Լետիցիա Բոնապարտ

Մարիա Լետիցիա Ռամոլինո; Նապոլեոն I կայսրի մայրը
Ծնվել է	օգոստոսի 24, 1750
Ծննդավայր	Այաչչո, Կորսիկա
Մահացել է	փետրվարի 2, 1836 (85 տարեկան)
Մահվան վայր	Հռոմ, Պապական Մարզ
Գերեզման	Chapelle Impériale
Քաղաքացիություն	Ֆրանսիայի առաջին հանրապետություն ; Ֆրանսիայի առաջին կայսրություն
Մասնագիտություն	ազնվական
Ամուսին	Շառլ Բոնապարտ
Ծնողներ	Ժան-Ժերոմ Ռամոլինո և Անջելա Մարիա Պիետրա-Սանտա
Երեխաներ	Նապոլեոն Բոնապարտ ; Լուի Բոնապարտ ; Պոլինա Բոնապարտ ; Կարոլինա Բոնապարտ ; Էլիզա Բոնապարտ ; Ջոզեֆ Բոնապարտ ; Լուսյեն Բոնապարտ; Ժերոմ Բոնապարտ
	Letizia Ramolino Վիքիպահեստում

Մարիա Լետիցիա Բուոնապարտե կամ Լետիցիա Ռամոլինո (հայտնի է նաև որպես Marie-Lætitia Ramolino, Madame Mère de l'Empereur, օգոստոսի 24, 1750(1750-08-24)^[1]^[2], Այաչչո - փետրվարի 2, 1836(1836-02-02)^[1]^[2], Հռոմ, Պապական մարզ), իտալական ազնվական։

Նապոլեոն I Բոնապարտի մայրը, Ժան-Ժերոմ Ռամոլինոյի և Անջելա Մարիա Պիետրա-Սանտայի դուստրը։

Կենսագրություն

Ջենովական բանակի կապիտան, ապա Կորսիկա կղզու կամուրջների և ճանապարհների գլխավոր տեսուչ Ժան-Ժերոմ Ռամոլինոյի և Սարտենի ազնվական ընտանիքից սերող Անջելա Մարիա Պիետրա-Սանտայի դուստրը^[3]։ 13 տարեկանում ամուսնացավ իրավաբան Կառլո Բուանապարտեի հետ^[4]։ Չնայած նրան, որ 1769 թվականին Կորսիկան անցավ Ֆրանսիայի տիրապետությանը, այնուամենայնիվ Լետիցիա Բուոնապարտեն չկարողացավ սովորել ֆրանսերեն։ 1875 թվականին` ամուսնու մահից հետո, ընտանիքը գլխավորեց Լետիցիայի երկրորդ որդին` Նապոլեոն Բոնապարտը։ Վերջինս ավարտելով կրթությունը ծառայության անցավ Ֆրանսիական բանակի հրետանիում և բացահայտ դեմ դուրս եկավ Կորսիկայի ապստամբ ուժերի դեմ, որը գլխավորում էր Պասկալ Պաոլին։ Ենթարկվելով քաղաքական հետապնդումների, Բոնապարտների ընտանիքը տեղափոխվեց մայրցամաքային Ֆրանսիա։ Այսպիսով Բոնապարտները 1793 թվականին տեղափոխվեցին Մարսել։

Նապոլեոնը` կայսր թագադրվելուց հետո, նրան շնորհեց «Madame Mère» տիտղոսը և նվիրեց Պոն-սյուղ-Սեն կալվածքը, որը գտնվում է Փարիզում։ Լետիցիան չմասնակցեց թագադրմանը, այնուամենայնիվ Նապոլեոնի պահանջով, Ժակ-Լուի Դավիդը իր հանրահայտ կտավում պատկերել է Լետիցիային։ Չնայած մեծ կարողությանը, Լետիցիան ապրում էր շատ համեստ, զբաղվում էր այգեգործությամբ, հազվադեպ էր լինում կայսրի նստավայրում և չէր հետաքրքրվում քաղաքական գործերով։

Ժակ-Լուի Դավիդ- «Նապոլեոնի թագադրումը», Լետիցիա Բոնապարտեն նշված է 3րդ համարի ներքո

Նապոլեոնի իշխանության վերջնական տապալումից հետո Լետիցիա Բոնապարտը իր եղբոր` Ժոզեֆ Ֆեշի հետ հաստատվեց Իտալիայում և մինչև կյանքի վերջ բնակվեց Հռոմի Վենետիկի հրապարակում գտնվող «Palazzo Bonaparte» կոչվող տանը։ Նա մահացավ 85 տարեկանում` համարյա կուրացած վիճակում։

Ընտանիք

Նրա ամուսինը Կառլո Բուոնապարտն էր` իտալացի իրավաբան և քաղաքական գործիչ։ Նրանք ունեցան 13 երեխա, որոնցից չափահաս տարիքի հասան միայն ութը` 5 որդի և 3 դուստր^[5]

