Գեորգի Ժժենով
Գեորգի Ժժենով (ռուս.՝ Гео́ргий Степа́нович Жжёнов, մարտի 9 (22), 1915[1], Պետրոգրադ, Ռուսական կայսրություն - դեկտեմբերի 8, 2005[1], Մոսկվա, Ռուսաստան), կինոյի և թատրոնի խորհրդային ռուս դերասան, գրականագետ, հուշավիպագիր, հասարակական գործիչ։ ԽՍՀՄ ժողովրդական արտիստ (1980): ՌԽՖՍՀ Վասիլիև եղբայրների պետական մրցանակի դափնեկիր (1975):
![]() | |
---|---|
![]() | |
Ծնվել է | մարտի 9 (22), 1915[1] |
Ծննդավայր | Պետրոգրադ, Ռուսական կայսրություն |
Մահացել է | դեկտեմբերի 8, 2005[1] (90 տարեկան) |
Մահվան վայր | Մոսկվա, Ռուսաստան |
Գերեզման | Նովոդեվիչյան գերեզմանոց |
Կրթություն | Սանկտ Պետերբուրգի պետական թատերական արվեստի ակադեմիա (1935) |
Քաղաքացիություն | ![]() ![]() |
Մասնագիտություն | դերասան, գրականագետ, հիշատակագիր և արձակագիր |
Պարգևներ և մրցանակներ | |
Անդամություն | ՌԴ Նախագահին առընթեր քաղաքացիական հասարակության զարգացման և մարդու իրավունքների խորհուրդ |
Կենսագրություն
խմբագրելԳեորգի Ժժենովը ծնվել է 1915 թվականին, Պետրոգրադում, Վասիլևսկի կղզում։ Ծնողները՝ Ստեպան Ֆիլիպովիչ Ժժենովը և Մարիա Ֆեոդորովնա Շյոլկինան, սերում էին Տվերսկի նահանգի գյուղացիներից՝ Կեսովա Գորա գյուղից։
Գեորգի Ժժենովի կյանքի առաջին 22 տարիներն անցել են Վասիլևսկի կղզում։ 1930 թվականի գարնանը ավարտել է ֆիզիկամաթեմատիկական թեքումով դպրոցը և եղբոր՝ Բորիսի փաստաթղթերով ընդունվել է Լենինգրադի ակրոբատիկ-կրկեսային տեխնիկում։ Հետագայում ընդունել է այդ փաստը, բայց ներում է ստացել։ 1935 թվականին ավարտել է Լենինգրադի պետական թատերական ուսումնարանի թատերական բաժինը։ Սերգեյ Գերասիմովի դասախոսությունները զգալի ազդեցություն են ունեցել Ժժենովի դերասանական աշխարհայացքի վրա։
Առաջին անգամ նկարահանվել է «Կյանքի ուղեգիր» ֆիլմում։ Երկար ժամանակ չուներ այնպիսի դերեր, որտեղ կարող էր բացահայտել իր ստեղծագործական կարողությունները։ Սակայն հետագայում սկսել է շատ նկարահանվել և դարձել է պահանջված դերասան։ Նկարահանվել է Էդուարդ Իոգանսոնի «Հերոսի սխալը» (1933), Սերգեյ Գերասիմովի «Կոմսոմոլսկը» (1938), Վլադիմիր Բասովի «Լռություն» (1964), Յուլի Կարասիկի «Մարդ, որին սիրում եմ» (1968), Վենիամին Դորմանի «Ռեզիդենտի սխալը» (1968) և «Ռեզիդենտի ճակատագիրը» (1970), Էլդար Ռյազանովի «Զգուշացիր ավտոմեքենայից» (1968), Վիլեն Ազարովի «Ճանապարհ դեպի Սատուրն» և «Սատուրնի վախճանը» (1967), Գավրիիլ Եղիազարովի «Տաք ձյուն» (1972), Իգոր Տալանկինի «Նպատակի ընտրությունը» (1974), Աիդա Մանասարովայի «Փնտրում եմ իմ բախտը» (1975), Ալբերտ Մկրտչյանի «Դեղ վախի դեմ» (1978), Ալեքսանդր Միտտայի «Անձնակազմ» (1979) և այլ ֆիլմերում։ 1990-ականներին Ժժենովը ստանում է մի շարք պարգևներ. Հայրենական կինոարվեստում ունեցած վաստակի համար, «Նախագահական խորհրդի մրցանակը՝ ստեղծագործական կարիերայի համար», «Բյուրեղապակյա Տուրանդոտ», «Նիկա», «Կինոտավր»-ի մրցանակները և այլն[2]։
Պարգևներ, մրցանակներ
խմբագրել- ՌԽՖՍՀ վաստակավոր արտիստ (սեպտեմբերի 29, 1969)[3]
- ՌԽՖՍՀ ժողովրդական արտիստ (հուլիսի 20 1973)[4]
- ԽՍՀՄ ժողովրդական արտիստ (փետրվարի 21, 1980)[5]
- ՌՍՖՍՀ Վասիլև եղբայրների անվան պետական մրցանակ (1975)
- «Հայրենիքին մատուցած ծառայությունների համար II աստիճանի շքանշան» (մարտի 22, 2000)[6]
- «Հայրենիքին մատուցած ծառայությունների համար IV աստիճանի շքանշան» (դեկտեմբերի 28, 1995)[7]
- Լենինի շքանշան (հունվարի 28, 1991)[8]
- Աշխատանքային կարմիր դրոշի շքանշան (մարտի 21, 1985)[9]
- «Լենինգրադի 250-ամյակի հիշատակի» մեդալ
