Վիքիպեդիա

Ֆեոդոր Վասիլև

Ֆեոդոր Ալեքսանդրովիչ Վասիլև (ռուս.՝ Фёдор Александрович Васильев, փետրվարի 10 (22), 1850[1], Գատչինա, Ցարսկոսելսկիյ ուեզդ, Սանկտ Պետերբուրգի նահանգ, Ռուսական կայսրություն - սեպտեմբերի 24 (հոկտեմբերի 6), 1873[1], Յալթա, Տավրիկյան նահանգ, Ռուսական կայսրություն), ռուս նկարիչ։

Ֆեոդոր Վասիլև
ռուս.՝ Васильев Фёдор Александрович
Ծնվել էփետրվարի 10 (22), 1850[1]
ԾննդավայրԳատչինա, Ցարսկոսելսկիյ ուեզդ, Սանկտ Պետերբուրգի նահանգ, Ռուսական կայսրություն
Վախճանվել էսեպտեմբերի 24 (հոկտեմբերի 6), 1873[1] (23 տարեկան)
Մահվան վայրՅալթա, Տավրիկյան նահանգ, Ռուսական կայսրություն
Քաղաքացիություն Ռուսական կայսրություն
ԿրթությունՍանկտ Պետերբուրգի գեղարվեստի ակադեմիա
Մասնագիտություննկարիչ
Ժանրբնանկար
Ուշագրավ աշխատանքներԹաց մարգագետին և Ղրիմի լեռներում
Ներշնչվել էԻվան Շիշկին[2] և Իվան Կրամսկոյ[2]
 Feodor Vasilyev Վիքիպահեստում

Կենսագրություն խմբագրել

Սովորել է Պետերբուրգի գծանկարչության դպրոցում, 1871 թվականին՝ Գեղարվեստի ակադեմիայում։ Վասիլևը խոր հետք է թողել ռուսական արվեստում։ Ստեղծել է ռոմանտիկ հուզականությամբ տոգորված բնանկարներ («Հոտի վերադարձը», «Անձրևից առաջ», «Ամպրոպից հետո», երեքն էլ՝ 1868-1869, Տրետյակովյան պատկերասրահ, Մոսկվա)։

 
Վերջալույս (էտյուդ), Հայաստանի ազգային պատկերասրահ

Վասիլևի ստեղծագործության համար մեծ նշանակություն է ունեցել Ի․ Ե․ Ռևցինի հետ Վոլգայով շրջագայությունը․ ստեղծել է գունանկարներ և գծանկարներ («Վոլգայի տեսարան։ եռնանավեր», 1870, Ռուսական թանգարան, Սանկտ Պետերբուրգ)։ Վերադառնալով Պետերբուրգ՝ Վասիլևը կերտել է իր նշանավոր գործերից մեկը «Ձնհալ»-ը (1871, Տրետյակովյան պատկերասրահ)։ 1871 թվականին, թոքախտով հիվանդ, տեղափոխվել է Յալթա, ուր ստեղծել է էպիկական բնույթի «Թաց մարգագետին» 1872 և վերջին՝ «Ղրիմի լեռներում» (1873, երկուսն էլ՝ Տրետյակովյան պատկերասրահ) կտավները։ Վասիլևի ստեղծած «Ձնհալ» (1871, Տրետյակովյան պատկերասրահ, Մոսկվա) ստեղծագործությունում դրսևորվել է 1860-1870-ական թվականներին ռուս բնանկարի վարպետներին բնորոշ՝ բնապատկերը ոգեշունչ, հասարակական առաջադեմ իդեալների արտահայտություն դարձնելու ձգտումը։

Ծանոթագրություններ խմբագրել

  1. ↑ 1,0 1,1 1,2 1,3 1,4 RKDartists (նիդերլ.)
  2. ↑ 2,0 2,1 https://arthive.com/fyodorvasilyev#:~:text=As%20an%20artist%2C%20Vasilyev%20was,the%20development%20of%20Russian%20art.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 11, էջ 292)։  
 Վիքիպահեստն ունի նյութեր, որոնք վերաբերում են «Ֆեոդոր Վասիլև» հոդվածին։


  Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։
Ստացված է «https://hy.wikipedia.org/w/index.php?title=Ֆեոդոր_Վասիլև&oldid=9825573» էջից