Ազգային ժողովրդավարական բևեռ

Ազգային ժողովրդավարական բևեռ;
Տեսակ	Քաղաքական կազմակերպություն
Գաղափարախոսություն	Ազգային ժողովրդավարություն, պահպանողականություն և հայկական ազգայնականություն
Հիմնադիր	Ազատ Օրդուխանյան, Ալբերտ Բաղդասարյան, Արա Պապյան, Արկադի Վարդանյան, Արմենակ Կյուրեղյան, Գագիկ Ավագյան, Գարեգին Չուգասզյան, Գարիկ Խաչատրյան, Դավիթ Դավթյան, Դավիթ Գյուլզադյան, Եղիշե Պետրոսյան, Էմիլ Աբրահամյան, Ժիրայր Սէֆիլյան, Կարեն Բալայան, Հայկ Մարտիրոսյան, Հարություն Կարապետյան, Նարինե Դիլբարյան, Շանթ Ոսկերչյան, Վահան Արծրունի, Վարդան Հակոբյան, Վարուժան Ավետիսյան, Վոլոդյա Ավետիսյան, Տիգրան Խզմալյան
Ղեկավար կենտրոն	Կազմակերպության խորհուրդ ; (Ժիրայր Սէֆիլյան, Արա Պապյան, Վարուժան Ավետիսյան, Վահե Գասպարյան)
Ստեղծման տարեթիվ	Մայիսի 15, 2020 թվական
Նախորդ	«Սասնա ծռեր» համահայկական կուսակցություն
Կայք	ajbever.com
	National Democratic Pole Վիքիպահեստում

«Ազգային ժողովրդավարական բևեռ» (կրճատ՝ ԱԺԲ), քաղաքական կազմակերպություն, որը գործում է Հայաստանի Հանրապետությունում։ Ձևավորվել է «Սասնա ծռեր» համահայկական կուսակցության և մի շարք քաղաքական-հասարակական գործիչներից։

Կազմակերպության հիմնադրում խմբագրել

«Ազգային ժողովրդավարական բևեռ» կազմակերպությունը հիմնադրվել է 2020 թվականի մայիսի 15-ին «Սասնա ծռեր» համահայկական կուսակցության ներկայացուցիչների և այլ հասարակական-քաղաքական գործիչների կողմից։ Հիմնադիրներն են Ազատ Օրդուխանյանը, Ալբերտ Բաղդասարյանը, Արա Պապյանը, Արկադի Վարդանյանը, Արմենակ Կյուրեղյանը, Գագիկ Ավագյանը, Գարեգին Չուգասզյանը, Գարիկ Խաչատրյանը, Դավիթ Դավթյանը, Դավիթ Գյուլզադյանը, Եղիշե Պետրոսյանը, Էմիլ Աբրահամյանը, Ժիրայր Սէֆիլյանը, Կարեն Բալայանը, Հայկ Մարտիրոսյանը, Հարություն Կարապետյանը, Նարինե Դիլբարյանը, Շանթ Ոսկերչյանը, Վահան Արծրունին, Վարդան Հակոբյանը, Վարուժան Ավետիսյանը, Վոլոդյա Ավետիսյանը և Տիգրան Խզմալյանը^[1]

Դաշինքի ստեղծման նախաձեռնությունը պատկանում էր «Սասնա ծռեր» համահայկական կուսակցությանը, որը կոչ արեց «երկրի բոլոր ժողովրդավարամետ ուժերին» համախմբվել։ ԱԺԲ-ին հետագայում անդամագրվեց Հայաստանի եվրոպական կուսակցությունը։ Ավելի ուշ, դաշինքի կազմավորմանը դրական գնահատական տվեցին Ազգային ինքնորոշում միավորման (ԱԻՄ) անդամները, ինչպես նաև բազմաթիվ անկուսակցական քաղաքական գործիչներ։

Կազմակերպությունը գրասենյակներ ունի Հայաստանում^[3] և Ամերիկայի Միացյալ Նահանգների Կալիֆոռնիայի նահանգի Լոս Անջելես շրջանում^[4]։