- «Մոսկվայի 850-ամյակի հիշատակի» մեդալ
- «Լենինգրադի 300-ամյակի հիշատակի» մեդալ
- «Աշխատանքի վետերան» մեդալ
- Ռուսաստանի Դաշնության Նախագահի շնորհակալություն (հուլիսի 11, 1996)[10]
- Մոսկվային մատուցած ծառայությունների համար շքանշան (Մոսկվա, մարտի 15 2005)[11]
- Ալեքսանդր Դովժենկոյի արծաթե մեդալ (1975)
- «Օգոնյոկ» ամսագրի մրցանակ (1988)
- Կինոդերասանների «Սոզվեզդիե» կինոփառատոն (Մրցանակ «Մասնագիտական բացառիկ ներդրումների համար», 1992)
- «Բյուրեղապակյա Տուրանդոտ» թատերական մրցանակ «թատրոնում երկարատև ու անձնվեր ծառայություն» անվանակարգում (1995)
- «Նիկա» կինոմրցանակ (1996)
- «Золотой Витязь» (1997)
- Ռուսական հեռուստատեսային ակադեմիայի հատուկ մրցանակ «ТЭФИ» արարողության շրջանակներում (1999)
- Ալեքսանդր Դովժենկոյի մրցանակ
- ԽՍՀՄ Պետական անվտանգության կոմիտեի մրցանակ («Նախագահի սխալը» ֆիլմի համար)[12]
- Ռուսաստանի ներքին գործերի նախարարության մրցանակ
Մահ
խմբագրելՄահացել է 2005 թվականի դեկտեմբերի 8-ին, 91 տարեկան հասակում։
Հիշատակ
խմբագրել- 2000 թվականի սեպտեմբերի 16-ին Չելյաբինսկում բացվել է Ժժենովի հուշարձանը։
- Մոսկվայում այն տանը, որտեղ Ժժենովն ապրել է 1972-2005 թվականներին (Զոոլոգիչեսկայա փողոց 12/2), 2010 թվականին տեղադրվել է հուշատախտակ։
Ծանոթագրություններ
խմբագրել- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ Կինոռեժիսորներ, դերասաններ։ Հակոբ Թահմիզյան, «Սովետական գրող» հրատարակչություն, Երևան-1978։ Հ. 2, Էջ 40-42
- ↑ Указ Президиума Верховного Совета РСФСР от 29 сентября 1969 года «О присвоении почётных званий РСФСР работникам кинематографии»
- ↑ Указ Президиума Верховного Совета РСФСР от 20 июня 1973 года «О присвоении почётных званий РСФСР творческим работникам Государственного академического театра имени Моссовета»
- ↑ Указ Президиума Верховного Совета СССР от 21 февраля 1980 года № 1594 «О присвоении почётного звания «Народный артист СССР» тов. Жжёнову Г. С.»
- ↑ Указ Президента Российской Федерации от 22 марта 2000 года № 541 «О награждении орденом «За заслуги перед Отечеством» II степени Жжёнова Г.С.»
- ↑ Указ Президента Российской Федерации от 28 декабря 1995 года № 1325 «О награждении государственными наградами Российской Федерации»
- ↑ Указ Президента Союза Советских Социалистических Республик от 28 января 1991 года № УП-1391 «О награждении тов. Жжёнова Г. С. орденом Ленина»
- ↑ Указ Президиума Верховного Совета СССР от 21 марта 1985 года № 2083 «О награждении народного артиста СССР Жжёнова Г. С. орденом Трудового Красного Знамени»
- ↑ Распоряжение Президента Российской Федерации от 11 июля 1996 года № 360-рп «О поощрении доверенных лиц и активных участников организации и проведения выборной кампании Президента Российской Федерации в 1996 году»
- ↑ Указ Мэра Москвы от 15 марта 2005 года № 16-УМ «О награждении знаком отличия «За заслуги перед Москвой»
- ↑ Новодевичье кладбище. Георгий Степанович Жжёнов. Актёр
Արտաքին հղումներ
խմբագրել- Лента. Ру. Умер Георгий Жжёнов
- Георгий Жжёнов. Жизнь и творчество
- Биография на сайте Rusactors.ru
- «Из-под снега торчали конечности человеческих тел, взывая о захоронении в землю». Воспоминания гулаговца Георгия Жжёнова Արխիվացված 2015-12-08 Wayback Machine
Վիքիպահեստն ունի նյութեր, որոնք վերաբերում են «Գեորգի Ժժենով» հոդվածին։ |