Վիքիպեդիա

Միուչիա Պրադա

իտալացի, նորաձևության ընկերության սեփականատեր, միլիարդատեր և գործարար

Միուչիա Պրադա (իտալ.՝ Miuccia Prada Bianchi, մայիսի 10, 1949(1949-05-10)[1] կամ մայիսի 10, 1948(1948-05-10)[2], Միլան, Իտալիա), իտալական Պրադա նորաձևության ընկերության սեփականատեր, միլիարդատեր և գործարար, Մարիո Պրադայի կրտսեր թոռնուհի[4]։

Միուչիա Պրադա
Դիմանկար
Ծնվել էմայիսի 10, 1949(1949-05-10)[1] (74 տարեկան) կամ մայիսի 10, 1948(1948-05-10)[2] (75 տարեկան)
ԾննդավայրՄիլան, Իտալիա
Քաղաքացիություն Իտալիա[3]
Մայրենի լեզուիսպաներեն
ԿրթությունՄիլանի համալսարան
Մասնագիտությունձեռնարկատեր, նորաձևության դիզայներ և միմոս
ԱշխատավայրՊրադա և Miu Miu
ԱմուսինՊատրիսիո Բերտելի
Պարգևներ և
մրցանակներ
ԵրեխաներԼորենցո Բերտելի
Կայքprada.com
 Miuccia Prada Վիքիպահեստում

Միուչիան քաղաքագիտության և փիլիսոփայության դոկտոր է[5]։

Կենսագրություն խմբագրել

Միուչիա Պրադան ծնվել է 1949 թվականի մայիսի 10-ին Միլանում, նա «Միուչիա Պրադա» անունը վերցրել է 1980-ական թվականներին, երբ մորաքույրը որդեգրել է նրան։ Միուչիայի կենսաբանական ծնողներն էին Լուիջի Բիանչին և նրա կինը՝ Լուիզա Պրադան։ Նա ունի երկու ավելի մեծ քույր և եղբայր՝ Ալբերտը և Մարինան[6]։ Նա հաճախել է Միլանի ավագ դպրոցն ու համալսարանի քաղաքագիտության ասպիրանտուրան ավարտելուց հետո սկսել է աշխատել Պրադա նորաձևության տանը[4]։

Կարիերա խմբագրել

Միուչիա Պրադան 1978 թվականին մորից ժառանգել է պապի հիմնադրած պերճանքի իրերի Prada իտալական ընկերությունը և զբաղվում է բարձր նորաձևության ասպարեզի առաջխաղացմամբ։ Նույն թվականին էլ նա հանդիպել է իր ապագա ամուսնուն, իսկ այժմ նաև բիզնես գործընկեր Պատրիսիո Բերտելիին։ Միուչիան 1970-ական թվականներին ընդունվել է Իտալիայի Կոմունիստական կուսակցության շարքերը և պայքարել է կանանց իրավունքների պաշտպանության համար Միլանում։

Մինչև 1989 թվականը նախագծել և ներկայացրել է կանանց համար նախատեսված, շուկա մտնելու պատրաստ իր առաջին մոդելների հավաքածուն (ֆր.՝ prêt-à-porter)[7]: 1993 թվականին հիմնադրել է կանանց հագուստի և աքսեսուարների Miu Miu իտալական բրենդը, որն ամբողջությամբ պատկանում է Պրադային։

Իր ամուսնու՝ Միուչիի շնորհիվ Դիզայնի տունն այժմ կարող է մրցակցել նորաձևության այնպիսի հսկայի հետ, ինչպիսին LVMH ընկերությունն է։ Պրադան ձեռք է բերել այնպիսի ապրանքանիշեր, ինչպիսիք են Helmut Lang, Jil Sander, Azzedine Alaya:

