Իգոր Քսենոֆոնտով
Իգոր Քսենոֆոնտով (ռուս.՝ Ксенофонтов, Игорь Борисович, հունվարի 19, 1939, Եկատերինբուրգ, ՌԽՖՍՀ, ԽՍՀՄ - հունիսի 13, 1999, Կազան, Ռուսաստան). խորհրդային, ռուս գեղասահքի մարզիչ։ Եկատերինբուրգի գեղասահքի դպրոցի հիմնադիր և ղեկավար։ ՌՍՖՍՀ վաստակավոր մարզիչ[1]։
Իգոր Քսենոֆոնտով | |
---|---|
Անձնական տեղեկություն | |
Սեռ՝ | արական |
Բնօրինակ անուն՝ | ռուս.՝ Игорь Борисович Ксенофонтов |
Մասնագիտացում՝ | գեղասահքի մարզիչ, ֆուտբոլային մարզիչ և figure skating judge |
Երկիր՝ | ԽՍՀՄ և Ռուսաստան |
Ծննդյան ամսաթիվ՝ | հունվարի 19, 1939 |
Ծննդավայր՝ | Եկատերինբուրգ, ՌԽՖՍՀ, ԽՍՀՄ |
Մահվան ամսաթիվ՝ | հունիսի 13, 1999 (60 տարեկան) |
Մահվան վայր՝ | Կազան, Ռուսաստան |
Կենսագրություն խմբագրել
Ծնվել է Սվերդլովսկ քաղաքում 1939 թվականի հունվարի 19-ին՝ գիտնականների ընտանիքում։ Մանկուց տարված էր սպորտով, Սվերդլովսկի շրջանի վոլեյբոլի և գեղասահքի հավաքականների անդամ էր։
Հոր պնդմամբ՝ Քսենոֆոնտովը դպրոցից հետո սկսեց աշխատել որպես ձուլագործ, բայց 1958 թվականին որոշեց ընդունվել Օմսկի ֆիզիկական կուլտուրայի պետական ինստիտուտ։ 1962 թվականին ինստիտուտն ավարտելուց հետո Ֆիզիկական կուլտուրայի և սպորտի Սիբիրի պետական համալսարանի հեծանվավազքի և չմշկավազքի ամբիոնում աշխատել է որպես ուսուցիչ։ 1964 թվականին վերադարձել է հայրենի քաղաք, դասավանդել Ուրալի պոլիտեխնիկական ինստիտուտի ֆիզիկական կուլտուրայի և սպորտի ֆակուլտետում։ 1966 թվականին նա նշանակվել է Սվերդլովսկի մարզական հասարակությունների և կազմակերպությունների մարզային խորհրդի վերապատրաստման և սպորտի բաժնի պետի պաշտոնում։ 1968 թվականին դարձել է գեղասահքի համամիութենական կարգի դատավոր[1]։
1969 թվականի մարտի 1-ին «Юность» սպորտկոմպլեքսում ստեղծվեց մանկապատանեկան գեղասահքի դպրոց, որի տնօրենն է դառնում Իգոր Քսենոֆոնտովը։ Միևնույն ժամանակ, նա ղեկավարում է գեղասահքի տարածաշրջանային ֆեդերացիան[1]։
1981 թվականի Լեյկ Պլեյսիդիում կայացած օլիմպիադայից հետո Քսենոֆոնտովին հանձնարարվել է ստեղծել մենասահորդների խումբ։ Սպորտային բազայի հիմք է դառնում Պերվոուրալսկի սառցե պալատը։
1991 թվականից հետո Քսենոֆոնտովի սաները հանդես էին գալիս՝ ներկայացնելով Ուզբեկստանը և Ադրբեջանը։ Որպես մարզիչ աշխատել է Իսրայելը, Չինաստանը, Գերմանիան, Բուլղարիան և այլ երկրներ ներկայացնող մարզիկների հետ։
Ինչպես հայրը՝ Բ.Մ. Քսենոֆոնտովը, այնպես էլ Իգոր Քսենոֆոնտովը ԽՄԿԿ անդամ չեն հանդիսացել։
Ընտանիք խմբագրել