Կազմակերպության հռչակած գաղափարախոսություն խմբագրել

Քաղաքական դիրքորոշում խմբագրել

Արցախի Հանրապետության վերաբերյալ խմբագրել

«Ազգային ժողովրդավարական բևեռ» կազմակերպությունը չի ճանաչում Արցախի Հանրապետության գոյությունը, քանի որ համարում է Հայաստանի Հանրապետության մարզ։ Կազմակերպությունը մերժում է նաև Արցախի Հանրապետության դրոշը, քանի որ այն համարում է Արցախը Հայաստանի Հանրապետությունից բաժանող գործոն^[5]^[6]^[7]։

Հայաստանի Հանրապետության սահմանների հարցը

«Ազգային ժողովրդավարական բևեռ»-ը համարում է, որ Հայաստանի Հանապետության միջազգայնորեն ճանաչված սահմանները ՀԽՍՀ վարչական միավորի սահմանները չեն։ Հայաստանի Հանրապետությունը պիտի իրեն հռչակի Հայաստանի Առաջին Հանրապետության իրավահաջորդ, որի արևելյան սահմանները որոշվել են 1920թ․ փետրվարի 24-ի Ազգերի Լիգայի զեկույց-առաջարկի, արևմտյան սահմանները՝ 1920թ․ նոյեմբերի 22-ի՝ ԱՄՆ 28-րդ նախագահ Վուդրո Վիլսոնի կողմից կայացրած Իրավարար վճռի հիման վրա։ Հայաստանի Հարապետությունը պետք է դուրս գա ԱՊՀ, ՀԱՊԿ, ԵԱՏՄ կառույցներից և դառնա ԱՄՆ-ի ոչ ՆԱՏՕ անդամ դաշնակից երկիր։

Գործողություններ և միջոցառումներ խմբագրել

2021 թվականի փետրվարի 26-ին Երևանում անցկացվեց ԱԺԲ-ի հանրահավաքը^[8]։ Մոսկվայի ռուս-թուրքական պայմանագրի կնքման 100-րդ տարելիցին Ազատության հրապարակում անցկացվեց հանրահավաք, որի ժամանակ իր ելույթում «Սասնա ծռերի» և ղեկավար անդամներից և ԱԺԲ-ի նախաձեռնող անդամ Գարեգին Չուգասզյանը նշեց, որ տվյալ պայմանագրով Ռուսաստանի բոլշևիկյան կառավարության կողմից Թուրքիային նվիրաբերվեց Հայաստանի Հանրապետության օրինական տարածքի ուղիղ կեսը^[9]։

Արցախի Հանրապետությունը և վերջինի պետական դրոշը չճանաչելու մասին իր դիրքորոշումն արտահայտելու համար 2022 թվականի ապրիլի 8-ին «Ազգային ժողովրդավարական բևեռ» կազմակերպությունը Երևան քաղաքի Ֆրանսիայի հրապարակում տեղադրված Արցախի Հանրապետության դրոշի սպիտակ գույնի հատվածը ներկով ջնջելու ակցիա է իրականացրել^[5]^[6]։ Այդ գործողության մասին իրենց հրապարակումներով անդրադարձել են մի շարք լրատվամիջոցներ^[7]^[10]։

Ադրբեջանի կողմից Բերձորի միջանցքի փակման պատճառով 2023թ․ հունվարի 8-ին Ազգային Ժողովրդավարական Բևեռը կազմակերպեց <<շրջափակում հանուն ապաշրջափակման>> խորհրդանշական ակցիա Գյումրիում ռուսական ռազմաբազայի դիմաց։ 2023թ․ հունվարի 15-ին կազմակերպվեց երկրորդ ակցիան Գյումրիում ռուսական ռազմաբազայի դիմաց։

Ղեկավար մարմին և համախոհներ խմբագրել

Կազմակերպության խորհուրդ խմբագրել

«Ազգային ժողովրդավարական բևեռի» ղեկավար մարմինը կազմակերպության խորհուրդն է, որը 2022 թվականի ապրիլի դրությամբ կազմված է 4 անձից՝ Ժիրայր Սեֆիլյան, Արա Պապյան, Վարուժան Ավետիսյան, Վահե Գասպարյան^[2]։

Ներկա անդամներ խմբագրել

Ազգային-Ժողովրդավարական Բևեռի համակարգող մարմնի՝ խորհրդի ներկա անդմաներն են.

