Վիքիպեդիա

Դավուդ Իբրահիմ

(Վերահղված է Իբրահիմ Դավուդից)

Դավուդ Իբրահիմ (անգլ.՝ Dawood Ibrahim, դեկտեմբերի 26, 1955(1955-12-26)[1], caratula, Ratnagiri district, Կոնկան, Բոմբեյ, Հնդկաստան), քրեական հեղինակություն և թմրավաճառ Մումբայից[2][3]։ Ներկայումս բնակվում է Դուբայում և գլխավորում է կազմակերպված հանցավոր խումբը՝ D-Company-ն (OPG), որը հիմնադրվել է Մումբայում 1970-ականներին[4][5][6][7][8]։

Դավուդ Իբրահիմ
անգլ.՝ Dawood Ibrahim և հինդի՝ दाऊद इब्राहीम
Ծնվել էդեկտեմբերի 26, 1955(1955-12-26)[1] (68 տարեկան)
Ծննդավայրcaratula, Ratnagiri district, Կոնկան, Բոմբեյ, Հնդկաստան
Քաղաքացիություն Հնդկաստան
Կրոնսուննի իսլամ
Մասնագիտությունհանցագործ, գանգստեր, ահաբեկիչ և Հանցագործության ղեկավար
ԱշխատավայրD-Company?
ԱնդամությունD-Company?

Դավուդ Իբրահիմը հետախուզվում է սպանությունների, շորթումների, նպատակային սպանությունների, թմրանյութերի ապօրինի շրջանառության, ահաբեկչության և այլ իրավախախտումների մեղադրանքներով։ 2003 թվականին Հնդկաստանի և Ամերիկայի Միացյալ Նահանգների կառավարությունները Դավուդ Իբրահիմին միջազգային ահաբեկիչ են հայտարարել 1993 թվականին ռումբի պայթյուններում նրա ենթադրյալ դերի համար և վերջինիս բռնելու համար 25 միլիոն ԱՄՆ դոլար գումարի պարգևավճար են խոստացել[9][10]։

2011 թվականին հետաքննությունների դաշնային բյուրոն և Ֆորբս-ը Դավուդ Իբրահիմին 10 ամենահետախուզվող հանցագործների ցուցակում երրորդ համարն են սահմանել[11]։

Կյանքի վաղ ժամանակահատված խմբագրել

Ծնվել է 1955 թվականի դեկտեմբերի 26-ին մուսուլմանական ընտանիքում՝ Ռատնագիրի շրջանում (ժամանակակից նահանգ Մախարաշտրա)[12]։ Նրա հայրը՝ Իբրահիմ Կասկարը, ծառայում էր Մումբայի ոստիկանությունում, ղեկավարում էր շտաբերից մեկը, իսկ մայրը՝ Ամինան, տնային տնտեսուհի էր[13]։ Դավուդ Իբրահիմը ապրել է Դոնգրիի Թեմքար Մոհալլա շրջանում, հաճախել է Ահմեդ Սեյլորի միջնակարգ դպրոց, որից ժամանակ անց դուրս է մնացել։ Դոնգրիում առաջին անգամ կռիվ է ունեցել կազմակերպված հանցավոր խմբի անդամ Խաջի Մաստանայի հետ, դրանից հետո, վերջինս հարձակվել է Դավուդ Իբրահիմի 2 ծառաների, թիկնապահների վրա[14]։ 1970-ականներին Իբրահիմը եղբոր՝ Շաբիր Իբրահիմի հետ ստեղծել է կազմակերպված «D-Company» հանցավոր խումբը։

Կենսագրություն խմբագրել

Ենթադրվում է, որ Դավուդ Իբրահիմը վերահսկում է հավալայի՝ ոչ ֆորմալ ֆինանսա-հաշվարկային համակարգի մեծ մասը, հիմնականում Միջին Արևելքում, Աֆրիկայում և Ասիայում օգտագործվող բրոքերների միջև պահանջների և պարտավորությունների հաշվանցման հիման վրա։ Հավալայի բազմաթիվ օպերացիաներ իրականացվում են Հնդկաստանում[15][16]։

