Դավիթ Միրոյան
Դավիթ Միրոյան (), հայ պրոդյուսեր, հիփ-հոփ արտիստ։ Հայ արտիստների տասնյակ տեսահոլովակների, գեղարվեստական ֆիլմերի, հեռուստատեսային բազմաթիվ նախագծերի, միջոցառումների, երաժշտական նախագծերի պրոդյուսեր։
| Դավիթ Միրոյան | |
|---|---|
 | |
| Ծնվել է | ապրիլի 10, 1989 (35 տարեկան) |
| Ծննդավայր | Երևան |
| Քաղաքացիություն | Հայաստան |
| Ազգություն | Հայ |
| Կրոն | Քրիստոնյա |
| Մասնագիտություն | Պրոդյուսեր, Հիփ-հոփ երգիչ |
| Գործունեություն | 2007- այժմ |
Կենսագրություն խմբագրել
Դավիթ Միրոյանը ծնվել է 1989 թվականի ապրիլի 10-ին Երևանում։ Ավարտել է Երևանի Քվանտ վարժարանը, այնուհետև 2004 թվականին ընդունվել է Երևանի պետական համալսարանի Մաթեմատիկայի ֆակուլտետ։ Պրոդյուսերական կրթությունը ստացել է Երևանի թատրոնի և կինոյի պետական ինստիտուտի արվեստի մենեջմենթ ֆակուլտետում՝ պրոդյուսեր Ռուբեն Ջաղինյանի արվեստանոցում։ 2015 թվականին ավարտել է Երևանի պետական համալսարանի Ժուռնալիստիկայի ֆակուլտետի Մասս Մեդիա ուսումնական կենտրոնի մագիստրատուրան՝ արվեստի կառավարում մասնագիտացմամբ։
Գործունեութուն խմբագրել
Իր առաջին պրոդյուսերական քայլերը արել է որպես սեփական երաժշտական նախագծի պրոդյուսեր՝ ստեղծելով Davo հիփ-հոփ նախագիծը և դառնալով Հայաստանում հիփ-հոփ երաժշտության հիմնադիրներից մեկը։ Այս նախագծի շրջանակներում նկարահանել է շուրջ 15 տեսահոլովակ, 2010 թվականին թողարկել է Davo ձայնասկավառակը, համերգներով ելույթ է ունեցել Երևանում ու մարզերում, մասնակցել լայնամասշտաբ պետական համերգների ու նախագծերի։ Հանդես է եկել նաև որպես երգերի խոսքերի ու երաժշտության հեղինակ[1]։ Իր գործունեության ընթացքում համագործակցել է առաջատար արտիստների հետ՝ Դերhովա, Lazzaro, HT Hayko, Էրիկ Կարապետյան, Սրբուկ և այլն։ 2009 թվականին մասնակցել է Եվրատեսիլ 2009 միջազգային երգի մրցույթի հայաստանյան նախընտրական փուլին[2]։ 2011 թվականին ստեղծած «Քո ճանապարհը» երգը դարձել է նաև սաունդթրեք Ոսկե Ծիրան միջազգային ֆիլմերի փառատոնին ներկայացված ու երկու մրցանակի արժանացած /Լավագույն հայկական ֆիլմ՝ Հայկական համայնապատկեր անվանակարգում, Լավագույն կարճամետրաժ ֆիլմ՝ Բրիտանական խորհրդի մրցանակ / «Բեռնելով կյանքս» ֆիլմի համար, ռեժիսոր՝ Հարություն Շատյան։ 2011 թվականին մասնակցել է հաշմանդամություն ունեցող մարդկանց հավասար իրավունքների պաշտպանությանը նվիրված «Հույսի կամուրջ» նախագծին։ 2011 թվականին մասնակցել է Երևան քաղաքի տոնին նվիրված «Հայաստանը դու ես» նախագծին։ Երգի խոսքերի համահեղինակն է։ 2017 թվականին մասնակցել է Save the children, UNICEF, World vision, COAF և այլ կազմակերպությունների աջակցությամբ ստեղծված «Սեր տարածել» նախագծին՝ ուղղված «Բռնությունը փոխարինենք սիրով» հանրային արշավին։ 2017 թվականին «Հով արեք»[3] երգով մասնակցել է Հայոց բանակի 25-ամյակին նվիրված պետական համերգին՝ Օպերայի և Բալետի ազգային ակադեմիական թատրոնում, Հայոց բանակի տոնին նվիրված պետական համերգին՝ Կիրովական քաղաքում, Հայաստանի հանրային հեռուստաընկերության «Արտակարգ համերգ» նախագծին[4]։
