Վիքիպեդիա

Նադիա Քաաբի-Լինկե

Նադիա Քաաբի-Լինկե (1978[1][2][3][…], Թունիս, Թունիս), Բեռլինում ապրող ուկրաինական ծագմամբ թունիսցի նկարչուհի, հայտնի է իր կոնցեպտուալ արվեստով և հատկապես 2011 թվականի «Թռչող գորգեր» արձանով։ Նրա աշխատանքները նվիրված են աշխարհաքաղաքականության, ներգաղթի և անդրազգային նույնության թեմաներին։ Մեծանալով Թունիսի, Կիևի, Դուբայի և Փարիզի միջակայքում՝ Քաաբի-Լինկեն սովորել է Թունիսի գեղեցիկ արվեստների ինստիտուտում և փարիզյան Սորբոնում ստացել է արվեստի փիլիսոփայության դոկտորի աստիճան։ 2011 թվականին նա արժանացել է Abraaj Group Art Prize մրցանակի «Թռչող գորգեր» աշխատանքի համար, որը վանդակավոր արձան էր, հատակին գցում էր երկրաչափական ստվերներ՝ նման Վենետիկի փողոցային առևտրականների գորգերին։ Ստեղծագործությունը 2016 թվականին ձեռք է բերել Նյու Յորքի Գուգենհայմ թանգարանը՝ գեղարվեստական համաշխարհային Guggenheim UBS MAP նախաձեռնության շրջանակներում։ 2014 թվականին Հոնկոնգում Քաաբի-Լինկեն նաև դարձել է Արտ Բազել ցուցահանդեսի դափնեկիր։

Նադիա Քաաբի-Լինկե
Ծնվել է1978[1][2][3][…]
ԾննդավայրԹունիս, Թունիս
Քաղաքացիություն Թունիս[4]
ԿրթությունTunis Institute of Fine Arts?, Փարիզ Սորբոնի համալսարան և Փարիզ 1 Պանթեոն-Սորբոն համալսարան
Մասնագիտությունարվեստագետ և նկարիչ-փորագրող
Ուշագրավ աշխատանքներԹռչող գորգեր
Պարգևներ
Կայքnadiakaabilinke.myportfolio.com
 Nadia Kaabi-Linke Վիքիպահեստում

Վաղ տարիներ խմբագրել

Նադիա Քաաբի-Լինկեն ծնվել է Թունիսում 1978 թվականին։ Ունի ուկրաինական և թունիսյան ծագում[6], նրա հայրը մարզական վերլուծաբան էր, մայրը՝ քիմիկոս։ Քաաբի-Լինկեն ապրել է Կիևում և Թունիսում։ 12 տարեկանում Նադիան տեղափոխվել է Դուբայ, երբ նրա հայրն այնտեղ աշխատանք է ունեցել։ Քաաբի-Լինկեն հիշում է այդ փոփոխության մասին որպես դժվարին քայլ՝ հատկապես ժամանակակից պարեր սովորելու հնարավորության կորստի հետ կապված։ Մոր օգնությամբ Քաաբի-Լինկեն սկսել է նկարել։ Ավելի ուշ նա գեղանկարչություն է սովորել Թունիսի գեղեցիկ արվեստների ինստիտուտում[7], որն ավարտել է 1999 թվականին։ 2008 թվականին Քաաբի-Լինկեն փարիզյան Սորբոնում ստացել է փիլիսոփայության դոկտորի աստիճան[6] գեղագիտության և արվեստի փիլիսոփայության ոլորտում։ Ֆրանսիայում սովորելու ժամանակ նա հանդիպել է ապագա ամուսնուն՝ գերմանացի Թիմոյին, որը հետագայում եղել է Քաաբի-Լինկեի բազմաթիվ ներկայացումների վերահսկողը[7]։

