Ալան Կալմանով
Ալան Կալմանով (ռուս.՝ Калманов, Алан Батрович, նոյեմբերի 3, 1964, Վլադիկավկազ, ՌԽՖՍՀ, ԽՍՀՄ), ռուս գեղանկարիչ, քանդակագործ։ Ռուսաստանի գեղարվեստի ակադեմիայի թղթակից անդամ (2010)։ Ռուսաստանի Դաշնության վաստակավոր նկարիչ (2011)։
Ալան Կալմանով | |
|---|---|
| Ծնվել է | նոյեմբերի 3, 1964 (59 տարեկան) |
| Ծննդավայր | Վլադիկավկազ, ՌԽՖՍՀ, ԽՍՀՄ |
| Քաղաքացիություն |  ԽՍՀՄ և  Ռուսաստան |
| Կրթություն | Ի. Ե. Ռեպինի անվան գեղանկարչության, քանդակագործության և ճարտարապետության ինստիտուտ |
| Մասնագիտություն | նկարիչ |
| Ժանր | գեղանկարչություն և քանդակագործություն |
| Պարգևներ |  |
Կենսագրություն
խմբագրելԾնվել է 1964 թվականի նոյեմբերի 3-ին, Օրջոնիկիձեում (այժմ` Վլադիկավկազ), նկարիչ Բատր Կալմանովի (1920-1981) ընտանիքում։ Սովորել է Օրջոնիկիձեի թիվ 5 դպրոցում։
1979-1982 թվականներին ուսանել է Ի. Ե. Ռեպինի անվան գեղանկարչության, քանդակագործության և ճարտարապետության ինստիտուտին կից Բորիս Իոգանսոնի անվան Լենինգրադի գեղարվեստի միջնակարգ դպրոցում։
1982-1990 թվականներին սովորել է Ի. Ե. Ռեպինի անվան գեղանկարչության, քանդակագործության և ճարտարապետության ինստիտուտում (Սոցիալիստական աշխատանքի հերոս, ԽՍՀՄ ժողովրդական նկարիչ Անդրեյ Միլնիկովի արհեստանոցում), որն ավարտել է կարմիր դիպլոմով։ Դիպլոմային աշխատանքը եղել է «Մտորում» նկարը (գնահատականը` «գերազանց»)։
1993 թվականին ընդունվել է Ռուսաստանի Դաշնության նկարիչների միություն։
Նկարչի աշխատանքները պահվում են Ռուսաստանի մի շարք թանգարաններում, Ռուսաստանում և այլ երկրներում գտնվող մասնավոր հավաքծոււներում, մասնավորապես` ԱՄՆում, Ֆրանսիայում, Իսպանիայում և Գերմանիայում։
Ապրում և աշխատում է Վլադիկավկազում։
Ընտանիք
խմբագրել- Հայրը` Բատր Կալմանով (1920—1981), գեղանկարիչ, Հյուսիսային Օսեթիայի Ինքնավար Խորհրդային Սոցիալիստական Հանրապետության վաստակավոր նկարիչ։ Հյուսիսային Օսեթիայի Ինքնավար Խորհրդային Սոցիալիստական Հանրապետության Կոստա Խեթագուրովի անվան պետական մրցանակի դափնեկիր։
- Մորեղբայրը` Վիկտոր Օրեշնիկով (1904—1987), գեղանկարիչ, ԽՍՀՄ ժողովրդական նկարիչ, ԽՍՀՄ Պետական մրցանակի դափնեկիր։
- Քույրը` Մադինա Կալմանովան, գեղանկարիչ է։
- Դուստրը` Ալեքսանդրան, տնտեսագետ։
Որոշ աշխատանքներ
խմբագրել- «Ալֆա», «Նախադրոշ» և ԱԻՆ-ի աշխատակիցների հատուկ նշանակության հուշարձան, ովքեր մահացել են Բեսլան քաղաքի թիվ 1 դպրոցում պատանդների ազատ արձակման ժամանակ։
- «Ծառի սուգը»։
- «Գիշեր։ Օսական եկեղեցի»։
- «Աշուն։ Ջեորգուբա»։
- «Ինքնադիմանկար»։
Մրցանակներ
խմբագրել- Հյուսիսային Օսիայի Հանրապետության վաստակավոր նկարիչ (2003)։
- Ռուսաստանի անվտանգության դաշնային ծառայության մրցանակ («Կերպարվեստ», խրախուսական դիպլոմ, 2007) «Ալֆա», «Նախադրոշ» և ԱԻՆ-ի աշխատակիցների հատուկ նշանակության հուշարձանի համար, ովքեր մահացել էին Բեսլան քաղաքի թիվ 1 դպրոցում պատանդների ազատ արձակման ժամանակ։
- Հյուսիսային Օսիայի Հանրապետության ժողովրդական նկարիչ (2008)։
- Ռուսաստանի գեղարվեստի ակադեմիայի թղթակից անդամ (2010)։
- Ռուսաստանի Դաշնության վաստակավոր նկարիչ` կերպարվեստի ոլորտում ծառայությունների համար (2011 թվական նոյեմբերի 30)[1]։