է իր զոհին, ականատես է եղել սպանությանը։ Նա սկսում է հետապնդել նրան։ Կինը փախչում է սեքս-ակումբ, որտեղ աշխատում է որպես պարուհի Զավորա մականունով։ Տղամարդը մտնում է ակումբ՝ տիրոջ ուղեկցությամբ։ Իր պարի ժամանակ կինը նկատում է տղամարդուն հանդիսատեսի շարքերում, և վերջինս հետապնդում է նրան քաղաքի փողոցներով։ Կինը գողանում է մի ատրճանակ և թաքնվում բնակարանում, սակայն տղամարդը գտնում և պատին է դեմ տալիս նրան։ Նրանք սկսում են կռվել ատրճանակի համար, որի արդյունքում կինը կրակելով տղամարդու վրա՝ սպանում է նրան։ Հետո նա հասկանում է, որ դիմացի հյուրանոցում գտնվող մի տղամարդ, որը նույնական է իր զոհին, ականատես է եղել սպանությանը։
- ↑ Ֆերմերների մի փոքր համայնք փորձարկում է մեխա-հանդերձանքներ (mecha suit -ռազմական հումանոիդ հրազենային քայլող մեքենա)՝ իրենց հողը ներխուժած «DeeBees» կոչվող ինսեկտոիդների պարսից պաշտպանվելու համար։ Երբ պաշտպանական դաշտը շարքից դուրս է գալիս, ինսեկտոիդները մեծ արագությամբ ներխուժում են, այնպես, որ ֆերմերները չեն հասցնում նրանց ետ մղել։ Ուստի համայնքը գնում է ստորգետնյա ապաստարաններ։ Բոլորը ներս են մտնում, իսկ հարևաններից մեկը՝ Ջեյքը, զոհաբերում է իրեն՝ սպանելով երամի մեծ մասը։ Մի հսկա ինսեկտոիդ ներս է խցկվում, բայց ֆերմերների կանանցից մեկը ոչնչացնում է նրան զրահաշտարակ զենքով (turret gun) լավ նպատակային կրակոցով։ Արշալույսին, արգելապատնեշները վերադարձվում են բնականոն հուն, և քաղաքը կրկին ապահովության զգացում ունի։ Տեսախցիկը մեծացնում է պատկերի մասշտաբը, որպեսզի ցույց տա, որ DeeBees-ը բնակեցնում է ամբողջ մոլորակը, իսկ ֆերմերները զավթիչ ուժն են, որոնք ստեղծել են գմբեթանման գաղութներ ամբողջ մոլորակի վրա։
- ↑ Վարձկան Ֆլինը և հնագետ դոկտոր Վեհանթը փախչում են թունելի միջով՝ փախչելով անհայտ հարձակվողից։ Դրանից վայրկյաններ առաջ բժիշկ Ուեհունթի պրակտիկանտը՝ Սայմոնը, հայտնաբերում է մի քարայր՝ «հոգիներ ուտող» մակագրություններով։ Հանկարծ դևը խժռում է Սայմոնին, այնուհետև կերպարանափոխվում է ավելի մեծ, ավելի գազանային կերպարանքի։ Ֆլինը փախչում է դոկտոր Ուեհունթի հետ և ռադիոյով տեղեկացնում իր երկու աշխատակիցներին՝ Միկիին և Գարիին։ Իրենց ճանապարհին նրանք բախվում են դևի հետ, որը բացահայտվում է, որ Դրակուլան է։ Չնայած Դրակուլան փորձում է սպանել Ֆլինին, բայց կանգ է առնում և նահանջում կատու տեսնելուց հետո։ Բժիշկ Ուեհանտը բացատրում է, որ Դրակուլան վախենում և ատում է կատուներին։ Երկուսը կրկին միանում են Միկի և Գարիի հետ մի սենյակում, բայց նրանք կտրված են հիմնական ելքից։ Երբ Դրակուլան հետևում է նրանց, դոկտոր Ուեհունթը մեկ այլ ելք է գտնում գաղտնի թունելի միջով, մինչ վարձկանները պայթուցիկներ են տեղադրում։ Խումբը փախչում է, և երբ Դրակուլան նորից մտնում է սենյակ, նա սպանվում է պայթյունից։ Այնուամենայնիվ, խումբը թունելով հասնում է մեկ այլ սենյակ, որը լցված է նմանատիպ արնախումներով։