Մրցանակներ և պարգևներ խմբագրել

  • 1993 թվականին նրան շնորհվել է «Ամերիկայի Նորաձևության Դիզայներների Խորհրդի» միջազգային մրցանակ
  • 1995, 1996 և 1998 թվականներին ստացել է VH1 «Տարվա Կանանց Դիզայներների համար» նորաձևության մրցանակ[8]
  • 2004 թվականին CFDA-ի կողմից արժանացել է միջազգային մրցանակի[9]
  • 2006 թվականին Ֆրանսիայի Մշակույթի նախարարությունից ստացել է «Արվեստի և գրականության սպայի շքանշան»[8]
  • 2005 թվականին ճանաչվել է «Ժամանակ» ամսագրի 100 ամենաազդեցիկ մարդկանցից մեկը[10]
  • 2012 թվականին դիզայներ Էլզա Սկիապարելլիի հետ եղել է Նյու Յորքի Մետրոպոլիտեն արվեստի թանգարանի «Անհավանական զրույցներ» ցուցադրության առարկան[11]
  • 2013 թվականի դեկտեմբերին Բրիտանական նորաձևության մրցանակաբաշխության ժամանակ արժանացել է Տարվա Առաջին Միջազգային Դիզայներ» անվանակոչմանը[12]
  • 2014 թվականին Forbes-ի Աշխարհի ամենահզոր կանանց շարքում 75-րդ տեղում է[13]
  • 2015 թվականի նոյեմբերին ստացել է WSJ Magazine Fashion Innovator of the Year մրցանակ[14]
  • 2015 թվականին Միուչիան ստացել է Ասպետական մեծ խաչի շքանշան. «Իտալիայի Հանրապետության համար ունեցած վաստակի համար»[8]
  • 2016 թվականին արժանացել է Glamour USA- ի «Տարվա կին» մրցանակին[15]։

Ծանոթագրություններ խմբագրել

  1. ↑ 1,0 1,1 Nolen J. L. Encyclopædia Britannica
  2. ↑ 2,0 2,1 Չեխիայի ազգային գրադարանի կատալոգ
  3. ↑ Գերմանիայի ազգային գրադարանի կատալոգ (գերմ.)
  4. ↑ 4,0 4,1 Craven, Jo. «Miuccia Prada - Biography». Vogue. Արխիվացված է օրիգինալից 2011 թ․ հոկտեմբերի 13-ին. Վերցված է 2011 թ․ հոկտեմբերի 1-ին.
  5. ↑ «Forbes profile: Miuccia Prada». Forbes. Վերցված է 2019 թ․ մարտի 19-ին.
  6. ↑ Thomas, Dana (2007). Deluxe. New York: Penguin Press. էջ 65.
  7. ↑ Демшина А. Мода в контексте визуальной культуры: вторая половина ХХ — начало XXI вв. — СПб. : Астерион, 2009. — ISBN 9785457237308.
  8. ↑ 8,0 8,1 8,2 «History». PradaGroup (անգլերեն). Վերցված է 2018 թ․ մայիսի 24-ին.
  9. ↑ «The CFDA Awards: Designers on Display (washingtonpost.com)». www.washingtonpost.com. Վերցված է 2018 թ․ մայիսի 24-ին.
  10. ↑ Betts, Kate (2005 թ․ ապրիլի 18). «The 2005 TIME 100 - TIME». Time (ամերիկյան անգլերեն). ISSN 0040-781X. Վերցված է 2018 թ․ մայիսի 24-ին.
  11. ↑ «Schiaparelli and Prada: Impossible Conversations». www.metmuseum.org. Վերցված է 2018 թ․ մայիսի 24-ին.
  12. ↑ Jones, Nina (2013 թ․ դեկտեմբերի 2). «Christopher Kane, Miuccia Prada Among Honorees at British Fashion Awards». WWD. Վերցված է 2013 թ․ դեկտեմբերի 3-ին.
  13. ↑ «The World's 100 Most Powerful Women». Forbes. Վերցված է 2014 թ․ հունիսի 26-ին.
  14. ↑ Graphics, WSJ.com News. «WSJ. Magazine: The 2015 Innovators Awards». The Wall Street Journal (անգլերեն). Արխիվացված է օրիգինալից 2020 թ․ հունիսի 14-ին. Վերցված է 2018 թ․ մայիսի 24-ին.
  15. ↑ Glamour. «Glamour's Women of the Year 2016: Gwen Stefani, Simone Biles, Ashley Graham, and More Honorees». Glamour (անգլերեն). Վերցված է 2018 թ․ մայիսի 24-ին.

Արտաքին հղումներ խմբագրել

 Վիքիպահեստն ունի նյութեր, որոնք վերաբերում են «Միուչիա Պրադա» հոդվածին։
Ստացված է «https://hy.wikipedia.org/w/index.php?title=Միուչիա_Պրադա&oldid=9742007» էջից