Վազգեն Պողոսյան
Վազգեն Վոլոդյայի Պողոսյան (նոյեմբերի 1, 1951[1], Գեղհովիտ, Մարտունու շրջան, Հայկական ԽՍՀ, ԽՍՀՄ), հայ շինարար։ Տեխնիկական գիտությունների դոկտոր, պրոֆեսոր։
| Վազգեն Պողոսյան | |
|---|---|
| Ծնվել է | նոյեմբերի 1, 1951[1] (72 տարեկան) |
| Ծննդավայր | Գեղհովիտ, Մարտունու շրջան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Կոչում | պրոֆեսոր և պրոֆեսոր |
| Գիտական աստիճան | տեխնիկական գիտությունների դոկտոր |
| Մասնագիտություն | շինարար և քաղաքական գործիչ |
| Կուսակցություն | ՀՀՇ |
| Պարգևներ և մրցանակներ | |
Կենսագրություն խմբագրել
Վազգեն Պողոսյանը ծնվել է 1951 թվականի նոյեմբերի 1-ին, Գեղահովիտ (ՀՀ Գեղարքունիքի մարզ) գյուղում։ 1958-1968 թվականներին ավարտել է Գեղահովիտի միջնակարգ դպրոցը։ 1974-1979 թվականներին ավարտել է Դնեպրոպետրովսկի (Ուկրաինա) ճարտարագիտաշինարարական ինստիտուտը, ինժեներ-շինարարի մասնագիտությամբ։ 1979-1984 թվականներին աշխատել է Դնեպրոպետրովսկի, 1984-1993 թվականներին՝ Երևանի շինարարական կազմակերպություններում, 1993-1995 թվականներին՝ Հայշինմեքենայացում հատուկ պետական ձեռնարկության, 1995 թվականից՝ Երևանշին արտադրական շինմոնտաժային միավորման գլխավոր տնօրեն, 1998-2008 թվականներին «Երևանշին» ԲԲԸ գլխավոր տնօրեն[2], 2008 թվականից՝ խորհրդի նախագահ։ 2002 թվականից միաժամանակ դասավանդում է Երևանի պետական ճարտարապետաշինարարական համալսարանում։ 1993-2005 թվականներին եղել է Հայաստանի շինարարների միության նախագահ, 2005 թվականից՝ պատվավոր նախագահ։ Եղել է ՀՀ ԳԽ (1990-1995) և ԱԺ (1995-1999) պատգամավոր[3]։
Ղեկավարել է Սուրբ Գրիգոր Լուսավորիչ մայր եկեղեցու կառուցման, Երևանի օպերայի և բալետի թատրոնի, Հայֆիլհարմոնիայի մեծ համերգասրահի, Հանրապետության հրապարակի վերակառուցման և նորոգման աշխատանքները, զբաղվել տեղական հումքի վրա կոնստրուկտիվ ջերմամեկուսիչ բետոնների մշակմամբ[4]։
Հեղինակ է գիտական հոդվածների, մեկ մենագրության, ուսումնական ձեռնարկների։ Համահեղինակ է բուհական ուսումնական ձեռնարկի։
Անդամակցություն խմբագրել
- Ճարտարապետների միջազգային միության պատվավոր անդամ
- Հայկական տեխնոլոգիաների ակադեմիայի անդամ, 2004
Պարգևներ, մրցանակներ խմբագրել
- ՀՀ Պետական մրցանակ, 2001
- Անանիա Շիրակացու մեդալ, 2004
- ՀՀ քաղաքաշինության նախարարության ոսկե մեդալ
- ՀՀ շինրարաների միության ոսկե մեդալ
- ԵՃՇՊՀ-ի ոսկե մեդալ
- Ֆրիտյոֆ Նանսենի անվան ոսկե մեդալ
- ՌԴ «Հայաստանում երկրաշարժի 15-ամյակի» հուշամեդալ
Ծանոթագրություններ խմբագրել
- ↑ 1,0 1,1 http://www.parliament.am/deputies.php?sel=details&ID=491&lang=eng
- ↑ ««Երևանշին» ընկերություն». www.yerevanshin.com. Արխիվացված է օրիգինալից 2018 թ․ նոյեմբերի 9-ին. Վերցված է 2019 թ․ ապրիլի 9-ին.
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007, էջ 347։
- ↑ «Պողոսյան Վազգեն Վոլոդյայի». nuaca.am. Վերցված է 2019 թ․ ապրիլի 9-ին.
 | Վիքիդարանն ունի նյութեր, որոնք վերաբերում են «Վազգեն Պողոսյան» հոդվածին։ |