- ↑ Մի խումբ գիտնականներ մուտացիայի են ենթարկում յոգուրտը՝ ֆերմենտացնելով բակտերիաները։ Թեև նախնական թեստերը ձախողվում են, հետազոտողը տանում է մուտացված բակտերիաները իր տնական յոգուրտի համար, որտեղ այն դառնում է զգայունակ։ Յոգուրտը խնդրում է հանդիպել ԱՄՆ առաջնորդներին, որոնց նա պնդում է, որ լուծումներ ունի երկրի խնդիրների համար։ Որպես վճար, յոգուրտը պահանջում է վերահսկողություն Օհայո նահանգի նկատմամբ։ Առաջնորդները, ներառյալ նախագահը, սկզբում ծիծաղում են առաջարկի վրա, բայց ընդունում են այն, երբ յոգուրտը սպառնում է փոխարենը նմանատիպ գործարք կնքել Չինաստանի հետ։ Շուտով յոգուրտը նախագահին տալիս է Միացյալ Նահանգների ազգային պարտքը վերացնելու ծրագիր՝ զգուշացնելով նրան, որ ցանկացած շեղում աղետալի կլինի։ Կառավարությունը չի կարող չշեղվել, և համաշխարհային տնտեսությունը կփլուզվի 6 ամսվա ընթացքում, բացի Օհայոյից։ Իշխանությունը հուսահատության մեջ յոգուրտին տալիս է գերագույն գործադիր իշխանություն ընդդիմության մեծ մասի նկատմամբ։ Մեկ տասնամյակ անց մարդիկ ապրում են բարեկեցիկ կյանքով յոգուրտի իշխանության ներքո։ Յոգուրտը հանկարծ որոշում է սկսել տիեզերական արձակումներ՝ թողնելով մարդկանց Երկրի վրա։
- ↑ Blue Goose տիեզերանավի անձնակազմի անդամները՝ Թոմը, Սյուզին և Ռեյը, վերադառնում են տուն հաջող առաքելությունից, սակայն երթուղային սյուժեի սխալը հանգեցնում է անսպասելի իրադարձությունների։ Թոմը արթնանում է անաբիոզից և նրան ողջունում է Գրետան՝ նախկին սերը։ Նա ասում է նրան, որ նա և իր անձնակազմը գտնվում են Երկրից հարյուր հազարավոր լուսային տարիներ հեռավորության վրա, գրեթե «Արծվի բացվածքից» այն կողմ, և դարեր են անցել. նրանց համար տուն հասնելու միջոց չկա։ Նրանք վերականգնում են իրենց հարաբերությունները, բայց Թոմը դեռևս չի հավատում իրավիճակին։ Նա պահանջում է, որ Գրետան ճշմարտությունն ասի։ Գրետան արտասվելով ասում է, որ իր փորձառությունները սիմուլյացիա են, և որ ինքը պատրաստ չէ տեսնել իրականությունը, քանի որ նա իսկապես հոգ է տանում իր և բոլոր նրանց համար, ովքեր ճանապարհ են գտնում այնտեղ։ Թոմը պնդում է, ուստի Գրետան դժկամորեն զիջում է և արթնացնում նրան։ Պարզվում է, որ Թոմը նիհարած ծերունի է. նրանց նավը հայտնվել է հսկայական ցանցի մեջ՝ անթիվ ուրիշների հետ. նրա անձնակազմը կա՛մ մահացել է, կա՛մ թակարդված է սեփական տրանսային վիճակում, և Գրետան այլմոլորակային սարդակերպ արարած է։ Երբ սարսափահար Թոմը գիտակցությունը կորցնում է այդ հանդիպումից, «Գրետան» նրան վերադարձնում է երազների աշխարհ՝ հանելով վերջին հիշողությունները, ճիշտ այնպես, ինչպես նա դա արել էր իր անձնակազմի և մյուսների հետ։ Գրետան կրկին արթնացնում է Թոմին և նորից ողջունում, մի գործընթաց, որը ենթադրաբար կրկնվում է այնքան ժամանակ, մինչև Թոմն, ի վերջո, մահանում է։