ԱՄՆ-ի ֆինանսների նախարարությունը Դավուդ Իբրահիմին ահաբեկիչ է հայտարարել և նրա նկատմամբ միջազգային պատժամիջոցներ է սահմանել օտարերկրյա ակտիվ կազմակերպությունների վերահսկողության վարչության ուժերի կողմից՝ փաստացի արգելելով ԱՄՆ-ի ֆինանսական կազմակերպություններին աշխատել նրա հետ և առգրավել այն գումարները, որոնք, ինչպես ենթադրվում է, նրա վերահսկողության տակ էին։ ԱՄՆ-ի ֆինանսների նախարարությունը հետևում է Դավուդ Իբրահիմի գործունեությանը, ինչպես նաև տեղեկատվություն է հրապարակում այն մասին, որ նա ազատ մուտք-ելք ունի Հարավային Ասիա, Մերձավոր Արևելք և Աֆրիկա, որտեղ էլ, չեն բացառվում կատարվելիք մաքսանենգությունները։ Այս ավազակություններից օգտվում է նաև Ալ-Կաիդա ահաբեկչական կազմակերպությունը։ ԱՄՆ-ի ֆինանսների նախարարության հաղորդագրություններում ասվում է նաև, որ Դավուդ Իբրահիմը և նրա կազմակերպությունը մասնակցում է Մեծ Բրիտանիա և Արևմտյան Եվրոպայի այլ երկրներ թմրանյութերի խոշորամասշտաբ մատակարարումների աշխատանքներին։ Ենթադրվում է նաև, որ նա կապ է ունեցել Ալ-Կաիդայի առաջնորդ Ուսամա բեն Լադենի հետ։ 1990-ական թվականների վերջին Դավուդ Իբրահիմը ժամանել Է Աֆղանստան, որտեղ նրան ցուցաբերվել Է Թալիբան իսլամական շարժման հովանավորությունը։ «D-Company»-ն իր առջև խնդիր է դրել ապակայունացնել Հնդկաստանի կառավարությանը՝ անկարգությունների, ահաբեկչական գործողությունների և քաղաքացիական անհնազանդության ակցիաների կազմակերպման շնորհիվ[17]։

2006 թվականին ԱՄՆ կառավարությունը հայտարարություն է արել, որ մտադիր է դիմել Միավորված ազգերի կազմակերպությանը՝ խնդրելով, որ ՄԱԿ-ի բոլոր անդամ պետությունները սառեցնեն Դավուդ Իբրահիմի բանկային հաշիվները և արգելեն նրա տեղաշարժը։ ԱՄՆ-ի ահաբեկչության և ֆինանսական հանցագործությունների ֆինանսավորման դեմ պայքարի նախարարի օգնականի տեղակալ Խուան Զարատեն հայտարարել է, որ երկիրը հավատարիմ է ահաբեկչության և հանցավոր աշխարհի միջեև ֆինանսական կապերի բացահայտման և դադարեցման գործին[18]։ Դավուդ Իբրահիմը կասկածվում է ահաբեկչական միջոցառումների կազմակերպման մեջ, իսկ 2002 թվականին ֆինանսավորվել է ծայրահեղական գործունեություն ծավալելու համար Գուջարաթում Լաշքար-Թայբի կողմից։ 2006 թվականին Հնդկաստանի կառավարությունը Պակիստանին է փոխանցել երկրի 38 ամենահետախուզվող հանցագործների ցուցակը, որի մեջ տեղ էր գտել նաև Դավուդ Իբրահիմը[19]։

2006 թվականի նոյեմբերի 21-ին հաղորդվել էր, որ Մումբայի քրեական ոստիկանության կողմից ձերբակալվել են Դավուդ Իբրահիմի հանցավոր խմբի տասը անդամներ։ Նրանք էքստրադիցիայի են ենթարկվել Արաբական Միացյալ Էմիրությունների կողմից[20]։ 2008 թվականին «India Today» հրատարակությունը հաղորդել էր, որ Դավուդ Իբրահիմը նյութատեխնիկական ապահովում է տրամադրել Մումբայի վրա ահաբեկչական հարձակման համար[21]։ Այնուհետև լրատվական գործակալությունները հայտնել են քրեական հեղինակություն Շիրազ Ասգար Ալիի սպանության մասին հնդկական քրեական աշխարհում ազդեցության վերաբաշխման հետևանքով[22]։ 2013 թվականին Նեպալի կառավարությունը սառեցրել է 224 մարդու և 64 ահաբեկչական կազմակերպությունների բանկային հաշիվները՝ կապված Դավուդ Իբրահիմի հետ հանցավոր փողերի լվացման դեմ արշավի հետ[23]։ 2013 թվականին կրիկետի նախկին խաղացող հնդիկ Դիլիպ Հունգարսկարկարը հայտարարել է, որ 1986 թվականին Դավուդ Իբրահիմը մտել է Շարջայի հնդկական թիմի հանդերձարան և յուրաքանչյուր հնդիկ խաղացողի մեկ ավտոմեքենա է առաջարկել, եթե նրանք Պակիստանի հավաքականին հաղթեն Շարժայի Գավաթի եզրափակիչում[24]։

