Գեորգի Մինասյան (երգիչ)

Գեորգի Արտավազի Մինասյան
Հիմնական տվյալներ
Ի ծնե անուն	Գեորգի Արտավազդի Մինասյան
Ծնվել է	մարտի 27, 1942; Սոչի, Կրասնոդարի երկրամաս, ՌԽՖՍՀ, ԽՍՀՄ
Երկիր	ԽՍՀՄ և Հայաստան
Մահացել է	հունիսի 28, 2004 (62 տարեկան); Երևան, Հայաստան
Ժանրեր	էստրադա
Մասնագիտություն	երգիչ
Երգչաձայն	տենոր
Գործիքներ	վոկալ
Լեյբլ	«Մելոդիա»,; Narek.com Records
Կրթություն	Մոսկվայի կոնսերվատորիա
Պարգևներ

Անվան այլ կիրառումների համար տե՛ս՝ Գեորգի Մինասյան (այլ կիրառումներ)

Գեորգի Արտավազդի Մինասյան (մարտի 27, 1942(1942-03-27), Սոչի, Կրասնոդարի երկրամաս, ՌԽՖՍՀ, ԽՍՀՄ - հունիսի 28, 2004(2004-06-28), Երևան, Հայաստան), հայ էստրադային երգիչ, տենոր։ ՀՀ վաստակավոր արտիստ (2001)։

ԿենսագրությունԽմբագրել

Գեորգի Մինասյանը ծնվել է Սոչիում։ Սովորել է Մոսկվայի կոնսերվատորիայում և պետական թատերական ինստիտուտի օպերետային բաժնում։ Ավարտելուց հետո աշխատանքի է անցել Կրասնոդարի օպերետային թատրոնում, ապա՝ Մոսկվայում՝ որպես «Մոսկոնցերտ» միավորման մենակատար։ Համերգներով հանդես է եկել Խորհրդային Միության հանրապետություններում։ 1972 թվականին ամուսնացել և տեղափոխվել է Երևան ու ընդունվել է Հայաստանի Ռադիոյի էստրադային սիմֆոնիկ նվագախումբ` որպես մեներգիչ։

Ստեղծագործական կյանքԽմբագրել

Կատարել է Ալեքսանդր Աճեմյանի, Ռոբերտ Ամիրխանյանի, Ալեքսեյ Հեքիմյանի, Առնո Բաբաջանյանի և ուրիշների երգերը։ Հանդես է եկել որպես «Հայհամերգ» միավորման մեներգիչ՝ ստեղծելով սեփական գործիքային անսամբլը։ Հաճախակի ելույթներ է ունեցել Հայաստանի պետական էստրադային նվագախմբի հետ, որը ղեկավարում էր Կոնստանտին Օրբելյանը։ «Տարվա երգ» համամիութենական փառատոնի բազմակի մասնակից էր^[1]^[2]։ 1990-ականների սկզբին տեղափոխվել է ԱՄՆ, որտեղ համագործակցել է Կոստանդին Օրբելյանի հետ, որի արդյունքում ստեղծված «Փառք մեր ազգության» երգը արժանացել է ԱՄՆ-ի հայկական երաժշտական մրցանակաբաշխության ամենամյա փառատոնի «Տարվա լավագույն երգիչ» մրցանակին։

2001 թվականին կրկին վերադարձել է Երևան։ Մասնակցել է Առնո Բաբաջանյանի 80-ամյա հոբելյանին նվիրված համերգ-հանդիսություններին։ Արժանացել է ՀՀ վաստակավոր արտիստի կոչմանը։ Մահացել է Երևանի Սայաթ-Նովայի պողոտայում գտնվող իր բնակարանում 2004 թվականին^[3]։