- ↑ 20-րդ դարի սկզբին Չինաստանում երիտասարդ Լիանգը և նրա հայրը հետևում են Ցյաո-Յունգ անունով աղվեսի նմանվող Հուլի Ջինգին, որը փոխում է իր որջը։ Այնտեղ Լիանգը հանդիպում է Ցյաո-Յունգի դստերը՝ Յանին, ով փորձում է բացատրել Հուլի ջինգի դժբախտությունը։ Ցյաո-Յունգը Յանին հորդորում է փախչել, սակայն Լիանգի հայրը նրանց աչքի առաջ սպանում է Ցյաո-Յունգին։ Լիանգը, առանց իր հոր, բաց է թողնում Յանին։ Տարիներ անց Լիանգի հայրը մահանում է Հոնկոնգի բրիտանական գաղութացումից անմիջապես առաջ։ Լիանգը տեղափոխվում է Հոնկոնգ, որտեղ նա աշխատում է որպես գնացքի ինժեներ, և մի գիշեր հանդիպում է Յանին, որն այժմ մշտապես մարդ է, քանի որ ինդուստրալիզացիան փոխարինել է կախարդանքին։ Լիանգը զարգացնում է ռոբոտաշինության ճարտարագիտությունը, և Յանը գալիս է նրա մոտ օգնության խնդրանքով։ Հոնկոնգի նահանգապետը նրան թմրանյութ տալով վերածել էր կիբորգ սեքս-խաղալիքի, սակայն նրանք վիճել էին և վեճի ժամանակ նա սպանել էր նահանգապետին։ Լիանգը Յանի համար կառուցում է ճկուն մետաղական համաձուլվածքով մարմին, որը կարող է վերածվել Huli ջինգ (մեծ գոնգ) ռոբոտի։ Բաժանվելով որպես ընկերներ՝ Յանը որսում է անգլիացիներին, ովքեր բռնության են ենթարկում կանանց իր հայրենիքում։
- ↑ Քաղաքի տեսուչը փորձում է համոզել «Անճոռնի» Դեյվ Դվորչեկին իր տնից աղբանոց տեղափոխվել։ Սակայն Դեյվը հրաժարվում է հեռանալ։ Փոխարենը նա տեսուչին պատմում է մի պատմություն Օտտոյի հետ իր անցյալի հանդիպման մասին, մի ցեխոտ արարածի, որը միաձուլվել է աղբանոցում կերած ցանկացած նյութի հետ։ Սպանելու փոխարեն Դեյվը կապվել է դրա հետ և դարձրել իր ընտանի կենդանին։ Երբ անշահախնդիր տեսուչը կրկին փորձում է Դեյվին ստորագրել վտարման փաստաթղթերը, Օտտոն գալիս է և ողջ-ողջ ուտում նրան։ Այնուհետև Դեյվը խաղում է Օտտոյի հետ։
- ↑ Մի աշխարհում, որտեղ մարդագայլերն հանրաճանաչ են, բայց խտրականության են ենթարկվում, երկու մտերիմ մարդագայլ ընկերներ՝ լեյտենանտ Դեքերը և սերժանտ Սոբիեսկին, ծառայում են ԱՄՆ ծովային հետևակի կորպուսում, Աֆղանստանում։ Ավտոշարասյունը ուղեկցելիս նրանց դարանակալում են թալիբանի աշխարհազորայինները։ Դեքերը զգայարաններով գտնում է հարձակվողներին, որոնք հետո վնասազերծվում են։ Բազա վերադառնալուց հետո Դեքերը և Սոբիեսկին նկատում են թշնամանք իրենց որոշ ընկերների կողմից։ Նույն օրն, ավելի ուշ Սոբիեսկին նշանակվում է դիտակետում