Պայթյուններ Բոմբեյում խմբագրել

Լայնորեն տարածված է այն փաստը, որ Դավուդ Իբրահիմը պայթյուններ է կազմակերպել Բոմբեյում 1993 թվականի մարտ ամսին։ 2003 թվականին Հնդկաստանի և Ամերիկայի Միացյալ Նահանգների կառավարությունները նրան միջազգային ահաբեկիչ են հայտարարել, իսկ Հնդկաստանի փոխվարչապետ Լալ Կրիշնա Ադվանին այդ փաստը կարևոր իրադարձություն է անվանել։ Դավուդ Իբրահիմը ներկայումս Հնդկաստանի ամենահետախուզվող հանցագործների ցուցակում է[18]։

2017 թվականի հունիսին հնդիկ քաղաքական գործիչ և իրավաբան Ռամ Ջետմալանին հաստատել է, որ ռումբի պայթյուններից հետո Դավուդ Իբրահիմը Լոնդոնից զանգահարել է իրեն և հայտարարել, որ պատրաստ է ժամանել Հնդկաստան և կանգնել դատարանի առջև այն պայմանով, որ նա ոստիկանության կողմից խոշտանգումների չի ենթարկվի[25]։ Ռամ Ջետմալանին այդ տեղեկությունը փոխանցել է հայտնի քաղաքական գործիչ Մահարաշտրա շարադ Պավարին, սակայն Հնդկաստանի իշխանությունները մերժել են Իբրահիմի առաջարկը։ Ռամ Ջետմալանին հայտարարել է, որ մերժման դեպքումանվտանգության երաշխիքները հավասարվում են զրոյի։ Որ Իբրահիմը կրկին կփորձի խոշտանգումներ իրականացնել[26][27]։

Տեղակայում խմբագրել

Որոշ տվյալներով՝ Դավուդ Իբրահիմը բնակվում էր Պակիստանում, այնուհետև տեղափոխվել է Արաբական Միացյալ Էմիրություններ[28][29][30][31]։ Հնդկաստանի իշխանությունների հայտարարությունների համաձայն՝ Դավուդ Իբրահիմը հատել է աֆղանա-պակիստանյան սահմանը, քանի որ Պակիստանի միջգերատեսչական հետախուզությունը չափազանց զգուշավոր է վերաբերվել ահաբեկչության դեմ պատերազմում ամերիկա-հնդկական հարաբերություններին և չի համարձակվել ծածկել այն[32]։ 2015 թվականի մայիսի 5-ին պատգամավոր Հարիբհայ Պարտիբհայ Չաուդհարին Լոկ սաբհայում հայտարարել է, որ Դավուդ Իբրահիմի գտնվելու ճշգրիտ վայրը հայտնի չԷ[33][34]։ Սակայն 2015 թվականի մայիսի 11-ին Հնդկաստանի ներքին գործերի նախարար Ռաջնատհ Սինգհը խորհրդարանում հայտարարել էր, որ Դավուդ Իբրահիմը գտնվում է Պակիստանում և նա նրան Հնդկաստան կվերադարձնի անպայման[33][35][36][37]։

2015 թվականի օգոստոսի 22-ին Հնդկական «Times Now» հեռուստաալիքը հայտնել էր, որ Դավուդ Իբրահիմը գտնվում է Կարաչիում։ Հեռուստաալիքի կայքում հրապարակվել են խոսակցությունների սղագրությունները, որոնցից մեկում անհայտ մի կին հայտնել է, որ Դավուդի կինն է և որ Դավուդը «քնած է», իսկ երկրորդ սղագրությունում նշված է, որ կինը հերքում է Դավուդի հետ ծանոթ լինելու փաստը և ոչ ոքի չի ճանաչում «Դավուդ Իբրահիմ» անունով[38][39]։

2015 թվականի օգոստոսին Հնդկաստանի կառավարությունը դոսյե էր պատրաստել Պակիստանին փոխանցելու համար, որում հաղորդվում էր, որ Դավուդ Իբրահիմը Պակիստանում ինը բնակատեղի ունի, ինչպես նաև ճանապարհորդության համար երեք պակիստանյան անձնագիր[40]։

