Վալերիան Գափրինդաշվիլի
Վալերիան Գափրինդաշվիլի (վրաց.՝ ვალერიან გაფრინდაშვილი, 21 դեկտեմբերի, 1888 (2 հունվարի, 1889), Քութայիս, Վրաստան, Ռուսական կայսրություն - 31 հունվարի, 1941, Թբիլիսի, Վրացական ԽՍՀ, ԽՍՀՄ), վրացի բանաստեղծ, թարգմանիչ։
Վալերիան Գափրինդաշվիլի վրաց.՝ ვალერიან ივანეს ძე გაფრინდაშვილი | |
|---|---|
 | |
| Ծնվել է | դեկտեմբերի 21 1888 (հունվարի 2 1889) |
| Ծննդավայր | Քութայիս, Քութայիսի նահանգ, Ռուսական կայսրություն[1] |
| Վախճանվել է | հունվարի 31, 1941[1] (52 տարեկան) |
| Վախճանի վայր | Թբիլիսի, Վրացական ԽՍՀ, ԽՍՀՄ |
| Գերեզման | Դիդուբեի պանթեոն |
| Մասնագիտություն | լրագրող, բանաստեղծ, թարգմանիչ և գրող |
| Քաղաքացիություն |  Ռուսական կայսրություն, .svg){kind=small} Վրաստանի Դեմոկրատական Հանրապետություն և .svg){kind=small} ԽՍՀՄ |
| Կրթություն | Քութայիսի դասական գիմնազիա և Մոսկվայի պետական համալսարանի իրավաբանական ֆակուլտետ |
| Պարգևներ |  |
| Ամուսին | Q28104343? |
 Valerian Gaprindashvili Վիքիպահեստում | |
Կենսագրություն խմբագրել
Վալերիան Գափրինդաշվիլին ծնվել է 1888 թվականի դեկտեմբերի 21-ին (1889 թվականի հունվարի 2-ին) Քութայիսում։ 1914 թվականին ավարտել է Մոսկվայի պետական համալսարանի իրավաբանության ֆակուլտետը։ Իր ստեղծագործությունները տպագրել է 1914 թվականին Ս. Գորոդեցկու «Ars» ամսագրում, վրացական տարբեր հրատարակություններում։ Եղել է վրացական «Երազային գազելներ» ամսագրի խմբագիր։
1915-1916 թվականներին Վալերիան Գափրինդաշվիլին եղել է սիմվոլիստ բանաստեղծների «Կապույտ եղջյուրներ» խմբակի հիմնադիրներից մեկը։
Խորհրդային տարիներին գրել է հեղափոխությանը («Վերադարձ դեպի հողը»), սոցիալիստական շինարարությանը նվիրված բանաստեղծություններ։
Վալերիան Գափրինդաշվիլին վրացերեն է թարգմանել ռուս (Ալեքսանդր Պուշկին, Միխայիլ Լերմոնտով, Նիկոլայ Նեկրասով, Ալեքսանդր Բլոկ), ֆրանսիացի, գերմանացի ու անգլիացի գրողների ստեղծագործություններ։ Ռուսերեն է թարգմանել Նիկոլայ Բարաթաշվիլիի բոլոր ստեղծագործությունները։
Վալերիան Գափրինդաշվիլին իր կյանքն ավարտել է ինքնասպանությամբ։
Ստեղծագործություններ խմբագրել
- Բանաստեղծությունների ժողովածու «Արևամուտ», Թիֆլիս, 1918։
- «Վրաստանի բանաստեղծները» (ռուսերեն), Թիֆլիս, 1921։
- «Բանաստեղծությունների ժողովածու», Թիֆլիս, 1926։
Ծանոթագրություններ խմբագրել
- ↑ 1,0 1,1 Гаприндашвили Валериан Иванович // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
Արտաքին հղումներ խմբագրել
- Sentimental Triolet, by Valerian Gaprindashvili Georgian Literature With Luka
 | Վիքիպահեստն ունի նյութեր, որոնք վերաբերում են «Վալերիան Գափրինդաշվիլի» հոդվածին։ |