հսկող։ Այդ գիշեր այն հարձակման է ենթարկվում, և Դեքերը վազում է պահեստային շարասյան առաջ՝ զորքերին օգնելու համար։ Ժամանելուց հետո Դեքերը գտնում է, որ Սոբիեսկին և մյուս բոլոր զինվորները մորթված են, անշուշտ, մեկ այլ մարդագայլի կողմից։ Հրամանատար Ռեյները պատվիրում է Դեքերին գտնել թալիբ մարդագայլին և ողջ-ողջ բերել նրան։ Հաջորդ գիշեր Դեքերը գաղտագողի դուրս է գալիս բազային ճամբարից դեպի անապատ և հանդիպում է մի ծեր տղամարդու և մի երիտասարդ տղամարդու, ում հետ նախկինում հանդիպել էր, երկուսն էլ վերածվում են մարդագայլի։ Կռվելուց և երկուսին էլ սպանելուց հետո վիրավոր Դեքերը վերադառնում է բազա և տհաճությամբ ավարտում ծառայությունը։ Նա հետ է վերցնում Սոբիեսկիի մարմինը և թաղում անապատում իր զինվորական ժետոնի հետ։
- ↑ Տիեզերագնաց Ալեքսանդրիա Սթիվենսը զբաղված է Երկրի ուղեծրի արբանյակի անսարքությամբ։ Բաց Տիեզերքում նրա բաց տիեզերքի համար նախատեսված (EVA) հին մոդելի կոստյումը դիպչում է տիեզերական աղբի մեջ կորած մի պտուտակի, և նա անհույս լողում է բաց տիեզերքում՝ ունենալով ընդամենը 14 րոպե թթվածին։ Նա կապում է իր կոստյումի վերին ձախ թեւը, օգտագործելով ժամացույցի ժապավենը, այնուհետև հանում է ձախ ձեռնոցը՝ բացելով իր ձախ թեւը վակուումի տարածության մեջ։ Ձեռնոցը նետելը նրան ետ է մղում դեպի արբանյակը, բայց նա գրեթե չի կարողանում բռնել։ Երբ նա իր The Anthem մաշված սպասարկման մեքենայի կողքով անցնում է, նա որոշում է կոտրել իր այժմ սառցակալած ձախ նախաբազուկը և նետել այն՝ իր նավ վերադառնալու վերջին փորձի հույսով։ Վերադառնալով նավի վրա, նա կատարում է արտակարգ իրավիճակների ինքնագնահատում, այնուհետև ռադիոյով հեռարձակում է Բիլին՝ իր վերգետնյա հսկիչին, ով թեթևացած հարցնում է, թե «դեռ ձեռքի կարիք ունի»։
- ↑ Երկու վաճառողներ խրվել են անապատում այն բանից հետո, երբ նրանց մեքենան փչացել է ռադիատորի խափանման պատճառով։ Իրենց օրվա մնացորդն անցկացնելով մեքենայի շուրջ՝ տարեց տղամարդը հայտնում է երիտասարդին, որ անապատը մի ժամանակ ծովի հատակ էր, որը լի էր կյանքով։ Գիշերը նրանք արթնանում են՝ հայտնաբերելով նախապատմական ծովային կյանքի ուրվականներին, որոնք լողում են մեքենայի շուրջը։ Տեսարանից վախենալով՝ երիտասարդը մերկանում է՝ օդում լողալու համար, մինչդեռ ծերունին հորդորում է նրան վերադառնալ։ Երբ երիտասարդը դառնում է լուսաշող էակ, հայտնվում է նախնադարյան Շնաձուկը։ Չնայած ծերունու վտանգի կոչերին, երիտասարդը մնում է անգրագետ, մինչև շնաձկան ուրվականը կուլ տա նրան։
