Բրեմեն

Բրեմեն
Բնակավայր
	Բրեմեն
	գերմ.՝ Bremen
Դրոշ	Զինանշան
Երկիր	Գերմանիա
Ներքին բաժանում	Շրջան 1 Բրեմենի կենտրոն, Bremen-Ost?, Bremen-Süd?, Bremen-West? և Bremen-Nord?
Մակերես	326,18 կմ²
ԲԾՄ	11±1 մետր, 6 մետր
Բնակչություն	▼569 352 մարդ (սեպտեմբերի 30, 2019)
Ժամային գոտի	UTC+1, UTC+2 և Կենտրոնական եվրոպական ժամանակ
Հեռախոսային կոդ	0421
Փոստային ինդեքսներ	28195, 28197, 28199, 28201, 28203, 28205, 28207, 28209, 28211, 28213, 28215, 28217, 28219, 28237, 28239, 28259, 28277, 28279, 28307, 28309, 28325, 28327, 28329, 28355, 28357, 28359, 28717, 28719, 28755, 28757, 28759, 28777 և 28779
Ավտոմոբիլային կոդ	HB
Պաշտոնական կայք	bremen.de(գերմ.)
	Բրեմեն Վիքիպահեստում

Բրեմեն (գերմ.՝ Bremen [ˈbʁeːmən]), քաղաք Գերմանիայում. Բրեմենհաֆենի հետ միասին մտնում է Բրեմեն երկրի կազմի մեջ։ Բրեմենը մոտ 550 հազար բնակչությունով հանդիսանում է Գերմանիայի մեծությամբ տասներորդ քաղաքը։

Քույր քաղաքներԽմբագրել

Գդանսկ (լեհ.՝ Gdańsk), Լեհաստան (1976)
Ռիգա, Լատվիա (1976)
Դալյան (չին.՝ 大連), Չինաստան (1985)
Ռոստոկ (գերմ.՝ Rostock), Գերմանիա (1987)
Հայֆա (եբրայերեն՝ חֵיפָה‎), Իսրայել (1988)
Բրատիսլավա, Սլովակիա (1989)
Կորինտո (իսպ.՝ Corinto), Նիկարագուա (1989)
Իզմիր (թուրք.՝ İzmir), Թուրքիա (1993)^[5]
Վինդհուկ, Նամիբիա (2001)

ԲնակչությունԽմբագրել

Բնակչությունը 2011թվականի դեկտեմբերի 31-ի (2011 թվականի մարդահամար ) տվյալներով կազմում է 544043 մարդ:^[6].

ԱշխարհագրությունԽմբագրել

Բրեմենը տեղակայված է Վեզեր գետի երկու ափերին, մոտավորապես 60 կմ հեռավորության վրա, այն տեղից, որտեղ այն թափվում է Հյուսիսային ծով: Հին քաղաքի շրջանում Միջին Վեզերը (գերմ.՝ Mittelweser) անցնում է Ներքին Վեզեր (գերմ.՝ Unterweser), այնուհետև լայնանալով անցնում է բրեմենյան նավահանգիստ: Շրջանը, որը տեղակայված է Ներքին Վեզերից ձախ կրում է Վեզերմարշ շրջանի անունը: Աջից տարածվում է այսպես կոչված Թաց եռանկյունը, ճահճային հարթություն Էլբա և Վեզեր գետերի գետաբերանին: Քաղաքի տարածքը կազմում է 38 կմ երկարություն և 16 կմ լայնություն: Քաղաքային սահմանների երկարությունը 136, 5 կմ է:

Տեսարժան վայրերԽմբագրել

քաղաքային ռատուշա, տաճար և քաղաքային պառլամենտի

Շուկայական հրապարակը Բրեմենի կենտրոնն է, որտեղ Բրեմենի ռատուշան է` կառուցված 1405-1410 թվականներին և Սուրբ Պետրոսի տաճարը 11-րդ դար: Շուկայական հրապարակը Եվրոպայի գեղեցկագույն հրապարակներից է: Հրապարակի աջ կողմում գտնվում է 1966 թվականին կառուցված քաղաքային պառլամենտի շենքը : Միջնադարյան բյուրգերյան տունը շուկայական հրապարակում հրաշքով պահպանվել է երկրորդ համաշխարհային պատերազմի ժամանակ, որի ժամանակ Բրեմենի հին կառույցների 90 տոկոսը տուժել էր։ Հրապարակում վեր է խոյանում Ռոլանդի 10․21 մետր բարձրությամբ արձանը, քաղաքի խորհրդանիշ և անկախության մարմնավորում։ Վահանի վրայի կայսերական արծիվը վկայում է, որ քաղաքային իրավունքը ծագել է Կարլ Մեծի ժամանակներում և Բրեմենը ենթարկվում է միայն կայսերը, ոչ թե որևէ այլ հոգևոր կամ ազնվական կառավարչի։

Ռոլանդ, 10․21 մետր

Ռատուշայի առաջ տեղադրված է «Բրեմենյան երաժիշտների» հայտնի քանդակը։ Բրեմենի հայտնի փողոցներից մեկում՝ Բյոտերշտրասեում (գերմ. Böttcherstraße) (երկարություն 100 մետր) գտնվում է 7 շինություն։ 16-րդ դարի կառույցները իրենցից ներկայացնում են ճարտարապետական հուշարձաններ՝ զանգակատուն, երեք թանգարան, պատկերասրահ և թատրոն։ Հին քաղաքում կա շրջան, որտեղ պահպանվել են հին շինությունները։ Այն կոչվում է Շնոր (գերմ. Schnoor)։ Շնորում տեղակայված են գարեջրատներ, մանր գեղեցիկ իրերի փոքրիկ կրպակներ։ Բրեմենյան համալսարանի տարածքում գտնվում է Ունիվերսումը (գերմ. Universum), գիտական կենտրանը։ Սա գիտության թանգարան է, որտեղ յուրաքանչյուր այցելու կարող է շուրջ 250 ցուցադրանմուշի գործողությունները շոշափել և փորձել ։ Բրեմենի կենտրոնում, երկաթգծի կայարանում է գտնվում Քաղաքային այգին, որտեղ կա փոքրիկ կենդանաբանական այգի, որտեղ կան ընտանի կենդանիներ, խոզեր, բադեր, ծովախոզուկներ, ալագադաներ։

ԱրդյունաբերությունԽմբագրել

Mercedes-Benz-Werke Bremen, Daimler կոնցերնի գործարաններից մեկն է։
GESTRA AG, խողովակաշարային ամրակ ստեղծող և զարգացնող, հատուկ սարքավորումների և ստուգողական համակարգերի շտաբկայան։