Օրլին Պավլով
Օրլին Պավլով (բուլղար․՝ Орлин Орлинов Павлов, ապրիլի 23, 1979, Սոֆիա, Բուլղարիա), բուլղարացի երգիչ և դերասան[1]։ Իր պրոֆեսիոնալ երաժշտական կարիերան սկսել է 1998 թվականին։
| Օրլին Պավլով | |
|---|---|
| Բնօրինակ անուն | բուլղար․՝ Орлин Павлов |
| Ծնվել է | ապրիլի 23, 1979 (45 տարեկան) Բուլղարիա, Սոֆիա |
| Երկիր |  Բուլղարիա |
| Ժանրեր | փոփ, ջազ |
| Մասնագիտություն | երաժիշտ դերասան |
| Գործունեություն | 1998-այժմ |
Կենսագրություն խմբագրել
Օրլան Պավլովը ծնվել է 1979 թվականի ապրիլի 23-ին Բուլղարիայի մայրաքաղաք Սոֆիայում՝ երաժշտի ընտանիքում։ Նրա երկու ծնողներն էլ 1960-1980-ական թվականներին եղել են օպերային երգիչներ։ Նա ավարտել է Պլովդիվի համալսարանը՝ ստանալով արվեստագետի մասնագիտական որակավորում։ Ուսանողական տարիներին Օրլինն աշխատել է, որպես թատրոնի դերասան։
2002 թվականին Օրլինը անդամակցության հրավեր է ստացել «Kaffe» փոփ խմբից։ 2005 թվականին այդ խումբը դառնում է առաջին երաժշտական խումբը, որը ներկայացնում է Բուլղարիան Եվրատեսիլ երգի մրցույթում։ Այդ տարի ամենամյա երաժշտական մրցույթն ընթանում էր Ուկրաինայի մայրաքաղաք Կիևում և Բուլղարիան գրավեց 19-րդ հորիզոնականը՝ ստանալով 49 միավոր։
2006 թվականից Օրլին Պավլովը սկսում է երգել նաև սոլո երգեր։ Այդ ժանրի առաջին կատարումը լինում է «Dreams on» ստեղծագործությունը։ Հետագայում երգիչն այս ժանրի բազմաթիվ համագործակցություններ է ունենում մի շարք այլ երաժշտական աստղերի հետ։ 2009 թվականին ընտրվել է Մանկական Եվրատեսիլ երգի մրցույթի ժյուրի (այդ տարի Բուլղարիան ամենամյա մանկական երաժշտական մրցույը հյուրընկալող երկիրն է)։ 2014 թվականին իրականացնում է իր առաջին միջազգային շրջագայությունն Ամերիկայի Միացյալ Նահանգներում։ Վերջինս համերգներ է ունենում Չիկագոյում, Լոս Անջելեսում, Լաս Վեգասում, Նյու Յորքում և Ատլանտայում։
Ծանոթագրություններ խմբագրել
- ↑ «Օրլին Պավլով». www.kinopoisk.ru (ռուսերեն). Վերցված է 2017 թ․ հոկտեմբերի 20-ին.