- ↑ Այն բանից հետո, երբ դեսանտային Dropship #13-02313 նավի երկու անձնակազմերը կորչում են, մյուս ծովայինները դառնում են սնահավատ և դժբախտ նավը տալիս են նորեկ լեյտենանտ «Կատեր» Կոլբիին։ Աղջիկը քսան հաջող թռիչք է կատարում առանց զոհերի. Նրա ղեկավարած նավը հայտնի է դառնում որպես «Lucky 13»: Կատերը, հավատարիմ մնալով իր գործին, հրաժարվում է նոր մոդելներից՝ արդիականացնելով «Հաջողակը»։ Իր վերջին առաքելության ժամանակ հակաօդային զենիթային պաշտպանությունը գնդակահարում է 13-ը, բայց նրան հաջողվում է վայրէջք կտարել և անձնակզմի բոլոր անդամները ողջ են մնում։ Զինվորները տարհանվում են, իսկ Կատերը կրակ է բացում թշնամու վրա և պատրաստվում է պայթեցնել նավը, երբ պարկուճները վերջանան։ Կատերը գործարկում է 13-ի ինքնաոչնչացման համակարգը։ Դրանից հետո թաքնվում է խրամատում և տեսնում է, որ ինքնաթիռը պայթեց միայն այն բանից հետո, երբ շրջապատված էր թշնամիներով։ Կատերը ստանում է մրցանակ՝ մարտում իր քաջության համար և առաջին կարգի նոր նավ, բայց նա երազում է մեկ այլ թռիչքի մասին «Lucky 13»-ով։
- ↑ Լրագրող Քլեր Մարքհեմը հրավիրվում է հարցազրույցի մենակյաց-նկարիչ Զիմա Բլուի հետ, ով ցանկանում է պատմել իր պատմությունը նախքան իր վերջին աշխատանքը ներկայացնելը։ Զիման, ով սկսել էր դիմանկարչությունից, անցել էր որմնանկարների, որոնք կենտրոնացած էին կապույտի մեկ երանգի աբստրակտ ձևերի վրա։ Նա շարունակել է ավելի մեծ որմնանկարներ պատրաստել, մինչև դրանցում ներառել է երկնային մարմիններ, աստերոիդներ և նույնիսկ միգամածություններ։ Երբ նրանք հանդիպում են, Զիման Քլերին հայտնում է, որ թեև շատերը կարծում են, որ նա կիբերնետիկորեն ուժեղացված մարդ է, իրականում նա զարգացած անդրոիդ է, որն ի սկզբանե կառուցվել էր ռոբոտագետի կողմից՝ լողավազանի կերամիկական սալիկները (հայտնի է որպես Zima Blue - «Ձմեռային կապույտ» սալիկներ) մաքրելու համար։ Ընդ որում, սալիկներն առաջինն էին, ինչ նա տեսել էր իր կյանքում։ Նա արդիականացվել և փոփոխվել է որպես ապարատային և ծրագրային ապահովման փորձարկման ստենդ՝ մինչև իր ներկայիս վիճակին հասնելը՝ փոխանցվելով մի տիրոջից մյուսին, առաջին տիրոջ մահից հետո։ Արտահայտելով Արվեստի միջոցով արտահայտելով իր խորը տխրության իմաստը, նա ներկայացնում է իր վերջին գործը. նա ընկղմվում է վերակառուցված լողավազանի մեջ, որտեղից առաջացել էր, հրաժարվում է իր բոլոր փոփոխություններից և վերադառնում իր սկզբնական վիճակին՝ որպես լողավազանի սալիկները մաքրող պարզ մեքենա։ .
- ↑ կիբօրգ
Ծանոթագրություններ խմբագրել
- ↑ 1,0 1,1 1,2 Fernsehserien.de (գերմ.)
- ↑ 2,0 2,1 2,2 Hipes, Patrick (2019 թ․ հունվարի 7). «'Love Death & Robots': First Look At David Fincher & Tim Miller's Animated Netflix Anthology Series». Deadline Hollywood (անգլերեն). Penske Media Corporation. Արխիվացված է օրիգինալից 2019 թ․ մարտի 16-ին. Վերցված է 2019 թ․ մարտի 16-ին.
