Բացել գլխավոր ցանկը

Ադլեր (ռուսերեն՝ Адлер), քաղաքային շրջան Ռուսաստանի Կրասնոդարի երկրամասի Սոչի քաղաքում, հանդիսանում է Ադլերի շրջանի վարչական կենտրոնը։ Գտնվում է Սոչի քաղաքի կենտրոնից 23 կմ հարավ-արևելք, Մզիմթա գետի աջ և ձախ ափերին։ Սև ծովի ափի երկայնքով` շուրջ 17 կմ ձգվում է Կուդեպստա գետի ձախ ափից մինչև Աբխազիայի սահմանի մոտ գտնվող Փսոու գետի աջ ափը։ Երկաթուղային կայարան է, նավահանգիստ և բուժավայր։ Ադլերում է գտնվում Սոչիի օդանավակայանը։

Ադլեր
Адлер
Adler downstairs.jpg
Կոորդինատներ: 43°26′01″ հս․ լ. 39°54′58″ ավ. ե. / 43.43361° հս․. լ. 39.91611° ավ. ե. / 43.43361; 39.91611
ԵրկիրՌուսաստան Ռուսաստան
Դաշնային սուբյեկտԿրասնոդարի երկրամաս
Քաղաքային օկրուգՍոչիի քաղաքային օկրուգ
Հիմնադրված է1869 թ.
Առաջին հիշատակում1641
Տվյալ կարգավիճակում1961 թվականից
ԲԾՄ30 մետր, 7 մետր
Պաշտոնական լեզուռուսերեն
Ազգային կազմռուսներ, հայեր
Ժամային գոտիUTC+3
Հեռախոսային կոդ+7 862
Փոստային ինդեքսներ354340[1]
##Ադլեր (Սոչի) (Ռուսաստան)
Red pog.png
##Ադլեր (Սոչի) (Կրասնոդարի երկրամաս)
Red pog.png

Բովանդակություն

Պատմական ակնարկԽմբագրել

Մզիմթա գետի գետաբերանում, առաջին ռուսական ամրությունը հիմնվել է 1837 թվականի հունիսի 18-ին և գոյատևել մինչև 1854 թվականը[2]: Ամրության հարևանությամբ գտնվում էր աբխազական Լիեշ բնակավայրը, որը միջնադարում հայտնի էր, որպես Ջենովայի հանրապետության գաղութային առևտրավան` Layso անունով: Մինչ Ռուսական կայսրությանը միավորվելը, այս հողերը գտնվում էին աբախազական սաձերի Արեդբա իշխանական տոհմի կառավարման ներքո: Այդ իշխանները գետաբերանում ունեին նավակայան, որի միջոցով առևտուր էին անում Թուրքիայի հետ: Թուրքերեն լեզվով այդ տեղանքը կոչվում էր Artlar (Արտի, Արիդլեր կամ Արեդ-կիտ): Այդ անվանումն էլ ռուսերենում դարձել է Ադլեր և վերջնականապես ամրապնդվել բնակավայրի վրա[3]:

1910 թվականին, Ադլերում, ռուս ռազմական գործիչ Դանիիլ Դրաչևսկու կողմից հիմնադրվել է «Հարավային մշակաբույսեր» զբոսայգին, իսկ 1927 թվականին կազմավորվել է Ադլեր ամառանոցային ավանը, որը յոթ տարի անց վերակազմավորվել է բանվորական ավանի: 1934 թվականին, Համառուսական կենտրոնական գործադիր կոմիտեի որոշմամբ, Սոչի քաղաքին ինքնուրույն վարչա-տնտեսական միավորման արժանացնելու հետ կապված, Սոչիի շրջանի շրջկենտրոնը տեղափոխվել է գյուղ Ադլեր` պահպանելով նախկին անվանումը[4]: 1961 թվականին, Լազարևսկոյե ավանի հետ միասին, Ադլերը ընդգրկվել է Սոչի քաղաքի կազմի մեջ:

Ադլերի հիմնադրման թվական է համարվում 1869 թվականը:

Տեսարժան վայրերԽմբագրել

Ադլերն ունի բազմաթիվ հանգստյան տներ, բուժավայրեր, առողջարաններ և հյուրանոցներ: Այն զբոսաշրջության զարգացած կենտրոն է: Տեսարժան վայրերից կարելի է առանձնացնել օվկիանոսարիումը, դելֆինարիումը, Ադլերի շրջանի պատմության թանգարանը, «Հարավային մշակաբույսեր» զբոսայգին, Սոչի Պուրակը և Օլիմպիական պուրակը, որտեղ 2014 թվականին անց են կացվել ձմեռային օլիմպիական խաղերը:

Ադլերում է գտնվում Սոչիի հինգ հայկական եկեղեցիներից մեկը` Սուրբ Սարգիս եկեղեցին (1993 թ.):

ԾանոթագրություններԽմբագրել

  1. Տեղեկություններ բնակավայրի փոստային բաժանմունքի մասին «Ռուսաստանի Փոստ»-ի (Почта России) կայքում, www.russianpost.ru (ռուս.)
  2. Азаренкова А.С., Бондарь И.Ю., Вертышева Н.С. Основные административно-территориальные преобразования на Кубани (1793-1985 гг.). — Краснодар: Краснодарское книжное издательство, 1986. — С. 239. — 395 с.
  3. По другой, народно-этимологической версии название поселению дано в честь брига «Адлер».
  4. О РЕОРГАНИЗАЦИИ СОЧИНСКОГО РАЙОНА, АЗОВО-ЧЕРНОМОРСКОГО КРАЯ, В СВЯЗИ С ВЫДЕЛЕНИЕМ ГОР. СОЧИ В САМОСТОЯТЕЛЬНУЮ АДМИНИСТРАТИВНО-ХОЗЯЙСТВЕННУЮ ЕДИНИЦУ, ПОДЧИНЕННУЮ НЕПОСРЕДСТВЕННО АЗОВО-ЧЕРНОМОРСКОМУ КРАЙИСПОЛКОМУ

ԳրականությունԽմբագրել

  • Зверев К. В. Адлер. — Краснодар, 1973
  • Ерланов А. Курорт Адлер. — Краснодар, 1981