Վիքիպեդիա

Թոմ Հոլանդ

բրիտանացի դերասան

Թոմաս Ստենլի (Թոմ) Հոլանդ (անգլ.՝ Tomas Stanley «Tom» Holland, հունիսի 1, 1996(1996-06-01)[1][2], Քինգսթոն ապոն Թեմս, Քինգսթոն ափոն Թեմզ, Մեծ Լոնդոն, Անգլիա, Միացյալ Թագավորություն), բրիտանացի դերասան և պարող։ Մեծ ճանաչում է ստացել Marvel Կինոմատոգրաֆիական տիեզերքում Սարդ-մարդու դերը կատարելու շնորհիվ։ Լոնդոնյան Վեստ-Էնդի թատրոնում «Բիլի Էլիոթ» մյուզիքլում խաղացել է գլխավոր դերը, ինչպես նաև 2012 թվականին նկարահանվել է «Անհնարինը» ֆիլմում։

Թոմ Հոլանդ
անգլ.՝ Tom Holland
Ծնվել էհունիսի 1, 1996(1996-06-01)[1][2] (27 տարեկան)
ԾննդավայրՔինգսթոն ապոն Թեմս, Քինգսթոն ափոն Թեմզ, Մեծ Լոնդոն, Անգլիա, Միացյալ Թագավորություն
ԿրթությունԲՐԻԹ դպրոց, Wimbledon College?, Richard Challoner School? և Donhead Preparatory School?
Քաղաքացիություն Անգլիա և  Միացյալ Թագավորություն
Մասնագիտությունհնչյունավորող, թատրոնի դերասան, կինոդերասան, դերասան, պարող և հեռուստատեսային դերասան
ԸնտրանիԱնհնարինը, Spider-Man?, Վրիժառուները. Անվերջության պատերազմ, Ծովի սրտում, Վրիժառուներ։ Վերջնախաղ, Spies in Disguise?, Դեպի առաջ, Չուսումնասիրված և Կապիտան Ամերիկա. քաղաքացիական պատերազմ
Ծնողներհայր՝ Դոմինիկ Հոլանդ
Համատեղ ապրող(ներ)Զենդայա[3]
Պարգևներ և մրցանակներ

Վաղ կյանք և կրթություն խմբագրել

Հոլանդը ծնվել է Լոնդոնի Կինգստոն-ափոն-Թեմս շրջանում[5]։ Նրա մայրը՝ Նիկոլ Էլիզաբեթ Ֆրոստը, մասնագիտությամբ լուսանկարիչ է, իսկ հայրը՝ Դոմինիկ Հոլանդը, կատակերգու է, գրող և հեռուստահաղորդավար[6][7]։ Նա ունի երեք կրտսեր եղբայրներ՝ Պատրիկը և Սեմ ու Հարրի երկվորյակ եղբայրները[6][8][9]։ Դերասանի հորական պապը և տատը ծնվել են Մեն կղզում և Իռլանդիայում համապատասխանաբար[10]։

Հոլանդն նախնական և միջին կրթությունն ստացել է Ուիմբլդոն քոլեջին կից կատալոնական նախապատրաստական դպրոցում, որտեղ ընդունվել է 2008 թվականին։ 2012 թվականի դեկտեմբերին նա դարձել է Լոնդոնի կատարողական արվեստի և տեխնոլոգիայի դպրոցի ուսանող[7]։

Կարիերա խմբագրել

 

Թատրոն խմբագրել

 
Հոլանդը (կենտրոնում) մասնակցում է 2010 թվականի մարտի 31-ին «Բիլի Էլիոթ» մյուզիքլի հինգամյակին