Քաաբի-Լինկեի առաջին անհատական ցուցահանդեսը տեղի է ունեցել Թունիսում 2009 թվականին[8], որին հետևել են անհատական ցուցադրությունները Բեռլինում (2010)[6], Էռլս կորտի խճանկարային սենյակներում (Լոնդոն, 2014)[7] և Dallas Contemporary թանգարանում (2015)[9]։ Քաաբի-Լինկեն ստացել է 2009 թվականի Ալեքսանդրայի բիենալեի ժյուրիի մրցանակը և Abraaj Group Art Prize մրցանակը 2011 թվականին[6]։ Abraaj Group-ը 2011 թվականին պատվիրել է նրան «Թռչող գորգերը»[10], որը ցուցադրվել է 54-րդ Վենետիկի բիենալեի ժամանակ[11], իսկ 2016 թվականին այն ձեռք է բերել և ցուցադրել Նյու Յորքի Սողոմոն Գուգենհայմի թանգարանը[10]։

Քաաբի-Լինկեն 2012 թվականին աշխատել է Լոնդոնի Դելֆինի ֆոնդում, որտեղ նա շատ տպավորվել է ընտանեկան բռնությունների զոհերի հետ հանդիպումներից[12]։ Նա 2014 թվականին դարձել է Հոնկոնգում կայացած Արտ Բազելի «Զարգացող արվեստի բացահայտման» դափնեկիր[13][14], որտեղ նա ցուցադրվել է Կալկուտայի փորձարարական թանգարանում[15]։ Նույն թվականին ավելի ուշ նա ավարտել է իր «Իմ քար» նախագիծը (գերմ.՝ Meinstein) Նոյկյոլնում կենտրոնում (Բեռլինի շրջան)։ Նրա ստեղծած մայթի խճանկարում օգտագործել է շրջանի բնակիչների (որոնք հիմնականում ներգաղթյալ էին) ազգային ծագմանը համապատասխանող քարեր[16]։ Քաաբի-Լինկեն նկարագրել է իր աշխատանքը որպես ժամանակակից կյանքի հնագիտություն[17]։

Անձնական կյանք խմբագրել

Նադիա Քաաբի-Լինկեն ամուսնացած է[18] և ունի երկու որդի՝ ծնված 2013 թվականի սկզբին և 2017 թվականի վերջին։ Նա ապրում է Բեռլինում[13] և Կիևում։ Քաաբի-Լինկե կարողանում է խոսել վեց լեզուներով[7]։

