Կարեն Հեքիմյան

Կարեն Հեքիմյան, 11 սեպտեմբերի, 1970, Երևան, Պահպանողական կուսակցության խորհրդի անդամ, նախկին նախագահ^[1], «Քաղաքացու իրավունքների պաշտպան» ՀԿ-ի նախագահ․^[2] քիմիկոս, լրագրող, իրավապաշտպան։

Կրթություն, ընտանիք խմբագրել

Ծնվել է Երևանում։ Ավարտել է Հայաստանի պետական ճարտարագիտական համալսարանի Քիմիա-տեխնոլոգիական բաժինը^[3]։ Իրավաբանի որակավորմամբ ավարտել է Երևանի Մաշտոցի անվան համալսարանը։ Ավարտել է ՀՀ ԳԱԱ ընդհանուր և անօրգանական քիմիայի ինստիտուի ասպիրանտուրան։ Աշխատել է Մնջոյանի անվան նուրբ օրգանական քիմիայի ինստիտուտում և ՀՊՃՀ-ում։ Անալգետիկների սինթեզի բնագավառում մի շարք գիտական աշխատությունների համահեղինակ է։ Ամուսնացած է, ունի 2 դուստր։

Քաղաքական գործունեություն խմբագրել

Մասնակցել է 1988-ի համաժողովրդական շարժմանը, համագործակցել է «Մաշտոց» միավորման և Ազգային ինքնորոշում միավորման հետ։ 1990-ին ընտրվել է Շենգավիթի շրջանի շրջխորհրդի պատգամավոր։ 1991թ. աշխատել է «Անկախություն» թերթում։ 1991-ի ապրիլի 14-ին մի խումբ համախոհների հետ միասին հիմնադրել է Հայաստանի ազգային պահպանողական կուսակցությունը։ 1991-ին, 1992-ին և 1993-ին Հայաստանի ազգային պահպանողական կուսակցության կողմից առաջադրվել է պատգամավորի թեկնածու ՀՀ ԳԽ 8-րդ, 31-րդ և 36-րդ ընտրատարածքներում։ 1992-ին ղեկավարել է Հակոբջան Թադևոսյանի ընտրարշավը։ 1995-ին ՀՀ ԱԺ 2-րդ ընտրատարածքային ընտրական հանձնաժողովի (միակ ընտրատարածքը, որը չի վերահսկվել իշխանությունների կողմից) նախագահ է ընտրվել:1996-ին եղել է ՀՀ նախագահի թեկնածու Վազգեն Մանուկյանի, 2008-ին ՀՀ նախագահի թեկնածու Լևոն Տեր-Պետրոսյանի վստահված անձը։ Դիտորդական առաքելություն է իրականացրել 1998, 1999, 2008, 2013թթ. ՀՀ ԱԺ և ՀՀ նախագահի ընտրություններում^[4]։ 2007թ. ԱԺ ընտրություններում առաջադրվել է պատգամավորի թեկնածու «Իմպիչմենտ» դաշինքի^[5] համամասնական ցուցակով։ 2008-ին համաժողովրդական շարժման հանրահավաքներին և ցույցերին մասնակցելու պատճառով 2 անգամ բերման է ենթարկվել^[6] ոստիկանություն^[7], ճանաչվել է քաղհալածյալ^[8]^[9]։ 2023 թվականի հունվարի 8-ին Պահպանողական կուսակցության 12-րդ (արտահերթ) համագումարում ընտրվել է^[10] Պահպանողական կուսակցության նախագահ^[1], 2024 թվականի հունավրի 9-ին կուսակցության 13-րդ համարգումարում ընտրվել է կուսակցության խորհրդի անդամ^[11]։

