Բերնարդ Հիլլ
Բերնարդ Հիլլ (անգլ.՝ Bernard Hill, դեկտեմբերի 17, 1944[1][2], Մանչեսթեր, Մեծ Մանչեսթեր, Միացյալ Թագավորություն[3]), բրիտանացի հեռուստատեսության և կինոյի դերասան։ Իր երեսնամյա կարիերայի ընթացքում առավել հայտնի է «Տիտանիկ» ֆիլմում խաղացած կապիտան Էդվարդ Ջոն Սմիթ[4], «Մատանիների տիրակալը» ֆիլմաշարում՝ Թեոդեն արքա և «Իրական հանցանք» դրամայում՝ բանտի ռեկտոր Սան Քվենթին դերերով։ Հիլլը միակ դերասանն է, ով նկարահանվել է 1-ից ավելի ֆիլմերում, որոնք արժանացել են 11 «Օսկար» մրցանակի («Տիտանիկ», «Մատանիների տիրակալը։ Թագավորի վերադարձը»)[5]։
 անգլ.՝ Bernard Hill | |
|---|---|
.jpg) | |
| Ծնվել է | դեկտեմբերի 17, 1944[1][2] (79 տարեկան) |
| Ծննդավայր | Մանչեսթեր, Մեծ Մանչեսթեր, Միացյալ Թագավորություն[3] |
| Կրթություն | Մանչեսթերի քաղաքային համալսարան և Manchester School of Theatre? |
| Քաղաքացիություն | .svg){kind=small} Միացյալ Թագավորություն |
| Մասնագիտություն | դերասան, կինոդերասան, թատրոնի դերասան և հեռուստատեսային դերասան |
Կենսագրություն խմբագրել
Հիլլը ծնվել է Բլեքլիում՝ Մանչեստրում։ Սովորել է Քսավերիանի քոլեջում, ավելի ուշ ընդունվել է Մանչեստրի պոլիտեխնիկական դրամայի դպրոցը, որը դիպլոմով ավարտել է 1970 թվականին ավարտել[6]։
Կարիերա խմբագրել
Հիլլը առաջին անգամ մեծ հռչակ է ձեռք բերել Միացյալ Թագավորությունում՝ «Տղաները Բլեքստաֆայից» հեռուստասերիալում խաղացած Յոսեր Հյուզ դերից հետո[6]։ Նրա հերոսի «Տվեք մեզ աշխատանք» արտահայտությունը[6] հայտնի է դարձել անգործունակության բարձր մակարդակի համար Մարգարետ Թետչերի կառավարության դեմ բողոքողների շրջանում[7]։ Այս դերը նրան բերել է բազմաթիվ մրցանակներ, ինչը, ինչպես նա է ասել, «նրան խելագարություն է հասցրել»։ 1982 թվականին սերժանտ Պուտնեմա դերով խաղացել է «Գանդի» ֆիլմում, որի ռեժիսորը Ռիչարդ Աթենբորոն է[8]։ Պատկերը ստացել է «Օսկար» մրցանակ։ Այնուհետև Բերնարդ Հիլլը հայտնվել է 1984 թվականի «Բաունտի» ֆիլմում՝ «Բաունտի» նավի խռովության մասին չորրորդ բեմադրությունում[4]։ Նաև 1982 թվականին Կալիգուլա կայսեր թիկնապահի դերով խաղացել է «Ես Կլավդիոսն եմ» հեռուստասերիալում[9]։ 1985 թվականին Հիլլը հայտնվել է Ջոն Լենոնի «Ուղևորություն դեպի կյանք» դրամայի էկրանավորումում։ Նկարահանվել է նաև «Բալի այգին» կատակերգության էպիզոդում և «Մակբեթ» պիեսում։ 1989 թվականին Բերնարդը գնահատվել է քննադատների կողմից «Շիրլի Վալենթայն» բեմադրությունում Ջոյի կերպարը ստեղծելու համար[4]։ Ավելի ուշ նշանակալի դերեր է խաղացել «Լուսնային լեռներ» (1990), «Սկալագրիգ» (1994) և «Մադագասկարի մաշկը» (1995) ֆիլմերում։ 1990-ականների կեսերին Հիլլը սկսել է ավելի հաճախ հայտնվել ֆիլմերում։ Նրա առաջին գլխավոր դերը դարձել է 1996 թվականի «Ուրվականը և խավարը» ֆիլմը (Վել Քիլմերի և Մայքլ Դուգլասի հետ միասին)[9]։ Հիլլը դարձել է ավելի պանջված դերասան «Տիտանիկ» ֆիլմում կապիտան Էդվարդ Ջոն Սմիթի դերից հետո[8]։ 2002 թվականին Բերնարդը խաղացել է Փիլոսի դերը «Կարիճների արքան» ֆիլմում (Դուեյն Ջոնսոնի, Մայքլ Կլարկ Դունկանի և Քելլի Հուի հետ միասին)։ Ավելի ուշ Թեոդեն թագավորի դերով նկարահանվել է Փիթեր Ջեքսոնի «Մատանիների տիրակալը» կինոեռագրությունում[8]։