- ↑ 3,0 3,1 Стрепетилов, Александр (2019 թ․ մարտի 16). ««Любовь, смерть и роботы»: сборник потрясающих и шокирующих мультфильмов». Мир фантастики (ռուսերեն). Hobby World. Արխիվացված է օրիգինալից 2019 թ․ մարտի 17-ին. Վերցված է 2019 թ․ մարտի 17-ին.
- ↑ 4,0 4,1 4,2 4,3 4,4 Robinson, Tasha (2019 թ․ փետրվարի 14). «The trailer for David Fincher's Netflix anthology Love, Death & Robots is a manic headache». The Verge (անգլերեն). Vox Media. Արխիվացված է օրիգինալից 2019 թ․ փետրվարի 17-ին. Վերցված է 2019 թ․ մարտի 16-ին.
- ↑ Radulovic, Petrana (2019 թ․ փետրվարի 14). «First trailer for Netflix's animated anthology Love, Death, & Robots makes it clear this is for adults». Polygon (անգլերեն). Vox Media. Արխիվացված է օրիգինալից 2019 թ․ փետրվարի 15-ին. Վերցված է 2019 թ․ մարտի 16-ին.
- ↑ Prudom, Laura (2019 թ․ փետրվարի 14). «Netflix's Love, Death & Robots Trailer: First Look at Tim Miller and David Fincher's Surreal Animated Anthology». IGN (անգլերեն). Ziff Davis. Արխիվացված է օրիգինալից 2019 թ․ փետրվարի 15-ին. Վերցված է 2019 թ․ մարտի 16-ին.
- ↑ Schwartz, Terri (2019 թ․ փետրվարի 16). «How David Fincher and Tim Miller's Heavy Metal Reboot Became Netflix's Love, Death & Robots». IGN (անգլերեն). Ziff Davis. Արխիվացված է օրիգինալից 2019 թ․ մարտի 17-ին. Վերցված է 2019 թ․ մարտի 17-ին.
- ↑ 8,0 8,1 Stephenson, Hunter (2008 թ․ մարտի 14). «David Fincher to Produce and Co-Direct Animated Heavy Metal Film». /Film (անգլերեն). Արխիվացված է օրիգինալից 2019 թ․ մարտի 22-ին. Վերցված է 2019 թ․ մարտի 22-ին.
- ↑ marie (2008 թ․ մարտի 14). «Дэвид Финчер и «Heavy Metal», экранизация «Metal Gear Solid» и «Агора» Аменабара». Кинокадр.ru (ռուսերեն). Արխիվացված է օրիգինալից 2019 թ․ մարտի 22-ին. Վերցված է 2019 թ․ մարտի 22-ին.
- ↑ 10,0 10,1 10,2 Goldberg, Matt (2010 թ․ մարտի 12). «David Fincher to Re-Build HEAVY METAL in 3D with James Cameron and Zack Snyder». Collider (անգլերեն). Արխիվացված է օրիգինալից 2019 թ․ մարտի 22-ին. Վերցված է 2019 թ․ մարտի 22-ին.
- ↑ Sperling, Nicole (2008 թ․ հուլիսի 9). «David Fincher's 'Heavy Metal' remake a no-go at Paramount». Entertainment Weekly (անգլերեն). Meredith Corporation. Արխիվացված է օրիգինալից 2019 թ․ մարտի 22-ին. Վերցված է 2019 թ․ մարտի 22-ին.
- ↑ Sciretta, Peter (2008 թ․ սեպտեմբերի 4). «Zack Snyder, Guillermo del Toro and Gore Verbinski to Direct Heavy Metal!?». /Film (անգլերեն). Արխիվացված է օրիգինալից 2019 թ․ մարտի 22-ին. Վերցված է 2019 թ․ մարտի 22-ին.
- ↑ Fleming, Mike Jr (2010 թ․ մարտի 12). «Fincher Brings Mettle To Passion Project». Deadline Hollywood (անգլերեն). Penske Media Corporation. Արխիվացված է օրիգինալից 2019 թ․ մարտի 22-ին. Վերցված է 2019 թ․ մարտի 22-ին.