Ցուցահանդեսներ խմբագրել

 
Ուղիղ գնա (2015), Dallas Contemporary, 2019 կմ մանվածք

Անհատական

Խմբակային

Ծանոթագրություններ խմբագրել

  1. ↑ 1,0 1,1 https://rkd.nl/explore/artists/466632
  2. ↑ 2,0 2,1 RKDartists (նիդերլ.)
  3. ↑ 3,0 3,1 Artnet — 1998.
  4. ↑ Ժամանակակից արվեստի թանգարանի առցանց հավաքածու
  5. ↑ https://www.abraaj.com/Abraaj-Group-Art-Prize-2011/nadia-kaabi-linke/
  6. ↑ 6,0 6,1 6,2 6,3 «Nadia Kaabi-Linke». Delfina Foundation. Վերցված է 2019 թ․ սեպտեմբերի 4-ին.
  7. ↑ 7,0 7,1 7,2 7,3 7,4 Spence, Rachel (2014 թ․ նոյեմբերի 14). «An artist who will not be pigeonholed». Financial Times. ISSN 0307-1766.
  8. ↑ «Biography». Nadia Kaabi-Linke. Արխիվացված է օրիգինալից 2017 թ․ մայիսի 10-ին. Վերցված է 2019 թ․ սեպտեմբերի 4-ին.
  9. ↑ 9,0 9,1 Smart, Lauren (2015 թ․ դեկտեմբերի 21). «10 Best Art Exhibitions of 2015». Dallas Observer. Վերցված է 2019 թ․ սեպտեմբերի 4-ին.
  10. ↑ 10,0 10,1 van Straaten, Laura (2016 թ․ ապրիլի 27). «How Curator Sara Raza's New Show Smuggles Inconvenient Truths Into the Guggenheim». Artnet News. Արխիվացված է օրիգինալից 2016 թ․ հունիսի 3-ին. Վերցված է 2019 թ․ սեպտեմբերի 4-ին.
  11. ↑ Lankarani, Nazanin (2011 թ․ մայիսի 25). «Echoes of Political Unrest at Venice Biennale». The New York Times. ISSN 0362-4331.
  12. ↑ Volk, Katherine; Shabibi, Lawrie (4241 թ․ դեկտեմբերի 26). «Fahrenheit311: Seven Legends of Machismo». ArtAsiaPacific. Արխիվացված է օրիգինալից 2016 թ․ հունիսի 3-ին. Վերցված է 2019 թ․ սեպտեմբերի 4-ին.
  13. ↑ 13,0 13,1 Gerlis, Melanie; Adam, Georgina Artists Go the Extra Mile for Hong Kong (und) // The Art Newspaper. — 2014. — С. 1. — ISSN 0960-6556. Архивировано из первоисточника 11 Սեպտեմբերի 2015.
  14. ↑ Vine, Richard (2014 թ․ մայիսի 22). «Dueling Visions at Art Basel Hong Kong». Art in America. Վերցված է 2019 թ․ սեպտեմբերի 4-ին.
  15. ↑ Seaman, Anna (2014 թ․ մայիսի 15). «Art Basel: Discoveries Prize awarded to Nadia Kaabi-Linke». The National. Վերցված է 2019 թ․ սեպտեմբերի 4-ին.
  16. ↑ «Alfred-Scholz-Platz: Gestaltung eines Stadtplatzes». Architekturpreis Berlin 2016. Արխիվացված է օրիգինալից 2016 թ․ օգոստոսի 23-ին. Վերցված է 2019 թ․ սեպտեմբերի 4-ին.
  17. ↑ 17,0 17,1 Synek, Manuela (2014 թ․ մայիսի 2). «Nadia Kaabi-Linke presa pelos fios da memória». Umbigo. Վերցված է 2019 թ․ սեպտեմբերի 4-ին.
  18. ↑ Lazaar, Lina (2011 թ․ դեկտեմբերի 5). «Suspended Lives and Emerging Voices: Nadia Kaabi-Linke in Conversation with Lina Lazaar» (PDF). Ibraaz. Վերցված է 2019 թ․ սեպտեմբերի 4-ին.
  19. ↑ «Nadia Kaabi-Linke: Sealed Time». Արխիվացված է օրիգինալից 2017 թ․ դեկտեմբերի 1-ին. Վերցված է 2019 թ․ սեպտեմբերի 4-ին.
  20. ↑ «Nadia Kaabi-Linke — Stranded». Գալուստ Գյուլբենկյանի թանգարան. 2014. Արխիվացված է օրիգինալից 2016 թ․ օգոստոսի 17-ին. Վերցված է 2019 թ․ սեպտեմբերի 4-ին.
  21. ↑ Downey, Anthony (2012 թ․ մայիսի 30). «Where to Now: Chkoun Ahna at the National Museum of Carthage, Tunis, 2012». Ibraaz. Վերցված է 2019 թ․ սեպտեմբերի 4-ին.
  22. ↑ Larkins, Zoe (2012 թ․ մայիսի 7). «Chkoun Ahna Opens Tunisia's Contemporary Chapter». Art in America. Վերցված է 2019 թ․ սեպտեմբերի 4-ին.

Արտաքին հղումներ խմբագրել

 Վիքիպահեստն ունի նյութեր, որոնք վերաբերում են «Նադիա Քաաբի-Լինկե» հոդվածին։
Ստացված է «https://hy.wikipedia.org/w/index.php?title=Նադիա_Քաաբի-Լինկե&oldid=9425281» էջից