Նապոլեոնե Բուոնապարտե ` ծնվել և մահացել է 1765թ.ի օգոստոսի 17ին
Մարիա Աննա Բուոնապարտե` 3 հունվարի 1767 – 1 հունվարի 1768
Ժոզեֆ Բուոնապարտե` հետագայում Բոնապարտ,( 7 հունվարի 1768 – 28 հուլիսի 1844), Նեապոլի և Սիցիլիայի արքա, Իսպանիայի թագավոր
Նապոլեոնե Բուոնապարտե` հետագայում Նապոլեոն Բոնապարտ, (15 օգոստոսի 1769 - 5 մայիսի 1821), Ֆրանսիայի առաջին կայսր, Բոնապարտների կայսրական տոհմի հիմնադիր
Մարիա Աննա Բուոնապարտե` մահացել է անմիջապես ծնվելուց հետո` 1770 թվականին։
Լուչիանո Բուոնապարտե` հետագայում Լուսյեն Բոնապարտ, (21 մարտի 1775 – 29 հունիսի 1840)։ Պետական և քաղաքական գործիչ, Կանինոյի և Մուսինյանոյի արքայազն
Մարիա Աննա Էլիզա Բոնապարտ` (3 հունվարի 1777 – 7 օգոստոսի 1820), Տուսկանայի Մեծ Դքսուհին
Լուիջի Բուոնապարտե` հետագայում Լուի Բոնապարտ, (2 սեպտեմբերի 1778 – 25 հուլիսի 1846) , 1806-1808թթ Հոլանդիայի արքա, Ֆրանսիայի վերջին կայսր Նապոլեոն III հայրը
Պոլինա Բոնապարտ` (20 հոկտեմբերի 1780 – 9 հունիսի 1825), Գվաստիլիայի դքսուհի, Ֆրանսիայի արքայադուստր
Կարոլինա Բոնապարտ` ամուսնանալուց հետո` Մարիա Կարոլինա Մյուրատ,(25 մարտի 1782 – 18 մայիսի 1839), Յուլիխ-Կլևէ-Բերգի Մեծ Դքսուհի, Յոախիմ Մյուրատի կինը
Ժերոմ Բոնապարտ` (15 նոյեմբերի 1784 – 24 հունիսի 1860), Վեստֆալիայի արքա

Ընտանիքի պատկերասրահ

Զինանշան

Լետիցիա Բոնապարտը ուներ անձնական զինանշան, ստեղծված Նապոլեոն Բոնապարտի զինանշանի օրինակով

Լետիցիա Բոնապարտի զինանշանը
Ֆրանսիայի առաջին կայսրության և Նապոլեոն Բոնապարտի զինանշանը

Ծանոթագրություններ

↑ ^1,0 ^1,1 ^1,2 ^1,3 ^1,4 Encyclopædia Britannica
↑ ^2,0 ^2,1 ^2,2 ^2,3 ^2,4 Pas L. v. Genealogics — 2003.
↑ https://www.napoleon.org/histoire-des-2-empires/biographies/bonaparte-letizia-1749-1836-mere-de-napoleon-ier/
↑ Friedrich Max Kircheisen, Napoléon, Plon, 1934, p. 3
↑ http://geneagraphie.com/getperson.php?personID=I2591&tree=1

Վիքիպահեստն ունի նյութեր, որոնք վերաբերում են «Լետիցիա Բոնապարտ» հոդվածին։

[_7a2d64a7a9dac136-1] 1,0 ^1,1 ^1,2 ^1,3 ^1,4 Encyclopædia Britannica

[_475cf22a001ddd0a-2] 2,0 ^2,1 ^2,2 ^2,3 ^2,4 Pas L. v. Genealogics — 2003.

[3] ttps://www.napoleon.org/histoire-des-2-empires/biographies/bonaparte-letizia-1749-1836-mere-de-napoleon-ier/

[4] Friedrich Max Kircheisen, Napoléon, Plon, 1934, p. 3

[5] ttp://geneagraphie.com/getperson.php?personID=I2591&tree=1

[1]

[2]

[3]

[4]

[5]

Մարիա Լետիցիա Ռամոլինո Նապոլեոն I կայսրի մայրը

Ծնվել է	օգոստոսի 24, 1750(1750-08-24)^[1]^[2]
Ծննդավայր	Այաչչո, Կորսիկա
Մահացել է	փետրվարի 2, 1836(1836-02-02)^[1]^[2] (85 տարեկան)
Մահվան վայր	Հռոմ, Պապական Մարզ
Գերեզման	Chapelle Impériale
Քաղաքացիություն	Ֆրանսիայի առաջին հանրապետություն Ֆրանսիայի առաջին կայսրություն
Մասնագիտություն	ազնվական
Ամուսին	Շառլ Բոնապարտ
Ծնողներ	Ժան-Ժերոմ Ռամոլինո և Անջելա Մարիա Պիետրա-Սանտա
Երեխաներ	Նապոլեոն Բոնապարտ Լուի Բոնապարտ Պոլինա Բոնապարտ Կարոլինա Բոնապարտ Էլիզա Բոնապարտ Ջոզեֆ Բոնապարտ Լուսյեն Բոնապարտ Ժերոմ Բոնապարտ
Letizia Ramolino Վիքիպահեստում