Բեթղեհեմի մարդահամար

Բեթղեհեմի մարդահամար (հոլ.՝ Volkstelling te Bethlehem, ֆր.՝ Le Dénombrement de Bethléem), ֆլամանդացի նկարիչ Պիտեր Բրեյգել Ավագի նկարը, պատկերել է 1566 թվականին։ Պահպանվում է Բրյուսելի Գեղեցիկ արվեստների թագավորական թանգարանում, ձեռք է բերվել թանգարանի կողմից 1902 թվականին։

Բեթղեհեմի մարդահամար Volkstelling te Bethlehem (nl) Le Dénombrement de Bethléem (fr)
տեսակ	գեղանկար
նկարիչ	Պիտեր Բրեյգել Ավագ
տարի	1566
բարձրություն	116
լայնություն	164,5
ժանր	հոգևոր արվեստ
նյութ	փայտ, յուղաներկ
գտնվում է	Գեղեցիկ արվեստների թագավորական թանգարան (Բելգիա)
հավաքածու	Գեղեցիկ արվեստների թագավորական թանգարան
հիմնական թեմա	Mary and Joseph are registered in the census at Bethlehem?
պատկերված են Մարիամ Աստվածածին, կին, Բեթղեհեմ, Սուրբ Հովսեփ, մարդահամար, ձյուն, ընտանի խոզ, խոտհարք, սայլ, տակառ, հոլ, ձնագնդի, էշեր, կով, ծառ, բնակելի տուն, Չմուշկներ, sledding?, դղյակի ավերակներ, մայրամուտ, clapper?, երեխա և sea ice?
https://artsandculture.google.com/asset/wd/JwGxiyxYTZZEog, https://www.fine-arts-museum.be/nl/de-collectie/pieter-i-bruegel-de-volkstelling-te-bethlehem կայք
Ծանոթագրություններ
The Census at Bethlehem by Bruegel the Elder Վիքիպահեստում

Նկարագրություն

Ինչպես սովորաբար, այս անգամ նույնպես Բրեյգելը Աստվածաշնչյան պատմությունները ներկայացնում է որպես իրադարձությունների մասնակից։ Նա հիշեցնում է Նիդերլանդների հարավում իսպանական ղեկավարության կողմից իրականացրած բռնաճնշումները։ Սակայն Բրեյգելը միանգամայն հնարավոր է, որ ներկայացնում է բյուրոկրատական մեթոդների ավելի ընդհանրական քննադատություն։

Նկարագրվող իրադարձությունները հանդիպում են Ղուկասի Ավետարանում 2, 1-5․

Այն օրերին Օգոստոս կայսեր կողմից հրաման ելաւ՝ ամբողջ երկրում մարդահամար անելու համար։ Այս առաջին մարդահամարը տեղի ունեցաւ, երբ Կիւրենիոսը կուսակալ էր Ասորիքում։ Եւ բոլորը գնում էին արձանագրուելու մարդահամարի՝ իւրաքանչիւրն իր քաղաքում։ Յովսէփն էլ Դաւթի տնից եւ ազգատոհմից լինելով՝ Գալիլիայի Նազարէթ քաղաքից ելաւ գնաց դէպի Հրէաստան՝ Դաւթի քաղաքը, որը Բեթղեհէմ է կոչւում, 5մարդահամարի մէջ արձանագրուելու Մարիամի հետ, որ նրա հետ նշանուած էր եւ յղի էր։ Եւ երբ նրանք այնտեղ հասան, նրա ծննդաբերելու օրերը լրացան, եւ նա ծնեց իր անդրանիկ որդուն, խանձարուրի մէջ փաթաթեց նրան ու դրեց մսուրի մէջ, որովհետեւ իջեւանում նրանց համար տեղ չկար։ 8Եւ այդ շրջանում բացօթեայ բնակուող հովիւներ կային, որոնք իրենց հօտերի գիշերային պահպանութիւնն էին անում։ - Ավետարան ըստ Ղուկասի, 2, 1-5։

Քաղաքը պատկերված է ձնառատ ձմռանը, իսկ նման եղանակ Բեթղեհեմում չի լինում։ Նկարիչը (և հանդիսատեսը) կարծես բնակավայրը դիտում են կա՛մ աշտարակից, կա՛մ ինչ-որ կառույցի ձեղնահարկի պատուհանից։ Ավարտվում է ձմեռային կարճ օրը, կարմիր արևը մայր է մտնում ծառի ճյուղերի ետևից։ Իրադարձությունների ամսվա վերաբերյալ անուղղակի հուշում կարող է լինել խոզ մորթող մարդը։ Նիդերլանդներում սովորաբար դա տեղի է ունենում դեկտեմբերին։ Խոզին պատրաստում են կրակի վրա խանձել, ինչի համար արդեն պատրաստել են ծղոտի խրձեր։ Այս խումբը բազմիցս հանդիպում է Բրեյգելի նկարներում։ Հենց սրանով էլ զբաղվում են «Որսորդները ձյան վրա» նկարի բնակիչները։

Իջևանատան դռների մոտ հավաքվել է մարդկանց հոծ բազմություն․ այնտեղ ցուցադրված են սեղանիկներ, և իշխում են չինովնիկները՝ շրջապատված հարկային գրքերով։ Եվ չնայած նկարը կոչվում է «մարդահամար», չինովնիկների գործողությունները ոչ այլ ինչ են, քան հարկահավաքություն։ Նկարի կենտրոնում տեղակայված է ոչ մեկի կողմից չնկատված զույգ․ տղայի ձեռքին ատաղձագործական գործիք կա, իսկ աղջիկը էշին է հեծած։ Միայն այս ատրիբուտների շնորհիվ կարելի է հասկանալ, որ քաղաք է ժամանել Սուրբ Ընտանիքը։

Նկարն իրենից ներկայացնում է փոքրիկ քաղաքի ձմեռային կյանքի իսկական հանրագիտարան։ Մարդիկ զբաղված են իրենց առօրյա գործերով՝ ցախանոցի շինարարությամբ, ցախ հավաքելով, երեխաները խանդավառությամբ խաղում են սառույցի վրա։ Ի թիվս բազմաթիվ դետալների, իջևանատան պատին կարելի է նկատել նույնիսկ Հաբսբուրգների զինանշանը։

Նկարի կտորներ

• 
  Մարիամը և Հովսեփը
• 
  Ցախանոցի շինարարություն
• 
  Չինովնիկները մարդահամար են անցկացնում
• 
  Սառած ջրամբար
• 
  Ապաստարան ծառի մեջ
• 
  Խոզի խանձում
• 
  Հաբսբուրգների զինանշան

Գրականություն

• Orenstein, Nadine M., ed. (2001). Pieter Bruegel the Elder: Drawings and Prints. The Metropolitan Museum of Art. ISBN 9780870999901. {{cite book}}: |first= has generic name (օգնություն)CS1 սպաս․ բազմաթիվ անուններ: authors list (link) (see index)

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Բեթղեհեմի մարդահամար կատեգորիայում։