Վիքիպեդիա

Բո Բերնեմ

Ռոբերտ Փիքերինգ «Բո» Բերնեմ (անգլ.՝ Robert Pickering "Bo" Burnham, օգոստոսի 21, 1990(1990-08-21)[1], Հեմիլթոն, Էսեքս շրջան, Մասաչուսեթս, ԱՄՆ[2]), ամերիկացի կատակերգու, երաժիշտ, հեղինակ-կատարող, բանաստեղծ և դերասան։ Բերնեմը հայտնի է որպես կատակերգական և երգիծական երգերի հեղինակ։

Բո Բերնեմ
Ծննդյան թիվ՝օգոստոսի 21, 1990(1990-08-21)[1] (33 տարեկան)
Ծննդավայր՝Հեմիլթոն, Էսեքս շրջան, Մասաչուսեթս, ԱՄՆ
Քաղաքացիություն՝ ԱՄՆ
Մասնագիտություն՝դերասան, սցենարիստ, հեղինակ-կատարող, հեռուստատեսային դերասան, կատակերգու, յություբեր, կինոդերասան, բանաստեղծ, կինոռեժիսոր, կինոպրոդյուսեր, ռեփեր, դաշնակահար, հեռուստատեսային պրոդյուսեր, կոմպոզիտոր և երաժիշտ
Պարգևներ՝
IMDb։ID 3102998
boburnham.com

Բոն կարիերան սկսել է իր երգերի կատարումների տեսահոլովակները YouTube-ում տեղադրելով, որտեղ վերջիններս հայտնի են դարձել․ նրա տեսաալիքն այժմ ունի ավելի քան 250 միլիոն դիտում։ 2008 թվականին նա պայմանագիր է կնքել «Comedy Central Records»-ի հետ և արդյունքում թողարկել է մեկ մինի ալբոմ՝ «Bo Fo Sho» և երեք ստուդիական ալբոմ՝ «Bo Burnham», «Words Words Words» և «what.»։ Վերջին երկուսը «Comedy Central»-ի համար նաև ներկայացվել են երաժշտական շոուի տեսքով։ Բերնեմի «Make Happy» տեսահոլովակը 2016 թվականի հուլիսի 3-ին թողարկվել է Netflix-ով։ Բերնեմը նկարահանվել է մի շարք ֆիլմերում, եղել է MTV հեռուստաալիքի «Զակ Սթունը պատրաստվում է դառնալ հայտնի» հեռուստասերիալի ստեղծողներից և դերասաններից մեկը, ինչպես նաև 2013 թվականին թողարկել է բանաստեղծությունների «Egghead: Or, You Can’t Survive on Ideas Alone» հավաքածուն[3]։

Նրա առաջին լիամետրաժ ֆիլմը՝ «Ութերորդ դասարան» (որի վրա Բերնեմն աշխատել է որպես սցենարիստ և ռեժիսոր) թողարկվել է 2018 թվականին և ստացել է բազմաթիվ մրցանակներ, այդ թվում՝ Ամերիկայի գրողների գիլդիա մրցանակ լավագույն օրիգինալ սցենարի համար (անգլ.՝ Writers Guild of America Award for Best Original Screenplay) և Ամերիկայի ռեժիսորների գիլդիա մրցանակ առաջնաելույթի նշանակալի ռեժիսուրայի համար (անգլ.՝ Directors Guild of America Award for Outstanding Directing – First-Time Feature Film)։

Վաղ տարիներ և անձնական կյանք խմբագրել

Բերնեմը ծնվել է 1990 թվականի օգոստոսի 21-ին Մասաչուսեթս նահանգի Համիլտոն քաղաքում՝ Սքոթ և Պատրիշա Բերնեմների ընտանիքում։ Նրա հայրն ունի շինարարական գործարան, իսկ մայրը որպես բուժքույր աշխատում է դպրոցում[4][5]։ Բո կրտսերը ընտանիքի երեք երեխաներից կրտսերն է, նրա ավագ եղբայրը՝ Փիթն, ու քույրը՝ Սեմը, կրթություն են ստացել Կոռնելի համալսարանում և Սաֆոլկսի համալսարանի իրավաբանական ֆակուլտետում[4]։

