Աշոտ Կասպարով
Աշոտ Ջումշուդի Կասպարով (դեկտեմբերի 29, 1909[1], Քյուրաթաղ, Ջաբրայիլի գավառ, Ելիզավետպոլի նահանգ, Ռուսական կայսրություն[1] - 1993, Հադրութ, Հադրութի շրջան, Արցախ), Խորհրդային Միության հերոս (դեկտեմբերի 29, 1909[1], Քյուրաթաղ, Ջաբրայիլի գավառ, Ելիզավետպոլի նահանգ, Ռուսական կայսրություն[1] - 1993, Հադրութ, Հադրութի շրջան, Արցախ), ավիացիայի մայոր, ԽՄԿԿ անդամ (1932)։
| Աշոտ Կասպարով | |
|---|---|
| դեկտեմբերի 29, 1909[1] - 1993 | |
| Ծննդավայր | Քյուրաթաղ, Ջաբրայիլի գավառ, Ելիզավետպոլի նահանգ, Ռուսական կայսրություն[1] |
| Մահվան վայր | Հադրութ, Հադրութի շրջան, Արցախ |
| Քաղաքացիություն |  ԽՍՀՄ և  Ռուսական կայսրություն |
| Զորատեսակ | ԽՍՀՄ հեռահար ավիացիա |
| Կոչում | մայոր |
| Մարտեր/ պատերազմներ | Խորհրդա-ֆիննական պատերազմ և Հայրենական մեծ պատերազմ[1] |
| Կրթություն | Բաքվի Ս. Օրջոնիկիձեի անվ. ռազմա–հետևակային դպրոց (1934)[1] և Օրենբուրգի բարձրագույն ռազմաավիացիոն օդաչուական ուսումնարան (1935)[1] |
| Պարգևներ | |
Ավարտել է Բաքվի Օրջոնիկիձեի անվան ռազմա-հետևակային դպրոցը (1934), Օրենբուրգի օդաչուական դպրոցը (1935)։ Երկրորդ համաշխարհային պատերազմի ժամանակ եղել է ինքնաթիռի, ջոկատի, ապա էսկադրիլիայի շտուրման։ Աչքի է ընկել հատկապես Ուկրաինայի և Բելառուսիայի պարտիզանական ջոկատները զինամթերքով և պարենով մատակարարելու գործում, ինչպես նաև Կուրսկում, Օրյոլում, Սմոլենսկում, Լվովի երկաթուղային հանգույցում, Դնեպրի վրա, Տիլգիտում, Քյոնիգսբերգում (Կալինինգրադ) մղված մարտերի ժամանակ։ Կատարել է 300-ից ավելի մարտական թռիչք (Բեռլինի վրա՝ 16)։
Պարգևատրվել է Լենինի, Կարմիր աստղի, Կարմիր դրոշի 2 և «Հայրենական պատերազմի» I աստիճանի շքանշաններով։ Պատերազմի ավարտից հետո զորացրվել է, աշխատել հայրենի գյուղում, ապա՝ Բաքվում։
Ծանոթագրություններ
խմբագրելԱյս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 276)։ 
|