Արժանացել է մրցանակների, գլխավորել հիթ շքերթներն ու եղել մի շարք երաժշտական նախագծերի դեմքը։
2012 թվականից սկսել է համագործակցել հայ արտիստների հետ /Քրիստինե Պեպելյան, Սիլվա Հակոբյան, Սոֆի Մխեյան և այլն/ ՝որպես պրոդյուսեր և գծային պրոդյուսեր՝ նկարահանելով բազմաթիվ տեսահոլովակներ։ 2013 թվականին Berg Sound ընկերության հետ համատեղ աշխատել է 3 գեղարվեստական ֆիլմի վրա՝ համագործակցելով հայ, ռուս, վրացի ռեժիսորների, դերասանների հետ[5]։
2013 թվականին սկսել է աշխատել Հայաստանի Հանրային հեռուստաընկերությունում, որպես հեռուստաարտադրության բաժնի ղեկավար։ Պատասխանատու է եղել հեռուստաընկերության արտադրական գործընթացների պլանավորման և իրականացման համար։ Այնուհետև ստանձնել է ծրագրերի տնօրենի պաշտոնը՝ գլխավորելով եթերացանցի պլանավորման, հեռարձակման գործընթացները[6]։ Ապա ստանձնել է Հանրային հեռուստաընկերության Գլխավոր պրոդյուսերի պաշտոնը՝ նոր ձևաչափերով եթեր վերադարձնելով սիրված հեռուստանախագծերը, ինչպես նաև եթեր բերելով թվով հինգ նոր հեռուստանախագիծ[7]։ 2015 թվականին մասնագիտական վերապատրաստում է անցել Չինաստանի ժողովրդական հանրապետությունում, 2016 թվականին որպես Հայաստանի Հանրային հեռուստաընկերության ներկայացուցիչ մասնակցել է Կանն քաղաքում անցկացվող միջազգային մեդիա մարկետին։ Պատասխանատու է եղել մի շարք պետական նշանակության միջոցառումների և իրադարձությունների հեռարձակման /Հայոց Ցեղասպանության 100 ամյակ, ԱԺ ընտրություններ, Նախագահական ընտրություններ, Հայոց բանակի 25 ամյակի տոնական համերգ և այլն/, ինչպես նաև լայնամասշտաբ շոուների /Եվրատեսիլ, Օսկար, Գրեմմի, Նոբելյան մրցանակաբաշխություն, Օլիմպիական խաղեր և այլն։ 2018 թվականին եղել է Եվրատեսիլ միջազգային երգի մրցույթում Հայաստանի ներկայացուցչի ընտրող հանձնաժողովի նախագահը։ Որպես հրավիրված դասախոս դասավանդել է Երևանի պետական համալսարանի Ժուռնալիստիկայի ֆակուլտետի Մասս Մեդիա ուսումնական կենտրոնում։ 2018 թվականին հիմնել է սեփական ընկերությունը՝ Be Up Production-ը։ Զբաղվել է նորահայտ երգիչ՝ Raff-ի պրոդյուսինգով։ Իրականացրել է գովազդային նախագծեր խոշոր ընկերությունների համար։ Համագործակցել է պետական կառավարման օղակների հետ՝ Հայաստանի Առողջապահության նախարարություն, ՀՀ Աշխատանքի և սոցիալական հարցերի նախարարություն՝ իրականացնելով լայնամասշտաբ նախագծեր, որոնք եթեր են հեռարձակվել Հայաստանի հանրային հեռուստաընկերությամբ։ 