Անձնական կյանք խմբագրել
Բերնարդ Հիլլը ապրել է Միացյալ Թագավորության Իպսուիչում քաղաքի Սուֆոլկ կոմսությունում։ Անցյալում փոխհարաբերություններ է ունեցել դերասանուհի Քեթի Բեյթսի հետ[8]։ Ամուսնացած է, ունի մեկ որդի՝ Գեբրիել անունով[6]։
Ընտրված ֆիլմագրություն խմբագրել
| Տարի | Հայերեն անվանում | Բնօրինակ անվանում | Դեր | |
|---|---|---|---|---|
| 1976 | ֆ | Մարտական փորձարկում | Trial by Combat | Ֆրեդի |
| 1982 | ֆ | Գանդի | Gandhi | սերժանտ Պուտմեն |
| 1984 | ֆ | Բաունտին | The Bounty | Ուիլյամ Քոուլ |
| 1986 | ֆ | Նոր աշխարհ | New World | Ջոն Բիլինգթոն |
| 1996 | ֆ | Ուրվականը և Խավարը | The Ghost and the Darkness | Հոումորն |
| 1997 | ֆ | Տիտանիկ | Titanic | Էդվարդ Ջոն Սմիթ |
| 1999 | ֆ | Իրական հանցագործություն | True Crime | Լյունթեր |
| 2002 | ֆ | Կարիճների արքան | The Scorpion King | Փիլոս |
| 2002 | ֆ | Մատանիների տիրակալը։ Երկու ամրոց | The Lord of the Rings: The Two Towers | Թեոդեն |
| 2003 | ֆ | Մատանիների տիրակալը։ Թագավորի վերադարձը | The Lord of the Rings: The Return of the King | Թեոդեն |
| 2003 | ֆ | Գոթական ոճ | Gothika | Ֆիլ Փարսոնս |
| 2008 | ֆ | «Վալկիրիա» գործողությունը | Valkyrie | գեներալը անապատում |
| 2015—2015 | ս | Գայլերի սրահ | Wolf Hall | Նորֆոլքի դուքսը |
Հոնորարներ խմբագրել
- «Մատանիների տիրակալը։ Երկու ամրոց» (2002)՝ 312 000 դոլար
- «Մատանիների տիրակալը։ Թագավորի վերադարձը» (2003)՝ 312 000 դոլար
Ծանոթագրություններ խմբագրել
- ↑ 1,0 1,1 filmportal.de — 2005.
- ↑ 2,0 2,1 Discogs — 2000.
- ↑ 3,0 3,1 3,2 Deutsche Nationalbibliothek Record #13241449X // Gemeinsame Normdatei (գերմ.) — 2012—2016.
- ↑ 4,0 4,1 4,2 «Bernard Hill Biography». Արխիվացված է օրիգինալից 2014 թ․ մայիսի 31-ին. Վերցված է 2020 թ․ մարտի 12-ին.
- ↑ Bernard Hill News, Filmography, Pictures — Rotten Tomatoes
- ↑ 6,0 6,1 6,2 6,3 BBC — Manchester Films — Bernard Hill — a biography
- ↑ «Out of work — and this time it won't just be Yosser who will feel the pain | News». Արխիվացված է օրիգինալից 2013 թ․ մայիսի 5-ին. Վերցված է 2011 թ․ ապրիլի 1-ին.
- ↑ 8,0 8,1 8,2 8,3 Bernard Hill: Information from Answers.com
- ↑ 9,0 9,1 Bernard Hill | Biography, Photos, Movies, TV, Credits | Hollywood.com
- ↑ «Властелин колец». А знаете ли вы… Արխիվացված 2012-01-25 Wayback Machine
 | Վիքիպահեստն ունի նյութեր, որոնք վերաբերում են «Բերնարդ Հիլլ» հոդվածին։ |