2008 թվականին նա ավարտել է ուսումը Սուրբ Հովհաննեսի նախապատրաստական դպրոցում և ընդունվել Նյու Յորքի համալսարանի Տիշի արվեստի դպրոց[6], ուր պիտի սկսեր հաճախել միևնույն թվականի սեպտեմբերից սկսած[7], սակայն կարիերայի վրա կենտրոնանալու համար ուսումը հետաձգել է մեկ տարով, քանի որ արդեն այդ ժամանակ սկսել էր ժողովրդականություն ձեռք բերել[2][8]։

Կարիերա խմբագրել

 
2008 թվականի սեպտեմբեր, Բերնեմը ելույթ է ունենում «The Improv»-ում

Բերնեմի կարիերայի սկիզբն է դարձել 2006 թվականը, երբ նա նկարահանել է իր «My Whole Family…» և «My 'little' secret…» երգերի տեսահոլովակները և տեղադրել դրանք YouTube-ում իր հարազատներին ցույց տալու համար[7]։ Ի սկզբանե տեսահոլովակները մեծ ուշադրություն չեն գրավել, սակայն դիտումների քանակը կտրուկ աճել է այն բանից հետո, երբ դրանք հայտնվել են «Break.com»-ում և նկատվել են նրա օգտատերերի կողմից[4]։ Բերնեմը շարունակել է ձայնագրել երգեր և տեղադրել դրանք իր ալիքում։ Առաջին նմանատիպ տեսահոլովակները եղել են «տնային» տեսանյութեր, որոնք նկարահանվել են Համիլտոնում՝ ծնողների տանը, շատ հաճախ հենց իր ննջարանում[4][5]։ Այդ տեսահոլովակների երաժշտությունը ձայնագրելու համար Բոն օգտագործել է կիթառ և էլեկտրական դաշնամուր։

Նրա առաջին կատակերգական տեսահոլովակների թեմաներն են դարձել սպիտակամորթների գերազանցությունը, Հելեն Քելլերի հաշմանդամությունը, համասեռականությունը և այլ թեմաներ[4], որոնք մինչ այժմ օգտագործվում են նրա տեսահոլովակներում և ելույթներում (կրոն, գենդեր և սեքս)[9]։ Բերնեմը իր բեմական կերպարը նկարագրել է որպես «իր ավելի ինքնվստահ և անպատկառ տարբերակ»[10]։

2008 թվականի հունվարին նա առաջին անգամ Լոնդոնում ելույթ է ունեցել «Comedy Central»-ի «The World Stands Up» շոուի համար[4][11] (այն եթեր է հանվել հունիսի 30-ին) և չորսամյա պայմանագիր է կապել «Comedy Central Records» ձայնագրման լեյբլի հետ[12]։ Այս լեյբլում նրա առաջին թողարկված նյութն է եղել 2008 թվականի հունիսի 17-ին թողարկված «Bo Fo Sho» մինի ալբոմը, որը կազմված էր վեց երգերից և տարածվել է միայն թվային բաշխման մեթոդով[6][7]։ 2009 թվականի մարտի 10-ին թողարկվել է նրա առաջին «Bo Burnham » ստուդիական ալբոմը[13]։

Բոն ելույթ է ունեցել Սան Ֆրանցիսկոյում՝ «Cobb’s Comedy Club»-ում և «YouTube Live»-ում[8], Նյու Յորքում՝ «Caroline’s Comedy Club»-ում, ինչպես նաև Լոնդոնում և Մոնրեալում[6]։ Իր «Words, words, words» շոուի թողարկումից հետո 2010 թվականին նա «Edinburgh Comedy Awards» փառատոնին լավագույն կատակերգական շոուի համար առաջադրվել է մրցանակի[14], սակայն դրա փոխարեն որպես մրցանակ ստացել է Panel prize ու 5000 ֆունտ սթերլինգ[15][16]։ Բերնեմի վերջին կատակերգական «Make Happy» տեսահոլովակը 2016 թվականի ամռանը թողարկվել է Netflix-ով։