2015 թվականի մայիսին Դավուդ Իբրահիմի մոտավոր կարողությունը գնահատվում էր 6,7 մլրդ ԱՄՆ դոլար[41]։

Ընտանիք խմբագրել

2006 թվականին Դավուդի դուստրը՝ Մահրուհ Իբրահիմը, ամուսնացել է Ջունաիդ Միանդադի՝ պակիստանցի կրիկետ հայտնի խաղացողի որդու՝ Ջավիդ Միանդադի հետ[42]։ 2011 թվականին նրա 24-ամյա դուստրը՝ Մեհրինը, ամուսնացել Է ամերիկացի Այուբայի հետ, որն ունեցել է պակիստանական ծագում[43]։ 2011 թվականի սեպտեմբերի 25-ին որդին՝ Մոյնը ամուսնացել է Սանիի հետ, որը Լոնդոնի ամենահայտնի բիզնեսմեններից մեկի դուստրն է[44]։ Դավուդ Իբրահիմի ընտանիքի մի շարք անդամները, այդ թվում եղբայր Իկբալ Կասկարը, ապրում են Մումբայում[45]։ Դավուդի կնոջ անունը Մեհրիբա Շեյխ է[46]։

Հայտնիություն խմբագրել

Դավուդ Իբրահիմը և նրա ղեկավարած «OPG D-Company»-ը կապված էին Բոլիվուդի կինոարդյունաբերության ֆինանսավորման հետ։ 1980-ականներին և 1990-ականներին մի շարք բոլիվուդյան կինոստուդիաներ և ֆիլմեր ֆինանսավորվել են D-Company-ի կողմից։ Այդ ժամանակ Դավուդ Իբրահիմը կապ ուներ բազմաթիվ հայտնիների հետ, որոնց մեջ էր գեղեցկության մրցույթի մասնակից Անիտա Այուբը և բոլիվուդցի դերասանուհի Մանդակինին։ D-Company-ն հայտնի է նաև բոլիվուդյան պրոդյուսերների և հայտնիների դեմ ուղղված դրամաշորթությամբ և սպառնալիքներով։ Ներգրավված է եղել բոլիվուդյան պրոդյուսերներ Ջավեդ Սիդիկի և Գուլշան Կումարի սպանությունների մեջ[47]։

2002 թվականի «Վճար ամեն ինչի համար» ֆիլմը և դրա շարունակությունը, որոնք թողարկվել են 2005 թվականին, ինչպես նաև «Փոխհրաձգություն Լոկանդվալում» (2007 թվական), «Մի անգամ Մումբայում» (2010 թվական) «Մի անգամ Մումբայում 2» (2013 թվական) ֆիլմերը հիմնականում նկարահանվել են «D-Company»-ի հովանու ներքո[48]։ «Կրակոցներ Վադալայում» (2013 թվական) ֆիլմը պատմում է Հնդկաստանում D-Company-ի և վերջինիս գործունեության մասին։ «Հասինա Պարկար» (2017 թվական) կենսագրական ֆիլմը պատմում է Դավուդ Իբրահիմի քրոջ՝ Հասինա Պարկարի մասին։

