Վլադիմիր Կասյան
Կասյան Վլադիմիր Սուրենի (ծնվել է մայիսի 29-ին, 1955 թվականին Շուշի, Հին Շեն), Արցախի Հանրապետության Ազգային ժողովի պատգամավոր «Ազատ հայրենիք-ՔՄԴ» կուսակցությունների դաշինքի համամասնական ցուցակով, ԱՀ Ազգային Ժողովի արտադրության և արտադրական ենթակառուցվածքների հարցերի մշտական հանձնաժողովի նախագահ, «Արցախ-Ֆրանսիա» բարեկամության շրջանակի անդամ, պետական գործիչ։
| Կասյան Վլադիմիր Սուրենի | ||
| ||
| ||
|---|---|---|
| ||
| Կուսակցություն՝ | «Ազատ հայրենիք» կուսակցություն, խմբակցություն՝ «Ազատ հայրենիք-ՔՄԴ» կուսակցությունների դաշինք | |
| Կրթություն՝ | Շուշիի մանկավարժական տեխնիկում, Ղափանի շինարարական տեխնիկում, Կիրովականի (Վանաձորի) պետական մանկավարժական ինստիտուտի Ստեփանակերտի բաժանմունքը` ընդհանուր տեխնիկական առարկաներ մասնագիտությամբ։ | |
| Ազգություն | հայ | |
| Ծննդյան օր | մայիսի 29-ին, 1955(61 տարեկան) | |
| Ծննդավայր | Շուշի, Հին շեն | |
| Քաղաքացիություն | .svg){kind=small} Ադրբեջանական ԽՍՀ և  Արցախ
| |
| Զավակներ | 5 | |
| Կայք՝ | nankr.am | |
| Պարգևներ |
«Մարտական Խաչ» 1-ին աստիճանի շքանշան, «Շուշիի ազատագրման համար»,«Վաչագան Բարեպաշտ», «Երախտագիտություն» մեդալներ | |
Կենսագրություն խմբագրել
Ծնվել է 1955 թվականին մայիսի 29-ին, Շուշիի շրջանի Հին շեն գյուղում` ծառայողի ընտանիքում։
Կրթություն
- 1972 թվականին ավարտել է Հին շենի միջնակարգ դպրոցը։
- 1972 թվականին ընդունվել և 1974 թվականին ավարտել է Շուշիի մանկավարժական տեխնիկումը։
- 1982-1984 թվականներին հեռակա կարգով սովորել է Ղափանի շինարարական տեխնիկումում։
- 1987-1992 թվականներին հեռակա կարգով սովորել է Կիրովականի (Վանաձորի) պետական մանկավարժական ինստիտուտի Ստեփանակերտի բաժանմունքը` ընդհանուր տեխնիկական առարկաներ մասնագիտությամբ։
Ծառայություն խմբագրել
- 1974-1976 թվականներին ծառայել է Խորհրդային բանակում։
Արցախյան ազգային-ազատագրական պայքարի առաջին իսկ շրջանից կամավորական ջոկատների կազմում ակտիվ մասնակցություն է ունեցել Արցախի ինքնապաշտպանական և ազատագրական մարտերին,Շուշիի ազատագրմանը և Լաչինի միջանցքի բացմանը։
Լեռնային Ղարաբաղի Հանրապետության ինքնապաշտպանության ուժերի ստեղծման առաջին իսկ օրից՝ 1992 թվականի սեպտէբերի 1-ից նշանակվել է Կենտրոնական պաշտպանական շրջանի հրամանատարի թիկունքի գծով տեղակալ։
- 1993 թվականի հունվարի 1-ից` Շուշիի պաշտպանական շրջանի Բերդաձորի 51-րդ գումարտակի հրամանատար։
Կարիերա խմբագրել
Զորացրվելուց հետո որպես ուսուցիչ աշխատել է Հին շենի միջնակարգ դպրոցում։
- 1982-1984 թվականներին աշխատել է որպես Հին շենի գյուղական խորհրդի քարտուղար։
- 1984-1986 թվականներին աշխատել է Ասկերանի գարեջրի և ոչ ալկոհոլային խմիչքների գործարանում` որպես գարեջրի արտադրամասի պետ։
- 1987-1989 թվականներին աշխատել է Ասկերանի “Ավտովազ” տեխսպասարկման կայանում որպես աշխատանքների կազմակերպիչ։
- 1989-1992 թվականներին աշխատել է ԼՂ մարզսպառմիությունում որպես առաջատար մասնագետ, ապա ուսումնական-առևտրային համալիրի տնօրեն։
- 1993 թվականին ընտրվել է Լեռնային Ղարաբաղի Հանրապետության 1-ին գումարման Գերագույն խորհրդի պատգամավոր։
- 1994-1996 թվականներին աշխատել է որպես Շուշիի շրջանի վարչակազմի ղեկավար։
- 1996-1997 թվականներին աշխատել է որպես “Արցախնավթամթերք” ՊՓԲԸ գործադիր տնօրեն։
- 1998-2007 թվականներին աշխատել է որպես Շուշիի շրջանի վարչակազմի ղեկավար։
- 2007-2010 թվականներին աշխատել է որպես ԼՂՀ կառավարության աշխատակազմի տարածքային կառավարման և տեղական ինքնակառավարման վարչության պետ։
- 2010 թվականի մայիսի 23-ի խորհրդարանական ընտրություններում ընտրվել է Լեռնային Ղարաբաղի Հանրապետության 5-րդ գումարման Ազգային ժողովի պատգամավոր մեծամասնական ընտրակարգով՝ թիվ 15 ընտրատարածքից։
Ազգային ժողովի 2010 թվականի հունիսի 10-ի առաջին նստաշրջանի նիստում ընտրվել է արտադրության և արտադրական ենթակառուցվածքների հարցերի մշտական հանձնաժողովի նախագահ։
- 2012-2020 թվականներին սեպտեբերին նշանակվել է Շուշիի շրջանի վարչակազմի ղեկավար։
- 2020 թվականի մարտի 31-ին խորհրդարանական ընտրություններում «Ազատ հայրենիք - ՔՄԴ» կուսակցությունների դաշինքի համամասնական ցուցակով ընտրվել է ԱՀ 7-րդ գումարման Ազգային ժողովի պատգամավոր, Արցախի Հանրապետության ԱԺ արտադրության և արտադրական ենթակառուցվածքների հարցերի մշտական հանձնաժողովի նախագահ։
Ընտանիք խմբագրել
Ամուսնացած է, ունի հինգ զավակ։
Պարգևներ և շքանշաններ խմբագրել
Պարգևատրվել է «Մարտական Խաչ» 1-ին աստիճանի շքանշանով (ԼՂՀ նախագահի թիվ 300 հրամանագիր 08.05.2002թ.), «Շուշիի ազատագրման համար» (ԼՂՀ նախագահի թիվ 162 հրամանագիր 08.05.2000թ.), «Վաչագան Բարեպաշտ», «Երախտագիտություն» մեդալներով, ՀՀ «Անանիա Շիրակացի» և «Արիության համար» շքանշաններով, ՀՀ «Մարտական ծառայության համար» մեդալով և մի շարք գերատեսչական մեդալներով։