Շրջագայություններ խմբագրել

  • Fake I.D.՝ 2009 թվականի աշուն[17][18]
  • Bo Burnham and (No) Friends՝ 2010 թվականի աշուն[19]
  • Bo Burnham Live (UK/US Tour)՝ 2011 թվականի հունիսից 2012 թվականի հուլիս[20]
  • Bo Burnham: what. Tour՝ 2013 թվականի ամառ
  • Bo Burnham: 'Make Happy' Tour՝ 2015 թվականի աշուն։

Կինո և հեռուստատեսություն խմբագրել

 
2009 թվականի մարտի ելույթը

2008 թվականի Մոնրեալի «Juste pour rire» կատակերգական փառատոնի ելույթի ժամանակ[6] Բերնեմը ծանոթացել է ռեժիսոր և պրոդյուսեր Ջուդ Ապատոուի հետ։ Միևնույն թվականի սեպտեմբերին Բերնեմը բանակցություններ է վարել Universal Pictures-ի հետ՝ կապված նոր կատակերգական ֆիլմի սցենարի և երաժշտության գրման հետ, որի պրոդյուսերն Ապատոուն էր և որը որակվել էր որպես «հակադպրոցական մյուզիքլ»[5][21]։ Չնայած Բերնեմը պնդել է, որ ֆիլմի համար իր գրած սցենարը Դիսնեյի մյուզիքլների կրկնօրինակումը չէ, այլ փորձ է ցույց տալու այն դպրոցի միջավայրը, ուր հաճախել է ինքը։ Ավելի ուշ՝ Wired-ին տված հարցազրույցում նա նշել է այն, որ իր սցենարում գլխավոր հերոսի Բո անունը կրելը դա «այնքան էլ նուրբ ակնարկ չէ, որ ինքն է ուզում նկարահանվել ֆիլմում»[22]։ 2009 թվականի մարտին «DigBoston»-ին տված հարցազրույցում Բոն մանրամասն նկարագրել է ֆիլմի վրա տարվող աշխատանքի գործընթացը․ երբ նա ելույթ չի ունեցել, օրվա ընթացքում ութ ժամ գրել է երաժշտություն, իսկ գիշերը՝ սցենար, որի նախնական տարբերակը նա այդ ժամանակ նոր էր վերջացրել[23]։ Սցենարը նա ստեղծել է իր դպրոցական լավագույն ընկերոջ՝ Լյուկ Լիակոսի հետ համատեղ[24]։ The Guardian-ի և MTV-ի համար հարցազրույցում Բերնեմն ավելի ուշ հայտնել է, որ սցենարի վրա տարվող աշխատանքներն ավարտվել են 2010 թվականի օգոստոսին, բայց այնուամենայնիվ նա ոչինչ չգիտի նախագծի ապագայի մասին[25][26]։

2010 թվականին սեպտեմբերի 7-ին Variety ամսագիրն հայտնել է, որ MTV հեռուստաալիքը դպրոցը նոր ավարտած և նոր ամերիկյան երազանքը (դառնալ հայտնի՝ չունենալով ոչ մի տաղանդ) հետապնդող երիտասարդ մարդու մասին պատմող հեռուստասերիալի պիլոտային թողարկման համար Բերնեմից սցենար է պատվիրել։ Բոն սցենար է գրել և նաև դարձել է «Զակ Սթոունը պատրաստվում է հայտնի դառնալ» անունը կրող հեռուստասերիալի գործադիր պրոդյուսերը[27][28]։

2011 թվականին Բոին կարելի էր տեսնել «Ոչ ամուսնական շաբաթ» կատակերգության էպիզոդիկ դերում, իսկ 2014 թվականին՝ «Այգիներ և հանգստյան գոտիներ» սերիալում։