2019 թվականին Դավիթ Միրոյանի Be Up ընկերությունը Հայաստանի հանրային հեռուստաընկերության պատվերով իրականացրել է «Քո սպորտը» ռեալիթի նախագիծը, «Լրագրողական մենամարտ»[8] նախագիծը[9]։ Ընկերությունը 2019 թվականին իրականացրել է «Անահիտ» ազգային կինոմրցանակաբաշխությունը։ ՀՀ Աշխատանքի և սոցիալական հարցերի նախարարության պատվերով իրականացրել է տեղեկատվական-սոցիալական հոլովակների նախագիծ։ 2020 թվականին որպես պրոդյուսեր իրականացրել է «Հակազրույց» յութուբյան նախագիծը։
Որպես պրոդյուսեր տարբեր նախագծերի շրջանակներում համագործակցել է Հայաստանի խոշոր ընկերությունների հետ՝ Շարմ Հոլդինգ, Factory Production, Mitoyan Production և այլն։
2019 թվականին որպես պրոդյուսեր իրականացրել է Սրբուկի Armenian folk ալբոմը[10]։ Համագործակցելով Factory Production-ի հետ՝ աշխատել է Սրբուկի Walking Out տեսահոլովակի ստեղծման վրա, որով երգչուհին Հայաստանը ներկայացրել է Եվրատեսիլ միջազգային երգի մրցույթում։ Նույն թվականին որպես պրոդյուսեր իրականացրել է Հայ Համերգ նախագիծը[11], ինչպես նաև նախագծի տեսահոլովակները և երկու համերգները[12]։
2020 թվականին որպես պրոդյուսեր, համագործակցելով Շարմ Հոլդինգ-ի և Միտոյան Փրոդաքշնի հետ[13], իրականացրել Վիշապ հայալեզու առաջին կոմիկսի նախագիծը[14]։
2020 -ին ստանձնել է Crowdfunding video production-ում մասնագիտացված Հայաստանում առաջին Millenium 5 ընկերության գլխավոր պրոդյուսերի պաշտոնը՝ ստեղծելով միջազգային ստարտ ափերի մարքեթինգային արշավի համար նախատեսված հոլովակներ, որոնք տեղադրվել են Indiegogo.com, Kickstarter.com կայքերում։
Իր ծավալած պրոդյուսերական գործունեության համար արժանացել է շնորհակալագրերի ու պատվոգրերի։ Այսօր էլ թե որպես անհատ պրոդյուսեր և թե իր հիմնած ընկերությունով շարունակում է ակտիվ գործունեություն ծավալել շոու-բիզնեսի, ժամանցի և մեդիայի ոլորտում՝ համագործակցելով պետական կառավարման օղակների, խոշոր ընկերությունների և առաջատար արտիստների հետ։
Եվրատեսիլ խմբագրել
2018 թվականին ստանձնել է Եվրատեսիլ միջազգային երգի մրցույթում Հայաստանի ներկայացուցչի ընտրող հանձնաժողովի նախագահի պաշտոնը։ Հանձնաժողովի որոշմամբ 2019 թվականին Եվատեսիլ երգի մրցույթում Հայաստանը ներկայացրեց Սրբուկը։ Ընտրող հանձնաժողովի նախագահի պաշտոնը ստանձնելուց հետո, Factory Production-ի հետ համագործակցելով՝ մասնակցել է Սրբուկի Walking Out եվրատեսիլյան երգի ու տեսահոլովակի ստեղծման գործընթացում։ Walking Out տեսահոլովակի պրեմիերան կայացավ Հանրային հեռուստաընկերության եթերում, այս տեսահոլովակով Սրբուկը Հայաստանը ներկայացրեց Եվրատեսիլ 2019 երգի մրցույթում։
Սկավառակագրություն խմբագրել
Սինգլներ
| Անվանում | Տարի |
|---|---|
«Մեկ կյանք»  |
2007 |