Պարողի կարիերան Հոլանդն սկսել է Ուիմբլդոնում՝ Nifty Feet պարի դպրոցում հիփ-հոփ ժանրի կատարմամբ։ 2006 թվականին նա պարի դպրոցի կոլեկտիվի հետ մասնակցել է Ռիչմոնդի փառատոնին, որտեղ նրան նկատել է պարուսույց Լին Փեյջը (ով Փիթեր Դարլինգի կոլեգան է, «Բիլի Էլիոթ» ֆիլմի և համանուն մյուզիքլի պարուսույցը)[11]։

Ութ լսումներից և երկու տարվա կրթությունից հետո Հոլանդին վերցրին «Բիլի Էլիոթ» մյուզիքլում Բիլի լավագույն ընկերոջ՝ Մայքլի դերի համար։ 2008 թվականի հունիսի 28-ին նա նշեց իր դեբյուտը բեմում[12]։ Բիլլի դերում առաջին անգամ խաղացել է 2008 թվականի սեպտեմբերի 8-ին և թատրոնի քննադատների կողմից ստացել է դրական արձագանքներ[8][13]։

2008 թվականի սեպտեմբերին Հոլանդը (Թաններ Պֆլյուգերի հետ) հայտնվում է Channel 5 ալիքի նորությունների ծրագրում և տվել իր առաջին հեռուստատեսային հարցազրույցը։ Հաջորդ տարի նա դարձել է ITV1 հեռուստաալիքի «Հարմարավետության գործոն» շոուի հյուրը[14]։ Հունվարի 31-ին մեկնարկային թողարկման ժամանակ Հոլանդը Թաններ Պֆլյուգերիի և Լեյթոն Ուիլյամի հետ միասին «Բիլլի Էլիոթ» ֆիլմում կատարել են Angry Dance (հայերեն՝ Զայրացած պար) էպիզոդիկ տարբերակը, որից հետո հարցազրույց տվել է Մայլին Կլասս հաղորդավարին։ Հոլանդը հորինել և բեմադրել է հինգ բրիտանացի դպրոցականների պարը՝ նրանց նախապատրաստելով «Հարմարավետության գործոն» շոուի՝ 2009 թվականի մարտի 28-ին կայացած եզրափակիչ ելույթին[15]։

2010 թվականի մարտի 8-ին «Բիլի Էլիոթ» մյուզիքլի հինգերորդ տարեդարձին չորս դերասաններ, ովքեր կատարել են Բիլի դերը (որոնց թվում էր նաև Հոլանդը), հրավիրվել են Դաունինգ սթրիթ, 10՝ հանդիպելու Բրիտանիայի փոխնախագահ Գորդոն Բրաունի հետ[16]։ Հոլանդը եղել է «Բիլի Էլիոթ» մյուզիքլի գլխավոր դերի կատարողը՝ ժամանակ առ ժամանակ փոխարինելով այլ կատարողների, մինչև 2010 թվականի մայիսի 29-ը, երբ նա վերջին անգամ այդ դերով հանդես եկավ Վիկտորիա-պալաս թատրոնում[17]։

Կինո խմբագրել

2011 թվականին Հոլանդը հնչյունավորել է ճապոնական Ghibli ստուդիայի կողմից թողարկված «Արիետին լիլիպուտների երկրից» անիմացիոն ֆիլմի բրիտանական տարբերակի գլխավոր հերոսին[18]։

Կինոյում Հոլանդի դեբյուտային դերը եղել է ռեժիսոր Խուան Անտոնիո Բայոնի նկարահանած «Անհնարինը» գեղարվեստական ֆիլմում, որում նա նկարահանվել է Նաոմի Ուոթսի և Յուեն Մակգրեգորի հետ միասին։ Ֆիլմի պրեմիերան կայացել է 2012 թվականի սեպտեմբերի 9-ին՝ Տորոնտոյի Միջազգային կինոփառատոնի ժամանակ, որից հետո կինոնկարը կինոքննադատների կողմից ստացել է դրական արձագանքներ և ունեցել է կոմերցիոն հաջողություն։ Ֆիլմը հավաքել է 180,3 մլն $ ամբողջ աշխարհով, իսկ Հոլանդի խաղը ներկայացվել է մի շարք մրցանակների, օրինակ, նա առաջադրվել է ԱՄՆ-ի կինոքննադատների ազգային միության մրցանակի «Տարվա հայտնություն» անվանակարգերում և «Լոնդոնյան կինոքննադատների խմբակի մրցանակի» «Տարվա երիտասարդ բրիտանացի դերասան» անվանակարգում[19][20]։