2013 թվականին մարտի 13-ին Բերնեմը իր Ֆեյսբուքյան էջում գրել է, որ Զակ Սթոունի պրեմիերան կայանալու է մայիսի երկուսին MTV հեռուստաալիքով։ Սերիլաը չի երկարաձգվել մինչև երկրորդ եթերաշրջան և 2013 թվականի հունիսի 26-ին պաշտոնապես ավարտվել է։ Բերնեմը տեղեկացրել է, որ այդ սերիալի վրա աշխատելու ընթացքում նա զգացել է, որ նախագիծը կարող է ունենալ միայն մեկ եթերաշրջան և այդ պատճառով նա և խմբի մյուս անդամները փորձել են այդ եթերաշրջանը դարձնել ինքնուրույն, լիարժեք ստեղծագործություն, նա նաև հավելել է, որ հնարավոր է՝ սերիալը ստանա երկրորդ կյանք, բայց արդեն ոչ MTV-ում[29]։

2018 թվականին Բոն նկարահանվել է Զոի Քրավիցի և Սկառլեթ Յոհանսոնի մասնակցությամբ «Շատ վատ աղջիկներ» ֆիլմում։ Միևնույն թվականին «Սանդենսի» կինոփառատոնի ժամանակ կայացել է Բերնեմի առաջին լիամետրաժ ֆիլմի՝ «Ութերորդ դասարան»-ի պրեմիերան, որի դիստիբյուտորն է դարձել А24 ընկերությունը։ Պատկերը հիացմունքով է ընդունվել կինոքննադատների կողմից։ Rotten Tomatoes կայքում այն ունի 99% թարմացում՝ հիմնված 283 գրախոսության վրա։ Metacritic կայքում ֆիլմի վարկանիշը 100-ից 90 է։

Անձնական կյանք խմբագրել

2011 թվականի The Guardian-ին տված հարցազրույցում Բերնեմն ասել է, որ հինգ տարիների ընթացքում հանդիպել է աղջկա հետ[30]։ Խոսակցություններ կան, որ դա կարող էր լինել հայտնի սցենարիստ Լորին Սկաֆարիան[31]։

Սկավառակագրություն խմբագրել

Ստուդիական ալբոմներ խմբագրել

Տարի Անվանում Բարձրագույն դիրք չարտերում Մանրամասնություններ
US 200
[32] 		US Comedy
[32] 		US Heat
[32] 		US Indie
[32]
2009 Bo Burnham 105 1 1 12
  • Թողարկման ամսաթիվ՝ 2009 թվականի մարտի 10
  • Լեյբլ՝ Comedy Central Records[en] (CCR0078)
  • Ձևաչափ՝ CD, թվային բաշխում
2010 Words Words Words[en] 40 1 – 3
  • Թողարկման ամսաթիվ՝ 2010 թվականի հոկտեմբերի 19
  • Լեյբլ՝ Comedy Central Records (CCR0101)
  • Ձևաչափ՝ CD, թվային բաշխում
2013 what. – 1 – 31
  • Թողարկման ամսաթիվ՝ 2013 թվականի դեկտեմբերի 17
  • Լեյբլ՝ Comedy Central Records (CCR0101)
  • Ձևաչափ՝ CD, թվային բաշխում

Մինի ալբոմ խմբագրել

Տարի Անվանում Բարձրագույն դիրք չարտերում Մանրամասնություններ
US 200
[32] 		US Comedy
[32] 		US Heat
[32] 		US Indie
[32]
2008 Bo Fo Sho[en] 123 3 2 16
  • Թողարկման ամսաթիվ՝ 2008 թվականի հունիսի 17
  • Լեյբլ՝ Comedy Central Records[en] (CCR0068)
  • Ձևաչափ՝ թվային բաշխում

Սիլգլներ խմբագրել

Տարի Անվանում Ալբոմ
2010[33] «Words, Words, Words» Words Words Words
2010[34] «Oh Bo»

