Կահիրեի եգիպտական թանգարան

Կահիրեի եգիպտական թանգարան (արաբ․՝ المتحف المصري‎‎), աշխարհի խոշորագույն օբյեկտների պահոց, որը ներառում է հին եգիպտական մշակույթի խոշորագույն ցուցանմուշներ։ Նրա հավաքածուն ներառում է մոտ 120 հազար ցուցանմուշ Հին Եգիպտոսի բոլոր ժամանակահատվածներից։ Թանգարանի շենքը գտնվում է Կենտրոնական Կահիրեի Թահրիր հրապարակում։ Այն կառուցել է 1900-ական թվականներին ֆրանսիական դասական ճարտարապետ Մարսել Դիունոնան։ Թանգարանը բացվել է 1902 թվականին։

Կահիրեի եգիպտական թանգարան
Տեսակ	ազգային թանգարան, թանգարանի շենք և եգիպտագիտական թանգարան
Երկիր	Եգիպտոս
Տեղագրություն	Կահիրե
Վայր	Թահրիր հրապարակ
Ղեկավարության նստավայր	Կահիրե, Եգիպտոս
Հասցե	Piazza Tahrir, El Tahrir Sq., Downtown, Cairo և ميدان التحرير ، وسط البلد ، القاهرة
Հիմնադրվել է	1902
Հիմնադիր	Օգյուստ Մարիետ
Կայք	egymonuments.com/locations/details/EgyptianMuseum​(անգլ.) և egymonuments.com/ar/locations/details/EgyptianMuseum​(արաբ.)

Պատմություն

1835 թվականին Եգիպտոսի կառավարությունը կազմակերպում է նախագիծ, որի նպատակն է գտնել հնագիտական վայրեր և թանկարժեք իրեր, որոնք պահպանվել են Եգիպտոսի տարածքում։ Շուտով հավաքվեց առաջին հավաքածուն, որտեղ ներառված էին հին եգիպտական արվեստի գլուխգործոցներ։ 1858 թվականին նախագծի հեղինակ արաբագետ և եգիպտագետ Ավգուստ Մարիետը նախագծի շրջանակներում ստեղծված հավաքածուն ցուցադրեց առանձին թանգարանում, որը հիմք հանդիսացավ ներկայիս թանգարանի ստեղծման համար։

1878 թվականին ջրհեղեղի հետևանքով շատ ցուցանմուշներ վնասվում են, իսկ որոշներն էլ գողացվում են։ Թանգարանում մնում են եզակի ցուցանմուշներ, որոնք պահպանվել են դեռևս Հին Եգիպտոսի ժամանակներից։ 1880 թվականին Իսմայիլ-Փաշայի հրամանով Գիզայում ստեղծվում է թանգարանի նոր շենքը և պահպանված ցուցանմուշները տեղափոխվում այնտեղ։

Ցուցադրություն

Թանգարանում պահվում են հին եգիպտական արվեստի գլուխգործոցներ, ինչպիսիք են՝ Թութանհամոնի ոսկեզօծ երկու արձանները և Նեֆերտիտի փարավոնի հնագույն արձանը։ Թանգարանում պահվող նշանավոր թանգարանային նմուշներն են.

• Ահոտտեմ թագավորի դեկորացիաներ. Տաա II Սեկենենրա փարավոնի կնոջ, Կամոս և Յահմոսա I փարավոնների մոր մնացորդներ.
• Տաա II Սեկենենրա, Յահմոս I, Ամենհոտեպ I, Թութմոս I, Թութմոս II, Թութմոս III, Սետի I, Ռամզես II և Ռամզես III փարավոնների մումյաներ.
• Ամոն Ռա աստծո մումյան և սարկոֆագը.
• Օբյեկտներ գերեզմաններից Թութմոս III, Թութմոս IV և Ամենհոտեպ փարավոնների.
• Թութանհամոնի գերեզմանը.
• Էխնաթոնից մասեր Կայսրության ժամանակահատվածից.
• «Սահարայի թռչնի» անտիկ արձանը.
• Հնագույն նմուշներ Կահիրե, Գիզա, Բուբաստե, Նուբիա և Ասուանե քաղաքներից։

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

Գրականություն

• Բոբ Բրիեր (1999). Թութանհամոն թագավորի պատմություն. իրական պատմություն. ISBN 0-425-16689-9.
• Մոնտետ, Պիերե (1968). Փարավոնների կյանքը. Աշխարհի հնագիտական կենտրոն.
• Վաֆա էլ-Սադիկ. Կահիրեի եգիպտական թանգարան. Միջազգային թանգարան. (հիմ. 57, առ.1-2, 2005).
• Կահիրեի եգիպտական թանգարան, Ֆրանցիսկո Տիրադրիտտի, խմբագիր, Առնոլդ դե Լուկա, լուսանկարիչ. 1999, Նյու Յորք։ ISBN 0-8109-3276-8. Հետագա տարածում՝ Միացյալ Թագավորություն, Իտալիա Մեջբերում Միացյալ Թագավորության խմբագիրներից

Արտաքին հղումներ

• Կահիրեի եգիպտական թանգարանի պաշտոնական կայքը
• Կահիրեի եգիպտական թանգարանի նկարներ արվեստ և պատմություն բաժիններից
• Կահիրեի եգիպտական թանգարանի մասին տեղեկություն
• Կահիրեի եգիպտական թանգարանի նկարներ

Վիքիպահեստն ունի նյութեր, որոնք վերաբերում են «Կահիրեի եգիպտական թանգարան» հոդվածին։