- Հայրը՝ Քսենոֆոնտով Բորիս Մաքսիմովիչ[2], (05.07.1914 — 15.03.1973), ինժեներ-մետալուրգ, տեխնիկական գիտությունների դոկտոր, Ուրալի պետական տեխնիկական համալսարանի պրոֆեսոր[3]
- Մայրը՝ Քսենոֆոնտովա (Սերյոգինա) Գալինա Ալեքսեևա (11.03.1915 — 19.01.2008), Ուրալի պետական հանքարդյունաբերության համալսարանի դասախոս[3]
- Քույրը՝ Քսենոֆոնտովա Տատյանա Բորիսովնա (14.11.1941 — 28.01.2002), մաթեմատիկ-ծրագրավորող
- Կինը՝ Աբրամիչևա (Սիզովա) գալինա Նիկոլաևնա (ծնվ.՝ 25.06.1946), ճարտարապետ, ԽՍՀՄ և Ռաւսատանի ճարտարապետների միության անդամ[1]
- Աղջիկը՝ Քսենոֆոնտովա Մարիա Իգորևնա (ծնվել և մահացել է 01.05.1977)
- Որդին՝ Քսենոֆոնտով Ալեքսեյ Իգորևիչ (ծնվ.՝ 18.11.1979)
- Աներ՝ Սիզով Նիկոլայ Գեորգիևիչ (09.12.1912 — 21.02.2001), պրոֆեսիոնալ վարորդ, Երկրորդ համաշխարհային պատերազմի մասնակից-հաշմանդամ
- Զոքանչ՝ Սիզովա (Վորոշիլովա) Վերա Եֆիմովնա (30.09.1915 — 31.07.1996), հաշվապահ
Սաներ խմբագրել
Իգոր Քսենոֆոնտովի սաների և դպրոցի սաների թվում են կրկնակի Աշխարհի, Եվրոպայի, Ասիայի առաջնությունների, Օլիմպիական խաղերի և ԽՍՀՄ առաջնությունների մրցանակաիրներ և հաղթողներ։
- Մարինա Կլիմովա * Նատալյա Լեբեդևա
- Մարինա Պեստովա և Ստանիսլավ Լեոնովիչ * Նատալյա Օվչիննիկովա (Կորելինա)
- Վերոնիկա Պերշինա և Մարատ Ակբարով * Լարիսա Զամոտինա
- Նատալյա Կարամիշևա և Ռոստիսլավ Սինիցին * Տատյանա Մալինինա[4]
- Յուլյա և Արդո Ռեննիկներ * Անաստասիա Գիմազետդինովա</ref>
Հիշողություն խմբագրել
Եկատերինբուրգում «Юность» սպորտկոմպլեքսի «Снежинка» սառույցի վրա ապրիլի վերջին անցկացվում է ամենամյա մրցաշար՝ ի հիշատակ Իգոր Քսենոֆոնտովի։ 2009 թվականին դրան մասնակցել են Ռուսաստանի շատ քաղաքների 300 մարզիկներ[5]։
Պարգևներ և կոչումներ խմբագրել
Ծանոթագրություններ խմբագրել
- ↑ 1,0 1,1 1,2 1,3 «Игорь Ксенофонтов. Биография». www.igorksenofontov.in. Վերցված է 2017 թ․ հունիսի 12-ին.
- ↑ «Свободная энциклопедия Урала - Ксенофонтов Б.М.». Արխիվացված է օրիգինալից 2012 թ․ փետրվարի 17-ին. Վերցված է 2009 թ․ նոյեմբերի 21-ին.
- ↑ 3,0 3,1 «Спорт на Урале - Кузьминых Евгений Иванович» (ռուսերեն). sportufo.ru. Արխիվացված է օրիգինալից 2017 թ․ հունիսի 8-ին. Վերցված է 2017 թ․ հունիսի 12-ին.
- ↑ Т.Малинина(անգլ.) Չմշկորդների միջազգային միության պաշտոնական կայքում
- ↑ «На Среднем Урале - фигуристы со всей России». Телекомпания ОТВ. 21 апреля 2009 года. Արխիվացված է օրիգինալից 2012 թ․ փետրվարի 17-ին. Վերցված է 2009 թ․ նոյեմբերի 15-ին.