Ֆիլմագրություն խմբագրել

Տարի Հայերեն անվանում Բնօրինակ անվանում Դեր
2009 ֆ Ամերիկյան կույս American Virgin Ռուդի[35]
2009 ֆ Զվարճալի մարդիկ Funny People Yo Teach! Cast Member[35]
2011 ֆ Ոչ ամուսնական շաբաթ Hall Pass Բարմեն[36]
2012 ֆ Հազար մեղք Adventures in the Sin Bin Տոնի
2013 ֆ Զակ Սթոունը պատրաստվում է հայտնի դառնալ Zach Stone Is Gonna Be Famous Զակ Սթոուն
2014 ս Այգիներ և հանգստյան գոտիներ Parks and Recreation Չիպ Մաքքապ
2014 ֆ Watsky: Whoa Whoa Whoa Watsky: Whoa Whoa Whoa Այրիչ
2014 ֆ Repeat Stuff Repeat Stuff Կամեո
2015 ս Կրոլ շոու Kroll Show Դիզ[37]
2015 ս Կեյ և Փիլ Key and Peele Լաու
2017 ֆ Սերը հիվանդություն է The Big Sick Սի Ջեյ
2017 ֆ Շատ վատ աղջիկներ Rough Night Թոբի
2020 ֆ Հույսեր ներշնչող աղջիկը Promising Young Woman Ռայան