Ծանոթագրություններ խմբագրել

  1. ↑ 1,0 1,1 https://www.hindustantimes.com/india/10-things-to-know-about-dawood-ibrahim/story-yoROzlpjb6WWBq3yftvi9L.html
  2. ↑ «Treasury Sanctions Two Indian Nationals and a Company Based in Pakistan for Ties to the South Asian Criminal Network 'D Company'». www.treasury.gov (անգլերեն). Վերցված է 2017 թ․ սեպտեմբերի 8-ին.
  3. ↑ «DAWOOD IBRAHIM KASKAR | United Nations Security Council Subsidiary Organs». www.un.org (անգլերեն). Վերցված է 2017 թ․ սեպտեմբերի 8-ին.
  4. ↑ The name on the Mumbai street over terror attacks is Dawood Ibrahim. The Times. 13 July 2011
  5. ↑ «Dawood Ibrahim Kaskar». Forbes.
  6. ↑ «Made outside India». The Economist. Վերցված է 2017 թ․ դեկտեմբերի 20-ին.
  7. ↑ Kugelman, Michael (2015). «Opinion | Fix the Link to Pakistan, Bond With India». The New York Times (անգլերեն). ISSN 0362-4331. Վերցված է 2017 թ․ դեկտեմբերի 20-ին.
  8. ↑ Tran, Mark (2008 թ․ դեկտեմբերի 2). «India names two most-wanted fugitives after Mumbai attacks». The Guardian (անգլերեն). ISSN 0261-3077. Վերցված է 2017 թ․ դեկտեմբերի 20-ին.
  9. ↑ «Shaikh, Dawood Hasan». Interpol. Արխիվացված է օրիգինալից 2012 թ․ դեկտեմբերի 12-ին. Վերցված է 2012 թ․ դեկտեմբերի 30-ին.
  10. ↑ «3 students forced to end their 'Dawood hunt' after money runs out». First Post. Վերցված է 2017 թ․ հուլիսի 25-ին.
  11. ↑ «Dawood 4th 'most wanted' criminal on Forbes list». The Times of India. (29 April 2008). Retrieved 16 April 2012.
  12. ↑ «10 things to know about Dawood Ibrahim». Hindustan Times. Վերցված է 2015 թ․ օգոստոսի 23-ին.(չաշխատող հղում)
  13. ↑ Swami, Praveen Mumbai's mafia wars(անգլ.) // Frontline : newspaper. — 1999. — Т. 16. — № 7.
  14. ↑ «'Dongri to Dubai,' the rise of Dawood Ibrahim». CNN-IBN. 2012 թ․ հունիսի 25. Վերցված է 2015 թ․ օգոստոսի 23-ին.
  15. ↑ Chandigarh, India — Main News. The Tribune. (31 December 2000). Retrieved 16 April 2012.
  16. ↑ 'ISI pressured Dawood to carry out Mumbai blasts'. Rediff.com (22 December 2002). Retrieved 16 April 2012.
  17. ↑ Robert Windrem (2006 թ․ հուլիսի 11). «Possible al-Qaida link to India train attacks». MSNBC. Վերցված է 2007 թ․ ապրիլի 10-ին.
  18. ↑ 18,0 18,1 «Dawood Ibrahim is a global terrorist: US». Rediff.com. 2003 թ․ հոկտեմբերի 17. Վերցված է 2007 թ․ ապրիլի 10-ին.
  19. ↑ «Bush administration imposes sanctions on India's most wanted criminals Dawood Ibrahim and sai bansod». IndiaDaily. 2006 թ․ հունիսի 2. Արխիվացված է օրիգինալից 2007 թ․ փետրվարի 12-ին.
  20. ↑ «Dubai extradites 10 Dawood aides». Rediff.com. 2006 թ․ նոյեմբերի 21. Վերցված է 2007 թ․ ապրիլի 10-ին.
  21. ↑ India Today Արխիվացված 1 Դեկտեմբեր 2008 Wayback Machine. Indiatoday.digitaltoday.in (28 November 2008). Retrieved 16 April 2012.
  22. ↑ Dnyanesh Jathar; Quaied Najmi (2003 թ․ փետրվարի 2). «Vivo ipl schedule live». The Week. Արխիվացված է օրիգինալից 2007 թ․ մարտի 16-ին. Վերցված է 2007 թ․ ապրիլի 10-ին.
  23. ↑ «Nepal freezes assets of entities with Dawood, Al Qaeda links». Indistan News. 1955 թ․ դեկտեմբերի 26. Արխիվացված է օրիգինալից 2013 թ․ դեկտեմբերի 29-ին. Վերցված է 2014 թ․ ապրիլի 12-ին.
  24. ↑ «Dawood entered Indian dressing room in 1986, offered cars to players: Vengsarkar». The Times of India. 2013 թ․ հոկտեմբերի 28. Վերցված է 2014 թ․ ապրիլի 12-ին.
