Վիքիպեդիա:Խորություն

Վիքիպեդիայի խորությունը (անգլ.՝ Depth) չափանիշ է, որը բնութագրում է տվյալ լեզվով Վիքիպեդիայի զարգացվածության աստիճանը։ Խորության վրա ազդում են հոդվածների և էջերի, դրանցում կատարված խմբագրումների քանակները։ Սրանք, հեղինակների կարծիքով, ցույց են տալիս, թե որքան է զարգացած տվյալ լեզվով Վիքիպեդիան։ Անուղղակիորեն ազդում են նաև Վիքիպեդիայի անավարտ հոդվածները։

Վիքիպեդիայի շատ մասնակիցներ կարծում են, որ խորությունը իրականում ցույց է տալիս ոչ թե հոդվածների որակը, այլ տվյալ լեզվով Վիքիպեդիայի համայնքի զարգացվածության աստիճանը։ Ինչպես կարելի է նկատել խորության բանաձևից, որքան մեծ է նախագծում խմբագրումների և/կամ ոչ հոդվածների քանակը, այնքան «խորն» է տվյալ լեզվի Վիքիպեդիան։

Սահմանում

Վիքիպեդիաների վիճակագրության մեջ խորությունը հաշվվում է հետևյալ բանաձևով՝

${Depth}={\frac {Edits}{Articles}}\cdot {\frac {NonArticles}{Articles}}\cdot \left(1-{\frac {Articles}{Total}}\right)$ , որտեղ

• Depth-ը խորությունն է,
• Edits-ը խմբագրումներրի քանակն է,
• NonArticles-ը այն էջերի քանակն է, որոնք հոդվածներ չեն (քննարկման էջերը, մասնակցի էջերը, վերահղումները և այլն),
• Articles-ը հոդվածների քանակն է,
• Total-ը ընդհանուր էջերի քանակն է (հավասար է NonArticles + Articles)։

Բանաձևը մաթեմատիկական ձևափոխություններով կարելի է պարզեցնել և բերել այս տեսքի՝

$Depth={\frac {Edits}{Total}}\cdot \left({\frac {NonArticles}{Articles}}\right)^{2}$

Վիճակագրություն

Հայերեն Վիքիպեդիայի խորությունը 2024 թվականի Սեպտեմբերի 17-ի, ժամը՝ 15:07 (UTC) դրությամբ կազմում է 63.22 (հաշվի է առնվում, որ Edits = 10 101 037, Total = 1 154 024, NonArticles = 841071, Articles = 312 953)։

50 000-ից ավելի հոդված ունեցող Վիքիպեդիաներից ամենամեծ խորությունն ունի Անգլերեն Վիքիպեդիան՝ 1269.7։

Վիքիպեդիայի բոլոր լեզուներից ամենամեծ խորությունն ունի Քրի Վիքիպեդիան (ընդամենը 14 հոդված և 2310 էջ)՝ 467513։

Տես նաև

• Wikipedia article depth (անգլ.)