Վիլյամ Միքայելյան

Վիլյամ Միքայելյան (մայիսի 20, 1956(1956-05-20), Dinuba, Թուլարե շրջան, Կալիֆոռնիա, ԱՄՆ), ամերիկահայ վիպագիր և բանաստեղծ։

Վիլյամ Միքայելյան
Ծնվել է	մայիսի 20, 1956(1956-05-20) (68 տարեկան)
Ծննդավայր	Dinuba, Թուլարե շրջան, Կալիֆոռնիա, ԱՄՆ
Մասնագիտություն	վիպասան
Քաղաքացիություն	ԱՄՆ
Ներշնչվել է Ռիչարդ Բրոտիգան և Գի դը Մոպասան
William Michaelian Վիքիպահեստում

Կենսագրություն

Ծնվել է Ֆրեզնոյից հարավ-արևելք գտնվող Կալիֆոռնիայի Դինուբա փոքրիկ քաղաքում։ Միքայելյանը մեծացել է իր ընտանիքի ֆերմայում։ 1987 թվականից սկսած ապրել է Օրեգոն նահանգի Սալեմ քաղաքում։

Նրա պատմվածքները, բանաստեղծությունները և գծանկարները տպագրվել են Միացյալ Նահանգների և Հայաստանի մի շարք պարբերականներում։ Միքայելյանի աշխատանքները հնչել են Հայաստանի հանրային ռադիոյով։ Նրա գեղարվեստական գրականությունը և բանաստեղծությունները լույս են տեսել «Արարատ» (Նյու Յորք) ամսագրում, որը նվիրված է հայկական թեմաներով գրական և պատմական թեմաներին։

Միքայելյանը նաև Նյու Յորքում Լոլա Կունդակջյանի հայկական պոեզիային նվիրված նախագծին։ 2003 թվականին հրատարակիչ Ջոն Բերբրիչի և խմբագիր Barbaric Yawp-ի հետ համատեղ սկսել է «The Conversation Continues» բաց առցանց երկխոսությունը։

Ստեղծագործական աշխատանք

Միքայելյանի աշխատանքները գրախոսները համեմատել են Ուոլթ Ուիթմենի, Ջեյմս Թյուրբերի, Սեմյուել Բեքեթի և Ֆեոդոր Դոստոևսկու աշխատանքների հետ։ Ժամանակակից մարդու վարքագծի վերլուծունթյունը, ոտնակոխ արված մարդկանց հանդեպ իր ունեցած համակրանքը, հումորը, երգիծանքը և բավականին արտահայտիչ հակապատերազմական տրամադրությունները նրա ստեղծագործությանը բնորոշ հատկանիշներն են։ Նրա պոեզիան և արձակը ռիթմիկ են և քնարական։ Միքայելյանի ստեղծագործական ոճի կազմավորման գործում կարևոր են եղել նաև Ռիչարդ Բրոտիգանը, Թոմաս Վուլֆը, Գի դը Մոպասանը և Վիլյամ Սարոյանը, որը նրա տատիկի առաջին զարմիկն է եղել։

Միքայելյանը հրատարակել է բազմաթիվ գծանկարներ։ Դրանք հիմնականում երևակայական մարդկանց դիմապատկեր են, որոնց աչքերը չափազանցված են, մեծ և արտահայտիչ, որոնք օգնում են դիտողին փոխանցել նրանց զգացմունքները։ Գծագրերի ուսումնասիրությունները ցույց են տվել, որ նրա պատկերած մարդիկ ժամանակի ընթացքում ավելի անհանգիստ և տխուր տեսք են ստացել։ Այն առավել ակնհայգտ է նրա մատիտով արած նկարներում, որոնք ուղեկցում են նրա «Երգեր և նամակներ» («Songs and Letters») ժողովածուին, որը նրա գրել է 2005 թվականին։

Կայք

Միքայելյանի «I'm Telling You All I Know» կայքը ընդարձալ արխիվ է, որտեղ ներառված են հեղինակի աշխատանքների մեծ մասի ամբողջական լիազորված տարբերակները. ինքնակենսագրական նյութեր, որոնք պատկանում են նրա կյանքի տարբեր ժամանակաշրջաններին, ակնարկներ, մեկնաբանություններ, ընտանեկան բաղադրատոմսեր և հեղինակի հարյուրավոր գծանկարներ։ Նյութը բաժանվում է առանձին բաժինների, որոնցից յուրաքանչյուրի նպատակը սահմանված է ներածությունում կամ նախաբանում։ Կայքը պարունակում է նաև ընթացիկ աշխատանքներ, որոնք ավարտվելուց հետո ներկայացվում են հանրությանը։ Հեղինակի առցանց հրապարակումների կամ այլ հրապարակումների մասին նշումները և հիմնական տեղեկությունները պահպանվում են նորությունների բաժնում։