  25. ↑ «The legend of Ram – a conversation with Ram Jethmalani». Algebra talks. Algebra. Վերցված է 2018 թ․ հունիսի 13-ին.
  26. ↑ «Ram Jethmalani, Sharad Pawar spar over Dawood Ibrahim». India Today. 2015 թ․ հուլիսի 4. Վերցված է 2018 թ․ հունիսի 13-ին.
  27. ↑ «Sharad Pawar: Jethmalani's proposal on Dawood Ibrahim was conditional». The Indian Express. Վերցված է 2018 թ․ հունիսի 13-ին.
  28. ↑ «Dawood Ibrahim was in Pak till April 2013: IPL spot-fixing chargesheet». In.com. Արխիվացված է օրիգինալից 2014 թ․ մարտի 19-ին. Վերցված է 2014 թ․ ապրիլի 12-ին.
  29. ↑ Desk, Web. «Dawood Ibrahim chased out of Pakistan: PM's special envoy». The Express Tribune. Վերցված է 2014 թ․ ապրիլի 12-ին.
  30. ↑ «Dawood Ibrahim was in Pak till April 2013: IPL spot-fixing chargesheet-CNN-IBN». IBNLive. 2013 թ․ օգոստոսի 10. Արխիվացված է օրիգինալից 2013 թ․ հոկտեմբերի 19-ին. Վերցված է 2014 թ․ ապրիլի 12-ին.
  31. ↑ «Dawood Ibrahim was here but we chased him out, may be in UAE now: Shahryar Khan». The Indian Express. 2013 թ․ օգոստոսի 10. Վերցված է 2014 թ․ ապրիլի 12-ին.
  32. ↑ ET Bureau (2014 թ․ հոկտեմբերի 27). «ISI shifts underworld don Dawood Ibrahim to Pakistan-Afghanistan border - timesofindia-economictimes». Economictimes.indiatimes.com. Վերցված է 2015 թ․ օգոստոսի 10-ին.
  33. ↑ 33,0 33,1 «Dawood Ibrahim is in Pakistan, Rajnath assures Lok Sabha». Indian Express. 2015 թ․ մայիսի 11. Վերցված է 2015 թ․ մայիսի 19-ին.
  34. ↑ «Dawood Ibrahim Whereabouts». IBN Live.
  35. ↑ «Dawood in Pakistan, Will Get Him No Matter What: Rajnath Singh in Parliament». NDTV. 2015 թ․ մայիսի 11. Վերցված է 2015 թ․ մայիսի 19-ին.
  36. ↑ «Dawood in pakistan». Hindustan Times. 2015 թ․ մայիսի 11. Արխիվացված է օրիգինալից 2015 թ․ մայիսի 20-ին. Վերցված է 2015 թ․ մայիսի 19-ին.
  37. ↑ «Rajnath says Dawood is in Pakistan». India Today. 2015 թ․ մայիսի 11. Վերցված է 2015 թ․ մայիսի 19-ին.
  38. ↑ «Dawood's wife confirms her husband is in Karachi - The Times of India». Timesofindia.indiatimes.com. Times News Network. 2015 թ․ օգոստոսի 22. Վերցված է 2015 թ․ օգոստոսի 22-ին.
  39. ↑ «TIMES NOW tracks Dawood Ibrahim-News-Exclusives-TIMESNOW.tv - Latest Breaking News, Big News Stories, News Videos». Timesnow.tv. Արխիվացված է օրիգինալից 2015 թ․ օգոստոսի 24-ին. Վերցված է 2015 թ․ օգոստոսի 22-ին.
  40. ↑ «Dawood Ibrahim has nine residences in Pakistan, Delhi says». gulfnews.com. Վերցված է 2015 թ․ օգոստոսի 24-ին.
  41. ↑ «Dawood Ibrahim is the 2nd richest gangster of all time». India Today. Վերցված է 2017 թ․ հուլիսի 25-ին.
  42. ↑ «Profile: India's fugitive gangster». BBC News. 2006 թ․ սեպտեմբերի 12.
  43. ↑ «Tale behind weddings of Dawood Ibrahim's children : Neighbours, News - India Today». Indiatoday.intoday.in. Վերցված է 2015 թ․ օգոստոսի 10-ին.
  44. ↑ Dawood’s son Moin marries London girl in Karachi
  45. ↑ Unfair to deny passport for being Dawood’s brother: Kaskar | Cities News,The Indian Express
  46. ↑ «It is official: Ahead of NSA meet, fresh photo and passport copy of Dawood Ibrahim confirm he's in Pakistan». Firstpost.
  47. ↑ «10 Times Bollywood Actors Crossed Paths With The Underworld». ScoopWhoop (անգլերեն). 2015 թ․ օգոստոսի 11.
  48. ↑ «Akshay to play dreaded don Dawood?» (անգլերեն). Emirates247. 2011 թ․ մարտի 7.

Արտաքին հղումներ խմբագրել

Ստացված է «https://hy.wikipedia.org/w/index.php?title=Դավուդ_Իբրահիմ&oldid=9466951» էջից