Հասարակական գործունեություն խմբագրել

2000-ականներից զբաղվել է իրավապաշտպան գործունեությամբ^[12]^[13]^[14]։ Բազմաթիվ դատական հայցեր է շահել^[15], կանխելով վարչարարական ապրօինությունները, և պաշտպանելով քաղաքացու իրավունքներն ու շահերը։ 2012-ին հայցեր է ներկայացրել Մարդու իրավունքների Եվրոպական դատարան՝ ընդդեմ Հայաստանի Հանրապետության։ 2008-ին ՄԻՊ-ին մեղադրել է անգործության մեջ^[16]^[17], որից որոշ ժամանակ անց օմբուդսմենը ազատվել է աշխատանքից^[18]։ 2012-ին բազմաթիվ նամակ բողոքներ է գրել ՀՀ քարտեզի վրա Արծվաշենը վերականգնվելու պահանջով^[19]։ 2014-ին դատի է տվել ՀՀ Արտաքին գործերի նախարարությանը^[20]^[21]^[22],: ՀՀ-ում Լիտվայի դեսպանատան դեմ նրա կազմակերպված ցույցերից հետո^[23] բարեփոխվել է ՀՀ-ում Լիտվայի դեսպանատան գործունեությունը^[24], բարելավվել են Հայաստան-Լիտվա հարաբերությունները, ստեղծվել է Լիտվա-Արցախ բարեկամության խումբ^[25], Լիտվայի դեսպանատան աշխատակիցները ՀՀ քաղաքացիների հետ սկսել են խոսել նաև հայերեն։ 2015-ին ներկայացրել է հաղորդում՝ 1920-21թթ հարյուրավոր հայ սպաների և քաղաքական գործիչների աքսորի և սպանության փաստով, որը դեռ իրավական գնահատական չի ստացել։ 2020-ի դեկտեբերի 28-ին դիմել է ՀՀ վարչական դատարան, պահանջելով՝ Հայաստանի Հանրապետության մասով վերացնել 2020թ նոյեմբերի 10-ի եռակողմ հայտարարությունն (ըստ էության՝ համաձայնագիրը)։ Դատարանը 2021թ. հունվարի 13-ի որոշմամբ՝ չէր ընդունել հայցը։ Վերաքննիչ բողոքի հիման վրա Վերաքննիչ վարչական դատարանը հայցն ընդունել էր վարույթ, բայց, այնուամենայնիվ, մերժել է բողոքը^[26]։

= Ծանոթագրություններ խմբագրել

[conservative.am-1] 1,0 ^1,1 «Կարեն Հեքիմյանն ընտրվել է Պահպանողական կուսակցության նախագահ».

[2] ՀՀ կառավարության էլեկտրոնային ռեգիստ

[3] Քիմիական տեխնոլոգիաների և բնապահպանական ճարտարագիտության ֆակուլտետ

[4] Չջնջված դրոշմակնիքը հազարավոր քաղաքացիների իրավունք է խախտում

[5] «Իմպիչմենտ» դաշինքի համամասնական ցուցակը

[6] «Կարո՞ղ ա վսյո տկի էն «Նիվեն» դու ես վառել»

[7] Պաշտպանը խախտում տեսնում է(չաշխատող հղում)

[8] Ընդդեմ քաղաքական հալածանքների

[9] «Կարեն Հեքիմյանն ունի մարդու իրավունքներ, իսկ ես ո՞չ»

[10] «Պահպանողական կուսակցության 12-րդ (արտահերթ) համագումարի որոշումները».

[11] «Պահպանողական կուսակցության 13-րդ համագումարը բանաձև է ընդունել - Պահպանողական Կուսակցություն».

[12] Դատարանը որոշում է կայացրել՝ առանց «Հանուն Հայաստանի»

[13] Հինգ խորհուրդ նրանց, ում ՃՈ-ն արդեն տուգանել է(չաշխատող հղում)

[14] Հինգ խորհուրդ նրանց, ովքեր պատրաստվում են դիմել ՄԻՊ-ին(չաշխատող հղում)

[15] «Դատական տեղեկատվական համակարգ». Արխիվացված է օրիգինալից 2015 թ․ նոյեմբերի 27-ին. Վերցված է 2023 թ․ հունվարի 14-ին.

[16] ՍԴ-ում կվիճարկեմ պաշտպանի անգործությունը

[17] Օմբուդսմենի դեմ գործը կարճվեց

[18] Օմբուդսմենը հրաժարական է ներկայացրել

[19] «Օրանժ Արմենիան»՝ ընդդեմ Հայաստանի տարածքային ամբողջականությա՞ն

[20] Քաղաքացին դատի է տվել ՀՀ արտգործնախարարությանը

[21] «Քաղաքացու իրավունքների պաշտպան» ՀԿ հայտարարությունը

[22] ԱԳՆ-ն դատարանում պարտվեց ՀՀ քաղաքացուն

[23] Հայաստանում գործում է ընդհատակյա դեսպանատուն

[24] Կարեն Հեքիմյան. Լիտվան ընդդեմ նախապաշարմունքների եւ Իսպանիայի

[25] Լիտվայի խորհրդարանում ստեղծվեց Լիտվա-Արցախ բարեկամության խումբը(չաշխատող հղում)

[26] «Վերաքննիչ վարչական դատարանը մերժել է Նոյեմբերի 10-ի համաձայնագիրը ՀՀ մասով վերացնելու պահանջը։».

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]

[26]