Ֆիլլախ
Ֆիլլախ (գերմ.՝ Villach), քաղաք Ավստրիայի հարավում՝ Կարինթիայի շրջանում[2], Ավստրիայի, Իտալիայի և Սլովակիայի ցամաքային սահմանին։ Մեծությամբ յոթերորդն է ամբողջ Ավստրիայում և երկրորդը՝ դաշնային Կորինթիայի շրջանի տարածքում[3]։
| Քաղաք | |||
|---|---|---|---|
| Ֆիլլախ | |||
| գերմ.՝ Villach | |||
| |||
 Ֆիլլախի համայնապատկերը | |||
| Երկիր |  Ավստրիա | ||
| Շրջան | Կարինթիա | ||
| Քաղաքապետ | Գյունթել Ալբել | ||
| Մակերես | 134.89 կմ² | ||
| ԲԾՄ | 501 մ | ||
| Խոսվող լեզուներ | գերմաներեն | ||
| Բնակչություն | 61,221 մարդ (2016) | ||
| Խտություն | 450 մարդ/կմ² | ||
| Ժամային գոտի | UTC+1, ամառը UTC+2 | ||
| Հեռախոսային կոդ | 04242 | ||
| Փոստային ինդեքս | 9500 | ||
| Փոստային դասիչ | 9500[1] | ||
| Ավտոմոբիլային կոդ | VI | ||
| Պաշտոնական կայք | villach.at(գերմ.) | ||
| |||
Ֆիլլախը կարևոր տրանսպորտ է ոչ միայն Հարավային Ավստրիայի, այլև ամբողջ Ալպ-Ադրիայի տարածաշրջանի համար։ Ըստ 2016 թվականի տվյալների՝ Ֆիլլախի բնակչությունը կազմում է 61 221 մարդ։
1997 թվականին Ֆիլլախը դարձել է Տարվա ալպյան քաղաք անվանակարգի առաջին դափնեկիր։
Աշխարհագրություն խմբագրել
Ֆիլլախը Ավստրիայի յոթերորդ խոշորագույն քաղաքն է, որը գտնվում է երկրի հարավային հատվածում՝ զբաղեցնելով ընդհանուր հաշվով 134 կմ քառակուսի տարածք։ Ծովի մակարդակից բարձրությունը կազմում է 501 մետր։
Քաղաքը տեղակայված է Դրավա գետի ափին՝ Ալպերի հովտում։ Ֆիլլախից ոչ հեռու կան մի շարք մանր ու միջին չափի լճեր, որոնցից կարելի է առանձնացնել Օսիախերզեն և Ֆակերզեն։ Ալպյան լեռների շրջակայքում գտնվելու հանգամանքը քաղաքը դարձնում է զբոսաշրջային և լեռնադահուկային կենտրոն։
Պատմություն խմբագրել
Ֆիլլախի տեղում գտնվող բնակավայրերի մասին առաջին գրավոր հիշատակումները թվագրվում են մ․թ․ա․ 4-րդ հազարամյակին։ Այնտեղ նշվում է, որ հռոմեական տիրապետության շրջանում այստեղ գոյություն է ունեցել Սանտիկում անվանումով փոքրիկ բնակավայր։
Քաղաքը վերելք է ապրել միջնադարյան ժամանակաշրջանում և արդեն 9-րդ դարում այն առևտրի նշանավոր կենտրոն էր։ Շուտով Գերմանիայի կայսր Օտտոն II-ն այն հանձնում է Բրիքսենի եպիսկոպոսությանը և վերջինս դառնում է եկեղեցական կալվածք։ Այն շարունակում է պահպանել իր եկեղեցապատկան կարգավիճակը մինչև 1759 թվականը։
1240 թվականին Ֆիլլախը ստանում է քաղաքի կարգավիճակ։ 1348 և 1690 թվականներին այստեղ տեղի են ունենում ավերիչ երկրաշարժեր, որոնք խոչընդոտում են քաղաքի բնականոն զարգացումը։ 1759 թվականին քաղաքի վերահսկողությունն անցնում է Հաբսբուրգների ձեռքը։ Նապոլեոնյան պատերազմների ընթացքում Ֆիլլախը միավորվել է Ֆրանսիական կայսրության Իլլարյան նահանգնի մեջ։
Տեսարժան վայրեր խմբագրել
Ֆիլլախի տեսարժան վայրերից կարելի է առանձնացնել՝
- Բարոկկո ոճով կառուցված Սուրբ Խաչ կաթոլիկ եկեղեցի[4][5][6]
- Սուրբ Նիկոլայոսի նեոգոթական եկեղեցի
- Լանդսկրոնի միջնադարյան ամրոց
- Կոնգրես-համալիր
Ամեն տարի քաղաքը հյուրընկալում է տասնյակ մարաթոններ և ֆեստիվալներ։ Դրանցից նշանավորներն են «Սպեկտրում» թատերական ֆեստիվալը, ջազի ֆեստիվալը և արվեստի փառատոնը։
Բնակչություն խմբագրել
Ըստ 2016 թվականի տվյալների՝ Ֆիլլախի բնակչությունը կազմում է 61 221 մարդ։ Հիմնական բնակիչները ավստրիացիներն են, որոնք խոսում են գերմաներեն լեզվի ավստրիական բարբառով։
Ծանոթագրություններ խմբագրել
- ↑ Villach, Villach, Kärnten - Austria Postcode
- ↑ Австрия // Атлас мира / сост. и подгот. к изд. ПКО «Картография» в 2009 г. ; гл. ред. Г. В. Поздняк. — М. : ПКО «Картография» : Оникс, 2010. — С. 63. — ISBN 978-5-85120-295-7 (Картография). — ISBN 978-5-488-02609-4 (Оникс).
- ↑ Филлах // Словарь географических названий зарубежных стран / отв. ред. А. М. Комков. — 3-е изд., перераб. и доп. — М. : Недра, 1986. — С. 392.
- ↑ Barbara Kienzl: Die barocken Kanzeln in Kärnten. Verlag des Kärntner Landesarchivs, Klagenfurt 1986, ISBN 3-900531-16-1, S. 402.
- ↑ Barbara Neubauer-Kienzl, Wilhelm Deuter, Eduard Mahlknecht: Barock in Kärnten — Mit einem Beitrag von Eva Berger. Universitätsverlag Carinthia, Klagenfurt 2000, ISBN 3-85378-489-5, S. 83, S. 188 f. und S. 208—210.
- ↑ Eduard Mahlknecht: Die Heiligenkreuzkirche in der Perau Villach — Kärnten. Verlag St. Peter, Salzburg 1996.
Արտաքին հղումներ խմբագրել
- Պաշտոնական կայք
- Զբոսաշրջային տեղեկատվություն(չաշխատող հղում)
- Ավստրիական տուրիզմի գրասենյակի պաշտոնական ուղեցույց
 | Վիքիպահեստն ունի նյութեր, որոնք վերաբերում են «Ֆիլլախ» հոդվածին։ |