Արա Պապյան, պատմաբան, դիվանագետ, Կանադայում Հայաստանի նախկին դեսպան,
Ժիրայր Սեֆիլյան, քաղաքական ակտիվիստ, «Սասնա ծռեր» համահայկական կուսակցության վարչության անդամ, Արցախյան առաջին պատերազմի մասնակից,
Վարուժան Ավետիսյան, «Սասնա ծռեր» համահայկական կուսակցության վարչության անդամ, Հայաստանի զինված ուժերի պահեստազորի գնդապետ
Վահե Գասպարյան, հասարակական-քաղաքական գործիչ, բժիշկ,
Հայկ Մարտիրոսյան, քաղաքական գործիչ, ք․գ․ դոկտոր,
Գարեգին Չուգասզյան, հասարակական-քաղաքական գործիչ, մաթեմատիկոս,
Արթուր Այվազյան, հասարակական-քաղաքական գործիչ, իրավաբան,
Ալբերտ Բաղդասարյան, քաղաքական գործիչ,
Եղիշե Պետրոսյան, երգիչ, երգահան, ակտիվիստ,
Կարօ Եղնուկյան, իրավապաշտպան,
Արմենակ Կյուրեղյան, հասարակական-քաղաքական գործիչ, ճարտարագետ։

Նախկին անդամներ խմբագրել

Արկադի Վարդանյան, քաղաքական գործիչ, Հայաստանի եվրոպական կուսակցության անդամ,
Տիգրան Խզմալյան, ռեժիսոր, Հայաստանի եվրոպական կուսակցության նախագահ,

Ազգային Ժողովրդավարական Բևեռի անդամներ են՝ ծրագրավորող Վահագն Ավագյանը, իրավաբան Գևորգ Սաֆարյանը, արևելագետ Մարգարիտա Սադոյանը, լրագրող Հերմինե Մկրտչյանը, իրավաբան Արայիկ Պապիկյանը, իրավաբան Գեղամ Սիմոնյանը, երգչուհի Մարգարիտա Խլղաթյանը և այլ գործիչներ։

Տես նաև խմբագրել

Ծանոթագրություններ խմբագրել

↑ ^1,0 ^1,1 ^1,2 «Ազգային ժողովրդավարական բևեռ» կազմակերպության հռչակագիրն ու հիմնադիրները, (արխիվացված 08․04․2022թ․)։
↑ ^2,0 ^2,1 «Ազգային ժողովրդավարական բևեռ» կազմակերպության խորհրդի անդամներ, (արխիվացված 08․04․2022թ․)։
↑ «Ազգային ժողովրդավարական բևեռ» կազմակերպության Երևանի գրասենյակի մասին տեղեկություններ, (արխիվացված 08․04․2022թ․)։
↑ «Լոս Անջելեսի մարզի Վեն Նայս քաղաքում բացվել է Ազգային-ժողովրդավարական բևեռի գրասենյակ» հրապարակում «Սասնա ծռեր» համահայկական կուսակցության կայքում, (արխիվացված 08․04․2022թ․)։
↑ ^5,0 ^5,1 «Ազգային ժողովրդավարական բևեռ» կազմակերպությունՆ Արցախի Հանրապետության դրոշը ներկելու ակցիա է իրականացրել, (արխիվացված 08․04․2022թ․)։
↑ ^6,0 ^6,1 «Ազգային ժողովրդավարական բևեռ» կազմակերպությունՆ Արցախի Հանրապետության դրոշը ներկելու ակցիա է իրականացրել, (արխիվացված 08․04․2022թ․)։
↑ ^7,0 ^7,1 ««Մեկ պետություն՝ մեկ դրոշ». Արցախի դրոշը ներկելով վերածել են Հայաստանի դրոշի» հոդված aravot.am լրատվական կայքում, (արխիվացված 08․04․2022թ․)։
↑ ««Քաղաքացու որոշում» կուսակցությունը և «Ազգային ժողովրդական բևեռը» ևս հավաքներ են անցկացրել».
↑ Սաթենիկ, Հայրապետյան (2021 թ․ մարտի 16). ««Էրդողանիզմը և պուտինիզմը գնալով մարելու են». «Ազգային ժողովրդավարական բևեռը» Ազատության հրապարակում հանրահավաք անցկացրեց». Ազատություն. Վերցված է 2021 թ․ ապրիլի 15-ին.
↑ Հարցազրույց Հայաստան դաշինքից Հայաստանի ազգային ժողովի պատգամավոր Գեղամ Նազարյանի հետ, hraparak.am, (արխիվացված 08․04․2022թ․)։