Հոլանդը Սիրշա Ռոնանի հետ նկարահանվել է «Ինչպես եմ ես հիմա ապրում» դրամատիկական ֆիլմում, որը թողարկվել է Մեծ Բրիտանիայում 2013 թվականի հոկտեմբերի 4-ին։ Բացի դրանից, նա ռեժիսոր Ռոն Հովարդի նկարահանած «Ծովի սրտում» (2015) ֆիլմում կատարել է Թոմ Նիկերսոնի դերը[21]։ 2015 թվականին դերասանը BBC Two հեռուստաալիքի «Գայլային դահլիճ» մինի-սերիալում կատարել է Գրեգորի Կրոմվելի դերը։

2015 թվականի հունիսի 23-ին հայտարարվեց, որ Հոլանդն ընտրվել է Marvel Կինոմատոգրաֆիական տիեզերքի Սարդ-մարդը / Փիթեր Պարկերի դերի կատարման համար։ Նա այդ դերում իր դեբյուտը նշել է «Կապիտան Ամերիկա։ Քաղաքացիական պատերազմ» (2016) ֆիլմում[22][23]։ Ֆիլմը քննադատների կողմից ստացել է դրական արձագանքներ և ունեցել է առևտրային հաջողություններ՝ հավաքելով 1,1 միլիարդ $ եկամուտ համաշխարհային վարձույթում, ինչը նրան դարձրել է 2016 թվականի ամենաշատ եկամուտ բերած ֆիլմը[24][25]։ Կինոնկարում Հոլանդի խաղի վերաբերյալ կինոքննադատների կարծիքները տարբեր են եղել․ մի մասը կարծում էր, որ նրա մասնակցությամբ տեսարանները «ավելի անօգուտ ու ծիծաղելի են»[26], մյուս մասն էլ Սարդ-մարդու դերակատարին անվանել են «հմայիչ, հետաքրքրաշարժ՝ ի տարբերություն Էբդրյու Գարֆիլդի՝ միամիտ ֆանբոյ Սարդ-մարդու և լարված աութսայդեր՝ Թոբի Մագուայրի [կատարմամբ]»[27]։

2017 թվականին Հոլանդը Չարլի Հաննեմի հետ նկարահանվել է ռեժիսոր Ջեյմս Գրեյի «Z կորած քաղաքը» դրամատիկական ֆիլմում։ Ֆիլմը էկրան է բարձրացել 2017 թվականի ապրիլին և քննադատների կողմից ստացել է դրական կարծիքներ[28]։

Ներկայիս աշխատանք խմբագրել

Հոլանդը խաղացել է գլխավոր դերը «Սարդ-մարդ։ Տունդարձ» ֆիլմում, որ էկրան կբարձրանա 2017 թվականի հուլիսի 7-ին[29]։ Նա նաև պատրաստվում է 2018 թվականի մայիսի 4-ին թողարկվելիք «Վրիժառուներ։ Անվերջության պատերազմ» ֆիլմի նկարահանումներին[30], և «Տունդարձ» ֆիլմի շարունակության համար, որի թողարկումը նշանակված է 2010 թվականի հուլիսի 5-ին[31]։ Հոլանդը պայմանագիր է կնքել Marvel Studios-ի հետ վեց կինոնկարների համար[32][33]։