| «Միշտ առաջինը»[15] |
2008 |
| «Վերցրեք» |
2009 |
| «Իմն ես» |
2009 |
| «Իմն ես Remix» |
2009 |
| «Նոր ջահելություն» |
2009 |
| «Sexy» |
2010 |
| «Քո ճանապարհը» |
2011 |
| «Լինենք ազատ» |
2011 |
| «Հույսի կամուրջ» |
2011 |
| «Սեր տարածել» |
2017 |
| «Հով արեք»[16] |
2017 |
| «Բոբիկ ջուր մի էրա» |
2020 |
Նախագծեր խմբագրել
| Անվանում | Տարի |
|---|---|
| «Հայաստանը դու ես» |
2011 |
| «Քո սպորտը»[17] | 2019 |
| «Լրագրողական մենամարտ»[18] | 2019 |
| Հայ համերգ «Զարթնում է Երևանը»[11] |
2019 |
| Հայ Համերգ «Երգ գինու մասին»[19] |
2019 |
| Սրբուկ «Պոպուրի»[20] |
2019 |
| Սրբուկ «Ամպի տակից»[21] |
2019 |
| Սրբուկ «Մոկաց շուկեն»[22] |
2019 |
| Սրբուկ «Ով սիրուն, սիրուն» |
2019 |
| Սրբուկ «Երգ սիրո մասին» |
2019 |
| Սրբուկ «Մոկաց հարսներ» |
2019 |
| Սրբուկ «Սիրելիս» |
2019 |
| Սրբուկ «Ջուր եմ ծախում, սառը ջուր» |
2019 |
| Սրբուկ «Թամզարա» |
2019 |
| Անահիտ ազգային կինոմրցանակաբաշխություն |
2019 |
| Հակազրույց նախագիծ |
2019 |
| «Վիշապի պարը»[23] |
2021 |
Ֆիլմեր խմբագրել
| Անվանում | Տարի |
|---|---|
| «Курортный туман»[24] (Ռեժիսոր` Արման Գևորգյան) | 2014 |
| «Альпинисты»[25] (Ռեժիսոր՝ Արշալույս Հարությունյան) | 2014 |
| «Возвращение Раймонда» (Ռեժիսոր՝ Մաշա Սահակյանց) | 2014 |
Տեսահոլովակներ խմբագրել
| Անվանում | Արտիստ | Տարի |
|---|---|---|
| «Ամեն ինչ կամ ոչինչ» | Արևիկ Ալավերդյան | 2009 |
| «Ես եմ, դու ես» | Գևորգ Մարտիրոսյան | 2010 |
| «Ես թե նա»[26] | Դավիթ Բադալյան | 2011 |
| «Մանկության կղզի»[27] | Անուշիկ Ալավերդյան, Էմմա Պետրոսյան | 2012 |
| «Շնորհակալ եմ» | Քրիստինե Պեպելյան | 2012 |
| «Ուշացել եմ» | Սիլվա Հակոբյան | 2012 |
| «Հայաստանի երգը» | Սոֆի Մխեյան | 2012 |
| «Ջանա-ջանա» | Արման Թովմասյան, Կսենոնա | 2012 |
| «Ծիծեռնակ» | Կոստյա և Մուկուչ | 2012 |
| «Մռութիկ» | Սիլվա Հակոբյան | 2014 |
| «Իմ սրտի մայրաքաղաք» | Հայ արտիստներ | 2017 |
Մրցանակներ խմբագրել
- «Իմն ես. Remix» երգը արժանացել է Հայ 5 ամենամյա մրցանակաբաշխության «Լավագույն զուգերգ» մրցանակին
- «Իմն ես» երգը արժանացել է Թոփ 10 ամենամյա երաժշտական մրցանակաբաշխության «Հուլիս ամսվա լավագույն երգ-տեսահոլովակ» մրցանակին[28]
- «Իմն ես» երգը արժանացել է Ռադիո Վանի Ոսկե Քնար մրցանակաբաշխության «Լավագույն երգ» մրցանակին։
- Իր ծավալած պրոդյուսերական գործունեության համար արժանացել է շնորհակալագրերի ու պատվոգրերի։
Ծանոթագրություններ խմբագրել
- ↑ https://bravo.am/news/Դավիթ_Միրոյանը_եւ_Սոնա_Աբրահամյանն_ամուսնացել_են_26832
- ↑ https://www.aravot.am/2009/02/13/357420/
- ↑ «Արխիվացված պատճենը». Արխիվացված է օրիգինալից 2021 թ․ հունիսի 24-ին. Վերցված է 2021 թ․ հունիսի 24-ին.