Ծանոթագրություններ խմբագրել

  1. ↑ 1,0 1,1 https://www.rottentomatoes.com/celebrity/bo_burnham#:~:text=Born%20Robert%20Pickering%20Burnham%20on,who%20worked%20as%20a%20nurse.
  2. ↑ 2,0 2,1 Hastings, Katy (2008 թ․ հոկտեմբերի 13). «Teen Comic Signs Hollywood Deal». Sky News. Արխիվացված է օրիգինալից 2010 թ․ հոկտեմբերի 29-ին. Վերցված է 2010 թ․ հոկտեմբերի 28-ին.
  3. ↑ «Egghead by Bo Burnham - review». The Guardian. Guardian Media Group. 2014 թ․ հուլիսի 30. Վերցված է 2014 թ․ նոյեմբերի 24-ին.
  4. ↑ 4,0 4,1 4,2 4,3 4,4 4,5 Kahn, Joseph P. (2008 թ․ փետրվարի 13). «Nonfamily humor, straight from home». The Boston Globe. P. Steven Ainsley. Արխիվացված է օրիգինալից 2010 թ․ հոկտեմբերի 29-ին. Վերցված է 2009 թ․ հունվարի 25-ին. «Irreverent songs win Hamilton youth a cult following»
  5. ↑ 5,0 5,1 5,2 Kit, Borys (2008 թ․ սեպտեմբերի 25). «Singing comic joins Apatow clan». The Hollywood Reporter. Los Angeles, California, USA: Nielsen Company. Արխիվացված է օրիգինալից 2010 թ․ սեպտեմբերի 10-ին. Վերցված է 2009 թ․ հունվարի 25-ին.
  6. ↑ 6,0 6,1 6,2 6,3 Giltz, Michael (2008 թ․ հուլիսի 26). «Young comedian Bo Burnham is heading up charts». Daily News. Mortimer Zuckerman. Արխիվացված է օրիգինալից 2008 թ․ դեկտեմբերի 5-ին. Վերցված է 2009 թ․ հունվարի 25-ին.
  7. ↑ 7,0 7,1 7,2 Wortham, Jenna (2008 թ․ հունիսի 11). «YouTube Star Bo Burnham Readies Debut EP, Bo Fo Sho». Wired. Condé Nast Publications. Վերցված է 2009 թ․ հունվարի 25-ին.
  8. ↑ 8,0 8,1 Hartlaub, Peter (2008 թ․ հոկտեմբերի 16). «Teenage angst has paid off well for Bo Burnham». San Francisco Chronicle. San Francisco, California, USA: Frank J. Vega. Վերցված է 2009 թ․ հունվարի 25-ին.
  9. ↑ Gottlieb, Jed (2009 թ․ մարտի 9). «Bo-dacious comedy: Hamilton's Burnham moves from the bedroom to Hollywood». The Boston Globe. Boston, Massachusetts, USA: P. Steven Ainsley. Վերցված է 2009 թ․ մարտի 9-ին.
  10. ↑ Johnson, Nick (2009 թ․ փետրվարի 5). «Internet celebrity pushes envelope in performance». The Daily Collegian. University Park, Pennsylvania, USA: Pennsylvania State University. Վերցված է 2009 թ․ փետրվարի 5-ին.
  11. ↑ Olson, Kris (2008 թ․ հուլիսի 3). «Ready, set … Bo! (Burnham, that is)». The Patriot Ledger. Quincy, Massachusetts, USA: Rick Daniels. Վերցված է 2009 թ․ հունվարի 25-ին.
  12. ↑ Ingram, Matthew (2008 թ․ սեպտեմբերի 26). «Bo Burnham: Teenaged YouTube star». The Globe and Mail. Toronto, Ontario, Canada: Phillip Crawley. Արխիվացված է օրիգինալից 2008 թ․ նոյեմբերի 5-ին. Վերցված է 2009 թ․ հունվարի 25-ին.
  13. ↑ Comedy Central Records (2009 թ․ փետրվարի 18). «COMEDY CENTRAL Records(R) to Release 'Bo Burnham' CD/DVD on March 10». New York, United States. PR Newswire. Արխիվացված է օրիգինալից 2009 թ․ փետրվարի 22-ին. Վերցված է 2009 թ․ փետրվարի 18-ին.
  14. ↑ Clark, Tim (2010 թ․ օգոստոսի 25). «Bo Burnham nominated for Edinburgh Comedy Award». London, England: Get Comedy. Արխիվացված է օրիգինալից 2011 թ․ հունվարի 23-ին. Վերցված է 2010 թ․ օգոստոսի 25-ին.
  15. ↑ «Foster's Edinburgh Comedy Awards 2010 – 2009 winners». Edinburgh, Scotland: Edinburgh Comedy Awards. Արխիվացված է օրիգինալից 2011 թ․ հունվարի 23-ին. Վերցված է 2010 թ․ սեպտեմբերի 4-ին.
  16. ↑ «Foster's Edinburgh Comedy Awards 2010 – judging». Edinburgh Comedy Awards. Արխիվացված է օրիգինալից 2010 թ․ դեկտեմբերի 7-ին. Վերցված է 2010 թ․ սեպտեմբերի 4-ին.
  17. ↑ «Bo Burnham announces national tour». Punchline Magazine Blog. 2009 թ․ հուլիսի 31. Արխիվացված է օրիգինալից 2010 թ․ հունվարի 8-ին. Վերցված է 2010 թ․ մայիսի 15-ին.