Դերասանը հրավիրվել է նաև ռեժիսոր Ալֆոնսո Գոմես Ռեհոնի «Հոսանքների պատերազմ» ֆիլմում Սեմյուել Ինսուլի դերը կատարելու համար, որը կթողարկվի 2017 թվականի դեկտեմբերի 22-ին[34][35]։ 2017 թվականի մայիսին հայտարարվել է, որ Հոլանդը Naughty Dog Uncharted խաղի մոտիվներով նկարահանվելիք ֆիլմում կմարմնավորի Նեյթան Դրեյկին[36][37]։

Անձնական կյանք խմբագրել

Ներկայում Հոլանդն ապրում է Լոնդոնում[38]։ Նա ունի Թեսս անունով շուն[39]։ Նա «Արսենալ» ֆուտբոլային ակումբի երկրպագու է, ինչպես նաև զբաղվում է մարմնամարզությամբ[40]։

Ֆիլմագրություն խմբագրել

Կինո խմբագրել

Տարի Հայերեն անվանում Բնօրինակ անվանում Դեր
2012 ֆ Արիետը լիլիպուտների երկրից Kari-gurashi no Arietti Սյե (ձայն)
2012 ֆ Անհնարինը Lo imposible Լուկաս Բենեթ
2013 ֆ Ինչպես եմ ես հիմա ապրում How I Live Now Այզեկ
2013 ֆ Լոկ Locke Էդդի (ձայն)
2015 ֆ Ծովի սրտում In the Heart of the Sea երիտասարդ Թոմաս Նիկերսոն
2016 ֆ Կապիտան Ամերիկա։ Քաղաքացիական պատերազմ Captain America: Civil War Փիթեր Փարկեր / Սարդ-մարդ
2016 ֆ Հեռավոր վայր Edge of Winter Բրեդլի
2016 ֆ Z կորած քաղաք The Lost City of Z Ջեկ Ֆոսեթ
2017 ֆ Սարդ-մարդ։ Տունդարձ Spider-Man: Homecoming Փիթեր Փարկեր / Սարդ-մարդ
2017 ֆ Հոսանքների պատերազմ The Current War Սեմյուել Ինսուլլ
2018 ֆ Վրիժառուները։ Անվերջության պատերազմ Avengers: Infinity War Փիթեր Փարկեր / Սարդ-մարդ
2019 ֆ Սարդ-մարդ։ Տնից հեռու Spider-Man: Far From Home Փիթեր Փարկեր / Սարդ-մարդ
ֆ Անծանոթներ․ Դրեյկի հաջողությունը Uncharted երիտասարդ Նեյթան Դրեյկ

Հեռուստատեսություն խմբագրել

Տարի Հայերեն անվանում Բնօրինակ անվանում Դեր
2015 ս Գայլային դահլիճ Wolf Hall Գրեգորի Կրոմվել
2017 ֆ Ֆոնոգրամաների մարտ Lip Sync Battle կամեո

Տեսարաններ խմբագրել

Տարի Հայերեն անվանում Բնօրինակ անվանում Դեր
2008 ս Բիլի Էլիոթ Billy Elliot the Musical Բիլի Էլիոթ / Մայքլ

Մրցանակներ և նոմինացիաներ խմբագրել

Տարի Մրցանակ Կատեգորիա Առաջադրված Արդյունք
2012 Critics' Choice Movie Awards Լավագույն երիտասարդ դերասան կամ դերասանուհի «Անհնարինը» Առաջադրված

[41]

Վաշինգտոնի կինոքննադատների ասոցիացիա Լավագույն երիտասարդական կատարում Առաջադրված

[42]

Չիկագոյի կինոքննադատների ասոցիացիա Առավել խոստումնալից դերասան Առաջադրված

[43]