- ↑ https://www.youtube.com/watch?v=PGZODWpkc9k
- ↑ https://style.news.am/arm/news/21311/davit-miroyany-ev-grigor-kyokchyany-hamatex-erg-en-nerkayacrel.html
- ↑ https://bravo.am/news/Դավոն-վերադառնում-է-ոչ-սովորական-տեսահոլովակով
- ↑ http://armenianhip-hop.blogspot.com/2012/11/blog-post.html
- ↑ «Արխիվացված պատճենը». Արխիվացված է օրիգինալից 2021 թ․ հունիսի 24-ին. Վերցված է 2021 թ․ հունիսի 24-ին.
- ↑ «Արխիվացված պատճենը». Արխիվացված է օրիգինալից 2021 թ․ հունիսի 24-ին. Վերցված է 2021 թ․ հունիսի 24-ին.
- ↑ https://showbiz.am/18033/
- ↑ 11,0 11,1 «Արխիվացված պատճենը». Արխիվացված է օրիգինալից 2021 թ․ հունիսի 24-ին. Վերցված է 2021 թ․ հունիսի 24-ին.
- ↑ «Արխիվացված պատճենը». Արխիվացված է օրիգինալից 2021 թ․ հոկտեմբերի 29-ին. Վերցված է 2021 թ․ հունիսի 24-ին.
- ↑ https://bravo.am/news/75027
- ↑ https://yerevanevents.am/kayacav-vishap-haykakan-comixi-shnorhandesy/
- ↑ https://bravo.am/news/davo
- ↑ Դավոն վերադառնում է ոչ սովորական տեսահոլովակով
- ↑ https://www.1tv.am/hy/program/videos/%D5%94%D5%B8-%D5%BD%D5%BA%D5%B8%D6%80%D5%BF%D5%A8
- ↑ https://www.1tv.am/hy/program/videos/%D4%BC%D6%80%D5%A1%D5%A3%D6%80%D5%B8%D5%B2%D5%A1%D5%AF%D5%A1%D5%B6-%D5%B4%D5%A5%D5%B6%D5%A1%D5%B4%D5%A1%D6%80%D5%BF
- ↑ https://www.blognews.am/arm/news/653744/hay-hamerg-nor-nakhagtsi-arajin-shnorhandesy-ev-haytni-hyurery.html
- ↑ «Արխիվացված պատճենը». Արխիվացված է օրիգինալից 2021 թ․ հունիսի 24-ին. Վերցված է 2021 թ․ հունիսի 24-ին.
- ↑ https://www.blognews.am/arm/news/638133/haytni-hyurery-srbuki-nor-ergeri-shnorhandesin.html
- ↑ «Արխիվացված պատճենը». Արխիվացված է օրիգինալից 2021 թ․ հունիսի 24-ին. Վերցված է 2021 թ․ հունիսի 24-ին.
- ↑ https://showbiz.am/77618/
- ↑ http://www.bergsound.ru/?do=news&id=19&type=film
- ↑ http://www.bergsound.ru/?do=news&id=21&type=film
- ↑ «Արխիվացված պատճենը». Արխիվացված է օրիգինալից 2021 թ․ հունիսի 24-ին. Վերցված է 2021 թ․ հունիսի 24-ին.
- ↑ https://bravo.am/news/անուշիկ-եւ-էմմա
- ↑ https://bravo.am/news/top-2009