Վիքիպեդիա

Դևիդ Դևիս

Դևիդ Դևիս (անգլ.՝ David Michael Davis, դեկտեմբերի 23, 1948(1948-12-23)[1], Յորք, Յորք, Նորթ Յորքշիր, Անգլիա, Միացյալ Թագավորություն), անգլիացի քաղաքական գործիչ, Մեծ Բրիտանիայի Պահպանողական կուսակցության անդամ։ Բրեքսիթի հարցերով նախարար (2016 թվականից մինչև 2018 թվականը)։

Դևիդ Դևիս
 
Կուսակցություն՝ Մեծ Բրիտանիայի պահպանողական կուսակցություն
Կրթություն՝ Ուորիքի համալսարան, Հարվարդի համալսարան, Bec School?, Լոնդոնի բիզնես դպրոց և Հարվարդի բիզնես դպրոց
Մասնագիտություն՝ քաղաքական գործիչ
Ծննդյան օր դեկտեմբերի 23, 1948(1948-12-23)[1] (75 տարեկան)
Ծննդավայր Յորք, Յորք, Նորթ Յորքշիր, Անգլիա, Միացյալ Թագավորություն
Քաղաքացիություն  Միացյալ Թագավորություն
 
Կայք՝ daviddavismp.com

Կենսագրություն խմբագրել

1971 թվականին ավարտել է Ուորիքի համալսարանը՝ Մոլեկուլային ֆիզիկայի և համակարգչային գործի բակալավրի աստիճանով, 1973 թվականին՝ Լոնդոնի բիզնես դպրոցը՝ գիտությունների մագիստրոսի աստիճանով և 1985 թվականին՝ Հարվարդի բիզնես դպրոցը[2]։

1987-1997 թվականներին Բութֆերի ընտրատարածքից (մինչև 1996 թվականը՝ Համբերսայդ կոմսության տարածքում, 1996-1997 թվականներին՝ Իսթ Ռայդինգ օֆ Յորքշիր և Հյուսիսային Լինքոլնշիր կոմսությունների տարածքում), 1997 թվականից մինչև 2008 թվականի հունիսի 18-ը Հոլթեմփրայս և Հաուդեն ընտրատարածքից Համայնքների պալատի անդամ (կամավոր հրաժարական տվեց ի նշան կառավարության կողմից ահաբեկչության դեմ պայքարի ձևերում նախնական կալանքի 42-օրյա ժամկետի սահմանման դեմ բողոքի, դրանով իսկ լրացուցիչ ընտրություններ հրահրեց՝ նպատակ ունենալով հանրության ուշադրությունը հրավիրել քաղաքացիական ազատությունների վրա կախված սպառնալիքի վրա, առաջադրեց իր թեկնածությունը և կրկին հաղթեց, բայց զրկվեց ստվերային կաբինետում իր տեղից[3])։ Զբաղեցրել է Գանձապետարանի ֆինանսական քարտուղար Ֆրենսիս Մոդայի (1988-1990), մեծամասնության խորհրդարանական կազմակերպչի օգնականի (1990-1993), պետական ծառայության և գիտության կառավարման խորհրդարանական քարտուղարի (1993-1994) պաշտոնները։ Ներքին ստվերային նախարար, սահմանադրական և իրավական հարցերի նախարար (2003-2004), ստվերային ներքին գործերի նախարար (2003-2008)[4]։

Ջոն Մեյջորի կառավարության Եվրոպայի հարցերով կրտսեր նախարար (1994 թվականի հուլիսի 20-ից 1997 թվականի մայիսի 2-ը)։

2005 թվականին նա պարտվել էր Դևիդ Քեմերոնին Պահպանողական կուսակցության առաջնորդի պաշտոնի համար պայքարում։

2016 թվականի հուլիսի 13-ին Դևիդ Քեմերոնը պաշտոնաթող Է եղել վարչապետի պաշտոնից՝ Եվրամիությանը Մեծ Բրիտանիայի անդամակցության շուրջ հանրաքվեի արդյունքների կապակցությամբ, որտեղ բրիտանացիները քվեարկել են ԵՄ-ից Մեծ Բրիտանիայի դուրս գալու օգտին։ Քեմերոնին հաջորդել է Մեծ Բրիտանիայի ներքին գործերի նախարար Թերեզա Մեյը, նրա աշխատասենյակում Դևիդ Դևիսը նշանակվել է Եվրամիությունից Մեծ Բրիտանիայի դուրս գալու նախարար:

2018 թվականի հուլիսի 6-ին վարչապետ Չեքերսի երկրամասային նստավայրում տեղի ունեցած կառավարության 12-րդ նիստի ընթացքում համաձայնեցվել է ԵՄ-ից երկրի դուրս գալու ծրագիրը, որը նախատեսում է արդյունաբերական և գյուղատնտեսական ապրանքների ազատ առևտրի գոտու ստեղծում, ինչպես նաև Եվրամիության և Մեծ Բրիտանիայի համատեղ մաքսային տարածքի կազմակերպում[5]։

2018 թվականի հուլիսի 8-ին Դևիսը պաշտոնաթող Է եղել՝ ընդունված որոշումների հետ անհամաձայնության պատճառով[6]։

Ծանոթագրություններ խմբագրել

  1. ↑ 1,0 1,1 Munzinger Personen (գերմ.)
  2. ↑ «David Davis MP». Vote2001: Candidates (անգլերեն). BBC. Վերցված է 2016 թ․ հուլիսի 25-ին.
  3. ↑ «David Davis cruises to victory in the Haltemprice and Howden by-election» (անգլերեն). Channel 4. 2008 թ․ հուլիսի 11. Արխիվացված է օրիգինալից 2016 թ․ օգոստոսի 17-ին. Վերցված է 2016 թ․ հուլիսի 25-ին.
  4. ↑ «David Davis MP». Democracy Live (անգլերեն). BBC. Արխիվացված է օրիգինալից 2016 թ․ սեպտեմբերի 17-ին. Վերցված է 2016 թ․ հուլիսի 25-ին.
  5. ↑ «Brexit: Cabinet agrees 'collective' stance on future EU deal» (անգլերեն). BBC News. 2018 թ․ հուլիսի 7. Վերցված է 2018 թ․ հուլիսի 9-ին.
  6. ↑ Максим Макарычев. Исход с Даунинг-стрит. Российская газета (9 июля 2018)

Արտաքին հղումներ խմբագրել

 Վիքիպահեստն ունի նյութեր, որոնք վերաբերում են «Դևիդ Դևիս» հոդվածին։
Ստացված է «https://hy.wikipedia.org/w/index.php?title=Դևիդ_Դևիս&oldid=9402982» էջից