ԱՄՆ կինոքննադատների ազգային միություն Տարվա հայտնություն․ դերասան Հաղթանակ[20]
Հոլիվուդյան կինոփառատոն Ուշադրության կենտրոնում Հաղթանակ[44]
Նևադայի կինոքննադատների միություն Լավագույն երիտասարդ կատարում Հաղթանակ[45]
Ֆինիքսի կինոքննադատների միության մրցանակ Գլխավոր և երկրորդային դերերի լավագույն երիտասարդ կատարում, տղամարդ Հաղթանակ[46]
Սենտ-Լուիսի կինոքննադատների ասոցիացիա Հատուկ արժեք Հաղթանակ[47]
2013 Լոնդոնի կինոքննադատների խմբակի մրցանակ Տարվա երիտասարդ բրիտանացի կատարող Հաղթանակ[19]
Իմպերիա Լավագույն դեբյուտ Հաղթանակ[48]
Սատուրն Լավագույն երիտասարդ դերասան կամ դերասանուհի Առաջադրված

[49]

Երիտասարդ դերասան Գեղարվեստական ֆիլմի լավագույն երիտասարդ դերասան Հաղթանակ[50]
Ոսկե Դերբի Տպավորիչ կատարող Առաջադրված

[51]

Գոյա Լավագույն տղամարդ դերասանի դեբյուտ Առաջադրված

[52]

2016 Teen Choice Awards Choice Movie: Բեմն առևանգողը «Կապիտան Ամերիկա։ Քաղաքացիական պատերազմ» Առաջադրված

[53]

2017 BAFTA Ծագող աստղ Հաղթանակ[54]
Իմպերիա Լավագույն դեբյուտ «Կապիտան Ամերիկա։ Քաղաքացիական պատերազմ» Առաջադրված

[55]

Սատուրն Լավագույն երիտասարդ դերասան կամ դերասանուհի Հաղթանակ[56][57]

