Հայաստանի ճարտարապետության և շինարարարության ազգային համալսարան
Հայաստանի ճարտարապետության և շինարարության ազգային համալսարան, բարձրագույն ուսումնական հաստատություն Երևանում։ Ստեղծվել է 1989 թվականին՝ Երևանի պոլիտեխնիկական ինստիտուտի ճարտարապետաշինարարական, ճարտարագիտաշինական և տրանսպորտի ֆակուլտետների հիմքի վրա։ Մինչև 2000 թվականը՝ Երևանի ճարտարապետաշինական ինստիտուտ, 2000-2014 թվականներին՝ Երևանի ճարտարապետության և շինարարության պետական համալսարան։
Հայաստանի ճարտարապետության և շինարարարության ազգային համալսարան | |
---|---|
Տեսակ | համալսարան |
Միջազգային անվանում | National University of Architecture and Construction of Armenia |
Հիմնադրված է | 1921[1] |
Նախագահ | Եղիազար Վարդանյան |
Անդամակցություն | Ֆրանկոֆոնիայի համալսարանական գործակալություն[2] |
Երկիր | Հայաստան |
Տեղագրություն | Երևան |
Հասցե | Տերյան 105, Երևան, Հայաստան |
Կայք | nuaca.am |
Պատմություն խմբագրել
2014 թվականի հունվարի 23-ին ՀՀ Կառավարության որոշմամբ «Երևանի ճարտարապետության և շինարարության պետական համալսարան» պետական ոչ առևտրային կազմակերպությունը վերակազմավորվել է «Ճարտարապետության և շինարարության Հայաստանի ազգային համալսարան» հիմնադրամի[3]։
Ունի ճարտարապետության, արդյունաբերական և քաղաքացիական շինարարության, շինարարության տեխնոլոգիայի, ջրաշինարարությանյան և քաղաքային տնտեսության, տրանսպորտային շինարարության ֆակուլտետներ, ասպիրանտուրա, ատենախոսության պաշտպանության 2 մասնագիտական խորհուրդներ, հեռակա ուսուցման բաժին, գրադարան, հրատարակչություն։ Հրատարակում է «Ինժեներ» (2006 թվականից) ամսաթերթը։ ճարտարապետության ֆակուլտետին կից գործում է ճարտարապետական նախագծման կաբինետ՝ մասնագիտական գրադարանով։ Համալսարանը համագործակցում է արտերկրի շուրջ 138 գիտաճյուղական հաստատությունների հետ։ Անդամակցում է Եվրոպայի ճարտարապետական կրթության բուհերի, ԱՊՀ երկրների ճարտարապետական և շինարարական մասնագիտություններով բուհերի ընկերություններին, իտալական «Ռոմշուալ-դո դել Բիանկո Ֆոնդասիոն» կազմակերպությանը։ 2010-2011 ուսումնական տարում ԵՃՇՊՀ-ում սովորել է շուրջ 3,5 հազար ուսանող։ ԵՃՇՊՀ-ի ռեկտոր է եղել Արեստ Բեգլարյանը (1989-2006), 2006-2013 թթ. Հովհաննես Թոքմաջյանը, 2014 թվականից Գագիկ Գալստյանը։
Պատկերասրահ խմբագրել
-
Երևանի ճարտարագիտական և Երևանի ճարտարապետության և շինարարության պետական համալսարանը
-
Երևանի ճարտարապետության և շինարարարության պետական համալսարանի առաջին մասնաշենքը
Արտաքին հղումներ խմբագրել
Ծանոթագրություններ խմբագրել
- ↑ ROR Data — v1.19 — 2023. — doi:10.5281/ZENODO.7644942
- ↑ https://web.archive.org/web/20221123144401/https://www.auf.org/les_membres/nos-membres/
- ↑ ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՊԵՏԱԿԱՆ ՀԱՄԱԼՍԱՐԱՆ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆԸ «ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ» ՀԻՄՆԱԴՐԱՄԻ ՎԵՐԱԿԱԶՄԱՎՈՐԵԼՈՒ ՄԱՍԻՆ
Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ |