Էլբա
Անվան այլ կիրառումների համար տե՛ս՝ Էլբա (այլ կիրառումներ)
Էլբա (չեխ․՝ Labe, գերմ.՝ Elbe), գետ Չեխիայում և Գերմանիայում։ Սկիզբ է առնում Կրկոնոշե լեռների (Սուդետների համակարգում) հարավարևմտյան լանջերից, հոսում հյուսիսգերմանական դաշտավայրով, թափվում Հյուսիսային ծովը՝ առաջացնելով էստուարիա։ Ջրանցքներով միացված է Հռենոսի, Վեզերի, Էմսի և Օդերի ավազանների գետերին։ Երկարությունը 1165 կմ է, նավարկելի է 950 կմ։
Էլբայի ափին են Ուստի, Դրեզդեն, Մագդեբուրգ քաղաքները․ գետաբերանի մոտ է Համբուրգ ծովային նավահանգիստը։
ԱնվանումԽմբագրել
Գետի գերմանական անվանումը Elbe է։ Անվանման առաջացումը ոմանք կապում են հնդեվրոպական alb «գնալ, հոսել» հիմքի, ոմանք էլ՝ հնդեվրոպական alb «սպիտակ, ջինջ» բառի հետ։ Գետի չեխերեն անվանումն է Լաբա (չեխ․՝ Labe), որը համարվում է ձայնավորների օրինաչափ դրափոխություն[1]։
ԾանոթագրություններԽմբագրել
- ↑ Հ. Ղ. Գրգեարյան, Ն. Մ. Հարությունյան (1987)։ Աշխարհագրական անունների բառարան։ Երևան: «Լույս»
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 9)։ |