Ծանոթագրություններ խմբագրել

  1. ↑ 1,0 1,1 filmportal.de — 2005.
  2. ↑ 2,0 2,1 Munzinger Personen (գերմ.)
  3. ↑ https://www.glamour.com/story/zendaya-and-tom-holland-relationship-timeline
  4. ↑ Internet Movie Database — 1990.
  5. ↑ «Person Details for Thomas Stanley Holland, "England and Wales Birth Registration Index, 1837-2008" — FamilySearch.org». familysearch.org.
  6. ↑ 6,0 6,1 Curtis, Nick (2012 թ․ դեկտեմբերի 20). «Meet Tom Holland... the 16-year-old star of The Impossible» (անգլերեն). Evening Standard. Վերցված է 2017 թ․ հունիսի 7-ին.
  7. ↑ 7,0 7,1 Black, Claire (2012 թ․ դեկտեմբերի 21). «Schoolboy actor Tom Holland finds himself in Oscar contention for role in tsunami drama» (անգլերեն). The Scotsman. Վերցված է 2017 թ․ հունիսի 7-ին.
  8. ↑ 8,0 8,1 BWW News Desk (2008 թ․ օգոստոսի 28). «Holland and Pflueger Are West End's Two New 'Billy Elliots '» (անգլերեն). BroadwayWorld.com. Վերցված է 2017 թ․ հունիսի 7-ին.
  9. ↑ Holland, Dominic (2013 թ․ փետրվարի 11). «I'm so envious of my son, the movie star! British writer Dominic Holland's spent 20 years trying to crack Hollywood - but he's been beaten to it by a very unlikely rival» (անգլերեն). Daily Mail. Վերցված է 2017 թ․ հունիսի 7-ին.
  10. ↑ «Richard-T-Povey-1 - User Trees - Genealogy.com». www.genealogy.com. Վերցված է 2017 թ․ հունիսի 6-ին.
  11. ↑ Howe, Alita (2008 թ․ հուլիսի 31). «New Billy Elliot leaving the garage» (անգլերեն). Richmond and Twickenham Times. Վերցված է 2017 թ․ հունիսի 7-ին.
  12. ↑ Billy Elliot the Musical - Tom Holland - Billy. YouTube. 2009 թ․ օգոստոսի 27.
  13. ↑ «"A Tale of four Billys: Tom Holland"» (անգլերեն). Albion and Beyond: Russian Anglophile's Observations. Վերցված է 2017 թ․ հունիսի 25-ին..
  14. ↑ ITV (2009 թ․ մարտի 10). «The Feel Good Factor - Throng» (անգլերեն). Throng UK. Արխիվացված է օրիգինալից 2018 թ․ ապրիլի 10-ին. Վերցված է 2017 թ․ հունիսի 7-ին.
  15. ↑ «"Thames Christian College schoolboys join Myleene Klass for The Feelgood Factor"» (անգլերեն). thisislocallondon.co.uk. 2009 թ․ մարտի 5. Արխիվացված է օրիգինալից 2012 թ․ մարտի 9-ին. Վերցված է 2017 թ․ հունիսի 7-ին.
  16. ↑ BWW News Desk (2010 թ․ մարտի 8). «Photo Flash: BILLY's Chapman, Holland, Gardner & Jackson-Keen Visit Prime Minister» (անգլերեն). BroadwayWorld.com. Վերցված է 2017 թ․ հունիսի 7-ին.
  17. ↑ «Meet Billy Elliot: Tom Holland» (անգլերեն). betm.theskykid.com. 2014 թ․ հոկտեմբերի 13. Վերցված է 2017 թ․ հունիսի 7-ին.
  18. ↑ Faulkner, Sam (2011 թ․ հուլիսի 25). «Interview Arriety Star Tom Holland» (անգլերեն). DIY. Վերցված է 2017 թ․ հունիսի 7-ին.
  19. ↑ 19,0 19,1 Cline, Rich (2013 թ․ հունվարի 23). «33rd Critics' Circle Film Awards winners» (անգլերեն). The Critics' Circle. Վերցված է 2017 թ․ հունիսի 7-ին.
  20. ↑ 20,0 20,1 «2012 Archives - National Board of Review» (անգլերեն). National Board of Review. Վերցված է 2017 թ․ հունիսի 3-ին.
  21. ↑ Yamato, Jen (2013 թ․ ապրիլի 10). «Ron Howard Whaling Tale 'In The Heart Of The Sea' Casts Tom Holland» (անգլերեն). Deadline.com. Վերցված է 2017 թ․ հունիսի 7-ին.