A Listening Thing

Համառոտագիր

«A Listening Thing»-ը Սթիվեն Մոնրոյի առաջին դեմքից գրած գեղարվեստական արձակ ժանրի պատմություն է մի ամուսնալուծված տղամարդու մասին, որը պայքարում է ֆինանսական անվճարունակության և էմոցիոնալ անկայունության դեմ։ Դեռևս սիրահարված լինելով իր նախկին կնոջը՝ Մերիին և ամուր կապված իրենց որդուն՝ Մեթին, Միքայելյանի գլխավոր հերոսը պայքարում է մեղքի զգացման և ցածր ինքնագնահատականի դեմ։ Ոգևորված իր Մերիի հետ հարաբերությունները վերականգնելու և իր տաղանդը բացահայտելու հույսով՝ Սթիվենը հաճախ բախվում է զավեշտալի առօրյա խնդիրներին։ Նա բոլոր այդ խնդիրների պատճառը փնտրում է իր և հասարակության մեջ։ Վեպը հիմնականում կենտրոնանում է այն սարսափելի շաբաթվա վրա, որի վերջում Մերին և Սթիվենը գնում են վերջինիս ծեր մորը այցելելու՝ անցնելով երկար ճանապարհ։ Հոգեպես ուժասպառ անող այս ճանապարհորդությունը հանգեցնում է նրան, որ զույգը հաշտվում է։

Սոցիալական նշանակություն

Թեև ընթերցողի համար պատմությունը հետաքրքիր է իր ռոմանտիկ, հումորային տարրերի շնորհիվ, նաև Միքայելյանի կողմից իր գլխավոր և երկրորդական հերոսների նկատմամբ զգույշ վերաբերմունքի համար, սակայն գլխավոր հերոսը այստեղ փորձում է վերլուծել և հասկանալ հասարական մի շարք մտահոգություններ և խնդիրներ, որոնցից են աղքատությունը, անտունությունը, պատերազմի շարունակական ներկայությունը, հանրակրթության թերությունները և հասարակության օտարումը։ Արդյունքում պատմվածքը գերազանցում է իր «պարզ» շրջանակը և դառնում ժամանակակից դիտարկումների համառոտագիր և օգնում է հասկանալ ու զննել սեփական եսը։

Հրատարակման պատմություն

Վեպը առաջին անգամ նախատեսվում էր տպագրել 2002 թվականին։ Սակայն 2003 թվականին Միքայելյանը ինքը հրատարակեց իր աշխատությունը, երբ հրապարակայնորեն փաստագրեց գրքի պայմանական հրատարակչի հետ ունեցած դժվարությունները, պայմանագրային խախտումները և ուշացումները։ Ինքնուրույն հրատարակությունը կարելի է գտնել նրա կայքում։ Գրքի նախնական գինը եղել է 14,95 դոլար։

Ստեղծագործություն

Վեպեր

• A Listening Thing Electronic Text (2003)

Կարճ պատմվածքներ

• Among the Living and Other Stories. Musclehead Press. (2000)
• No Time to Cut My Hair Electronic Text (2002)
• Early Short Stories Electronic Text (2005)

Պոեզիա

• Winter Poems Արխիվացված 2015-10-18 Wayback Machine. San Francisco: Cosmopsis Books. 978-0-9796599-0-4 (2007)
• Another Song I Know Արխիվացված 2015-10-18 Wayback Machine. San Francisco: Cosmopsis Books. 978-0-9796599-1-1 (2007)
• Great Minds Think Alike. Poem included in the Collected Poems section of the author's website.

Թարգմանություններ

• A Map of My Heart. Yerevan, Armenia: Artasamanyan Grakanutyun. 99941-0-136-6 (2004)
• The Old Language. Yerevan, Armenia: Tigran Mets. 99941-917-1-3 (2004)

Ամենօրյա ամսագրեր

• One Hand Clapping Electronic Text (2003–2005)

Արտաքին հղումներ

• Author Site
• The Armenian Poetry Project
• Introducing William Michaelian Արխիվացված 2016-03-03 Wayback Machine
• Interview with John Berbrich Արխիվացված 2007-10-07 Wayback Machine
• "The Village in Our Blood" - fiction
• Armenian News Network - Groong Արխիվացված 2020-02-04 Wayback Machine
• Selected Armenian Literature Արխիվացված 2008-12-10 Wayback Machine