Արտաքին հղումներ խմբագրել

[հիմնադիրներ,_հռչակագիր-1] 1,0 ^1,1 ^1,2 «Ազգային ժողովրդավարական բևեռ» կազմակերպության հռչակագիրն ու հիմնադիրները, (արխիվացված 08․04․2022թ․)։

[խորհրդի_անդամներ_2022-2] 2,0 ^2,1 «Ազգային ժողովրդավարական բևեռ» կազմակերպության խորհրդի անդամներ, (արխիվացված 08․04․2022թ․)։

[ajbever.com_Երևանի_գրասենյակ-3] «Ազգային ժողովրդավարական բևեռ» կազմակերպության Երևանի գրասենյակի մասին տեղեկություններ, (արխիվացված 08․04․2022թ․)։

[sasnatsrer.org_Լոս_Անջելեսի_գրասենյակ-4] «Լոս Անջելեսի մարզի Վեն Նայս քաղաքում բացվել է Ազգային-ժողովրդավարական բևեռի գրասենյակ» հրապարակում «Սասնա ծռեր» համահայկական կուսակցության կայքում, (արխիվացված 08․04․2022թ․)։

[ajbever.com_Արցախի_դրոշ-5] 5,0 ^5,1 «Ազգային ժողովրդավարական բևեռ» կազմակերպությունՆ Արցախի Հանրապետության դրոշը ներկելու ակցիա է իրականացրել, (արխիվացված 08․04․2022թ․)։

[sasnatsrer.org_Արցախի_դրոշ-6] 6,0 ^6,1 «Ազգային ժողովրդավարական բևեռ» կազմակերպությունՆ Արցախի Հանրապետության դրոշը ներկելու ակցիա է իրականացրել, (արխիվացված 08․04․2022թ․)։

[aravot.am_Արցախի_Հ-յան_մասին_դիրքորոշում-7] 7,0 ^7,1 ««Մեկ պետություն՝ մեկ դրոշ». Արցախի դրոշը ներկելով վերածել են Հայաստանի դրոշի» հոդված aravot.am լրատվական կայքում, (արխիվացված 08․04․2022թ․)։

[8] ««Քաղաքացու որոշում» կուսակցությունը և «Ազգային ժողովրդական բևեռը» ևս հավաքներ են անցկացրել».

[9] Սաթենիկ, Հայրապետյան (2021 թ․ մարտի 16). ««Էրդողանիզմը և պուտինիզմը գնալով մարելու են». «Ազգային ժողովրդավարական բևեռը» Ազատության հրապարակում հանրահավաք անցկացրեց». Ազատություն. Վերցված է 2021 թ․ ապրիլի 15-ին.

[hraparak.am_Արցախի_դրոշը_ներկելու_ակցիա-10] Հարցազրույց Հայաստան դաշինքից Հայաստանի ազգային ժողովի պատգամավոր Գեղամ Նազարյանի հետ, hraparak.am, (արխիվացված 08․04․2022թ․)։

[1]

[2]

[3]

[4]

[5]

[6]

[7]

[8]

[9]

[10]