  22. ↑ Шорохова, Татьяна (2015 թ․ հունիսի 23). «Самый новый Человек-паук: Питера Паркера сыграет Том Холланд» (ռուսերեն). ԿինոՊոիսկ. Վերցված է 2017 թ․ հունիսի 7-ին.
  23. ↑ Kit, Boris (2015 թ․ հունիսի 23). «'Spider-Man' Finds Tom Holland to Star as New Web-Slinger» (անգլերեն). The Hollywood Reporter. Վերցված է 2017 թ․ հունիսի 7-ին.
  24. ↑ Chang, Justin (2016 թ․ ապրիլի 13). «Film Review: 'Captain America: Civil War'». Variety. Արխիվացված օրիգինալից 2016 թ․ ապրիլի 14-ին. Վերցված է 2016 թ․ ապրիլի 14-ին.
  25. ↑ Roeper, Richard (2016 թ․ մայիսի 2). «'Captain America: Civil War' review: Choose your own avenger». Chicago Sun-Times. Արխիվացված օրիգինալից 2016 թ․ մայիսի 4-ին. Վերցված է 2016 թ․ սեպտեմբերի 4-ին.
  26. ↑ Schaefer, Sandy (2016 թ․ մայիսի 6). «Captain America: Civil War Review» (անգլերեն). creen Rant. Վերցված է 2017 թ․ հունիսի 7-ին.
  27. ↑ Child, Ben (2016 թ․ ապրիլի 29). «Captain America: Civil War: The verdict on Tom Holland's Spider-Man» (անգլերեն). The Independent. Վերցված է 2017 թ․ հունիսի 7-ին.
  28. ↑ «The Lost City of Z reviews». Metacritic. Վերցված է 2017 թ․ ապրիլի 20-ին.
  29. ↑ «Sony Pictures and Marvel Studios Find Their 'Spider-Man' Star and Director». Marvel.com. 2015 թ․ հունիսի 23. Վերցված է 2015 թ․ հունիսի 23-ին.
  30. ↑ Couch, Aaron (2017 թ․ փետրվարի 10). «'Avengers: Infinity War' Featurette Shows Off First Footage From Set» (անգլերեն). The Hollywood Reporter. Վերցված է 2017 թ․ հունիսի 4-ին.
  31. ↑ D'Alessandro, Anthony (2016 թ․ դեկտեմբերի 9). «'Spider-Man: Homecoming 2' Shoots Web Around Independence Day 2019 Frame; 'Bad Boys 4' Moves To Memorial Day». Deadline.com. Արխիվացված է օրիգինալից 2016 թ․ դեկտեմբերի 10-ին. Վերցված է 2016 թ․ սեպտեմբերի 12-ին.
  32. ↑ Шорохова, Татьяна (2016 թ․ նոյեմբերի 10). «Том Холланд сыграет Человека-паука шесть раз» (ռուսերեն). ԿինոՊոիսկ. Վերցված է 2017 թ․ մայիսի 26-ին.
  33. ↑ Siegel, Tatiana (2016 թ․ նոյեմբերի 9). «Tom Holland Learned He Got His 'Spider-Man: Homecoming' Role From a Marvel Instagram Post». The Hollywood Reporter. Արխիվացված օրիգինալից 2016 թ․ նոյեմբերի 9-ին. Վերցված է 2017 թ․ հունիսի 7-ին.
  34. ↑ Шорохова, Татьяна (2016 թ․ նոյեմբերի 3). «Человек-паук станет правой рукой Камбербэтча» (ռուսերեն). ԿինոՊոիսկ. Վերցված է 2017 թ․ հունիսի 7-ին.
  35. ↑ Fleming Jr., Mike (2016 թ․ նոյեմբերի 2). «'Mary Magdalene', 'Current War' & 'Wind River' Get 2017 Release Dates From Weinstein». Deadline.com. Վերցված է 2017 թ․ մարտի 17-ին.
  36. ↑ Чемоданов, Милослав (2017 թ․ մայիսի 22). «Картина дня: Новая «Обитель зла» и юный Нейтан Дрейк» (ռուսերեն). ԿինոՊոիսկ. Վերցված է 2017 թ․ հունիսի 7-ին.
  37. ↑ Perry, Spencer (2017 թ․ մայիսի 22). «Tom Holland Will Play Young Nathan Drake in Uncharted!» (անգլերեն). ComingSoon.net. Վերցված է 2017 թ․ հունիսի 7-ին.
  38. ↑ Johnson, Zach (2017 թ․ մայիսի 10). «Tom Holland's Mom Tricks Him Into Staying Close to Home» (անգլերեն). E!. Վերցված է 2017 թ․ հունիսի 4-ին.