Առավել հայտնի երգերԽմբագրել

Արևիկ (Կ․ Օրբելյան - Լ․ Դուրյան)
Времена другие (Ա․ Գրիգորյան - Վ․ Անդրիասյան)
Всё, что было (երաժշ․ և խոսք Կ․ Ցվինարա, ռուս․ տեքստ՝ Ի․ Կոխանովսկի) (ռուս.)
Գալիս ես (Կ․ Օրբելյան - Լ․ Դուրյան)
Год любви (Ա․ Բաբաջանյան - Ա․ Վոզնեսենսկի) (ռուս.)
Давай попробуем вернуть (Ա․ Խորալով - Ա․ Դեմենտև) (ռուս.)
Երևան (Ա․ Հեքիմյան - Սարմեն, ռուս․ տեքստ՝ Ն․ Գորոխով) (ռուս.)
Բայկալն է կանչում (Վ․ Գրիգորյան - Բ․ Դուբրովին)
Ոսկե տանգո (Ա․ Բաբաջանյան - Օ․ Հաջիքասիմով) (ռուս.)
Лебединая верность (Ե․ Մարտինով - Ա․ Դեմենտև) (ռուս.)
Мир влюблённый и танцующий (Կ․ Օրբելյան - Ն․ Դոբրոնրավով) (ռուս.)
Իմ Հայաստան (երաժշ․ և խոսք Ա․ Գրիգորյան)
Налетели, вдруг, дожди (Դ․ Թուխմանով - Վ․ Խարիտոնով) (ռուս.)
Փառք մեր ազգության (Կ․ Օրբելյան)
Прописные истины (Ա․ Մորոզով - Մ․ Ռյաբինին)
Ներիր ինձ (Ռ․ Գալստյան - Ա․ Դեմենտև)
Զով գիշեր (երաժշ․ և խոսք՝ գուսան Շահեն)
Հարսանեկան կատակ երգ (ժողովրդական)
Կապուտաչյա (Ա․ Այվազյան - Ա․ Վասիլենկո)
Там, на берегу (Կ․ Օրբելյան - Վ Լազարև) (ռուս.)
Я открываю двери (Ա․ Միխայլով - Լ․ Դերբենյով) (ռուս.)

ՍկավառակագրությունԽմբագրել

«Մելոդիա» ֆիրմայի սկավառակներԽմբագրել

Երգում է Գեորգի Մինասյանը, 1973 (մինի ալբոմ)
Գեորգի Մինասյանը և «Ուրարտու» խումբը - 1976 г. (մինի ալբոմ)
Երգերի շարք «Կանչում է Բայկալը», երգում է Գեորգի Մինասյանը, 1978 (մինի ալբոմ)
Երգում է Գեորգի Մինասյանը, 1978
«Մոռացում չկա» («Забвения нет»), երգում է Գեորգի Մինասյանը (կրկնակի ալբոմ), 1984
«Սիրո երգեր», երգում է Գեորգի Մինասյանը, 1984
«Սիրո աշխարհ», Ա․ Գրիգորյանի երգերը, երգում է Գեորգի Մինասյանը, 1990

Կոմպակտ սկավառակներԽմբագրել

«Սերը չի ծերանում», Գեորգի Մինասյան, ԱՄՆ, Narek.com Records, 2000

ՖիլմագրությունԽմբագրել

Ֆիլմ-համերգ «Միայն սիրո մասին», «Երևան» ստուդիա, 1979
Գ/ֆ «Երջանկության մեխանիկան», ռեժիսոր՝ Ներսես Հովհաննեսյան, «Հայֆիլմ», 1982
Գ/ֆ «Հարսնացուն Ջերմուկից» («Մեր գյուղը»), 1997
Գ/ֆ «Օդից թեթև» («Պյեռլեկին»), ռեժիսոր՝ Տիգրան Խզմալյան, 2000

Մրցանակներ, պարգևներԽմբագրել

ԱՄՆ-ի հայկական երաժշտական մրցանակաբաշխության ամենամյա փառատոնի «Տարվա լավագույն երգիչ» մրցանակ
ՀՀ վաստակավոր արտիստ (2001)։

ԾանոթագրություններԽմբագրել

↑ «Песня года.1980-82» (ռուսերեն)։ pesnyagoda.nm.ru։ Արխիվացված է օրիգինալից 2012-08-27-ին։ Վերցված է 2011 թ․ սեպտեմբերի 16–ին
↑ «Песня года.1985-87» (ռուսերեն)։ pesnyagoda.nm.ru։ Արխիվացված է օրիգինալից 2012-08-27-ին։ Վերցված է 2011 թ․ սեպտեմբերի 16–ին
↑ Գեորգի Մինասյանի մասին avproduction.am կայքում

Արտաքին հղումներԽմբագրել

Գեորգի Մինասյանի մասին հոդված «Голос Армении» թերթում(չաշխատող հղում) (ռուս.)

Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։

[1] «Песня года.1980-82» (ռուսերեն)։ pesnyagoda.nm.ru։ Արխիվացված է օրիգինալից 2012-08-27-ին։ Վերցված է 2011 թ․ սեպտեմբերի 16–ին

[2] «Песня года.1985-87» (ռուսերեն)։ pesnyagoda.nm.ru։ Արխիվացված է օրիգինալից 2012-08-27-ին։ Վերցված է 2011 թ․ սեպտեմբերի 16–ին

[3] Գեորգի Մինասյանի մասին avproduction.am կայքում

[1]

[2]

[3]