- ↑ LeBlanc, Will (2010). «David Fincher Still Pulling For Heavy Metal». CinemaBlend (անգլերեն). Gateway Blend. Արխիվացված է օրիգինալից 2019 թ․ մարտի 22-ին. Վերցված է 2019 թ․ մարտի 22-ին.
- ↑ Fischer, Russ (2011 թ․ հուլիսի 21). «David Fincher's 'Heavy Metal' is Dead, Now Robert Rodriguez Has the Rights». /Film (անգլերեն). Արխիվացված է օրիգինալից 2019 թ․ մարտի 22-ին. Վերցված է 2019 թ․ մարտի 22-ին.
- ↑ Nemiroff, Perri (2014 թ․ մարտի 11). «Robert Rodriguez May Bring 'Heavy Metal' to TV; Prepared to Make 'Sin City 3'». Screen Rant (անգլերեն). Valnet. Արխիվացված է օրիգինալից 2019 թ․ մարտի 22-ին. Վերցված է 2019 թ․ մարտի 22-ին.
- ↑ Katz, Brandon (2019 թ․ մարտի 11). «Exclusive: How David Fincher and Tim Miller's 'Love, Death & Robots' Made the Leap to Netflix». The New York Observer (անգլերեն). Observer Media. Արխիվացված է օրիգինալից 2019 թ․ մարտի 22-ին. Վերցված է 2019 թ․ մարտի 22-ին.
- ↑ Anderto, Ethan (2019 թ․ փետրվարի 14). «'Love, Death + Robots' Trailer: Tim Miller & David Fincher Present Pure Sci-Fi Insanity». /Film (անգլերեն). Արխիվացված է օրիգինալից 2019 թ․ մարտի 22-ին. Վերցված է 2019 թ․ մարտի 22-ին.
- ↑ Wampler, Scott (2019 թ․ հունվարի 7). «David Fincher's LOVE, DEATH & ROBOTS Is Headed To Netflix». Birth.Movies.Death (անգլերեն). Alamo Drafthouse Cinema. Արխիվացված է օրիգինալից 2019 թ․ մարտի 22-ին. Վերցված է 2019 թ․ մարտի 22-ին.
- ↑ 20,0 20,1 Giardina, Carolyn (2019 թ․ հունվարի 7). «Tim Miller, David Fincher to Create Adult-Themed Animated Shorts Series for Netflix». The Hollywood Reporter (անգլերեն). Eldridge Industries. Արխիվացված է օրիգինալից 2019 թ․ մարտի 22-ին. Վերցված է 2019 թ․ մարտի 22-ին.
- ↑ Milligan, Mercedes (2019 թ․ հունվարի 7). «Tim Miller & David Fincher Animating 'Love, Death & Robots' for Netflix». Animation Magazine (անգլերեն). Արխիվացված է օրիգինալից 2019 թ․ մարտի 22-ին. Վերցված է 2019 թ․ մարտի 22-ին.
- ↑ Trumbore, Dave (2019 թ․ փետրվարի 14). «Exclusive: 'Love, Death & Robots' Trailer Teases Tim Miller and David Fincher's NSFW Netflix Project». Collider (անգլերեն). Արխիվացված է օրիգինալից 2019 թ․ փետրվարի 15-ին. Վերցված է 2019 թ․ մարտի 16-ին.
- ↑ Porter, Rick (2019 թ․ հունիսի 10). «'Love, Death and Robots' Renewed at Netflix, Adds 'Kung Fu Panda 3' Director». The Hollywood Reporter (անգլերեն). Eldridge Industries. Արխիվացված է օրիգինալից 2019 թ․ հունիսի 12-ին. Վերցված է 2019 թ․ հունիսի 12-ին.
Արտաքին հղումներ խմբագրել
- «Սեր, մահ և ռոբոտներ»(անգլ.) Netflix կայքում
- «Սեր, մահ և ռոբոտներ»(անգլ.) ֆիլմը Internet Movie Database կայքում