  39. ↑ Yohana Desta. «5 things to know about your new Spider-Man: Tom Holland». Mashable. Վերցված է 2017 թ․ հունիսի 3-ին.
  40. ↑ «20 Things You (Probably) Didn't Know About Tom Holland! | MTV UK» (անգլերեն). www.mtv.co.uk. Վերցված է 2017 թ․ հունիսի 3-ին.
  41. ↑ «18th Annual Critics' Choice Movie Awards (2013) - Best Picture: Argo - Critics' Choice Awards». Critics' Choice Awards (ամերիկյան անգլերեն). Արխիվացված է օրիգինալից 2014 թ․ հունվարի 19-ին. Վերցված է 2017 թ․ հունիսի 3-ին.
  42. ↑ «2012 WAFCA Award Winners - The Washington DC Area Film Critics Association (WAFCA)». www.dcfilmcritics.com. Վերցված է 2017 թ․ մայիսի 31-ին.
  43. ↑ Hanna, Beth (2012 թ․ դեկտեմբերի 17). «PTA's 'Master' Leads Chicago Film Critics Nominations, UPDATED: Houston and Indiana Critics Nominations» (անգլերեն). IndieWire. Վերցված է 2017 թ․ հունիսի 7-ին.
  44. ↑ «2012 Hollywood Film Awards®, The Official Launch of the Awards Season™ | Hollywood Film Awards». Hollywood Film Awards (ամերիկյան անգլերեն). 2012 թ․ հոկտեմբերի 23. Արխիվացված է օրիգինալից 2017 թ․ օգոստոսի 8-ին. Վերցված է 2017 թ․ հունիսի 3-ին.
  45. ↑ «The Nevada Film Critics Society's 2012 Awards for Achievement in Film» (անգլերեն). nevadafilmcriticssociety.org. Վերցված է 2017 թ․ մայիսի 31-ին.
  46. ↑ «Phoenix Film Critics Society Awards (2012)». Վերցված է 2017 թ․ հունիսի 3-ին.
  47. ↑ «St. Louis Film Critics Association, US (2012)». Վերցված է 2017 թ․ հունիսի 3-ին.
  48. ↑ Blackall, Luke (2013 թ․ մարտի 24). «Jameson Empire Film Awards: Martin Freeman wins best actor for performance in The Hobbit». The Independent. Վերցված է 2013 թ․ մարտի 24-ին.
  49. ↑ «Academy of Science Fiction, Fantasy & Horror Films, USA (2013)». Վերցված է 2017 թ․ հունիսի 3-ին.
  50. ↑ «34th Annual Young Artist Awards». YoungArtistAwards.org. Արխիվացված է օրիգինալից 2016 թ․ ապրիլի 17-ին. Վերցված է 2013 թ․ հունվարի 3-ին.
  51. ↑ «Gold Derby Awards (2013)». Վերցված է 2017 թ․ հունիսի 3-ին.
  52. ↑ «Nominaciones Goya 2013 Telecinco Cinema – ENG» (PDF). Mediaset.es. 2013 թ․ հունվարի 8. Արխիվացված է օրիգինալից (PDF) 2014 թ․ մայիսի 31-ին. Վերցված է 2013 թ․ փետրվարի 3-ին.
  53. ↑ Eliahou, Maya (2016 թ․ հունիսի 9). «Teen Choice Awards 2016--Captain America: Civil War Leads Second Wave of Nominations» (անգլերեն). E!. Վերցված է 2017 թ․ հունիսի 7-ին.
  54. ↑ Barraclough, Leo (2017 թ․ հունվարի 10). «BAFTA Film Award Nominations: 'La La Land' Leads Race» (անգլերեն). Variety. Վերցված է 2017 թ․ հունվարի 10-ին.
  55. ↑ Nugent, John (2017 թ․ մարտի 20). «Three Empire Awards 2017: Rogue One, Tom Hiddleston And Patrick Stewart Win Big» (անգլերեն). The Independent. Վերցված է 2017 թ․ մայիսի 31-ին.
  56. ↑ McNary, Dave (2017 թ․ մարտի 2). «'Rogue One,' 'Walking Dead' Lead Saturn Awards Nominations» (անգլերեն). Variety. Վերցված է 2017 թ․ մարտի 2-ին.
  57. ↑ Goldderby.com. Saturn Awards 2017: Full list of winners
 Վիքիպահեստն ունի նյութեր, որոնք վերաբերում են «Թոմ Հոլանդ» հոդվածին։
Ստացված է «https://hy.wikipedia.org/w/index.php?title=Թոմ_Հոլանդ&oldid=9493169» էջից