  18. ↑ «Bo Burnham: Fake ID Tour». Wharton Center for Performing Arts . East Lansing, Michigan, USA: Michigan State University. 2009. Արխիվացված է օրիգինալից 2011 թ․ օգոստոսի 9-ին. Վերցված է 2010 թ․ փետրվարի 15-ին.
  19. ↑ Ryan, Mike EXCLUSIVE: Bo Burnham on His Newly-Announced [sic] Comedy Tour and MTV Show(անգլ.) // Movieline[en] : magazine. —United States of America, 2010. Архивировано из первоисточника 16 Սեպտեմբերի 2010.
  20. ↑ «Bo Burnham: 2011 Tour». Brighton, England: Just for Laughs Live. 2011. Արխիվացված է օրիգինալից 2011 թ․ մայիսի 21-ին. Վերցված է 2011 թ․ մայիսի 23-ին.
  21. ↑ Hall, Julian (2008 թ․ նոյեմբերի 14). «Rising Star: Bo Burnham, comedy actor». The Independent. Dublin, Ireland: Independent News & Media. Արխիվացված է օրիգինալից 2009 թ․ հուլիսի 12-ին. Վերցված է 2009 թ․ հունվարի 25-ին.
  22. ↑ Wortham, Jenna YouTuber Bo Burnham Scripting New Judd Apatow Movie(անգլ.) // Wired : journal. — United States: Condé Nast, 2008. — ISSN 1059-1028.
  23. ↑ Clark, Andrew (2009-03). «Bo burnham». Boston's Weekly Dig. Boston, Massachusetts, USA: Jeff Lawrence. Արխիվացված է օրիգինալից 2009 թ․ մարտի 22-ին. Վերցված է 2009 թ․ մարտի 6-ին.
  24. ↑ Cornwell, Tim (2010 թ․ օգոստոսի 28). «Preview: Bo Burnham, comedian». Edinburgh Festivals. Արխիվացված է օրիգինալից 2010 թ․ օգոստոսի 31-ին. Վերցված է 2010 թ․ սեպտեմբերի 4-ին.
  25. ↑ Logan, Brian (2010 թ․ օգոստոսի 24). «Bo Burnham: 'I'm honest – for two minutes'». The Guardian. King's Place, London, UK: Guardian Media Group. ISSN 0261-3077. OCLC 60623878. Վերցված է 2010 թ․ սեպտեմբերի 4-ին.
  26. ↑ Vena, Jocelyn (2010 թ․ հոկտեմբերի 14). «Bo Burnham on Making The 'Anti-High School Musical' With Judd Apatow». MTV. Արխիվացված է օրիգինալից 2011 թ․ հունվարի 15-ին. Վերցված է 2011 թ․ հունվարի 14-ին.
  27. ↑ Levine, Stuart MTV orders pilot from Bo Burnham(անգլ.) // Variety : magazine. —New York City, 2010. — ISSN 0042-2738.
  28. ↑ «Proper Bo». Chortle. 2010 թ․ սեպտեմբերի 8. Վերցված է 2010 թ․ սեպտեմբերի 18-ին. «Burnham lands US sitcom deal»
  29. ↑ Bo Burnham responds to ‘Zach Stone’ cancellation: I’m the luckiest guy I know Արխիվացված 2014-01-02 archive.today
  30. ↑ Kettle, James (2011 թ․ հունիսի 11). «Bo Burnham, comic 'most likely to earn £1m', goes from YouTube to your town». The Guardian. King's Place, London, UK: Guardian Media Group. ISSN 0261-3077. OCLC 60623878. Վերցված է 2011 թ․ հունիսի 11-ին.
  31. ↑ Bo Burnham, Biography
  32. ↑ 32,0 32,1 32,2 32,3 32,4 32,5 32,6 32,7 «Bo Burnham Chart History». Billboard.com. Վերցված է 2011 թ․ հունվարի 29-ին.
  33. ↑ Words, Words, Words ՅուԹյուբում
  34. ↑ Oh Bo ՅուԹյուբում
  35. ↑ 35,0 35,1 Shanahan, Mark; Paysha Rhone (2009 թ․ հունվարի 7). «From YouTube to Hollywood». The Boston Globe. Boston, Massachusetts, USA: P. Steven Ainsley. Վերցված է 2009 թ․ հունվարի 30-ին.
  36. ↑ Baez, Dominic (2010 թ․ փետրվարի 27). «Can we get a 'Hall Pass' from this movie?». East Oregonian. Արխիվացված է օրիգինալից 2012 թ․ ապրիլի 18-ին. Վերցված է 2011 թ․ օգոստոսի 18-ին.
  37. ↑ Upadhyaya, Kayla (2015 թ․ մարտի 3). «Kroll Show: "The Commonwealth Games"». AV Club. Վերցված է 2015 թ․ ապրիլի 14-ին.

Գրականություն խմբագրել

Արտաքին հղումներ խմբագրել

 
Վիքիքաղվածքն ունի քաղվածքների հավաքածու, որոնք վերաբերում են
Բո Բերնեմ հոդվածին
 Վիքիպահեստն ունի նյութեր, որոնք վերաբերում են «Բո Բերնեմ» հոդվածին։
Ստացված է «https://hy.wikipedia.org/w/index.php?title=Բո_Բերնեմ&oldid=9824674» էջից